बुधवार 26 जून 2024 की दैनिक मुरली

26-06-2024 praatahmurli om shanti "baapdaada"' madhuban

meethe bachche - sada isi nashe mein raho ki hamaara padmaapadma bhaagya hai, jo patit-paavan baap ke ham bachche bane hain, unse humein behad sukh ka varsa milta hai

prashn:- tum bachchon ko kisi bhi dharma se ghrina va naphrat nahin ho sakti hai - kyon?

uttar:- kyonki tum beej aur jhaad ko jaante ho। tumhein pata hai yeh manushya srishti roopi behad ka jhaad hai ismen har ek ka apna-apna part hai। naatak mein kabhi bhi actors ek-doosre se ghrina nahin karenge। tum jaante ho hamne is naatak mein hero-heroine ka part bajaaya। hamne jo sukh dekhe, woh aur koi dekh nahin sakta। tumhein athaah khushi hai ki saare vishwa par raajya karne vaale ham hain।

om shanti। om shanti kahne se hi bachchon ko jo knowledge mili hai, woh saari buddhi mein aa jaani chaahiye। baap ki bhi buddhi mein kaun-si knowledge hai? yeh manushya srishti roopi jhaad hai, jise kalpa vriksha bhi kehte hain, uski utpatti, paalna phir vinaash kaise hota hai, saara buddhi mein aana chaahiye। jaise woh jad jhaad hota hai, yeh hai chaitanya। beej bhi chaitanya hai। unki mahima bhi gaate hain, woh satya hai, chaitanya hai arthaat jhaad ke aadi, madhya, ant ka raaz samjha rahe hain। koi bhi occupation ko jaanta nahin। prajaapita brahma ke occupation ko bhi jaanna chaahiye na। brahma ko koi yaad nahin karte, jaante hi nahin। ajmer mein brahma ka mandir hai। trimooti chitra chhapaate hain, unmein brahma, vishnu, shankar hai। brahma devtaae namah kehte hain। ab tum bachche jaante ho - is samay brahma ko devta nahin kaha jaata hai। jab sampoorn banen tab devta kaha jaae। sampoorn ban chale jaate hain sookshm vatan mein।

baba kehte hain tumhaare baap ka naam kya hai? kisse poochhte hain? aatma se। aatma kehti hai hamaara baba। jisko maaloom nahin hai ki kisne kaha, woh to prashn poochh na sake। ab bachche samajh to gaye hain - barobar do baap sabke hain। gyaan to ek hi baap dete hain। abhi tum bachche samajhte honge yeh shivbaaba ka rath hai। baba is rath dvaara hamko gyaan sunaate hain। ek to yeh hai jismaani brahma baap ka rath। doosra phir roohaani baap ka yeh rath hai। us roohaani baap ki mahima hai sukh ka saagar, shanti ka saagar…। pahle to yeh buddhi mein rahega yeh behad ka baap hai jisse behad ka varsa milta hai। paavan duniya ke maalik bante hain। niraakaar ko bulaate hain patit-paavan aao। aatma hi bulaati hai। jab paavan aatma hai tab nahin pukaarte। patit hain to pukaarte hain। ab tum aatma jaanti ho woh patit-paavan baap is tan mein aaya hai। yeh bhoolna nahin hai, ham unke bane hain। yeh saubhaagya to kya padma bhaagya ki baat hai। phir us baap ko bhoolna kyon chaahiye। is samay baap aaye hain - yeh nai baat hai। shiv jayanti bhi har varsha manaai jaati hai। to zaroor woh ek baar hi aate hain। lakshmi-naaraayan satayug mein the। is samay nahin hain। to samjhaana chaahiye unhon ne punarjanma liya hoga। 16 kala se 12-14 kala mein aaye honge। yeh tumhaare bina koi nahin jaante। satayug kaha jaata hai nai duniya ko। vahaan sab-kuchh naya hi naya hai। devta dharma naam bhi gaaya jaata hai। vahi devtaayen jab vaam maarga mein jaate hain to phir unko naya bhi nahin, to devta bhi nahin kah sakte। koi bhi aise nahin kahenge ki ham unki vanshaavli ke hain। agar apne ko us vanshaavli ke samajhte to phir unhon ki mahima, apni ninda kyon karte? mahima jab karte hain to zaroor unhon ko pavitra, apne ko apvitra patit samajhte hain। paavan se patit bante hain, punarjanma lete hain। pahle-pahle jo paavan the vahi phir patit bane hain। tum jaante ho paavan se ab patit bane hain। tum school mein padhte ho, usmein nambarvaar first, second, third class to hote hi hain।

abhi bachche samajhte hain hamko baap padhaate hain, tab to aate hain na। nahin to yahaan aane ki kya darkaar hai। yeh koi guru, mahaatma, mahaapuroosh aadi kuchh nahin hai। yeh to saadhaaran manushya tan hai, so bhi bahut puraana hai। bahut janmon ke ant mein pravesh karta hoon। aur to koi inki mahima nahin sirf ismen pravesh karta hoon tab inka naam hota hai। nahin to prajaapita brahma kahaan se aaya। manushya moonjhate to zaroor hain na। baap ne tumko samjhaaya hai tab tum auron ko samjhaate ho। brahma ka baap kaun? brahma, vishnu, shankar - unhon ka rachayita yeh shivbaaba hai। buddhi oopar chali jaati hai। parampita paramatma jo paramdham mein rehte hain, unki yeh rachna hai। brahma, vishnu, shankar ka occupation alag hai। koi aapas mein 3-4 hote hain, sabka occupation apna-apna hota hai। part har ek ka apna-apna hai। itni karodon aatmaayen hain - ek ka part na mile doosre se। ye wonderful baaten samjhi jaati hain। kitne dher manushya hain। abhi chakra poora hota hai। ant hai na। sab vaapas jaayenge, phir se chakra repeat hona hai। baap yeh sab baaten bhinna-bhinna prakaar se samjhaate rehte hain, nai baat nahin। kehte hain kalpa pahle bhi samjhaaya tha। bahut lovely baap hai, aise baap ko to bahut pyaar se yaad karna chaahiye। tum bhi baap ke lovely bachche ho na। baap ko yaad karte aaye ho। pahle sab ek ki pooja karte the। bhedbhaav ki baat hai nahin। abhi to kitna bhedbhaav hai। yeh raam ke bhakta hain, yeh krishna ke bhakta hain। raam ke bhakta dhoop jagaate to krishna ka naak band kar dete hain। aisi bhi kuchh baaten shaastron mein hain। woh kahe hamaara bhagwan bada, woh kahe hamaara bada, do bhagwan samajh lete hain। to wrong hone kaaran sab unrighteous kaam hi karte hain।

baap samjhaate hain - bachche, bhakti bhakti hai, gyaan gyaan hai। gyaan ka saagar ek hi baap hai। baaki woh sab hain bhakti ke saagar। gyaan se sadgati hoti hai। abhi tum bachche gyaanvaan bane ho। baap ne tumhein apna aur saare chakra ka bhi parichay diya hai, jo aur koi de na sake isliye baap kehte hain tum bachche ho svadarshan chakradhaari। parampita paramatma to ek hi hai। baaki sab bachche hi bachche hain। parampita apne ko koi kah na sake। jo achhe samajhdaar manushya hain, samajhte hain yeh kitna bada drama hai। unmein sab actors avinaashi part bajaate hain। woh chhote naatak to vinaashi hote hain, yeh hai anaadi avinaashi। kabhi banda hone vaala nahin hai। itni chhoti aatma, itna bada part mila hua hai - shareer lene aur chhodne ka aur part bajaane ka। yeh baaten koi shaastron mein nahin hain। agar isko kisi guru ne sunaaya hota to unke aur bhi followers hote na, sirf ek follower kya kaam ka। follower to woh jo poora follow kare। inki dress aadi to woh hai nahin। kaun kahenge shishya hai। yeh to baap baith padhaate hain। baap ko hi follow karna hai, jaise baaraat hoti hai na। shiv ki bhi baraat kehte hain। baba kehte hain yeh hamaari baraat hai। tum sab bhaktiyaan ho, main hoon bhagwan। tum sab sajniyaan ho, baba aaya hai tumko shrringaar kar le jaane। kitni khushi honi chaahiye। ab tum srishti ke aadi, madhya, ant ko jaante ho। tum baap ko yaad karte-karte pavitra ban jaate ho to pavitra raajaai milti hai। baap samjhaate hain main aata hi hoon ant mein। mujhe bulaate hi hain paavan duniya ki sthaapna aur patit duniya ka vinaash karaane aao, isliye mahaakaal bhi kehte hain। mahaakaal ka bhi mandir hota hai। kaal ke mandir to dekhte hain na। shiv ko kaal kahenge na। bulaate hain ki aakar paavan banaao। aatmaon ko le jaate hain। behad ka baap kitni dher aatmaon ko lene liye aaye hain। kaal-kaal mahaakaal, sab aatmaon ko pavitra gul-gul banaakar le jaate hain। gul-gul ban jaayen to phir baap bhi le chalenge god mein। agar pavitra nahin banenge to sajaayen khaani padengi, farka to rehta hai na। paap rah jaate hain to phir saza khaani pade। pad bhi aisa milta hai isliye baap samjhaate hain - meethe bachchon, bahut-bahut meetha bano। shreekrishna sabko meetha lagta hai na। kitna prem se shreekrishna ko jhulaate hain, dhyaan mein shreekrishna ko chhota dekh jhat god mein uthaakar pyaar karte hain। vaikuntha mein chale jaate hain। vahaan shreekrishna ko chaitanya roop mein dekhte hain। abhi tum bachche jaante ho sachmuch vaikuntha aa raha hai। ham bhavishya mein yeh banenge। shreekrishna par kalank lagaate hain, woh sab wrong hai। tum bachchon ko pahle nasha chadhna chaahiye। shuru mein bahut saakshaatkaar hue the phir pichhaadi mein bahut honge, gyaan kitna ramneek hai। kitni khushi rehti hai। bhakti mein to kuchh bhi khushi nahin rehti। bhakti vaalon ko yeh thode hi maaloom rehta hai ki gyaan mein kitna sukh hai, bhent kar na saken। tum bachchon ko pahle yeh nasha chadhna chaahiye। yeh gyaan sivaae baap ke koi bhi rishi-muni aadi de nahin sakte। laukik guru to kisko bhi mukti-jeevanmukti ka raasta bata nahin sakte। tum samajhte ho koi bhi manushya guru ho nahin sakta, jo kahe he aatmaon, bachchon, main tumko samjhaata hoon। baap ko to ‘bachche-bachche' kahne ki practice hai। jaante hain yeh hamaari rachna hai। yeh baap bhi kehte hain main sabka rachayita hoon। tum sab bhaai-bhaai ho। unko part mila hai, kaise mila hai woh baith samjhaate hain। aatma mein hi saara part bhara hua hai। jo bhi manushya aate hain, 84 janmon mein kabhi ek jaise features mil na saken। thodi-thodi change hoti zaroor hai। tatva bhi sato, rajo, tamo hote jaate hain। har janma ke features ek na mile doosre se। yeh bhi samajhne ki baaten hain। baap roz samjhaate rehte hain - meethe bachche, baap mein kabhi sanshay nahin laao। sanshay aur nishchay - do akshar hain na। baap maana baap, ismen sanshay to ho na sake। bachcha kah na sake ki main baap ko yaad kar nahin sakta hoon। tum ghadi-ghadi kehte ho yog nahin lagta। yog akshar theek nahin hai। tum to raajarishi ho। ‘rishi' akshar pavitrata ka hai। tum raajarishi ho to zaroor pavitra honge। thodi baat mein fail hone se phir raajaai mil na sake। praja mein chale jaate hain। kitna ghaata pad jaata hai। nambarvaar pad hote hain na। ek ka pad na mile doosre se। yeh behad ka bana-banaaya drama hai। sivaae baap ke koi samjha na sake। to tum bachchon ko kitni khushi hoti hai। jaise baap ki buddhi mein saara gyaan hai vaise tumhaari buddhi mein bhi hai। beej aur jhaad ko samajhna hai। manushya srishti ka jhaad hai, inke saath banyan tree ka misaal bilkul accurate hai। buddhi bhi kehti hai hamaara aadi sanaatan devi-devta dharma ka jo thur tha woh praayah lop ho gaya hai। baaki sab dharmon ki taal-taaliyaan aadi khadi hain। drama anusaar yeh sab hona hi hai, ismen ghrina nahin aati। naatak mein actors ko kabhi ghrina aayegi kya! baap kehte hain tum patit ban gaye ho phir paavan banna hai। tum jitna sukh dekhte ho utna aur koi nahin dekhte। tum hero-heroine ho, vishwa par raajya paane vaale ho to athaah khushi honi chaahiye na। bhagwan padhaate hain! kitna regular padhna chaahiye, itni khushi honi chaahiye। behad ka baap humein padhaate hain। raajayog bhi baap hi sikhlaate hain। koi shareerdhaari to sikhla na saken। baap ne aatmaon ko sikhlaaya hai, aatma hi dhaaran karti hai। baap ek baar hi aate hain part bajaane। aatma hi part bajaakar ek shareer chhod doosra leti hai। aatmaon ko baap padhaate hain। devtaaon ko nahin padhaayenge। vahaan to devtaayen hi padhaayenge। sangamayug par baap hi padhaate hain purooshottam banaane ke liye। tum hi padhte ho। yeh sangamayug ek hi hai, jab tum purooshottam bante ho। satya banaane vaala, satayug ki sthaapna karne vaala ek hi sachcha baba hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sangamayug par direct bhagwan se padhaai padhkar, gyaanvaan aastik banna aur banaana hai। kabhi bhi baap va padhaai mein sanshay nahin laana hai।

2) baap samaan lovely banna hai। bhagwan hamaara shrringaar kar rahe hain, is khushi mein rehna hai। kisi bhi actor se ghrina va naphrat nahin karni hai। harek ka is drama mein accurate part hai।

vardaan:- sevaaon ki pravritti mein rehte beech-beech mein ekaantavaasi banne vaale antarmukhi bhav

silence ki shakti ka prayog karne ke liye antarmukhi aur ekaantavaasi banne ki aavashyakta hai। kai bachche kehte hain antarmukhi sthiti ka anubhav karne va ekaantavaasi banne ke liye samay hi nahin milta kyonki seva ki pravritti, vaani ke shakti ki pravritti bahut badh gai hai lekin iske liye ikttha aadha ghanta va ek ghanta nikaalne ke bajaae beech-beech mein thoda samay bhi nikaalo to shaktishaali sthiti ban jaayegi।

slogan:- brahman jeevan mein yuddha karne ke bajaae mauj manaao to mushkil bhi sahaj ho jaayega।