शनिवार 30 मार्च 2024 की दैनिक मुरली

30-03-2024 praatahmurli om shanti "baapdaada"' madhuban

meethe bachche - “praan daan dene vaala baap hai, woh knowledge aisi dete hain jisse praan daan mil jaata hai, aise praan daan dene vaale baap ko pyaar se yaad karo''

prashn:- kis aadhaar par 21 janmon tak tumhaare sab bhandaare bharpoor rehte hain?

uttar:- sangamayug par tum bachchon ko jo knowledge milti hai, yeh source oph income hai। is padhaai ke aadhaar se sab bhandaare bharpoor ho jaate hain। is padhaai se 21 janmon ki khushi mil jaati hai। aisi koi cheez nahin, jiske praapti ki ichchha rahe। baba knowledge ka daan aisa dete hain, jisse aatma kya se kya ban jaati hai।

om shanti। bhagvaanuvaach - saaligraam samajhte hain shivbaaba hamko padhaane aate hain। bachche jaante hain vahi srishti ke aadi-madhya-ant ko jaante hain। bachchon ko ab koi nai baat nahin lagti। samajh mein aa gaya hai। manushya to sab bhoole hue hain। jisne padhaaya, unke badle pahle number mein padhne vaale ka naam daal diya hai। tumko padhte-padhte yeh baat siddha karni hai। bhaarat ke shaastron ki hi baat hai aur dharma ke shaastron ki nahin। bhool hi bhaarat ke shaastron ki hai। tumhaare sivaae yeh baat aur koi siddha nahin kar sakta। bachche jaante hain yeh anaadi drama hai, phir bhi repeat hoga। tum manushyamaatra ko sudhaarne ka purooshaartha karte ho। manushya jab sudharte hain to duniya hi sudhar jaati hai। satayug hai sudhri hui nai duniya aur kaliyug hai ansudhri hui puraani duniya। yeh bhi tum bachche achhi reeti samajhte ho aur dhaaran kar samjhaane laayak bhi bante ho। ismen badi refineness chaahiye। baba tumko kitna refine kar samjhaate hain, sudhaarte hain। baap kehte hain jab tum sudhar jaate ho phir mujhe sudhaarne ki jaroorat nahin rehti। tum an-aarya ban pade the, ab aarya arthaat devi-devta banna hai। so to satayug mein hi honge। woh sab sudhre hue the, ab ansudhrele unki pooja karte hain। yeh kiski buddhi mein nahin aata ki ham unko kyon sudhrele kehte hain? hain sab manushya, jo sudhrele aarya the vahi sab ansudhrele bane hain। aarya aur an-aarya। baaki woh jo aarya samaaj hai, woh math-panth hai। yeh sab jhaad se clear samajh sakte hain। yeh hai manushya srishti ka jhaad, iski aayu 5 hajaar varsha hai। iska naam kalpa vriksha hai। parantu kalpa vriksha akshar se manushyon ki buddhi mein jhaad nahin aata hai। tumko jhaad ke roop mein samjhaaya hai। woh kah dete kalpa laakhon varsha ka hai। baap kehte 5 hajaar varsha ka hai। aur koi kitni aayu sunaate, koi kitni। poora samjhaane vaala koi hai nahin। aapas mein kitna shaastravaad karte hain। tumhaari to yeh roohrihaan hai, tum seminar karte ho, isko roohrihaan kaha jaata hai। prashn-uttar samajhne ke liye bhi karte hain। baba jo kuchh tumko sunaate hain, usse hi topic nikaal tum sunaate ho। vo log kya sunaate hain, yeh bhi tum jaakar suno। phir aakar sunaana chaahiye ki is prakaar ka vaad-vivaad chalta hai।

pahle to yeh samjhaana hai ki geeta ka bhagwan kaun? bhagwan baap ko bhoolne kaaran bilkul chat khaate mein aa gaye hain। tum bachchon ka to baap se love hai। tum baba ko yaad karte ho। bas, baba hi praan daan dene vaala hai। knowledge ka daan aisa dete hain jo kya se kya ban jaate hain। to baap par lav rehna chaahiye। baba hamko aisi-aisi nai baat sunaate hain। ham shreekrishna ko kitna yaad karte hain, woh kuchh deta hi nahin। shreenaaraayan ko yaad karte hain, yaad karne se kuchh hota hai kya? ham to kangaal ke kangaal hi rah gaye। devtaayen kitne solvent the। ab sabhi artificial cheezen ho gai hain। jiska daam nahin, unka aaj daam ho gaya hai। vahaan anaaj aadi ke daam ki baat hi nahin। sabko apni-apni property aadi hai, koi apraapta vastu nahin, jiske praapti ki ichchha rahe। baba kehte hain - main tumhaara bhandaara bharpoor kar deta hoon। tumko aisi knowledge deta hoon jisse tumhaara bhandaara bhar jaata hai। tumhaari buddhi mein hai knowledge is source oph income। knowledge hi sab kuchh hai। is padhaai se tum kitna oonch bante ho! padhaai ka bhandaar hai na। woh teachers padhaate hain, unse alpakaal ka sukh milta hai। is padhaai se tumko 21 janma ka sukh milta hai। tum bachchon ko bahut khushi honi chaahiye। yeh samajhne mein time lagta hai। jaldi koi samajh na sake। koton mein koi nikalta hai। aadhaakalpa sabhi manushya ek-do ko giraate hi aaye hain। chadhaane vaala ek baap hai। behad ki padhaai padhaane vaale ke badle padhne vaale ka naam daal diya hai। duniya in baaton ko nahin jaanti। kehte hain - bhagvaanuvaach, padhaakar gaye। phir unka koi shaastra rehta nahin। satayug mein koi shaastra hai nahin। yeh sab hain bhakti maarga ke shaastra। kitna bada jhaad hai। bhakti ki yeh anek taal-taaliyaan na ho to jhaad ka naam bhi na rahe। yeh sab dhaarna karne ki baaten hain। tum dhaarna karte ho। padhaane vaala to padhaakar gum ho jaata hai। padhne vaale aakar vishwa ke maalik bante hain। kitni nai baaten hain। ek bhi baat koi ki buddhi mein baithti nahin hai। student bhi tum sab nambarvaar ho, koi paas hote, koi fail hote। yeh hai behad ka bada imtahaan। tum jaante ho ham abhi achhi tarah padhenge to kalpa-kalpaantar achha padhenge। achha padhne vaale hi oonch pad paate hain। nambarvaar sab jaayenge। saara class transfer hota hai। nambarvaar jaakar baithte hain, yeh gyaan bhi aatma mein hai। achha va bura sanskaar aatma mein hai। shareer to mitti hai। aatma nirlep ho nahin sakti। 100 percent satopradhaan aur 100 percent tamopradhaan kaun hain - yeh bhi tum samajhte ho। pahle to gareebon ko uthaana pade। woh pahle aayenge। guruon ke bhi achhe-achhe ananya shishya jab aayenge tab un sabki buddhi khulegi। dekhenge yeh to hamaare hi patte nikalte jaate hain। yahaan ke jo honge woh to nikal aayenge। baap aakar naya jhaad shuru karte hain। jo aur-aur dharmon mein jaakar pade hain, woh sab lautenge। phir bhi apne bhaarat mein hi aayenge। bhaaratvaasi hi the na। hamaari daal ke jo hain woh sab aa jaayenge। aage chalkar tum sab samajhte jaayenge। ab baahar se sabko dhakka milta jaata hai। jahaan-jahaan baahar vaale hain unko bhagaate rehte hain। samajhte hain - yeh bahut dhanvaan ho gaye hain। yahaan vaale gareeb ho gaye hain।

pichhaadi mein sabko apne-apne dharma mein jaana hota hai। aakhir sab apne-apne ghar taraph bhaagenge। vilaayat mein koi marta hai to unko bhaarat mein le aate hain kyonki bhaarat hai first class pavitra bhoomi। bhaarat mein hi nai duniya thi। is samay isko vaais-les world nahin kah sakte। yeh hai vicious world isliye bulaate hain - he patit-paavan aao, aakar hamko paavan banaao। bhal duniya to yahi hai parantu is samay duniya mein koi paavan to hai nahin। paavan aatmaayen mool vatan mein hain। woh hai brahm mahtatva। sab paavan bankar vahaan jaayenge। phir nambarvaar aayenge part bajaane। aadi sanaatan devi-devta dharma ka yeh foundation hai। phir teen tube nikalti hain। yeh to devta dharma hai। yeh koi tube nahin hai। pahle yeh foundation phir 3 tubes nikalti hain। mukhya hain 4 dharma। sabse achha dharma hai yeh brahman dharma। inki bahut mahima hai। heere jaisa tum yahaan bante ho। baap tumko yahaan padhaate hain। to tum kitne bade ho। devtaaon se bhi tum brahman bade knowledgeful ho। wonder hai na। ham jo knowledge lete hain woh hamaare saath chalti hai। phir vahaan knowledge ko hi bhool jaate hain। tum jaante ho pahle ham kya padhte the, ab ham kya padhte hain। aai.si.S. vaale kya padhte hain aur baad mein kya padhte hain। farka to hai na। aage chalkar tum bahut nai points sunenge। abhi nahin bataayenge। part hi aage sunne ka hai। buddhi mein rehta hai - knowledge ka part jab poora hona hoga tab ham bhi us samay baba ke gyaan ko dhaaran kar lenge। phir hamaara part svarga mein shuru ho jaayega। unka part poora ho jaayega। buddhi mein bahut achhi dhaarna chaahiye। simran karte raho, baap ko yaad karte raho। yaad nahin hogi to kam pad paayenge। baap ko yaad karte-karte shareer ka bhaan nikal jaayega। sanyaasi bhi is avastha ka abhyaas karte-karte shareer chhod dete hain। parantu unhon ka raasta alag hai, isliye unko phir janma lena padta hai। followers samajhte hain woh brahm mein leen ho gaya phir vaapis aa nahin sakta। baap samjhaate hain vaapis koi bhi ja nahin sakte। pichhaadi mein sab actors jab stage par aayenge tab phir ghar jaayenge। woh hai had ka vinaashi naatak, yeh hai behad ka avinaashi naatak। tum achhi tarah samjha sakte ho, yeh drama joon misal chalta hai। woh to phir chhote-chhote drama banaate hain। jhoothi film banaate hain। unmein thodi achhi baaten hoti hain jaise vishnu avatran dikhaate hain। aise nahin, oopar se koi utar aata hai। lakshmi-naaraayan part bajaane aate hain। baaki oopar se koi nahin aate hain। ab tum bachchon ko baap padhaate hain। tab yeh baaten tum sab samajh sakte ho। pahle tum bhi tuchchha buddhi the। jab baap ne samjhaaya hai tab tumhaare kapaat khul gaye hain। itna samay jo kuchh suna woh koi kaam ka nahin tha aur hi girte gaye isliye tum sabse likhvaate ho। jab likhkar deven tab samjha jaaye - kuchh buddhi mein baitha hai। baahar se aate hain, form bharaate hain to maaloom pade hamaare kul ka hai। mool baat hai baap ko jaanna। samjhen ki barobar kalpa-kalpa baap hamko padhaate hain। yeh poochhna hai - kab se pavitra bane ho? jaldi nahin sudharte। ghadi-ghadi maaya pakad leti hai। dekhti hai - kachcha hai to hap kar leti hai। kai mahaarthiyon ko bhi maaya hap kar gai। shaastron mein bhi misaal abhi ke hain। mandir mein bhi ghode savaar, mahaarthi, pyaade aadi dikhaate hain। tum ab apna yaadgaar dekhte ho। jab tum ban jaayenge to bhakti ud jaayegi। tum kisko maatha nahin tek sakte ho। tum poochhenge yeh kahaan gaye? inki biography bataao। baba ne tum bachchon ko knowledgeful banaaya hai tab tum poochhte ho, to nasha rehna chaahiye। paas with honour 8 hote hain। yeh bahut bada imtahaan hai। apne ko dekhna hai - hamaari aatma pavitra bani hai? battery bharegi tab jab yog hoga। baap se yog hoga to satopradhaan banenge। tamopradhaan aatma vaapis nahin ja sakti hai।

yeh bhi drama hai। vahaan duhkh dene vaali koi cheez nahin hai। gaayen bhi sundar hain। shreekrishna ke saath gaayen kitni sundar dikhaate hain। bade-bade aadmi ka furniture bhi sundar। gaayen achha doodh deti hain, tab to doodh ki nadiyaan bahti hain। ab yahaan nahin hain। abhi tum knowledgeful ban gaye ho। is duniya ko tum tuchchha samajhte ho। inka saara kichda svaaha hona hai। phir saara kichda nikal sab svachchha ban jaayenge। ham apni raajdhaani mein jaate hain। unka naam hai svarga। sunte hi khushi hoti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is an-sudhri puraani duniya ko sudhaarne ke liye svayan ko sudhaarna hai, apni buddhi ko baap ki yaad se refine banaana hai।

2) aapas mein roohrihaan karni hai, vaad-vivaad nahin। knowledge ka daan de sarva ka bhandaara bharpoor karna hai।

vardaan:- svamaan ki seat par sthit ho shaktiyon ko order pramaan chalaane vaale vishaal buddhi bhav

apni vishaal buddhi dvaara sarva shaktiyon roopi sevaadhaariyon ko samay par kaarya mein lagaao। jo bhi title direct paramatma dvaara mile hue hain, uske nashe mein raho। svamaan ki sthiti roopi seat par set raho to sarva shaktiyaan seva ke liye sada haazir anubhav hongi। aapke order ke intajaar mein hogi। to vardaan aur varse ko kaarya mein lagaao। maalik ban, yogayukta ban yuktiyukta seva sevaadhaariyon se lo to sada raazi rahenge। baar-baar arji nahin daalenge।

slogan:- koi bhi kaarya shuru karne ke pahle vishesh yeh smriti emerge karo ki saphalta mujh shreshtha brahman aatma ka janma siddha adhikaar hai।