गुरुवार 18 अप्रैल 2024 की दैनिक मुरली

18-04-2024 praatahmurli om shanti "baapdaada"' madhuban

“meethe bachche - baap hai daata, tum bachchon ko baap se kuchh bhi maangane ki darkaar nahin, kahaavat hai maangane se marna bhala''

prashn:- kaun-si smriti sada rahe to kisi bhi baat ki chinta va chintan nahin rahega?

uttar:- jo past hua - achha va bura, drama mein tha। saara chakra poora hokar phir repeat hoga। jaisa jo purooshaartha karte, aisa pad paate hain। yeh baat smriti mein rahe to kisi bhi baat ki chinta va chintan nahin rahega। baap ka direction hai - bachche, beeti ko chitvo nahin। ulti-sulti koi bhi baat na suno, na sunaao। jo baat beet gai uska na to vichaar karo aur na repeat karo।

om shanti। roohaani bachchon prati roohaani baap baith samjhaate hain। roohaani baap ko daata kaha jaata hai। woh aapehi sab kuchh bachchon ko dete hain। aate hi hain vishwa ka maalik banaane। kaise banna hai, yeh sab kuchh bachchon ko samjhaate hain, direction dete rehte hain। daata hai na। to sab aapehi dete rehte hain। maangane se marna bhala। koi bhi cheez maangani nahin hoti hai। shakti, aasheervaad, kripa kai bachche maangate rehte hain। bhakti maarga mein maang-maang kar maatha patak saari seedhi neeche utarte aaye ho। abhi maangane ki koi darkaar nahin। baap kehte hain direction par chalo। ek to kehte hain beeti ko kabhi chitvo nahin। drama mein jo kuchh hua past ho gaya। unka vichaar nahin karo। repeat na karo। baap to sirf do akshar hi kehte hain maamekam yaad karo। baap direction athva shreemat dete hain। us par chalna bachchon ka kaam hai। yeh hai sabse shreshtha direction। koi kitne bhi prashn-uttar aadi karenge, baba to do akshar hi samjhaayenge। main hoon patit-paavan। tum mujhe yaad karte raho to tumhaare paap bhasma ho jaayenge। bas, yaad ke liye koi direction diya jaata hai kya! baap ko yaad karna hai, koi radi maarna va chillaana nahin hai। andar mein sirf behad ke baap ko yaad karna hai। doosra direction kya dete hain? 84 ke chakra ko yaad karo kyonki tumko devta banna hai, devtaaon ki mahima to tumne aadhaakalpa ki hai।

(bachche ke rone ka aavaaz hua) abhi yeh direction sabhi centres vaalon ko diye jaate hain ki bachchon ko koi bhi lekar na aaye। unhon ka koi prabandha karna hai। baap se jinhon ko varsa lena hoga woh aapehi prabandha karenge। yeh roohaani baap ki university hai, ismen chhote bachchon ki darkaar nahin। braahmani (teacher) ka kaam hai serviceable laayak jab banen tab unhon ko refresh karne ke liye le aana hai। koi bhi bade aadmi ho va chhota ho, yeh university hai। yahaan bachchon ko jo le aate hain woh yeh nahin samajhte ki yeh university hai। mukhya baat hai - yeh university hai। ismen padhne vaale bade achhe samajhdaar chaahiye। kachche bhi disturbance karenge kyonki baap ki yaad mein nahin honge to buddhi idhar-udhar bhatakti rahegi। nuksaan kar denge। yaad mein rah nahin sakenge। baal-bachche laayenge to ismen bachchon ka hi nuksaan hai। koi to jaante hi nahin ki yeh god fatherly university hai, yahaan manushya se devta banna hota hai। baap kehte hain bhal grihastha vyavhaar mein baal bachchon ke saath raho, yahaan sirf ek saptaah to kya 3-4 din bhi qaaphi hai। knowledge to bahut sahaj hai। baap ko pahchaanna hai। behad ke baap ko pahchaanne se behad ka varsa milega। kaun-sa varsa? behad ki baadshaahi। aise mat samjho, pradarshani va museum mein service nahin hoti hai। dher anginat praja banti hai। brahman kul, sooryavanshi aur chandravanshi - teenon yahaan sthaapan ho rahe hain। to yeh bahut badi university hai। behad ka baap padhaate hain। ekdam dimaag hi pur (bharpoor) ho jaana chaahiye। parantu baap hai saadhaaran tan mein। padhaate bhi saadhaaran reeti hain, isliye manushyon ko janchata nahin hai। god fatherly university phir aisi hogi! baap kehte hain main hoon gareeb nivaaz। gareebon ko hi padhaata hoon। saahookaar ko taakat nahin padhne ki। unhon ki buddhi mein to mahal maadi hi hoti hai। gareeb hi saahookaar bante hain, saahookaar gareeb banenge - yeh kaayda hai। daan kabhi saahookaaron ko diya jaata hai kya? yeh bhi avinaashi gyaan ratnon ka daan hai। saahookaar daan le nahin sakenge। buddhi mein baithega nahin। woh apni had ki rachna dhan-daulat mein hi phanse rehte hain। unhon ke liye to yahaan hi jaise svarga hai। kehte hain hamko doosre svarga ki darkaar nahin। koi bada aadmi mara to bhi kahenge svarga padhaara। aapehi kah dete hain ki yeh svarga gaya। to zaroor abhi narka thahra na। parantu itne pattharbuddhi hain jo samajhte nahin hain - narka kya hai? yeh to tumhaari kitni badi university hai। baap kehte hain jinki buddhi ko taala laga hua hai, unhon ko hi aakar padhaata hoon। baap jab aaye tab aakar taala khole। baap khud direction dete hain - tumhaari buddhi ka taala kaise khulega? baap se kuchh bhi maangana nahin hai, ismen nishchay chaahiye। kitna most beloved baba hai, jisko bhakti mein yaad karte the। jise yaad kiya jaata hai woh zaroor kabhi aayega bhi na। yaad karte hi hain phir se repeat hone ke liye। baap aakar bachchon ko hi samjhaate hain। bachchon ko phir baahar vaalon ko samjhaana hai ki kaise baba aaya hua hai। kya kehte hain? bachche, tum sab patit ho, main hi aakar paavan banaata hoon। tum aatma jo patit bani ho, ab sirf mujh patit-paavan baap ko yaad karo, mujh supreme aatma ko yaad karo। ismen kuchh bhi maangane ki darkaar nahin hai। tumne bhakti maarga mein aadhaakalpa maanga hi maanga hai, mila kuchh bhi nahin। abhi maangana banda karo। ham aapehi tumko deta rehta hoon। baap ka banne se varsa to milta hi hai। jo baalig (bade) bachche hote hain, woh jhat baap ko samajh jaate hain। baap ka varsa hai hi svarga ki baadshaahi - 21 peedhi। yeh to tum jaante ho - jab narkavaasi hain to eeshvar arth daan-punya karne se alpakaal ke liye sukh milta hai। manushya dharmaau bhi nikaalte hain। aksar karke vyaapaari log nikaalte hain। to jo vyaapaari honge woh kahenge ham baap se vyaapaar karne aaye hain। bachche baap se vyaapaar karte hain na। baap ki property lekar phir usse shraadh aadi khilaate hain, daan-punya karte hain। dharmashaala, mandir aadi banaayenge to us par baap ka naam rakhenge kyonki jisse property mili unke liye to zaroor karna chaahiye। woh bhi sauda ho gaya। woh sab hain jismaani baaten। abhi baap kehte hain beeti ko chitvo nahin। ulti-sulti koi baat suno nahin। ulte-sulte koi prashn poochhe to bolo - in baaton mein jaane ki darkaar nahin। tum pahle baap ko yaad karo। bhaarat ka praacheen raajayog naameegraami hai। jitna yaad karenge, daiveegun dhaaran karenge, utna oonch pad paayenge। yeh hai university। em-object clear hai। purooshaartha kar aisa banna hai। daiveegun dhaaran karne hain। kisko duhkh nahin dena hai, koi bhi prakaar ka। duhkh harta, sukh karta baap ke bachche ho na। so to service se maaloom padega। bahut naye-naye bhi aate hain। 25-30 varsha vaalon se 10-12 din ke teekhe ho jaate hain। tum bachchon ko phir aap samaan banaana hai। jab tak brahman na banen to devta kaise banenge। great-great grand father to brahma hai na। jo hokar jaate hain unka gaayan karte rehte hain, phir zaroor woh aayenge। jo bhi tyohaar aadi gaaye jaate hain, sab hokar gaye hain, phir honge। is samay sab tyohaar ho rahe hain - raksha bandhan aadi… sabka raaz baap samjhaate rehte hain। tum baap ke bachche ho to paavan bhi zaroor banna hai। patit-paavan baap ko bulaate hain to baap raasta bataate hain। kalpa-kalpa jisne varsa liya hai, vahi accurate chalte rehte hain। tum bhi saakshi ho dekhte ho। baapdaada bhi saakshi ho dekhte hain - yeh kahaan tak oonch pad pa sakte hain? inke characters kaise hain? teacher ko to sab maaloom rehta hai na - kitne ko aap-samaan banaate hain, kitna samay yaad mein rehte hain? pahle to buddhi mein yeh yaad rakhna chaahiye ki yeh god fatherly university hai। university hai hi knowledge ke liye। woh hai had ki university। yeh hai behad ki। durgati se sadgati, hell se heaven banaane vaala ek hi baap hai। baap ki drishti to sab aatmaon ke taraph jaati hai। sabka kalyaan karna hai। vaapis le jaana hai। na sirf tumko parantu saare world ki aatmaon ko yaad karte honge। usmein padhaate bachchon ko hain। yeh bhi samajhte ho jaise nambarvaar jo aaye hain woh phir jaayenge bhi aise। sab aatmaayen nambarvaar aati hain। tum bhi nambarvaar kaise jaayenge - woh sab samjhaaya jaata hai। kalpa pahle jo hua hai vahi hoga। yeh bhi tumko samjhaaya jaata hai - tum phir kaise nai duniya mein aayenge। nambarvaar jo nai duniya mein aate hain, unko hi samjhaaya jaata hai।

tum bachche baap ko jaanne se, apne dharma ko aur sab dharma ke saare jhaad ko jaan jaate ho। ismen kuchh bhi maangane ki darkaar nahin, aasheervaad bhi nahin। likhte hain baba daya karo, kripa karo। baap to kuchh bhi nahin karenge। baap to aaye hi hain raasta bataane। drama mein mera part hi hai sabko paavan banaane ka। aise hi part bajaata hoon, jaise kalpa-kalpa bajaaya hai। jo past hua, achha va bura, drama mein tha। chintan koi baat ka nahin karna hai। ham aage badhte rehte hain। yeh behad ka drama hai na। saara chakra poora hokar phir repeat hoga। jo jaisa purooshaartha karte hain, aisa hi pad paate hain। maangane ki darkaar nahin। bhakti maarga mein tumne athaah maanga hai। sabhi paise khalaas kar diye hain। yeh sab drama mein bana hua hai। woh sirf samjhaate hain। aadhaakalpa bhakti karte, shaastra padhte kitna kharcha hota hai। abhi to tumko kuchh bhi kharcha karne ki darkaar nahin hai। baap to daata hai na। daata ko darkaar nahin hai। woh to aaye hi hain dene ke liye। aise mat samjho ki hamne shivbaaba ko diya। are, shivbaaba se to bahut-bahut milta hai। tum yahaan lene aaye ho na। teacher ke paas student lene ke liye aate hain। us laukik baap, teacher, guru se to tumne ghaata hi paaya। ab bachchon ko shreemat par chalna hai tab hi oonch pad pa sakenge। shivbaaba hai double shri shri, tum bante ho single shri। shri lakshmi, shri naaraayan kaha jaata hai। shri lakshmi, shri naaraayan do ho gaye। vishnu ko shri shri kahenge kyonki do joint hain। phir bhi donon ko banaate kaun hain? jo ek hi shri shri hai। baaki shri shri to koi hote nahin। aajkal to shri lakshmi-naaraayan, shri seeta-raam bhi naam rakhaate hain। to bachchon ko yeh sab dhaaran karke khushi mein rehna hai।

aajkal spiritual conference bhi hoti rehti hain। parantu spiritual ka arth nahin samajhte। roohaani knowledge to sivaae ek ke koi de na sake। baap sabhi roohon ka baap hai। unko spiritual kehte hain। philosophy ko bhi spiritual kah dete hain। yeh to samajhte ho - yeh jangal hai, sab ek-do ko duhkh dete rehte hain। tum jaante ho ahinsa parmo devi-devta dharma gaaya hua hai। vahaan koi maarpeet hoti nahin। gussa karna bhi hinsa hai phir semi hinsa kaho, kuchh bhi kaho। yahaan to bilkul ahinsak banna hai। koi bhi mansa, vaacha, karmana kharaab baat nahin honi chaahiye। koi pulis aadi mein kaam karte hain to usmein bhi yukti se kaam nikaalna hai। jahaan tak ho sake pyaar se kaam nikaalna chaahiye। baba ka apna anubhav hai, pyaar se apna kaam nikaal lete hain, ismen badi yukti chaahiye। bada pyaar se kisko samjhaana hai - kaise ek ka sau guna danda padta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham duhkh harta, sukh karta baap ke bachche hain, isliye kisi ko bhi duhkh nahin dena hai। em object ko saamne rakh daiveegun dhaaran karne hain। aap samaan banaane ki seva karni hai।

2) drama ke har part ko jaante hue koi bhi beeti baat ka chintan nahin karna hai। mansa, vaacha, karmana koi kharaab karma na ho - yeh dhyaan dekar double ahinsak banna hai।

vardaan:- ek baap ko companion banaane va usi company mein rahne vaale sampoorn pavitra aatma bhav

sampoorn pavitra aatma woh hai jiske sankalp aur svapna mein bhi brahmacharya ki dhaarna ho, jo har kadam mein brahma baap ke aachran par chalne vaala ho। pavitrata ka arth hai - sada baap ko companion banaana aur baap ki company mein hi rehna। sangathan ki company, parivaar ke sneh ki maryaada alag cheez hai, lekin baap ke kaaran hi yeh sangathan ke sneh ki company hai, baap nahin hota to parivaar kahaan se aata। baap beej hai, beej ko kabhi nahin bhoolna।

slogan:- kisi ke prabhaav mein prabhaavit hone vaale nahin, gyaan ka prabhaav daalne vaale bano।