शुक्रवार 29 मार्च 2024 की दैनिक मुरली

29-03-2024 praatahmurli om shanti "baapdaada"' madhuban

“meethe bachche - vichaar saagar manthan karne ki aadat daalo, ekaanta mein subah-subah vichaar saagar manthan karo to anek nai-nai point buddhi mein aayengi''

prashn:- bachchon ko apni avastha first class banaani hai to kin-kin baaton ka sada dhyaan rahe?

uttar:- 1- ek baap jo sunaate hain vahi suno, baaki is duniya ka kuchh bhi nahin suno। 2- sang ki sambhaal rakho। jo achhi reeti padhte hain, dhaarna karte hain unka hi sang karo to avastha first class ho jaayegi। kai bachchon ki avastha ko dekh baba ko khyaal aata ki drama mein kuchh parivartan ho jaaye parantu phir kehte - yeh bhi raajdhaani sthaapan ho rahi hai।

om shanti। ek hi behad ka baap, behad ke bachchon ko baith samjhaate hain va padhaate hain। baaki manushya jo kuchh padhte hain, sunte hain woh tumko sunna, padhna kuchh bhi nahin hai kyonki yeh to samajh gaye ho - ek hi yeh eeshvareey padhaai hai, jo abhi tumhein padhni hai। tumko sirf ek eeshvar se hi padhna hai। baap jo padhaaye, sikhaaye - orally padhna hai। woh to anek prakaar ki kitaab likhte hain, jo saari duniya padhti hai। kitni dher kitaaben padhte honge। sirf tum bachche hi kehte ho ek se hi suno aur vahi auron ko sunaao kyonki unse jo kuchh sunenge usmein hi kalyaan hai। baaki dher kitaabe hain। nai-nai nikalti rehti hain। tum jaante ho righteous to ek baap hi sunaate hain। bas, unse hi sunna hai। baap to bachchon ko bahut thoda samjhaate hain, usko detail mein samjhaakar phir bhi ek hi baat par aa jaate hain। bhal manamnaabhav akshar baba right kehte hain parantu baba ne aise kaha nahin hai। baap to kehte hain apne ko aatma samjho, mujh baap ko yaad karo aur srishti ke aadi-madhya-ant ka gyaan jo sunaata hoon woh dhaaran karo। yeh bhi tum jaante ho, ham jo devta bante hain vahi phir vriddhi ko paate hain। bachchon ko mool vatan bhi yaad hai phir nai duniya bhi yaad hai।

pahle hai oonche te ooncha baap। phir yeh nai duniya, jismen yeh lakshmi-naaraayan oonche te oonch raajya karne vaale hain। chitra to zaroor chaahiye। to woh baaki nishaani rah gai hai। yahi ek chitra hai। raam ka bhi hai parantu raam raajya ko heaven nahin kahenge। woh hai hi semi। ab oonch te oonch baap padha rahe hain। ismen kitaab aadi ki koi jaroorat nahin hai। yeh kitaab aadi kuchh bhi chalni nahin hai, jo doosre janma mein padh saken। yeh padhaai is janma ke liye hi hai। yeh amraktha bhi hai। nar se naaraayan banne ki shiksha bhi baap dete hain nai duniya ke liye। bachche 84 ke chakra ko bhi jaan gaye hain। yeh padhaai ka samay hai। buddhi mein manthan chalna chaahiye। tumko auron ko bhi padhaana hai। savere uth vichaar saagar manthan karna hai। savere hi vichaar saagar manthan achha hota hai। jo samjhaane vaale honge unhon ka hi manthan hoga। topics, points aadi nikalti hain। bhakti ki baaten janma-janmaantar suni। yeh gyaan janma-janmaantar nahin sunenge। yeh baap ek baar sunaate hain, phir yeh knowledge tumko bhi bhool jaati hai। bhakti maarga ki kitni kitaabe hain। vilaayat se bhi aati hain। yeh sab khatma hone vaali hain। satayug mein to koi kitaab aadi ki darkaar nahin। yeh sab hai kaliyugi saamagri। yahaan jo kuchh tum dekhte ho - hospital, jel, judge aadi vahaan kuchh bhi nahin honge। woh duniya hi doosri hogi। duniya to yahi hai parantu nai aur puraani mein farka to zaroor hoga na। unko kaha jaata hai svarga। vahi duniya phir narka banti hai। mukh se kehte hain - phalaana svargavaasi hua। sannyaasi ke liye kahenge brahm mein leen hua, nirvaan gaya। parantu nirvaan mein koi jaata nahin hai। tum jaante ho yeh roodra maala kaise bani hai? roonda maala bhi hai। vishnu ki raajdhaani ki maala banti hai। ab maala ke raaz ko tum bachche hi jaante ho। nambarvaar padhaai anusaar hi maala mein piroye jaate hain। pahle-pahle yeh nishchay chaahiye। yeh eeshvareey padhaai hai। woh supreme baap aur supreme shikshak bhi hai। tumhaari buddhi mein jo knowledge hai vahi auron ko deni hai। aap samaan banaana hai। vichaar saagar manthan karna hai। akhbaaren bhi savere nikalti hain। woh common baat hai। yeh to ek-ek baat laakhon roopaye ki hai। koi achhi tarah samajhte hain, koi kam samajhte hain। samajhne aur samjhaane ke anusaar hi phir nai duniya mein pad milta hai। vichaar saagar manthan karne mein bada ekaanta chaahiye। raamteertha ke liye bataate hain - jab likhta tha, chele ko kaha do mile door ho jaao, nahin to vibration aayega।

tum ab perfect ban rahe ho। saari duniya ki hai defected buddhi। tum is padhaai se yeh lakshmi-naaraayan bante ho। kitni oonch padhaai hai! parantu nambarvaar bitha nahin sakte। pichhaadi me baithne se funk ho jaayenge, ghutka khaayenge, vaayumandal kharaab karenge। yoon to law kehta hai - nambarvaar bithaana chaahiye। parantu in sab baaton ko gud jaane, gud ki gothri jaane। yeh hai bahut oonch knowledge। tumhaari alag-alag class to nahin kar sakte। vaastav mein tumko class mein is tarah baithna chaahiye jo ang, ang se na lage। mike par to door bhi aavaaz sun sakte ho। baap kehte hain - is duniya ka tum aur kuchh bhi na suno, na padho। unhon ka sang bhi na karo। jo achhi tarah padhte hain unka hi sang karna chaahiye। jahaan achhi service hai, jaise museum aadi hain, to vahaan bahut teekhi aur yogayukta bachchiyaan chaahiye।

yeh bhi baap samjhaate hain - drama bana hua hai। kabhi-kabhi baba sochte - kuchh drama mein change ho jaaye। parantu change ho nahin sakta। yeh bana-banaaya khel hai। bachchon ki avastha ko dekh khyaal aata hai ki kuchh change ho jaaye। kya aise-aise svarga mein chalenge? phir khyaal aata hai - svarga mein to saari raajdhaani chaahiye। koi daas-daasiyaan, chandaal aadi bhi honge। drama mein kuchh change nahin ho sakti। bhagvaanuvaach - yeh drama bana hua hai, isko main bhi change nahin kar sakta hoon। bhagwan ke oopar to koi bhi hai nahin। manushya to kah dete hain - bhagwan kya nahin kar sakta! parantu bhagwan khud kehta hai - main kuchh nahin kar sakta hoon। yeh bana-banaaya khel hai। vighna padte hain, kuchh bhi nahin kar sakte। drama mein noondh hai, main kya kar sakta hoon। bahut bachchiyaan pukaarti hain - hamko nangan hone se bachaao। ab baap kya karenge। baap sirf kah denge - drama ki bhaavi। yeh to bana-banaaya drama hai। aise mat samjho bhagwan ki bhaavi। bhagwan ke haath mein hota to samjho koi ananya shareer chhod dete hain, unko bhi bacha lete। aise bahuton ko sanshay aata hai। bhagwan padhaate hain! agar bhagwan ke bachche hain to kya bhagwan bhi apne bachchon ko nahin bacha sakte! bahut ulhana dete hain। kehte hain aise saadhu log to kiske praanon ko bacha sakte hain, praan phir se aa jaate hain। chita se bhi uth jaate hain। phir kahenge eeshvar ne lauta diya, kaal le gaya, us par prabhu ne raham kiya। baap samjhaate hain - jo kuchh drama mein noondh hai vahi hota hai। baap bhi kuchh nahin kar sakta। isko kaha jaata hai drama ki bhaavi। drama ka akshar tum jaante ho। woh kahenge jo kuchh hona tha hua, phikra kaahe ka। tumko bephikra banaate hain। second by second jo kuchh hota hai drama hi samjho। aatma ne shareer chhod jaakar doosra part bajaaya। anaadi part ko tum kaise pher sakte ho! bhal abhi thodi kachchi avastha hai, thoda bahut vichaar aa jaata hai। parantu bhaavi kuchh kar nahin sakti। log bhal kya-kya bhi kahen parantu hamaari buddhi mein drama ka raaz hai। part bajaana hai। phikra ki baat nahin। jab tak kachchi avastha hai thodi-bahut lahar aati hai।

is samay tum sab padh rahe ho। tum sab dehdhaari ho, main ek videhi hoon। sab dehdhaariyon ko sikhlaata hoon। baap samjhaate hain - koi-koi samay tum bachchon ko phir yeh brahma bhi baith samjhaate hain। yeh baap ka part aur prajaapita brahma ka part wonder-full hai। yeh baap vichaar saagar manthan kar tumko sunaate rehte hain। kitni wonderful knowledge hai! kitni buddhi chalaani padti hai। baba ka vichaar saagar manthan subah ko chalta hai। tumko bhi aisa banna hai, jaisa teacher। phir bhi farka to zaroor rehta hai। teacher student ko kabhi 100 marks nahin denge। kuchh kam denge। woh hai oonche te ooncha। ham hain dehdhaari। to baba misal 100 percent kaise banenge? yeh badi guhya baaten hain। koi to sunkar dhaaran karte hain, khushi hoti hai। koi-koi kehte hain baba ki to ek hi vaani chalti hai, repetition hoti hai। ab koi naye-naye bachche aate hain to mujhe pahli point uthaani padti hain। koi nai point bhi nikal aati hain auron ko samjhaane ke liye। bachchon ko phir bhi baap ko madad karni padti hai। magazine nikaalte hain। kalpa pahle bhi aisa likha hoga। agar akhbaar nikaalen to us par bahut dhyaan dena pade। aisi koi baat na ho jo manushya padhkar naaraaz ho jaayen। magazine to tum padhte ho। koi kachchi-pakki baat hogi kahenge ab tak sampoorn nahin bane hain। accurate 16 kala sampoorn banne mein samay to lagta hai। abhi to bahut service karni hai। bahut praja banaani hai। yeh bhi baap ne samjhaaya hai - anek prakaar ki marks hain। koi nimitta hain, bahuton ko gyaan lene ke liye prabandha karte hain to unko bhi phal mil jaata hai। ab to puraani duniya hi khatma honi hai। yahaan hai alpakaal ka sukh। beemaari aadi to sabko hoti hai। baba sab baaton ka anubhvi hai। duniya ki baaten bhi samjhaate hain। baba ne kaha tha - akhbaar va magazine mein wonderful baaten likho jo samjhen ki brahmaakumaariyon ne yeh baat bilkul theek likhi hai। yeh ladaai 5 hajaar varsha pahle hoobhu lagi thi। kaise? yeh aakar samjho। tumhaara naam bhi hoga, manushya sunkar khush bhi honge। bahut badi baat hai! parantu jab kiski buddhi mein baithe। jo likhte hain unko phir samjhaana bhi hai। samjhaana nahin aata hoga isliye phir likhte bhi nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap jo sunaate va padhaate hain, vahi suno va padho। baaki kuchh bhi padhne-sunne ki darkaar nahin। sang ki bahut-bahut sambhaal rakho। savere-savere ekaanta mein baith vichaar saagar manthan karo।

2) drama ki bhaavi nishchit bani hui hai isliye sada bephikra raho। kisi bhi baat mein sanshay mat uthaao। log bhal kya bhi kahenge lekin tum drama par atal raho।

vardaan:- authority ban samay par sarvashaktiyon ko kaarya mein lagaane vaale master sarvashaktivaan bhav

sarvashaktivaan baap dvaara jo sarvashaktiyaan praapta hain woh jaisi paristhiti, jaisa samay aur jis vidhi se aap kaarya mein lagaane chaaho vaise hi roop se yeh shaktiyaan aapke sahayogi ban sakti hain। in shaktiyon ko va prabhu-vardaan ko jis roop mein chaaho woh roop dhaaran kar sakti hain। abhi-abhi sheetalta ke roop mein, abhi-abhi jalaane ke roop mein। sirf samay par kaarya mein lagaane ki authority bano। yeh sarvashaktiyaan to aap master sarvashaktivaan ki sevaadhaari hain।

slogan:- sva purushaartha va vishwa kalyaan ke kaarya mein jahaan himmat hai vahaan saphalta hui padi hai।