शनिवार 4 मई 2024 की दैनिक मुरली

04-05-2024 praatahmurli om shanti "baapdaada"' madhuban

“meethe bachche - baap jo sunaate hain, woh tumhaare dil par chhap jaana chaahiye, tum yahaan aaye ho sooryavanshi gharaane mein oonch pad paane, to dhaarna bhi karni hai''

prashn:- sada refresh rahne ka saadhan kya hai?

uttar:- jaise garmi mein pankhe chalte hain to refresh kar dete hain, aise sada svadarshan chakra phiraate raho to refresh rahenge। bachche poochhte hain - svadarshan chakradhaari banne mein kitna samay lagta hai? baba kehte - bachche, ek second। tum bachchon ko svadarshan chakradhaari zaroor banna hai kyonki isse hi tum chakravarti raaja banenge। svadarshan chakra phiraane vaale sooryavanshi bante hain।

om shanti। pankhe bhi phirte hain sabko refresh karte hain। tum bhi svadarshan chakradhaari ban baithte ho to bahut refresh hote ho। svadarshan chakradhaari ka arth bhi koi nahin jaante hain, to unko samjhaana chaahiye। nahin samjhenge to chakravarti raaja nahin banenge। svadarshan chakradhaari ko nishchay hoga ki ham chakravarti raaja banne liye svadarshan chakradhaari bane hain। shreekrishna ko bhi chakra dikhaate hain। lakshmi-naaraayan combined ko bhi dete hain, akele ko bhi dete hain। svadarshan chakra ko bhi samajhna hai tab hi chakravarti raaja banenge। baat to bahut sahaj hai। bachche poochhte hain - baba, svadarshan chakradhaari banne mein kitna samay lagega? bachche, ek second। phir tum bante ho vishnuvanshi। devtaaon ko vishnuvanshi hi kahenge। vishnuvanshi banne ke liye pahle to shivvanshi banna pade phir baba baith sooryavanshi banaate hain। akshar to bahut sahaj hain। ham naye vishwa mein sooryavanshi bante hain। ham nai duniya ke maalik chakravarti bante hain। svadarshan chakradhaari so vishnuvanshi banne mein ek second lagta hai। banaane vaala hai shivbaaba। shivbaaba vishnuvanshi banaate hain, aur koi bana na sake। yeh to bachche jaante hain vishnuvanshi hote hain satayug mein, yahaan nahin। yeh hai vishnuvanshi banne ka yug। tum yahaan aate hi ho vishnuvanshi mein aane liye, jisko sooryavanshi kehte ho। gyaan sooryavanshi akshar bahut achha hai। vishnu tha satayug ka maalik। usmein lakshmi-naaraayan donon hain। yahaan bachche aaye hain, lakshmi-naaraayan athva vishnuvanshi banne ke liye। ismen khushi bhi bahut hoti hai। nai duniya, nai vishwa mein, golden ej vishwa mein vishnuvanshi banna hai। isse oonch pad aur hai nahin, ismen to bahut khushi honi chaahiye।

pradarshani mein tum samjhaate ho। tumhaari em object hi yeh hai। bolo, yeh bahut badi university hai। isko kaha jaata hai roohaani spiritual university। em object is chitra mein hai। bachchon ko yeh buddhi mein rakhna chaahiye। kaise likhen jo bachchon ko samjhaane mein ek second lage। tum hi samjha sakte ho। unmein bhi likha hua hai ham vishnuvanshi devi-devta the zaroor arthaat devi-devta kul ke the। svarga ke maalik the। baap samjhaate hain - meethe-meethe bachche, bhaarat mein tum aaj se 5 hazaar varsha pahle sooryavanshi devi-devta the। bachchon ko ab buddhi mein aaya hai। shivbaaba bachchon ko kehte hain - he bachchon, tum satayug mein sooryavanshi the। shivbaaba aaya tha soorya-vanshi gharaana sthaapan karne। barobar bhaarat svarga tha। yahi poojya the, pujaari koi bhi nahin the। pooja ki koi saamagri nahin thi। in shaastron mein hi pooja ki rasma-rivaaj aadi likhi hui hai। yeh hai saamagri। to behad ka baap shivbaaba baith samjhaate hain। woh hai gyaan ka saagar, manushya srishti ka beejroop। unko vrikshapti athva brahaspati bhi kehte hain। brahaspati ki dasha oonch te oonch hoti hai। vriksha-pati tumko samjha rahe hain - tum poojya devi-devta the phir pujaari bane ho। jo devtaayen nirvikaari the phir woh kahaan gaye? zaroor punarjanma lete-lete neeche utrenge। to ek-ek akshar note karna chaahiye। dil par ya kaagaj par? yeh kaun samjhaate hain? shiv-baba। vahi svarga rachte hain। shivbaaba hi bachchon ko svarga ka varsa dete hain। baap bigar aur koi de na sake। laukik baap to hai dehdhaari। tum apne ko aatma samajh paarlaukik baap ko yaad karte ho - baba, to baba response karte hain - he bachchon। to behad ka baap ho gaya na। bachchon, tum sooryavanshi devi-devta poojya the phir tum pujaari bane। yeh hai raavan ka raajya। har varsha raavan ko jalaate hain, phir bhi marta hi nahin hai। 12 maas ke baad phir raavan ko jalaayenge। goya siddha kar dikhlaate hain ham raavan sampradaay ke hain। raavan arthaat 5 vikaaron ka raajya kaayam hai। satayug mein sabhi shreshthaachaari the, abhi kaliyug puraani bhrashtaachaari duniya hai, yeh chakra phirta rehta hai। abhi tum prajaapita brahmaavanshi sangamayug par baithe ho। tumhaari buddhi mein hai ki ham brahman hain। abhi shoodra kul ke nahin hain। is samay hai hi aasuri raajya। baap ko kehte hain - he duhkh harta, sukh karta। ab sukh kahaan hai? satayug mein। duhkh kahaan hai? duhkh to kaliyug mein hai। duhkh harta, sukh karta hai hi shivbaaba। woh varsa dete hi hain sukh ka। satayug ko sukh-dhaam kaha jaata hai, vahaan duhkh ka naam nahin। tumhaari aayu bhi badi hoti hai, rone ki darkaar nahin। samay par puraani khaal chhod doosri le lete hain। samajhte hain ab shareer boodha hua hai। pahle bachcha satoguni hota hai isliye bachchon ko brahmagyaani se oonch samajhte hain kyonki woh to phir bhi vikaari grihasthi se sannyaasi bante hain, to unko sab vikaaron ka pata hai। chhote bachchon ko yeh pata nahin rehta hai। is samay saari duniya mein raavan raajya, bhrashtaachaari raajya hai। shreshthaachaari devi-devtaaon ka raajya satayug mein tha, abhi nahin hai। phir history repeat hogi। shreshthaachaari kaun banaave? yahaan to ek bhi shreshthaachaari nahin। ismen badi buddhi chaahiye। yeh hai hi paaras buddhi banne ka yug। baap aakar pattharbuddhi se paarasbuddhi banaate hain।

kaha jaata hai sang taare kusang bore। sat baap ke sivaae baaki duniya mein hai hi kusang। baap kehte hain main sampoorn nirvikaari banaakar jaata hoon। phir sampoorn vikaari kaun banaate hain? kehte hain ham kya jaanen! are, nirvikaari kaun banaate hain? zaroor baap hi banaayenge। vikaari kaun banaate hain? yeh kisko pata nahin hai। baap baith samjhaate hain, manushya to kuchh bhi nahin jaante hain। raavan raajya hai na। koi ka baap mar jaata hai, poochho kahaan gaya? kahenge svargavaasi hua। achha, to iska matlab narka mein tha na। to tum bhi narka-vaasi thahre na। kitna sahaj hai samjhaane ki baat। apne ko koi bhi narkavaasi samajhte nahin hain। narka ko veshyaalay, svarga ko shivaalay kaha jaata hai। aaj se 5 hazaar varsha pahle in devi-devtaaon ka raajya tha। tum vishwa ke maalik mahaaraaja-mahaaraani the phir punarjanma lena pade। punarjanma sabse jaasti tumne liya hai। inke liye hi gaayan hai - aatmaayen paramatma alag rahe bahukaal। tumko yaad hai tum pahle-pahle aadi sanaatan devi-devta dharma vaale hi aaye phir 84 janma le patit bane ho, ab phir paavan banna hai। pukaarte bhi hain na - patit-paavan aao, to certificate dete hain ki ek hi satguru supreme aakar paavan banaate hain। khud kehte hain ismen baithkar main tumko paavan banaata hoon। baaki 84 laakh yoniyaan aadi hain nahin। 84 janma hain। in lakshmi-naaraayan ki praja satayug mein thi, ab nahin hai, kahaan gai? unko bhi 84 janma lena pade। jo pahle number mein aate hain vahi poore 84 janma lete hain। to phir pahle woh jaane chaahiye। devi-devtaaon ki world ki history repeat hoti hai। sooryavanshi-chandravanshi raajya must repeat। baap tumko laayak bana rahe hain। tum kehte ho ham aaye hain is paathshaala va university mein, jahaan ham nar se naaraayan bante hain। hamaari em object yeh hai। jo achhi reeti purushaartha karenge vahi paas honge। jo purushaartha nahin karenge to praja mein koi bahut saahookaar bante hain, koi kam। yeh raajdhaani ban rahi hai। tum jaante ho ham shreemat par shreshtha ban rahe hain। shri shri shivbaaba ki mat par shri lakshmi-naaraayan va devi-devta bante hain। shri maana shreshtha। ab kisko shri nahin kah sakte। parantu yahaan to jo aayega sabko shri kah denge। shri phalaana… ab shreshtha to sivaae devi-devtaaon ke koi ban nahin sakta। bhaarat shreshtha te shreshtha tha। raavan raajya mein bhaarat ki mahima hi khalaas kar di hai। bhaarat ki mahima bhi bahut hai to ninda bhi bahut hai। bhaarat bilkul dhanvaan tha, ab bilkul kangaal bana hai। devtaaon ke aage jaakar unhon ki mahima gaate hain - ham nirgun haare mein koi gun naahi। devtaaon ko kehte hain parantu woh merciful thode hi the। merciful to ek ko hi kaha jaata hai jo manushya se devta banaate hain। abhi woh tumhaara baap bhi hai, teacher bhi hai, satguru bhi hai। guarantee karte hain - mere ko yaad karne se tumhaare janma-janmaantar ke paap bhasma honge aur saath le jaaoonga। phir tumko nai duniya mein jaana hai। yeh 5 hazaar varsha ka chakra hai। nai duniya thi so phir zaroor banegi। duniya patit hogi phir baap aakar paavan banaayenge। baap kehte hain patit raavan banaate hain, paavan main banaata hoon। baaki yeh to jaise gudiyon ki pooja karte rehte hain। unko yeh pata nahin raavan ko 10 sheesh kyon dete hain? vishnu ko bhi 4 bhuja dete hain। parantu koi aisa manushya thode hi kabhi hota hai। agar 4 bhuja vaala manushya hota to usse jo bachcha paida hota woh bhi aisa hona chaahiye। yahaan to sabko 2 bhuja hain। kuchh bhi jaante nahin। bhakti maarga ke shaastra kantha kar lete hain, unhon ke bhi kitne followers ban jaate hain। kamaal hai! yeh to baap gyaan ki authority hai। koi manushya gyaan ki authority ho na sake। gyaan ka saagar tum mujhe kehte ho - almighty authority… yeh baap ki mahima hai। tum baap ko yaad karte ho to baap se taakat lete ho, jisse vishwa ke maalik ban jaate ho। tum samajhte ho hamaare mein bahut taakat thi, ham nirvikaari the। saare vishwa par akele raajya karte the to almighty kahenge na। yeh lakshmi-naaraayan saare vishwa ke maalik the। yeh might unhon ko kahaan se mili? baap se। oonch te oonch bhagwan hai na। kitna sahaj samjhaate hain। yeh 84 ke chakra ko samajhna to sahaj hai na। jisse hi tumko baadshaahi milti hai। patit ko vishwa ki baadshaahi mil na sake। patit to unhon ke aage jhukte hain। samajhte hain ham bhakta hain। paavan ke aage maatha tekte hain। bhakti maarga bhi aadhaakalpa chalta hai। abhi tumko bhagwan mila hai। bhagvaanuvaach - main tumko raajayog sikhlaata hoon, bhakti ka phal dene aaya hoon। gaate bhi hain bhagwan kisi na kisi roop mein aa jaayenge। baap kehte hain mai koi bailgaadi aadi mein thode hi aaoonga। jo oonch te oonch tha phir 84 janma poore kiye hain, unmein hi aata hoon। uttam purush hote hain satayug mein। kaliyug mein hain kanishta, tamopradhaan। abhi tum tamopradhaan se satopradhaan bante ho। baap aakar tamopradhaan se satopradhaan banaate hain। yeh khel hai। isko agar samjhenge nahin to svarga mein kabhi aayenge nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap ke sang se svayan ko paarasbuddhi banaana hai। sampoorn nirvikaari banna hai। kusang se door rehna hai।

2) sada isi khushi mein rehna hai ki ham svadarshan chakradhaari so nai duniya ke maalik chakravarti bante hain। shivbaaba aaye hain humein gyaan sooryavanshi banaane। hamaara lakshya hi yeh hai।

vardaan:- vighnon ko manoranjan ka khel samajh paar karne vaale nirvighna, vijayi bhav

vighna aana yeh achhi baat hai lekin vighna haar na khilaaye। vighna aate hi hain majboot banaane ke liye, isliye vighnon se ghabraane ke bajaae unhein manoranjan ka khel samajh paar kar lo tab kahenge nirvighna vijayi। jab sarvashakti-maan baap ka saath hai to ghabraane ki koi baat hi nahin। sirf baap ki yaad aur seva mein busy raho to nirvighna rahenge। jab buddhi free hoti hai tab vighna va maaya aati hai, busy raho to maaya va vighna kinaara kar lenge।

slogan:- sukh ke khaate ko jama karne ke liye maryaada-poorvak dil se sabko sukh do।