मंगलवार 19 मार्च 2024 की दैनिक मुरली

19-03-2024 praatahmurli om shanti "baapdaada"' madhuban

“meethe bachche - ghadi-ghadi baap aur varse ko yaad karo, baap roohaani surgeon tumhein nirogi banne ki ek hi dava bataate - bachche, mujhe yaad karo''

prashn:- apne aapse kaun-si baaten karo to bahut maja aayega?

uttar:- apne aapse baaten karo - in aankhon se jo kuchh dekhte hain yeh to sab khatma ho jaana hai। bas, ham aur baba hi rahenge। meetha baba hamko svarga ka maalik bana dete hain। aisi-aisi baaten karo। ekaanta mein chale jaao to bahut maja aayega।

om shanti। parampita shiv bhagvaanuvaach। meethe-meethe bachchon ko purooshottam sangamayug kadam-kadam par yaad rehna chaahiye। yeh bhi tum bachche hi jaante ho, so bhi nambarvaar purooshaartha anusaar। yeh buddhi mein yaad rahe - ham abhi purooshottam sangamayug par purooshottam ban rahe hain। aur yeh jo raavan ka pinjada hai, unse baba hamko chhutkaara dilaane aaya hai। jaise koi panchhi ko pinjade se nikaala jaata hai to woh bahut khush hokar udkar sukh paate hain। tum bachche bhi jaante ho yeh raavan ka pinjada hai, anek prakaar ke duhkh hi duhkh hain। ab baap aaye hain is pinjade se nikaalne ke liye। hain to manushya hi। shaastron mein likh diya hai devtaaon aur asuron ki ladaai lagi phir devtaaon ne jeeta। ab ladaai ki to baat hi nahin। tum abhi asur se devta ban rahe ho। aasuri raavan arthaat 5 vikaaron par tum jeet paate ho, na ki raavan sampradaay par। 5 vikaaron ko hi raavan kaha jaata hain। baaki kisko jalaane aadi ki baat nahin hai। tum bachche bade khush hote ho। abhi ham aisi duniya mein ja rahe hain, jahaan na garmi hai, na sardi। sadaiv basanta ritu hi rehti hai। satayug svarga ki basanta ritu ab aati hai। yeh basanta ritu to thode samay ke liye aati hai। woh basanta ritu to tumhaare liye aadhaakalpa ke liye aati hai, vahaan garmi aadi hoti nahin hai। garmi se bhi manushyon ko duhkh hota hai। mar padte hain। in sabhi duhkhon ki baaton se chhootne ke liye hamko avinaashi surgeon bahut sahaj davaai dete hain। us surgeon ke paas jaayenge to anek davaaiyaan aadi yaad aayengi। yahaan is surgeon ke paas to koi davaai nahin। unko sirf yaad karne se sab rog chhoot jaate hain aur davaai aadi kuchh bhi nahin hai।

bachche kehte the aaj seminar karenge - chart kaise likhna chaahiye? baba ko kaise yaad karna chaahiye? is par seminar karenge। ab baap to takleeph nahin dete hain ki baithkar likho। kaagaj kharaab karo। jaroorat hi nahin rehti। baap to sirf kehte hain buddhi mein baap ko yaad karo। agyaan kaal mein baap ko yaad karne ke liye chart banaaya jaata hai kya! ismen likhaapdhi karne ki koi jaroorat nahin। baap ko kehte hain - baba, ham aapko bhool jaate hain। koi sune to kya kahenge? kehte bhi hain ham jeete ji baap ke bane hain। kyon bane hain? baap se vishwa ki baadshaahi ka varsa lene। phir aise baap ko tum bhoolte kyon ho? aisa baap, jisse itna bhaari varsa milta hai unko tum yaad nahin kar sakte ho! itna baar tumne varsa liya hai phir bhi bhool jaate ho। baap se varsa lena hai to yaad bhi karna hai, daiveegun bhi dhaaran karne hain। likhna kya hai? yeh to har ek apni dil se poochhe, naarad ka bhi misaal hai। khud kehte hain bada bhakta tha। tum bhi jaante ho janma-janmaantar ke ham puraane bhakta hain। ham meethe baap ko yaad kar kitna khush hote hain। jo jitna yaad karte hain vahi lakshmi-naaraayan ko varne laayak banenge। koi gareeb ka bachcha jaakar saahookaar ki god leta hai to kitna khush hota hai। baap ko aur property ko hi yaad karte hain। yahaan to bahut hain jinko behad ke baap ka bachcha ban raajaai lene ka bhi akla nahin aata hai। wonderful baat hai। jo baap svarga ka maalik banaate hain, unko yaad nahin kar sakte hain। baap bachchon ko adopt karte hain। aise baap ko yaad na karna yeh to wonderful baat hai। ghadi-ghadi baap aur property yaad aani chaahiye।

baap kehte hain - meethe-meethe sikeeldhe bachchon, tumne bulaaya hi hai adopt karne ke liye। baap ko bulaaya jaata hai na। baap hi svarga ki sthaapna karte hain। svarga ka varsa dete hain। tum pukaarte bhi ho - baba, ham patiton ko aakar god mein lo। aapehi kehte ho ham patit, kangaal, chhi-chhi, worth not A penny hain। behad ke baap ko tum bhakti maarga mein pukaarte rehte ho। ab baap kehte hain bhakti maarga mein bhi tumko itna duhkh nahin tha। abhi manushyon ko kitna duhkh hai। baap aaya hai to zaroor vinaash ka bhi samay hoga। tum jaante ho is ladaai ke baad phir kitne janma, kitne varsha, ladaai ka naam hi nahin rahega। kabhi ladaai lagegi nahin। na koi duhkh rog aadi ka naam hoga। abhi to kitni dher beemaariyaan hain। baap kehte hain - meethe bachchon, ham tumko sabhi duhkhon se chhuda denge। tum yaad hi karte ho - he bhagwan, aakar duhkh haro, sukh-shanti do। yeh do cheejen har ek maangate hain। yahaan hai ashaanti। shanti ke liye jo raay dete hain unhon ko prize milti rehti hai। bichaaron ko maaloom hi nahin ki shanti kisko kaha jaata hai। shanti to meethe baap ke sivaae aur koi dvaara mil na sake। kitni tum mehnat karte ho - samjhaane ki। phir bhi samajhte hi nahin। tum government ko bhi likh sakte ho - muphta kyon paise barbaad karte ho? shanti ka saagar to ek hi baap hai, vahi vishwa mein shanti sthaapan karte hain। government ke heads ko achhe-achhe kaagaj par royalty se chitthi likhni chaahiye। koi achha kaagaj dekhkar samajhte hain ki shaayad yeh kisi bade aadmi ki chitthi hai। bolo, vishwa mein shanti jo tum kehte ho, aage kab hui hai, jo phir us prakaar mile? zaroor kabhi mili hogi। tumko maaloom hai, tum tithi taareekh sab likh sakte ho। baap ne hi aakar vishwa mein shanti-sukh sthaapan kiya tha। woh satayug ka samay tha। yeh lakshmi-naaraayan hain dynasty ki nishaani। brahma aur tum braahmanon ke part ka kisko pata nahin hai। mukhya part to brahma ka hai na। vahi rath bante hain। jis rath dvaara baap itna kaarya karte hain। naam hi hai padmaapadma bhaagyashaali rath। vichaar karo - kaise kisko samjhaayen? manushyon ko kitna nasha hai। ab tumko baap ka hi parichay dena hai। gyaan to hai hi sirf gyaan saagar baap ke paas। woh jab aaye tab aakar de, tab tak gyaan to koi de na sake। bhakti to sab bhakta karte hi rehte hain। gyaan ek hi baap dete hain। gyaan ka sthaai pustak koi banta nahin। gyaan to kaanon se hi sunna hota hai। yeh kitaab aadi jo tum rakhte ho yeh sab tempory hain। yeh bhi sab khatma ho jaayenge। tum notes likhte ho yeh bhi khatma ho jaane hain। yeh sirf apne purooshaartha ke liye hain। baap kehte hain topics ki list banaao to yaad aayega parantu yeh to jaante ho yeh pustak aadi kuchh bhi nahin rahenge। tumhaari buddhi mein sirf yaad hi chal padegi। aatma bilkul baap jaisi bharpoor ho jaati hai। baaki jo bhi puraani cheejen in aankhon se dekhte ho, woh bhi khatma ho jaayengi। pichhaadi mein kuchh bhi rehna nahin hai।

baap avinaashi surgeon hai। aatma bhi avinaashi hai। ek shareer chhod doosra leti hai। din-pratidin jo bhi shareer milta hai, chhi-chhi hi milta hai। abhi tum bachche jaante ho ham shreshthaachaari ban rahe hain। baap hi banaate hain। saadhu-santa aadi thode hi banaate hain। baap tumko shreshthaachaari banaate hain। baba kehte - meethe bachche, main tumhein apne naynon par bithaakar le jaaoonga। aatma bhi yahaan naynon par baithti hai। baap kehte hain he aatmaayen tum sabko nihaal kar le jaaoonga। baaki thoda samay hai। ab mehnat karo। apni dil se poochho - main sweet baba ko kitna yaad karta hoon? heer-raanjha ka vikaar ke liye lav nahin tha। shaareerik pyaar tha। yaad karte the aur saamne aa jaata tha। donon aapas mein mil jaate the। baap kehte hain tum bhi aise bano। woh hai ek janma ke aashik-maashook, tum ho janma-janmaantar ke। yeh baaten is samay hi hoti hain। aashik-maashook ka akshar bhi svarga mein nahin hai। woh bhi pavitra rehte hain। mansa mein hi khyaal aate hain, saamne dekha aur khush hue। tum bachchon ko dekhne ki to koi cheez nahin। is samay tum sirf apne ko aatma samjho aur maashuk baap ko yaad karo। aatma samajh baap ko bahut khushi se yaad karna hai। baap samjhaate rehte hain bhakti maarga mein tum aise aashik the, maashuk par kurbaan jaate the। aap aayenge to he maashuk ham tum par vaari jaayenge। ab maashuk aaya hua hai, sabko gora banaane। jo jaisa hai aisa banaane ki koshish karte hain। tum gora bante ho to shareer bhi gora banega। aatma mein hi khaad padti hai। ab tum mujhe yaad karo to khaad nikal jaayegi। yahaan tum bachche aate ho, ekaanta bahut achhi hai। paadri log bhi paidal karte hain, ekdam silence mein rehte hain। maala haath mein rehti hai। koi ko dekhte bhi nahin hain। dheere-dheere chalte jaate hain। vo log Christ ko yaad karte rahenge। baap ko to jaante hi nahin। mere liye to kah dete naam-roop se nyaara hai। ab bindi hai to dekhenge kya! bindi ko kaise yaad karen, kisko pata nahin। tumko abhi maaloom pada hai to tum yahaan aate ho। madhuban ka to gaayan hai। yeh hai sachcha-sachcha madhuban, jahaan tum aate ho। jitna ho sake tum ekaanta mein yaad mein raho। kisko bhi dekho nahin। oopar chhaten to padi hain। baba ki yaad mein savere chhat par chale jaao, bada maja aayega। koshish karo raat ko ek-do baje jaagne ki। tum neend ko jeetne vaale mashhoor ho। raat ko jaldi so jaao। phir 1-2 baje uthkar chhat par ekaanta mein yaad ki yaatra karte raho। bahut jama karna hai। baap ko yaad karte baap ki mahima karne lag jaao। aapas mein bhi yahi raay karte raho। baba kitna meetha hai, unko yaad karne se hi paap katenge। yahaan bahut jama kar sakte hain। yeh chance bhi yahaan achha milta hai। ghar mein to tum kar nahin sakenge। phursat hi kahaan rehti hai। duniya ka vibration vaataavran bahut kharaab rehta hai। vahaan itni yaad ki yaatra nahin hogi। ab ismen likhne ki bhi kya baat hai। aashik-maashuk likhte hain kya! andar mein dekho hamne kisko duhkh to nahin diya? kitne ko yaad dilaaya? yahaan ham aate hain jama karne to yahaan koshish karo, oopar chhaton par ekaanta mein jaakar baitho। khajaana jama karo। yeh samay hai hi jama karne ka। 7 roz 5 roj aate ho, murli sunkar jaae ekaanta mein baitho। yahaan to ghar mein baithe ho। baap ko yaad karo to kuchh tumhaara jama ho jaae। bahut maataayen baandheliyaan hain। yaad karti hain - shivbaaba bandhan se chhudaao। vikaar ke liye kitna maarte hain। khel dikhaaya hai na - dropdi ke cheer hare। tum sab dropdiyaan ho na। to baap ko yaad karte rehna hai। baba yukti to bahut batlaate hain। ismen snaan aadi ki bhi baat nahin rehti। haan paakhaana (latrine mein) jaana hota to snaan zaroori hai। manushya to snaan ke samay bhi kisi devta ya bhagwan ko yaad karte hain। mukhya baat hai hi yaad ki। gyaan to bahut mila hua hai। 84 ke chakra ka gyaan hai। apne andar mein baithkar dekho। apne se poochho - aisa meetha-meetha baba jo hamko svarga ka maalik banaate hain unko saare din mein kitna yaad kiya? man bhaagta to nahin? kahaan bhaagega, duniya to hai nahin। yeh sab khatma ho jaana hai, ham aur baba hi rahne vaale hain। aise-aise andar mein baaten karo to phir bahut maza aayega। yahaan jo bhi aate hain woh bahut puraane bhakta hain, jo nahin aate woh samjho ki aajkal ke bhakta hain। woh deri se aayenge। shuru se bhakti karne vaale zaroor baap se varsa paane aayenge। yeh gupta mehnat hai। jo dhaarna nahin karte hain unse kuchh bhi mehnat hoti nahin। yahaan tum aate hi ho refresh hone। apne se mehnat karo। ek haphte mein tum itna maal ikattha kar sakte ho jo vahaan 12 maas mein nahin। yahaan 7 roz mein saari kasar nikaal sakte ho। baba raay dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ekaanta mein baith baap ko yaad kar kamaai jama karni hai। apne andar check karna hai - yaad ke samay man bhaagta to nahin hai? ham kitna samay sweet baap ko yaad karte hain?

2) sada isi khushi mein rehna hai ki humein baba ne raavan ke pinjade se mukta kar diya, abhi ham aisi duniya mein ja rahe hain jahaan na garmi hai, na sardi। jahaan sada hi basanta ritu hai।

vardaan:- mere ko tere mein parivartan kar bephikra baadshaah banne vaale khushi ke khajaane se bharpoor bhav

jin bachchon ne sab kuchh tera kiya vahi bephikar rehte hain। mera kuchh nahin, sab tera hai…jab aisa parivartan karte ho tab bephikar ban jaate ho। jeevan mein har ek bephikar rehna chaahta hai, jahaan phikar nahin vahaan sada khushi hogi। to tera kahne se, bephikar banne se khushi ke khajaane se bharpoor ho jaate ho। aap bephikar baadshaahon ke paas anginat, akhut, avinaashi khajaane hain jo satayug mein bhi nahin honge।

slogan:- khajaanon ko seva mein lagaana arthaat jama ka khaata badhaana।