बुधवार 20 मार्च 2024 की दैनिक मुरली

20-03-2024 praatahmurli om shanti "baapdaada"' madhuban

“meethe bachche - tumhein gupta khushi honi chaahiye ki ham paramatma baap ki university ke student hain, bhavishya nai duniya ka varsa paane ke liye padh rahe hain''

prashn:- kis smriti mein sada raho to daiveegun dhaaran hote rahenge?

uttar:- ham aatma shivbaaba ki santaan hain, baba humein kaanton se phool banaane aaye hain - yahi smriti sada rahe to daiveegun dhaaran hote rahenge। padhaai aur yog par poora dhyaan rahe, vikaaron se naphrat ho to daiveegun aate jaayenge। jis samay koi vikaar vaar kare to samajhna chaahiye - main kaanta hoon, mujhe to phool banna hai।

om shanti। bachchon ki buddhi mein hai ki ham roohaani university mein baithe hain। yeh nasha hona chaahiye। ordinary reeti school mein jaise baithte hain, aise yahaan buddhu hokar nahin baithna hai। bahut bachche jaise buddhu hokar baithte hain। yaad rehna chaahiye - yeh oonch te oonch parampita paramatma ki university hai। unke ham student hain। to tumhaare mein kitni falak honi chaahiye। yeh hai gupta khushi, gupta gyaan। har ek baat gupta hai। kaiyon ko yahaan baithe bhi baahar ke gande khyaalaat aate rehte hain। yahaan tum padhte ho bhavishya nai duniya ka varsa paane ke liye। to tumko kitni khushi honi chaahiye। daiveegun bhi hone chaahiye। bhal yahaan sab brahman hi aate hain। vahaan ki kichadpatti se to tum nikalkar yahaan aate ho। to tum bachchon ko kitna khushi mein rehna chaahiye। saari duniya is samay ganda mein padi hai। kahaan kaliyugi ganda, kahaan satayugi phulvaadi। kaliyug mein ek-do ko kaante lagaate rehte hain। tumko to ab phool banna hai। to kitni khushi rahni chaahiye। ham ab phool bante hain। yeh bageecha hai। baap ko baagvaan kaha jaata hai। baagvaan aakar kaanton ko phool banaate hain। yeh to bachchon ko samajh honi chaahiye ki ham kis prakaar ka phool ban rahe hain। yahaan bageecha bhi hai। murli sunkar phir bageeche mein jaakar phoolon se apni bhent karo। ham kaun-sa phool hain! ham kaante to nahin hain? jis samay krodh aata hai to samajhna chaahiye ki main kaanta hoon, mere mein bhoot hai। itni naphrat aani chaahiye। krodh to sabke beech mein aa jaata hai। kaam to sabke beech mein ho na sake। woh to chhipaakar karte hain। krodh to baahar mein nikal padta hai। krodh karte hain to uska asar bhi thoda din chalta hai। krodh ka bhi nasha hai, lobh ka bhi nasha hain। apne se aapehi naphrat aani chaahiye। tum samajhte ho hamko baba phool banaate hain। kaam aur krodh bahut ganda hai। manushya ki saari shobha hi ganva dete hain। yahaan shobha dikhaayenge tab vahaan bhi shobha paayenge। baba roz bachchon ko samjhaate rehte hain ki daiveegun dhaaran karo। svarga mein chalna hai na। yeh lakshmi-naaraayan kitne gunvaan hain। mahima bhi inke aage jaakar gaate hain - ham neench, paapi, kaami hain। aap sarvagun sampanna ho। tum samjhaate bhi ho svarga hai phoolon ka bageecha aur narka hai kaanton ka jangal। shivbaaba svarga sthaapan karte, raavan narka banaate hain। vichaar karna chaahiye ham aatma baap ki santaan hain। hamaare mein gand kahaan se aaya? agar gand hoga to baap ka naam badnaam karenge। krodh karenge to goya baap ki ninda karaayenge। krodh ka bhoot aaya aur baap ko bhoole। baap ki yaad ho to koi bhi bhoot aaye hi nahin। agar kisi ki dil ko duhkh pahunchaate hain to woh bhi asar pad jaata hai। ek baar krodh kiya to 6 maas tak sabki buddhi mein rehta hai ki yeh krodhi hai। phir dil se utar jaata hai। baapdaada ki dil se bhi utar jaata hai। yeh daada bhi vishwa ka maalik bante hain, ismen bhi zaroor khoobiyaan hongi। parantu koi ki takdeer mein nahin hai to tadveer karte nahin। kitni sahaj tadveer hai, sirf baap ko yaad karo to aatma svachchha ban jaayegi। aur koi upaay nahin hai। is samay raajarishi to koi hai nahin, raajayog sikhlaane vaala ek hi baap hai। manushya, manushya ko sudhaar na saken। baap aakar sabko sudhaarte hain। jo bilkul achhi tarah sudhar jaate hain, woh satayug mein pahle-pahle aate hain। to koi bhi gandi aadat hai to chhodni chaahiye। padhaai par, yog par poora dhyaan dena chaahiye। yeh bhi jaante hain sab to ek jaise oonch nahin banenge। parantu baap to purooshaartha karaayenge। jitna ho sake purooshaartha kar oonch pad paao। nahin to kalpa-kalpaantar nahin pa sakenge। baba baar-baar samjhaate rehte hain ki baap ko yaad karo to kichda nikal jaaye। woh sannyaasi to hathayog sikhlaate hain। aise mat samajhna ki hathayog se tanduroosti achhi hoti hai, woh kabhi beemaar nahin padte। nahin, woh bhi beemaar padte hain। bhaarat mein jab lakshmi-naaraayan ka raajya tha to sabki aayu badi thi, healthy-wealthy the। ab to sab bilkul chhoti aayu vaale hain। bhaarat ko aisa kisne banaaya? yeh koi jaante nahin। bilkul ghor andhiyaare mein hain। tum kitna bhi samjhaao parantu unhon ko samjhaana bada mushkil hai। phir bhi gareeb saadhaaran hi samajhne ki koshish karte hain। yahaan koi lakhapti hai kya? aaj ka laakh bhi badi baat nahin hai। aaj lakhapti to bahut hain। unhein bhi baba saadhaaran kehte hain। aaj to karodapti ki baat hai। shaadiyon par bhi kitna kharcha karte hain। tum bachchon ko bada yukti se samjhaana hai jo kisko teer lag jaae। bade-bade aadmi koi em.pi. aadi aate hain to bahut khush hote hain। parantu ek mein bhi taakat nahin jo aavaaj kar sake। tum samjhaate ho parantu yathaartha poora samajhkar nahin jaate hain। oonch te oonch bhagwan, oonch te oonch yeh varsa। lakshmi-naaraayan ko kisne yeh svarga ka varsa diya? yeh kahaan ke rahvaasi hain? yeh bahuton ko pata nahin padta hai। museum mein aate bahut hain, samajhne ke liye। seva ka chance achha hai parantu yog hai nahin। baap ko yaad karen to praphullata bhi aaye। ham kiski santaan hain। kitne bachche kaaydesir padhte nahin hain। baap se yog hai nahin। sampoorn to koi bana nahin hai। nambarvaar hain। bachchon ko ekaanta mein baith baap ko yaad karna hai। aise baap se ham svarga ka varsa paate hain। is duniya mein ham hi sabse patit bane hain, phir hamko hi paavan banna hai। yeh achhi reeti yaad karna hai। baap har prakaar ki raay to dete hain - aise-aise karo। jaise queen Victoria ka vajeer gareeb tha, road ki light par (batti par) padh-padh kar oonch pad pa liya। shauk tha। yeh bhi gareebon ke liye hai। baap hai gareeb nivaaj। saahookaar kya bhagwan ko yaad kar sakenge। kahenge hamaare liye to svarga yahaan hi hai। are, baba ne svarga ki sthaapna ki nahin hai। ab kar rahe hain। baap ko yaad karo, paavan to zaroor banna hai। bachchon ko yukti rachni hai - kaise kisko samjhaayen ki bhaarat ka praacheen yog sivaae parampita paramatma ke koi sikhla nahin sakte। hathayog hai nivritti maarga vaalon ke liye। baap samjhaate rehte hain jab kiska kalyaan hona hoga to phir likhenge bhi aise। abhi deri hai to kiski buddhi mein aata nahin hai।

tumhaari hai yeh eeshvareey mission। tumhein manushyon ko devta banaane ki seva karni hai। duniya mein to anek prakaar ki maten nikalti rehti hain, to unka kitna show hota hai। andhashraddha kitni hai। raat-din ka farka hai। tum braahmanon mein bhi raat-din ka farka hai। koi to kuchh bhi jaante nahin। hai bahut sahaj, apne ko aatma samjho, baap ko yaad karo to paap kat jaayenge। daiveegun dhaaran karo to aise ban jaayenge। dhindhora pitvaate raho। deh-abhimaan na ho to dholak gale mein daal sabko bataate raho ki baap aaya hai। kehte hain mujhe yaad karo to tum patit se paavan ban jaayenge। yeh ghar-ghar mein sandesh dena hai। sabhi par kat (junk) chadhi hui hai। tamopradhaan duniya hai, sabko baap ka paigaam zaroor pahunchaana hai। pichhaadi mein tumhaari vaah-vaah niklegi। kahenge kamaal hai inhon ki! itna jagaaya parantu ham jage nahin। jo jage unhonne paaya, jo soye unhonne khoya। baap baadshaahi dene aate hain phir bhi kho lete hain। service ki yuktiyaan rachni chaahiye। baap aaya hai kehte hain maamekam yaad karo to vikarma vinaash honge, pavitra ban pavitra duniya ka maalik ban jaayenge। yaad nahin karenge to paap katenge nahin। koi bhi kat na rahe tab oonch pad pa sakte ho। nahin to pad bhi kam, sajaayen bhi khaayenge। service ki achhi margin hai। chitra saath mein le jaane se service kar sakenge। chitra aise achhi reeti banaane chaahiye jo kharaab na hon। yeh chitra bahut achhi cheej hain। baaki models to khilaune hain। bade-bade aadmiyon ke bade-bade chitra hote hain। hazaaron varsha bhi chalte hain। tumhaare yeh 6 chitra kaaphi hain। bolo, yeh srishti ka chakra kaise phirta hai - ham aapko samjhaayenge। is chakra ko yaad karne se tum chakravarti raaja banenge। badge bhi bahut achha hai। parantu inki value bachchon ke paas nahin hai। is par bhi tum samjhaate raho to bhi tumhaari kamaai bahut hogi। yeh badge to aisa hai jo chhaati se latka rahe। yeh baba is brahma dvaara yeh varsa dete hain। train mein bhi chakra lagaate yeh samjhaate raho। chhote bachche bhi kar sakte hain। tumko koi mana nahin kar sakte। yeh badge aisi cheez hai, heere-javaahar, phal-phool, mahal sab kuchh ismen merge hai। parantu bachchon ki buddhi mein nahin aata hai। baba ne bahut baari samjhaaya hai - chitra saath mein zaroor ho। tumko koi ulta-sulta bhi bolenge। shreekrishna ko bhi gaali mili na - bhagaate the, yeh karte the। lekin unko bhi patraani banaaya na। vishwa ka maalik bankar phir aise kaam thode hi karenge। is gyaan mein nasha bahut hona chaahiye। ham chaahte hain jaldi vinaash ho jaae। phir kehte hain abhi to baba saath hai। baba ko chhod denge to phir baba 5 hajaar varsha ke baad milega। aise baba ko ham kaise chhoden। baba se to ham padhte rahen। yeh hai braahmanon ka oonche te ooncha janma। aisa baap jo hamko raajaai de raha hai, phir to ham unse milenge nahin। parantu ganga par rahne vaalon ko itna kadar nahin rehta। baahar vaale kitna mahatva rakhte hain। yahaan bhi baahar vaale kurbaan jaate hain। agar yog ka bal nahin hai to kisi par bhi samjhaane ka asar nahin hota, kuchh bhi samajhte nahin। aate bahut hain, likhte hain aise-aise samjhaaya, kehte hain bahut achha hai। baba samajhte hain suna aise jaise suna hi nahin। jara bhi samjha nahin। baap ko hi nahin jaana hai। agar kuchh samjhe to aise baap se connection to rakhe, chitthi likhe। jhat tumse poochhe ki tum aise baap ko chitthi kaise likhte ho, bataao। shivbaaba care of brahma। ekdam likhne lag pade। yeh to rath hai na। parantu jyaada keemat to unki hai jo ismen pravesh karte hain।

service karte-karte bahut bachchon ke gale thak jaate hain। parantu yog nahin hai to teer nahin lagta hai। isko bhi drama kahenge। baba ko jaan liya to phir baba se milne bigar rah nahin sakenge। train mein bhi yogayukta ho aayen, ham jaate hain baba ke paas। jaise vilaayat se aate hain to stri, baal bachche sab yaad aate hain। yeh to ham kiske paas jaate hain! to raaste mein kitni khushi honi chaahiye। service karte-karte aana chaahiye। baba hai saagar, dekhte hain bachche follow kar rahe hain। gyaan ki lahren uthti hain to dekh-kar khush hote hain। yeh to bahut achha sapoot bachcha hai। savere yaad ki yaatra mein bahut phaayda hai। aise bhi nahin, sirf subah ko yaad karna hai। uthte-baithte khaate-peete yaad kiya, service ki to tum yaatra par ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ki dil ko duhkhi nahin karna hai। andar koi bhi bhoot hai to jaanch karke use nikaalna hai, phool ban sabko sukh dena hai।

2) ham gyaan saagar ke bachche hain to andar gyaan ki lahren sada uthti rahen। service ki yuktiyaan rachni hain, train mein bhi service karni hai। saath-saath paavan banne ke liye yaad ki yaatra par bhi rehna hai।

vardaan:- yaad aur seva ke balance dvaara baap ki madad ka anubhav karne vaale blessing ki paatra aatma bhav

jahaan yaad aur seva ka balance arthaat samaanta hai vahaan baap ki vishesh madad anubhav hoti hai। yeh madad hi aasheervaad hai kyonki baapdaada anya aatmaon ke muaaphik aasheervaad nahin dete। baap to hai hi ashareeri, to baapdaada ki aasheervaad hai sahaj, svatah madad milna jisse jo asambhav baat hai woh sambhav ho jaae। yahi madad arthaat aasheervaad hai। aisi aasheervaad ki paatra aatmaayen ho jo ek kadam mein padmon ki kamaai jama ho jaati hai।

slogan:- sakaash dene ke liye avinaashi sukh, shanti va sachche pyaar ka stock jama karo।