बुधवार 19 जून 2024 की दैनिक मुरली

19-06-2024 praatahmurli om shanti "baapdaada"' madhuban

“meethe bachche - sabse mool seva hai baap ki yaad mein rehna aur doosron ko yaad dilaana, tum kisi ko bhi baap ka parichay de unka kalyaan kar sakte ho''

prashn:- kaun-si ek chhoti-si aadat bhi bahut badi avagya kara deti hai? usse bachne ki yukti kya hai?

uttar:- agar kisi mein kuchh chhipaane ki va chori karne ki aadat hai to bhi bahut badi avagya ho jaati hai। kaha jaata hai - kakh ka chor so lakh ka chor। lobh ke vash bhookh lagi to chhipaakar bina poochhe kha lena, chori kar lena - yeh bahut kharaab aadat hai। is aadat se bachne ke liye brahma baap samaan trustee bano। jo bhi aisi aadten hain, woh baap ko sach-sach suna do।

om shanti। roohaani baap baith roohaani bachchon ko samjhaate hain। bachche jaante hain ham behad ke baap ke saamne baithe hain। ham eeshvareey parivaar ke hain। eeshvar niraakaar hai। yeh bhi jaante hain, tum aatma-abhimaani hokar baithe ho। ab ismen koi science ghamanda va hathayog aadi karne ki baat nahin hai। yeh hai buddhi ka kaam। is shareer ka kuchh bhi kaam nahin। hathayog mein shareer ka kaam rehta hai। yahaan bachche samajh baap ke saamne ham baithe hain। jaante hain ki baap hamko padha rahe hain। ek to kehte hain apne ko aatma samajh baap ko yaad karo to meethe bachchon tumhaare sab paap kat jaayenge। aur chakra phiraao, auron ki service kar aapasmaan banaao। baap ek-ek ko baith dekhte hain ki yeh kya service kar rahe hain। sthool seva karte hain, sookshm seva karte hain ya mool seva karte hain। ek-ek ko baap dekhte hain। yeh sabko baap ka parichay dete hain? mool baat hai yeh। har ek bachche ko baap ka parichay dete hain, auron ko samjhaate hain ki baap kehte hain mujhe yaad karo to tumhaare janma-janmaantar ke paap mit jaayen। kahaan tak is service mein rehte hain? apne se bhent karte hain, sabse jaasti service kaun karte hain? kyon nahin main inse bhi jaasti service karoon! inse bhi jaasti yaad ki yaatra mein daudi pahan sakte hain va nahin? har ek ko baba dekhta hai। baba har ek se samaachaar poochhte hain - kya-kya seva karte hain? koi ko baap ka parichay de unka kalyaan karte hain? time vesta to nahin karte hain? mool baat hai hi yeh, is samay sab orphan hain। behad ke baap ko koi bhi nahin jaante। baap se varsa to zaroor milta hai। tum bachchon ko mukti-jeevanmukti dhaam donon buddhi mein hain। bachchon ko yeh bhi samajhna hai ki ham ab padh rahe hain। phir svarga mein aakar jeevan-mukti ka raajya-bhaagya lenge। baaki dher aatmaayen jo bhi doosre dharma vaali hain, woh to koi bhi nahin rahengi। sirf ham hi bhaarat mein rahenge। baap bachchon ko baith sikhlaate hain - buddhi mein kya-kya rehna chaahiye! yahaan tum sangamayug par baithe ho to khaan-paan bhi shuddh pavitra zaroor chaahiye। jaante ho ham bhavishya mein sarvagun sampanna, 16 kala sampoorn, sampoorn nirvikaari bante hain। yeh mahima shareerdhaari aatmaon ki hai, sirf aatma ki mahima to nahin hai। har ek aatma ka part apna-apna hai, jo yahaan aakar bajaati hai। tumhaari buddhi mein em-object hai, hamko in jaisa banna hai। baap ka farmaan hai - bachche pavitra bano। poochhenge kaise pavitra rahen? kyonki maaya ke toophaan bahut aate hain। buddhi kahaan-kahaan chali jaati hai। unko kaise chhode? bachchon ki buddhi to chalti hai na। aur koi ki buddhi nahin chalti। baap, teacher, guru bhi tumko mila hai। yeh bhi tum jaante ho - oonch te oonch bhagwan hai। woh baap, teacher, gyaan ka saagar bhi hai। baap aaye hain ham aatmaon ko saath le jaane liye। satayug mein bahut thode devi-devta rehte hain। yeh baaten tumhaare sivaae aur koi ki buddhi mein nahin hogi। tumhaari buddhi mein hai ki vinaash ke baad ham hi thode honge। aur itne sab dharma, khanda aadi nahin honge। ham hi vishwa ke maalik honge। hamaara hi ek raajya hoga। bahut sukh ka raajya hoga। baaki usmein variety pad vaale honge। hamaara kya pad hoga? ham kitni roohaani seva karte hain? baap bhi poochhte hain। aise nahin, baba antaryaami hain। bachche har ek khud samajh sakte hain - ham kya kar rahe hain? zaroor samajhte honge pahle number mein seva to yeh daada hi kar rahe hain shreemat par। ghadi-ghadi baap samjhaate hain - meethe-meethe bachche, apne ko aatma samjho, deh-abhimaan chhodo। aatma kitna samay samajhte hain? yeh pakka karna hai - ham aatma hain। baap ko yaad karna hai। inse hi beda paar hota hai। yaad karte-karte puraani duniya se nai duniya mein chale jaayenge। abhi baaki thoda samay hai। phir ham apne sukhdhaam mein chale jaayenge। mukhya roohaani seva hai - sabko baap ka parichay dena, yeh hai sabse sahaj baat। sthool service karne mein, bhojan banaane mein, bhojan khaane mein bhi mehnat lagti hai। ismen to mehnat ki koi baat nahin। sirf apne ko aatma samajhna hai। aatma avinaashi, shareer vinaashi hai। aatma hi saara part bajaati hai। yeh shiksha baap ek hi baar aakar dete hain jabki vinaash ka samay hota hai। nai duniya hai hi devi-devtaaon ki। usmein zaroor jaana hai। baaki saari duniya ko shantidham jaana hai, yeh puraani duniya rahegi nahin। tum nai duniya mein honge to puraani duniya ki yaad hogi? kuchh bhi nahin। tum svarga mein hi honge, raajya karte honge। yeh buddhi mein rahne se khushi hoti hai। svarga ko anek naam diye jaate hain। narka ko bhi anek naam diye hue hain - paap aatmaon ki duniya, hell, duhkhadhaam। abhi tum bachche jaante ho behad ka baap ek hi hai। ham unke sikeeldhe bachche hain, to aise baap se lav bhi bahut hona chaahiye। baap ka bhi bahut lav hai bachchon mein, jo bahut seva karte hain, kaanton ko phool banaate hain। manushya se devta banna hai na। baap khud nahin bante hain, hamko banaane aaye hain। to andar mein bahut khushi honi chaahiye। svarga mein ham kaun-sa pad paayenge? ham kya seva karte hain? ghar mein naukar chaakar hain, unko bhi pahchaan deni chahie। jo khud connection mein aate hain, unko shiksha deni chaahiye। sabki seva karni hai na - ablaaon ki, gareebon ki, bheelniyon ki। gareeb to bahut hain, woh sudhar jaayenge, koi paap aadi nahin karenge। nahin to paap karma karte rahenge। dekhte ho jhooth, chori bhi kitni hai। naukar log bhi chori kar lete hain। nahin to ghar mein bachche hain, taala kyon lagaayen। parantu aajkal ke bachche bhi chor ban padte hain। kuchh na kuchh chhipaakar utha lete hain। kisko bhookh lagti hai to laalach ke kaaran kha lete hain। lobh vaala zaroor kuchh chori kar khaata hoga। yeh to shivbaaba ka bhandaara hai, ismen to paai ki bhi chori nahin karni chaahiye। brahma to trustee hai। behad ka baap bhagwan tumhaare paas aaya hai। bhagwan ke ghar mein kabhi koi chori karta hoga? svapna mein bhi nahin। tum jaante ho oonch te oonch hai shiv bhagwan। unke ham bachche hain। to hamko daivi karma karne chaahiye।

tum chori karne vaalon ko bhi jel mein jaakar gyaan dete ho। yahaan kya chori karenge? kabhi aam uthaaya, koi cheez uthaakar khaai - yeh bhi chori hai na। koi bhi cheez bigar poochhe uthaani nahin chaahiye। haath bhi nahin lagaana chaahiye। shivbaaba hamaara baap hai, woh sunte hain, dekhte hain। poochhte hain bachchon mein koi avgun to nahin hai? agar koi avgun hai to suna do। daan mein de do। daan mein dekar phir koi avagya karenge to bahut sajaayen khaayenge। chori ki aadat bahut buri hoti hai। samjho, koi saaikil uthaate hain, pakde jaate hain। koi dukaan mein gaye, biscuit ka dibba chhipa liya ya koi chhoti-chhoti cheezen chhipa lete hain। dukaan vaale badi sambhaal rakhte hain। to yeh bhi bahut badi government hai, paandav government apna daivi raajya sthaapan kar rahi hai। baap kehte hain main to raajya nahin karta। tum paandav hi raajya karte ho। unhonne phir paandavapti shreekrishna ko kah diya hai। paandav pita kaun hai? tum jaante ho - saamne baithe hain। har ek andar mein samajh sakte hain - ham baba ki kya seva karte hain। baba hamko vishwa ki baadshaahi de khud vaanaprastha mein chale jaate hain। kitni nishkaam seva karte hain। sab sukhi aur shant ho jaate hain। woh to sirf kehte hain vishwa mein shanti ho। shanti ki prize dete rehte hain। yahaan tum bachche jaante ho, hamko to bahut bhaari prize milti hai। jo achhi service karte hain, unko badi prize milti hai। oonch te oonch seva hai - baap ka parichay dena, yeh to koi bhi kar sakte hain। bachchon ko yeh (devta) banna hai to seva bhi karni chaahiye na। inko dekho, yeh bhi laukik parivaar vaala tha na। inse baba ne karaaya। inmen pravesh kar inko bhi kehte hain, to tumko bhi kehte hain ki yeh karo। hamko kaise kahenge? hamaare mein pravesh hokar karaate hain। karan-karaavanhaar hai na। baithe-baithe kaha yeh chhodo, yeh to chhi-chhi duniya hai, chalo vaikuntha। ab vaikuntha ka maalik banna hai। bas, vairaagya aa gaya। sab samajhte the - inko kya hua hai। itna achha jabardasta phaayde vaala vyaapaari yeh kya karte hain! pata thode hi tha ki yeh kya jaakar karenge। chhodna koi badi baat thode hi hai। bas, sab kuchh tyaag diya। aur sabko bhi tyaag karaaya। bachchi ko bhi tyaag karaaya। ab yeh roohaani seva karni hai, sabko pavitra banaana hai। sab kehte the - ham gyaan amrit peene jaate hain। naam maata ka lete the। om raadhe ke paas gyaan amrit peene jaate hain। kisne yeh yukti rachi? shivbaaba ne inmen pravesh kar kitni achhi yukti rachi। jo koi aayega, gyaan amrit piyega। yeh bhi gaayan hai amrit chhod vish kaahe ko khaaye। vish chhod gyaan amrit peekar paavan devta banna hai। shuru mein yeh baat thi। koi bhi aata tha to unko kehte the paavan bano। amrit peena hai to vish ko chhod dena hai। paavan vaikuntha ka maalik banna hai to ek ko hi yaad karna hai। to zaroor jhagda chalega na। shuru ki khitpit abhi tak chalti aai hai। ablaaon par kitne atyaachaar hote hain। jitna tum bahut pakke hote jaayenge phir samjhenge pavitrata to achhi hai। unke liye hi pukaarte hain - baba, aakar hamko paavan banaao। pahle tumhaare bhi character kya the? abhi kya ban rahe ho? aage to devtaaon ke aage jaakar kehte the ham paapi hain। ab aise nahin kahenge kyonki tum jaante ho ham abhi yeh ban rahe hain।

bachchon ko apne se poochhna chaahiye - ham kahaan tak seva karte hain? jaise bhandaari hai, tumhaare liye kitni seva karti hai! kitna unka punya banta hai! bahuton ki seva karti hai, to sabki aasheervaad un par aati hai। bahut mahima likhte hain। bhandaari ki to kamaal hai, kitna prabandha rakhti hai। yeh to hui sthool service। sookshm bhi karni chaahiye। bachche kehte hain - baba, yeh 5 bhoot bade teekhe hain, jo yaad mein rahne nahin dete hain। baba kehte hain bachche shivbaaba ko yaad kar bhojan banaao। ek shiv-baba ke sivaae aur koi hai nahin। vahi sahaayta karte hain। gaayan bhi hai na sharan padi main tere…। satayug mein thode hi aise kahenge। abhi tum sharan mein aaye ho। koi ko bhoot lagte hain, to bahut peedit karte hain। woh ashuddha soul aati hai। tumhaare ko kitne bhoot lage hue hain। kaam, krodh, lobh, moh..... yeh bhoot tumhaare ko bahut peedit karte hain। woh ashuddha soul to koi-koi ko tang karti hai। tumko pata hai - yeh 5 bhoot to 2500 varsha se chalte aa rahe hain। tum kitne tang ho pade ho। in 5 bhooton ne kangaal bana diya hai। deh-abhimaan ka bhoot hai number one। kaam ka bhi bada bhoot hai। unhonne tumko kitna sataaya hai, yeh bhi baap ne batlaaya hai। kalpa-kalpa tumko yeh bhoot lagte hain। yatha raaja-raani tatha praja, sabko bhoot laga hua hai। to ise bhooton ki duniya kahenge। raavan raajya maana aasuri raajya। satayug-treta mein bhoot hote nahin। ek bhoot bhi kitna tang kar deta hai। inka kisko pata nahin hai। 5 vikaaron roopi raavan ka bhoot hai, jisse baap aakar chhudaate hain। tumhaare mein bhi koi-koi sensible hain, jinki buddhi mein baithta hai। is janma mein to aisa koi kaam nahin karna hai। chori ki, deh-abhimaan aaya to result kya hogi? pad bhrashta ho jaayega। kuchh na kuchh utha lete hain। kehte hain kakh ka chor so lakh ka chor। yagya mein to aisa kaam kabhi nahin karna hai। aadat pad jaati hai to phir kabhi chhootti nahin hai। kitna maatha maarte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sthool seva ke saath-saath sookshm aur mool seva bhi karni hai। sabko baap ka parichay dena, aatmaon ka kalyaan karna, yaad ki yaatra mein rehna yeh hai sachchi seva। isi seva mein busy rehna hai, apna samay vesta nahin karna hai।

2) sensible ban 5 vikaaron roopi bhooton par vijay praapta karni hai। chori va jhooth bolne ki aadat nikaal deni hai। daan mein di hui cheez vaapas nahin leni hai।

vardaan:- shareer ki vyaadhiyon ke chintan se mukta, gyaan chintan va svachintan karne vaale shubhchintak bhav

ek hai shareer ki vyaadhi aana, ek hai vyaadhi mein hil jaana। vyaadhi aana yeh to bhaavi hai lekin shreshtha sthiti ka hil jaana - yeh bandhanayukta ki nishaani hai। jo shareer ki vyaadhi ke chintan se mukta rah svachintan, gyaan chintan karte hain vahi shubhchintak hain। prakriti ka chintan jyaada karne se chinta ka roop ho jaata hai। is bandhan se mukta hona isko hi karmaateet sthiti kaha jaata hai।

slogan:- sneh ki shakti samasya roopi pahaad ko paani jaisa halka bana deti hai।