गुरुवार 20 जून 2024 की दैनिक मुरली

20-06-2024 praatahmurli om shanti "baapdaada"' madhuban

“meethe bachche - ab chane mutthi ke peechhe apna samay barbaad nahin karo, ab baap ke madadgaar ban baap ka naam baala karo''

prashn:- is gyaan maarga mein tumhaare kadam aage badh rahe hain, uski nishaani kya hai?

uttar:- jin bachchon ko shantidham aur sukhdhaam sada yaad rehta hai। yaad ke samay buddhi kahaan par bhi bhatakti nahin hai, buddhi mein vyartha ke khyaalaat nahin aate, buddhi ekaagra hai, jhutka nahin khaate, khushi ka paara chadha hua hai to isse siddha hai ki kadam aage badh rahe hain।

om shanti। bachche itna samay yahaan baithe hain। dil mein bhi aata hai ki ham jaise shivaalay mein baithe hain। shivbaaba bhi yaad aa jaata hai। svarga bhi yaad aa jaata hai। yaad se hi sukh milta hai। yeh bhi buddhi mein yaad rahe, ham shivaalay mein baithe hain to bhi khushi hogi। jaana to aakhreen sabhi ko shivaalay mein hai। shantidham mein koi ko baith nahin jaana hai। vaastav mein shantidham ko bhi shivaalay kahenge, sukhdhaam ko bhi shivaalay kahenge। donon sthaapan karte hain। tum bachchon ko yaad bhi donon ko karna hai। woh shivaalay hai shanti ke liye aur woh shivaalay hai sukh ke liye। yeh hai duhkhadhaam। abhi tum sangam par baithe ho। shantidham aur sukhdhaam ke sivaae aur kiski bhi yaad nahin honi chaahiye। bhal kahaan bhi baithe ho, dhandhe aadi mein baithe ho to bhi buddhi mein donon shivaalay yaad aane chaahiye। duhkhadhaam bhool jaana hai। bachche jaante hain yeh veshyaalay, duhkhadhaam ab khatma ho jaana hai।

yahaan baithe tum bachchon ko jhutka aadi bhi nahin aana chaahiye। bahuton ki buddhi kahaan-kahaan aur taraph chali jaati hai। maaya ke vighna padte hain। tum bachchon ko baap ghadi-ghadi kehte hain - bachche, manamnaabhav। bhinna-bhinna prakaar ki yuktiyaan bhi batlaate hain। yahaan baithe ho, buddhi mein yeh yaad karo ki ham pahle shantidham, shivaalay mein jaayenge phir sukhdhaam mein aayenge। aisa yaad karne se paap katte jaayenge। jitna tum yaad karte ho utna kadam badhaate ho। yahaan aur koi khyaalaat mein nahin baithna chaahiye। nahin to tum auron ko nuksaan pahunchaate ho। phaayde ke badle aur hi nuksaan karte ho। aage jab baithte the to saamne koi ko jaanch karne ke liye bithaaya jaata tha - kaun jhutka khaate hain, kaun aankhen banda kar baithte hain, to bada khabardaar rehte the। baap bhi dekhte the inka buddhiyog kahaan bhatakta hai kya ya jhutka khaate hain kya? aise bhi bahut aate hain, jo kuchh bhi samajhte nahin hain। braahmaniyaan le aati hain। shivbaaba ke aage bachche bade achhe hone chaahiye, jo gaphlat mein nahin rahen kyonki yeh koi ordinary teacher nahin। baap baith sikhlaate hain। yahaan bahut saavdhaan hokar baithna chaahiye। baba 15 minute shanti mein bithaate hain। tum to ghanta do ghanta baithte ho। sab to mahaarthi nahin hain। jo kachche hain, unko saavdhaan karna hai। saavdhaan karne se suzaag ho jaayenge। jo yaad mein nahin rehte, vyartha khyaalaat chalaate rehte hain, woh jaise vighna daalte hain kyonki buddhi kahaan na kahaan bhatakti hai। mahaarthi, ghodesvaar, pyaade sab baithe hain।

baba aaj vichaar saagar manthan karke aaye the - museum mein athva prardashni mein tum bachche jo shivaalay, veshyaalay aur purooshottam sangamayug teenon hi bataate ho, yeh bahut achha hai samjhaane ke liye। yeh chitra bahut bade-bade banaane chaahiye। sabse achha bada haal inke liye hona chaahiye, jo manushyon ki buddhi mein jhat baithe। bachchon ka vichaar chalna chaahiye ki ismen ham improvement kaise laayen। purooshottam sangamayug bahut achha banaana chaahiye। usse manushyon ko bahut achhi samjhaani mil sakti hai। tapasya mein bhi tum 5-6 ko bithaate ho parantu nahin, 10-15 ko tapasya mein bithaana chaahiye। bade-bade chitra banaakar clear akshar mein likhna chaahiye। tum itna samjhaate ho phir bhi samajhte thode hi hain। tum mehnat karte ho samjhaane ke liye, patthar buddhi hain na। to jitna ho sake achhi reeti samjhaana chaahiye। jo service mein rehte hain unhon ko service badhaane ka khyaal karna hai। projector, pradarshani mein itna maza nahin hai, jitna museum mein। projector se to kuchh bhi samajhte nahin। sabse achha hai museum, bhal chhota ho। ek kamre mein to yeh shivaalay, veshyaalay aur purooshottam sangamayug ka scene ho। samjhaane mein badi vishaal buddhi chaahiye।

behad ka baap, behad ka teacher aaye hain to baith thode hi jaayenge ki bachche em.A., bi.A. paas kar len। baap baitha thode hi rahega। thode time mein chala jaayega। baaki thoda samay hai to bhi jaagte nahin। achhi-achhi jo bachchiyaan hongi woh kahengi ki in 4-5 sau roopayon ke liye kyon ham muphta apna time barbaad karen। phir shivaalay mein ham kya pad paayenge! baba dekhte hain kumaariyaan to free hain। bhal kitna bhi bada pagaar ho, to bhi yeh to jaise mutthi mein chane hain, yeh sab khalaas ho jaayenge। kuchh bhi rahega nahin। baap chane mutthi ab chhudaane aaye hain parantu chhodte hi nahin hain। usmein hain chane mutthi, ismen hai vishwa ki baadshaahi। woh to paai paise ke chane hain unke pichhaadi kitna hairaan hote hain। kumaariyaan to free hain। woh padhaai to paai paise ki hai। unko chhod yeh knowledge padhte rahen to dimaag bhi khule। aisi chhoti-chhoti bachchiyaan badon-badon ko baith knowledge den, baap aaye hain - shivaalay sthaapan karne। yeh to jaante hain ki yahaan ka sab kuchh mitti mein mil jaana hai। yeh chane bhi naseeb mein nahin aayenge। kiski mutthi mein 5 chane arthaat 5 laakh honge, woh bhi khatma ho jaayenge। abhi time bahut thoda hai। din-pratidin haalat kharaab hoti jaati hai। achaanak aaphten aa jaati hain। maut bhi achaanak hote rehte hain, mutthi mein chane hote hi praan nikal jaate hain। to manushyon ko is bandarapne se chhudaana hai। sirf museum dekh khush nahin hona hai, kamaal kar dikhaana hai। manushyon ko sudhaarna hai। baap tum bachchon ko vishwa ki baadshaahi de rahe hain। baaki to bhoogra (chana) bhi kisko naseeb mein nahin aayega। sab khatma ho jaayenge, isse to kyon na baap se baadshaahi le lo। koi takleeph ki baat nahin। sirf baap ko yaad karna hai aur svardashan chakra phiraana hai। bhoogron se (chanon se) mutthi khaali kar heere-javaahron se mutthi bharkar jaana hai।

baap samjhaate hain - meethe bachche, in chane mutthi ke pichhaadi tum apna samay kyon barbaad karte ho? haan, koi bujurga hain, baal-bachche bahut hain to unko sambhaalna hota hai। kumaariyon ke liye to bahut sahaj hai, koi bhi aaye to unko samjhaao ki baap hamko yeh baadshaahi dete hain। to baadshaahi leni chaahiye na। abhi tumhaari mutthi heeron se bhar rahi hai। baaki aur to sab vinaash ho jaayenge। baap samjhaate hain tumne 63 janma paap kiye hain। doosra paap hai baap aur devtaaon ki glaani karna। vikaari bhi bane hain aur gaali bhi diya hai। baap ki kitni glaani ki hai। baap bachchon ko baith samjhaate hain - bachche, time nahin ganvaana chaahiye। aise nahin, baba ham yaad nahin kar sakte। bolo, baba ham apne ko aatma yaad nahin kar sakte। apne ko bhool jaate hain। deh-abhimaan mein aana goya apne ko bhoolna। apne ko aatma yaad nahin kar sakte to baap ko phir kaise yaad karenge। bahut badi manzil hai। sahaj bhi bahut hai। baaki haan, maaya ka opposition hota hai।

manushya geeta aadi bhal padhte hain parantu arth kuchh bhi nahin samajhte। bhaarat ki hai hi mukhya geeta। har ek dharma ka apna-apna ek shaastra hai। jo dharma sthaapan karne vaale hain unko satguru nahin kah sakte। yeh badi bhool hai। satguru to ek hi hai, baaki guru kahlaane vaale to dher hain। koi ne carpenter ka kaam sikhaaya, engineer ka kaam sikhaaya to woh bhi guru ho gaya। har ek sikhlaane vaala guru hota hai, satguru ek hi hai। ab tumko satguru mila hai woh satya baap bhi hai to satya teacher bhi hai isliye bachchon ko jaasti gaphlat nahin karni chaahiye। yahaan se achhi reeti refresh hokar jaate hain phir ghar jaane se yahaan ka sab bhool jaate hain। garbhajel mein bahut sajaayen milti hain। vahaan to garbha mahal hota hai। vikarma koi hota nahin jo saja khaani pade। yahaan tum bachche samajhte ho ham baap se sammukh padh rahe hain। baahar apne ghar mein to aise nahin kahenge। vahaan samjhenge bhaai padhaate hain। yahaan to direct baap ke paas aaye hain। baap bachchon ko achhi reeti samjhaate hain। baap ki aur bachchon ki samjhaani mein farka ho jaata hai। baap baith bachchon ko saavdhaan karte hain। bachche-bachche kah samjhaate hain। tum shivaalay aur veshyaalay ko samajhte ho, behad ki baat hai। yeh clear kar dikhaao to manushyon ko kuchh maza aaye। vahaan to aise hi hansi-kudi mein samjhaate ho, serious ho samjhaao to achhi reeti samjhen। raham karo apne par, kya is veshyaalay mein hi rehna hai! baba ke khyaalaat to chalte hain na - kaise-kaise samjhaayen। bachche kitni mehnat karte hain phir bhi jaise dibbi mein thikri । haan-haan karte jaate, bahut achha hai, gaanv mein samjhaana chaahiye। khud nahin samajhte। saahookaar paise vaale log to samjhenge bhi nahin। bilkul attention hi nahin denge। woh pichhaadi mein aayenge। phir to tu let ho jaayenge। na unka dhan kaam mein aayega, na yog mein rah sakenge। baaki haan, sunenge to praja mein aayenge। gareeb bahut oonch pad pa sakte hain। tum kanyaaon ke paas kya hai। kanya ko gareeb kaha jaata hai kyonki baap ka varsa to bachche ko milta hai। baaki kanya-daan diya jaata hai, tab vikaar mein jaati hai। kahenge shaadi karo to paise denge। pavitra rehna hai to ek paai bhi nahin denge। manovritti dekho kaisi hai। tum koi se bhi daro mat। khuli reeti samjhaana chaahiye। phurta hona chaahiye। tum to bilkul sach kehte ho। yeh hai sangamayug। us taraph hai chane mutthi, is taraph hai heeron ki mutthi। abhi tum bandar se mandir laayak bante ho। purooshaartha kar heere jaisa janma lena chaahiye na। shakla bhi bahaadur sherni jaisi honi chaahiye। koi-koi ki shakla jaise ridh bakri misal hai। thoda aavaaz se dar jaayenge। to baap sabhi bachchon ko khabardaar karte hain। kanyaaon ko to phansana nahin chaahiye। aur hi bandhan mein phansenge to phir vikaar ke liye dande khaayenge। gyaan achhi reeti dhaaran karengi to vishwa ki mahaaraani banengi। baap kehte hain main tumko vishwa ki baadshaahi dene aaya hoon। parantu kisi-kisi ke naseeb mein nahin hai। baap hai hi gareeb nivaaz। gareeb hain kanyaayen। maa-baap shaadi nahin kara sakte hain to de dete hain। to unko nasha chadhna chaahiye। ham achhi reeti padhkar pad to achha paayen। achhe student jo hote hain, woh padhaai par dhyaan dete hain - ham paas with honour ho jaayen। unko hi phir scholarship milti hai। jitna purooshaartha karenge utna oonch pad paayenge, woh bhi 21 janma liye। yahaan hai alpakaal ka sukh। aaj kuchh martaba, kal maut aa gaya, khalaas। yogi aur bhogi mein farka hai na। to baap kehte hain gareebon par jyaada attention do। saahookaar mushkil uthaayenge। sirf kehte bahut achha hai। yeh sanstha bahut achhi hai, bahuton ka kalyaan karegi। apna kuchh bhi kalyaan nahin karte। bahut achha kaha, baahar gaye, khalaas। maaya danda uthaakar baithi hai, jo haunsala hi gum kar deti hai। ek hi thappad lagaane se akla chat kar deti hai। baap samjhaate hain - bhaarat ka haal dekho kya ho gaya hai। bachchon ne drama ko to achhi reeti samjha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) chane mutthi chhod baap se vishwa ki baadshaahi lene ka poora purooshaartha karna hai। kisi bhi baat mein darna nahin hai, nidar ban bandhanon se mukta hona hai। apna samay sachchi kamaai mein saphal karna hai।

2) is duhkhadhaam ko bhool shivaalay arthaat shantidham, sukhdhaam ko yaad karna hai। maaya ke vighnon ko jaan unse saavdhaan rehna hai।

vardaan:- geeta ka paath padhne aur padhaane vaale nashtomoha smriti swaroop bhav

geeta gyaan ka pahla paath hai - ashareeri aatma bano aur antim paath hai nashtomoha smriti swaroop bano। pahla paath hai vidhi aur antim paath hai vidhi se siddhi। to har samay pahle svayan yeh paath padho phir auron ko padhaao। aisa shreshtha karma karke dikhaao jo aapke shreshtha karmo ko dekh anek aatmaayen shreshtha karma karke apne bhaagya ki rekha shreshtha bana saken।

slogan:- parmaatma sneh mein samaaye raho to mehnat se mukta ho jaayenge।