सोमवार 3 जून 2024 की दैनिक मुरली

03-06-2024 praatahmurli om shanti "baapdaada"' madhuban

“meethe bachche - vishwa ka maalik banaane vaale baap ko badi roochi se yaad karo, yaad se hi tum satopradhaan banenge''

prashn:- kis ek baat par poora dhyaan ho to buddhi ke kapaat khul jaayenge?

uttar:- padhaai par। bhagwan padhaate hain isliye kabhi bhi padhaai miss nahin honi chaahiye। jahaan tak jeena hai, vahaan tak amrit peena hai। padhaai mein attention dena hai, absent nahin hona hai। yahaan-vahaan se bhi dhoondhakar murli zaroor padhni hai। murli mein roz nai-nai points nikalti rehti hain, jisse tumhaare kapaat hi khul jaayenge।

om shanti। shiv bhagvaanuvaach saaligraamon prati। yeh to saare kalpa mein ek hi baar hota hai, yeh bhi tum jaante ho aur koi bhi jaan na sake। manushya is rachayita aur rachna ke aadi, madhya, ant ko bilkul hi nahin jaante। tum bachche jaante ho ki sthaapna mein vighna to padne hi hain, isko kaha jaata hai gyaan yagya। baap samjhaate hain is puraani duniya mein tum jo kuchh dekhte ho woh sab svaaha ho jaana hai। phir usmein mamatva nahin rakhna chaahiye। baap aakar padhaate hain nai duniya ke liye। yeh hai purooshottam sangamayug। yeh hai vicious aur viceless ka sangam, jabki change honi hai। nai duniya ko kaha jaata hai viceless world। aadi sanaatan devi-devta dharma hi tha। yeh to bachche jaante hain points samajhne ki hain। baap raat-din kehte rehte hain - bachche, tumko guhya te guhya baaten sunaata hoon। jahaan tak baap hai padhaai chalni hi hai। phir padhaai bhi banda ho jaayegi। in baaton ko tumhaare sivaae koi bhi nahin jaante। tumhaare mein bhi nambarvaar hain jo phir baapdaada hi jaante hain। kitne girte hain, kitni takleeph hoti hai। aise nahin sadaiv sabhi pavitra rah sakte hain। pavitra nahin rehte to phir sajaayen khaani padti hain। maala ke daane hi paas with honours hote hain। phir praja bhi banti hai। yeh bahut samajhne ki baaten hai। tum koi ko bhi samjhaao to woh samajh thode hi sakte hain। time lagta hai। so bhi jitna baap samjha sakte hain, utna tum nahin। reports aadi jo aati hain, unko baap hi jaante hain - phalaana vikaar mein gira, yeh hua…। naam to nahin bata sakte। naam bataayen to phir unse koi baat karna bhi pasanda nahin karenge। sab naphrat ki drishti se dekhenge, dil se utar jaayenge। saari ki kamaai chat ho jaati hai। yeh to jisne dhakka khaaya woh jaane ya baap jaane। yeh badi gupta baaten hain।

tum kehte ho phalaana mila, unko bahut achha samjhaaya, woh seva mein madad kar sakte hain। parantu woh bhi jab sammukh ho na। samjho governor ko tum achhi tarah samjhaate ho parantu woh thode hi kisko samjha sakenge। koi ko samjhaayenge to maanenge nahin। jisko samajhne ka hoga vahi samjhega। doosre ko thode hi samjha sakenge। tum bachche samjhaate ho ki yeh to kaanton ka jangal hai, isko ham mangal banaate hain। mangalam bhagwan vishnu kehte hain na। yeh shlok aadi sab bhakti maarga ke hain। mangal tab hota hai jab vishnu ka raajya hota hai। vishnu avatran bhi dikhaate hain। baba ne sab kuchh dekha hua hai। anubhvi hai na। sabhi dharma vaalon ko achhi tarah jaante hain। baap jis tan mein aayenge to uski personality bhi chaahiye na। tab kehte hain bahut janmon ke ant mein, jabki yahaan ka bada anubhvi hota hai, tab main inmen pravesh karta hoon। woh bhi saadhaaran, personality ka yeh matlab nahin ki raaja rajvaada ho। nahin, inko to bahut anubhav hai। inke rath mein aata hoon bahut janmon ke ant mein।

tumko samjhaana pade yeh raajdhaani sthaapan hoti hai। maala banti hai। yeh raajdhaani kaise sthaapan ho rahi hai, koi raaja-raani, koi kya bante hain। yeh sab baaten ek hi din mein to koi samajh nahin sakta। behad ka baap hi behad ka varsa dete hain। bhagwan aakar samjhaate hain so bhi mushkil thode pavitra bante hain। yeh bhi samajhne mein time chaahiye। kitni sajaayen khaate hain। sajaayen khaakar bhi praja bante hain। baap samjhaate hain - bachche, tumhein bahut-bahut meetha bhi banna hai। koi ko duhkh nahin dena hai। baap aate hi hain sabko sukh ka raasta bataane, duhkh se chhudaane। to phir khud kisko kaise duhkh denge। yeh sab baaten tum bachche hi jaante ho। baahar vaale bada mushkil samajhte hain।

jo bhi sambandhi aadi hain, un sabse mamatva tod dena hai। ghar mein rehna hai parantu nimitta maatra। yeh to buddhi mein hai ki yeh saari duniya khatma ho jaani hai। parantu yeh khyaalaat bhi kisko rehta nahin। jo ananya bachche hain woh samajhte hain, woh bhi abhi seekhne ka purooshaartha karte rehte hain। bahut fail bhi ho padte hain। maaya ki chakri bahut chalti hai। woh bhi badi balvaan hai। parantu yeh baaten aur koi ko thode hi samjha sakte। tumhaare paas aate hain, samajhna chaahte hain - yahaan kya hota hai, itni reports aadi kyon aati hai? ab in logon ki to badli hoti rehti hai to phir ek-ek ko baith samjhaana pade। phir kehte yeh to badi achhi sanstha hai। raajdhaani ke sthaapna ki baaten badi guhya gopneey hain। behad ka baap bachchon ko mila hai to kitna harshit hona chaahiye। ham vishwa ke maalik devta bante hain to hamaare mein daivi gun bhi zaroor chaahiye। em object to saamne khadi hai। yeh hai nai duniya ke maalik। yeh tum hi samajhte ho। ham padhte hain, behad ka baap jo knowledgeful hai woh hamko padhaate hain, amarpuri athva heaven mein le jaane ke liye hamko yeh knowledge milti hai। aayenge vahi, jinhonne kalpa-kalpa raajya liya hai। kalpa pahle muaaphik ham apni raajdhaani sthaapan kar rahe hain। yeh maala ban rahi hai, nambarvaar। jaise school mein bhi jo achha padhte hain unko scholarship milti hai na। woh hain had ki baaten, tumko milti hain behad ki baaten। jo tum baap ke madadgaar bante ho, vahi oonch pad paate ho। vaastav mein to madad apne ko hi karni hai। pavitra banna hai, satopradhaan the phir se banna hai zaroor। baap ko yaad karna hai। uthte, baithte, chalte baap ko yaad kar sakte ho। jo baap hamko vishwa ka maalik banaate hain, unko bahut roochi se yaad karna hai। parantu maaya chhodti nahin hai। anek prakaar ki kisma-kisma ki reports likhte hain - baba, hamko maaya ke vikalpa bahut aate hain। baap kehte hain yuddha ka maidaan hai na। 5 vikaaron par jeet paani hai। baap ko yaad karne se tum bhi samajhte ho ham satopradhaan bante hain। baap aakar samjhaate hain, bhakti maarga vaale koi bhi jaante nahin। yeh to padhaai hai। baap kehte hain tum paavan kaise banenge! tum paavan the, phir banna hai। devta paavan hain na। bachche jaante hain ham student padh rahe hain। bhavishya mein phir sooryavanshi raajya mein aayenge। uske liye purooshaartha bhi achhi reeti karna hai। saara marks ke oopar madaar hai। yuddha ke maidaan mein fail hone se chandravanshi mein chale jaate hain। unhonne phir yuddha ka naam sun teer-kamaan aadi de diye hain। kya vahaan baahubal ki ladaai thi, jo teer-kamaan aadi chalaaye! aisi koi baat hai nahin। aage baanon ki ladaai chalti thi। is samay tak bhi nishaaniyaan hain। koi-koi chalaane mein bade hoshiyaar hote hain। ab is gyaan mein ladaai aadi ki koi baat nahin hai।

tum jaante ho shivbaaba hi gyaan ka saagar hai, jinse ham yeh pad paate hain। ab baap kehte hain deh sahit deh ke sabhi sambandhon se mamatva todna hai। yeh sab puraana hai। nai duniya golden aged bhaarat tha। kitna naam mashhoor tha। praacheen yog kab aur kisne sikhaaya? yeh kisko pata nahin। jab tak khud na aakar samjhaayen। yeh hai nai cheez। kalpa-kalpa jo hota aaya hai, vahi phir repeat hoga। usmein pharka nahin pad sakta hai। baap kehte hain ab yeh antim janma pavitra rahne se phir 21 janma tumko kabhi apvitra nahin hona hai। baap kitna achhi reeti samjhaate hain phir bhi sab ekras thode hi padhte hain। raat-din ka farka hai। aate hain padhne liye phir thoda padhkar gum ho jaate hain। jo achhi reeti samajhte hain woh apna anubhav bhi sunaate hain - kaise ham aaye, phir kaise hamne pavitrata ki pratigya ki। baap kehte hain pavitrata ki pratigya kar phir ek baar bhi patit bana to ki kamaai chat ho jaayegi। phir woh andar mein khaata rahega। kisko bhi kah nahin sakenge ki baap ko yaad karo। mool baat to vikaar ke liye hi poochhte hain। tum bachchon ko yeh padhaai regular padhni hai। baap kehte hain ham tumko nai-nai baaten sunaata hoon। tum ho student, tumko bhagwan padhaate hain! bhagwan ke tum student ho। aisi oonch te oonch padhaai ko to ek din bhi miss nahin karna chaahiye। ek din bhi murli na suni to phir absent pad jaati hai। achhe-achhe mahaarthi bhi murli miss kar dete hain। woh samajhte hain ham to sab kuchh jaante hain, murli nahin padhi to kya hua! are, absent pad jaayegi, naapaas ho jaayenge। baap khud kehte hain roz aisi achhi-achhi points sunaata hoon jo samay par samjhaane mein bahut kaam aayengi। nahin sunenge to phir kaise kaam mein laayenge। jab tak jeena hai amrit peena hai, shiksha ko dhaaran karna hai। absent to kabhi bhi nahin hona chaahiye। yahaan-vahaan se dhoondhakar, koi se lekar bhi murli padhni chaahiye। apna ghamanda nahin hona chaahiye। are, bhagwan baap padhaate hain, usmein to ek din bhi miss nahin hona chaahiye। aisi-aisi points nikalti hain jo tumhaara va kisi ka bhi kapaat khul sakta hai। aatma kya hai, paramatma kya hai, kaise part chalta hai, ise samajhne mein time chaahiye। pichhaadi mein sirf yahi yaad rahega ki apne ko aatma samajh baap ko yaad karo। parantu abhi samjhaana padta hai। pichhaadi ki yahi avastha hai, baap ko yaad karte-karte chale jaana hai। yaad se hi tum pavitra bante ho। kitna bane ho so to tum samajh sakte ho। impure ko bal zaroor kam milega। mukhya 8 ratna hi hain jo paas with honour ho jaate hain। woh kuchh bhi saja nahin khaate hain। yeh badi maheen baaten hain। kitni oonchi padhaai hai। svapna mein bhi nahin hoga ki ham devta ban sakte hain। baap ko yaad karne se hi tum padmaapadma bhaagyashaali bante ho। iske saamne to woh dhandha aadi kuchh bhi kaam ka nahin hai। koi bhi cheez kaam aane vaali nahin hai। phir bhi karna to padta hi hai। yeh kabhi bhi khyaal nahin aana chaahiye ki ham shivbaaba ko dete hain। are, tum to padmaapadmapti bante ho। dene ka khyaal aaya to taakat kam ho jaati hai। manushya eeshvar arth daan-punya karte hain, lene ke liye। woh dena thode hi hua। bhagwan to daata hai na। doosre janma mein kitna dete hain। yeh bhi drama mein noondh hai। bhakti maarga mein hai alpakaal ka sukh, tum behad ke baap se behad sukh ka varsa paate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jab tak jeena hai, amrit peena hai, shikshaaon ko dhaaran karna hai। bhagwan padhaate hain, isliye ek din bhi murli miss nahin karni hai।

2) padmon ki kamaai jama karne ke liye nimitta maatra ghar mein rehte, kaam-kaaj karte ek baap ki yaad mein rehna hai।

vardaan:- prasannata ki roohaani personality dvaara sarva ko adhikaari banaane vaale gaayan aur poojan yogya bhav

jo sarva ki santushtata ka certificate lete hain woh sada prasanna rehte hain, aur isi prasannata ki roohaani personality ke kaaran naameegraami arthaat gaayan aur poojan yogya ban jaate hain। aap shubhchintak, prasannachit rahne vaali aatmaon dvaara jo sarva ko khushi ki, sahaare ki, himmat ke pankhon ki, umang-utsaah ki praapti hoti hai - yeh praapti kisko adhikaari bana deti hai, koi bhakta ban jaate hain।

slogan:- baap se vardaan praapta karne ka sahaj saadhan hai - dil ka sneh।