शनिवार 29 जून 2024 की दैनिक मुरली

29-06-2024 praatahmurli om shanti "baapdaada"' madhuban

“meethe bachche - shareer sahit jo kuchh bhi dekhne mein aata hai, yeh sab vinaash hona hai, tum aatmaon ko ab ghar lautna hai isliye puraani duniya ko bhool jaao''

prashn:- tum bachche kin shabdon mein sabhi ko baap ka message suna sakte ho?

uttar:- sabhi ko sunaao ki behad ka baap behad ka varsa dene aaya hai। ab had ke varse ka samay poora hua arthaat bhakti poori hui। ab raavan raajya samaapta hota hai। baap aaya hai tumhein raavan 5 vikaaron ki jel se chhudaane। yeh purooshottam sangamayug hai, ismen tumhein purooshaartha kar daivi gunon vaala banna hai। sirf purooshottam sangamayug ko bhi samajh len to sthiti shreshtha ban sakti hai।

om shanti। ab roohaani bachche kya kar rahe hain? avyabhichaari yaad mein baithe hain। ek hoti hai avyabhichaari yaad, doosri hoti hai vyabhichaari yaad। avyabhichaari yaad athva avyabhichaari bhakti jab pahle shuru hoti hai to sab shiv ki pooja karte hain। oonch te oonch bhagwan vahi hai, woh baap bhi hai phir shikshak bhi hai। padhaate hain। kya padhaate hain? manushya se devta banaate hain। devta se manushya banne mein tum bachchon ko 84 janma lage hain। aur manushya se devta banne mein ek second lagta hai। yeh to bachche jaante hain - ham baap ki yaad mein baithe hain। woh hamaara teacher bhi hai, satguru bhi hai। yog sikhaate hain ki ek ki yaad mein raho। woh khud kehte hain - he aatmaon, he bachche, deh ke sab sambandh chhodo, ab vaapis jaana hai। yeh puraani duniya badal rahi hai। abhi yahaan rehna nahin hai। puraani duniya ke vinaash liye hi yeh baarood aadi banaaye hue hain। natural calamities bhi madad karti hai। vinaash to hona hai zaroor। tum purooshottam sangamayug par ho। yeh aatma jaanti hai। ham abhi laut rahe hain isliye baap kehte hain is puraani duniya, puraani deh ko bhi chhodna hai। deh sahit jo bhi is duniya mein dekhne mein aata hai, yeh sab vinaash ho jaana hai। shareer bhi khatma hona hai। ab ham aatmaon ko ghar lautna hai। lautne bigar nai duniya mein aa nahin sakenge। ab tum purooshottam banne ka purooshaartha kar rahe ho। purooshottam hain yeh devtaayen। sabse oonch te oonch hai niraakaar baap। phir manushya srishti mein aao to ismen hain oonch devta। woh bhi manushya hain parantu daiveegunon vaale। phir vahi aasuri gunon vaale bante hain। ab phir aasuri gunon se daivi-gunon mein jaana pade। satayug mein jaana pade। kisko? tum bachchon ko। tum bachche padh rahe ho auron ko bhi padhaate ho। sirf baap ka hi message dena hai। behad ka baap behad ka varsa dene aaye hain। ab had ka varsa poora hota hai।

baap ne samjhaaya hai - 5 vikaaron roopi raavan ki jel mein sab manushya hain। sab duhkh hi uthaate hain। sookhi roti milti hai। baap aakarke sabko raavan ki jel se chhudaae sada sukhi banaate hain। baap ke sivaae manushya ko devta koi bana na sake। tum yahaan baithe ho, manushya se devta banne ke liye। abhi hai kaliyug। bahut dharma ho gaye hain। tum bachchon ko rachta aur rachna ka parichay khud baap baith dete hain। tum sirf eeshvar, paramatma kehte the। tumko yeh pata nahin tha ki woh baap bhi hai, teacher bhi hai, guru bhi hai। unko kaha jaata hai satguru। akaalmoorta bhi kaha jaata hai। tumko aatma aur jeev kaha jaata hai। woh akaalmoorta is shareer roopi takhta par baithe hain। woh janma nahin lete hain। to woh akaalmoorta baap bachchon ko samjhaate hain - mera apna rath nahin hai, main tum bachchon ko paavan kaise banaaoon! mujhe to rath chaahiye na। akaalmoorta ko bhi takhta to chaahiye। akaal takhta manushya ka hota hai, aur koi ka nahin hota hai। tum har ek ko takhta chaahiye। akaalmoorta aatma yahaan viraajmaan hai। woh sabhi ka baap hai, unko kaha jaata hai mahaakaal, woh punarjanma mein nahin aate hain। tum aatmaayen punarjanma mein aati ho। main aata hoon kalpa ke sangam-yuge। bhakti ko raat, gyaan ko din kaha jaata hai। yeh pakka yaad karo। mukhya hain hi do baaten - alpha aur be, baap aur baadshaahi। baap aakar baadshaahi dete hain aur baadshaahi ke liye padhaate hain isliye isko paathshaala bhi kaha jaata hai। bhagvaanuvaach, bhagwan to hai niraakaar। unka bhi part hona chaahiye। woh hai oonch te oonch bhagwan, unko sabhi yaad karte hain। baap kehte hain aisa koi manushya nahin hoga jo bhakti maarga mein yaad na karta ho। dil se hi sab pukaarte hain - he bhagwan, he liberator, O god father kyonki woh hai sabhi aatmaon ka father, zaroor behad ka hi sukh denge। had ka baap had ka sukh dete hain। koi ko pata nahin। ab baap aaye hain, kehte hain - bachchon, aur sang tod mujh ek baap ko yaad karo। yeh bhi baap ne bataaya hai tum devi-devta nai duniya mein rehte ho। vahaan to apaar sukh hain। un sukhon ka ant nahin paaya jaata hai। naye makaan mein sadaiv sukh hota hai, puraane mein duhkh hota hai। tab to baap bachchon ke liye naya makaan banvaate hain। bachchon ka buddhiyog naye makaan mein chala jaata hai। yeh to hui had ki baat। abhi to behad ka baap nai duniya bana rahe hain। puraani duniya mein jo kuchh dekhte ho woh kabristaan hona hai, abhi paristaan sthaapan ho raha hai। tum sangamayug par ho। kaliyug ki taraph bhi dekh sakte ho, satayug ki taraph bhi dekh sakte ho। tum sangamayug par saakshi ho dekhte ho। pradarshani mein athva museum mein aate hain to vahaan bhi tum sangam par khada kar do। is taraph hai kaliyug, us taraph hai satayug। ham beech mein hain। baap nai duniya sthaapan karte hain। jahaan par bahut thode manushya hote hain। aur koi bhi dharma vaala nahin aata hai। sirf tum hi pahle-pahle aate ho। abhi tum svarga mein jaane ka purooshaartha kar rahe ho। paavan banne ke liye hi mujhe pukaara hai ki he baba, hamko paavan banaakar paavan duniya mein le chalo। aise nahin kehte ki shantidham mein le chalo। paramdham ko kaha jaata hai sweet hom। abhi hamko ghar jaana hai, jisko mukti-dhaam kaha jaata hai, jiske liye hi sannyaasi aadi shiksha dete hain। woh sukhdhaam ka gyaan de nahin sakte। woh hain nivritti maarga vaale। tum bachchon ko samjhaaya gaya hai - kaun-kaun dharma kab-kab aate hain। manushya srishti roopi jhaad mein pahle-pahle foundation tumhaara hai। beej ko kaha jaata hai vrikshapti। baap kehte hain main vrikshapti oopar mein nivaas karta hoon। jab jhaad ekdam jadajdi-bhoot ho jaata hai, tab main aata hoon devta dharma sthaapan karne। banyan tree ka bada wonderful jhaad hai। bigar foundation baaki saara jhaad khada hai। is behad ke jhaad mein bhi aadi sanaatan devi-devta dharma hai nahin। baaki sab dharma khade hain।

tum mool vatan nivaasi the। yahaan part bajaane aaye ho। tum bachche all-round part bajaane vaale ho isliye 84 janma hain maximum। phir minimum ek janma। manushya phir kah dete 84 laakh janma। woh bhi kiske honge - yeh bhi samajh nahin sakte। baap aakar tum bachchon ko samjhaate hain - 84 janma tum lete ho। pahle-pahle mere se tum bichhudte ho। satayugi devtaayen hi pahle hote hain। jab woh aatmaayen yahaan part bajaati hain to baaki sab aatmaayen kahaan chali jaati hain? yeh bhi tum jaante ho - baaki sab aatmaayen shantidham mein hoti hain। to shantidham alag hua na। baaki duniya to yahi hai। part yahaan bajaate hain। nai duniya mein sukh ka part, puraani duniya mein duhkh ka part bajaana padta hai। sukh aur duhkh ka yeh khel hai। woh hai raamraajya। duniya mein koi bhi manushya yeh nahin jaante ki srishti ka chakra kaise phirta hai। na rachayita ko, na rachna ke aadi, madhya, ant ko jaante hain। gyaan ka saagar ek baap ko hi kaha jaata hai। rachayita aur rachna ke aadi, madhya, ant ka gyaan koi shaastra mein hai nahin। main tumko sunaata hoon। phir yeh praayah lop ho jaata hai। satayug mein yeh rehta nahin। bhaarat ka hi praacheen sahaj raajayog gaaya hua hai। geeta mein bhi raajayog naam aata hai। baap tumhein raajayog sikhlaakar raajaai ka varsa dete hain। baaki rachna se varsa mil na sake। varsa milta hi hai rachta baap se। har ek manushya creator hai, bachchon ko rachte hain। woh hain had ke brahma, yeh hai behad ke brahma। woh hai niraakaar aatmaon ke pita, woh laukik pita, yeh phir hai prajaapita। prajaapita kab hona chaahiye? kya satayug mein? nahin। purooshottam sangamayug par hona chaahiye। manushyon ko yeh bhi pata nahin hai ki satayug kab hota hai। unhonne to satayug, kaliyug aadi ko laakhon varsha de diye hain। baap samjhaate hain 1250 varsha ka ek yug hota hai। 84 janmon ka bhi hisaab chaahiye na। seedhi ka bhi hisaab chaahiye na - ham kaise utarte hain। pahle-pahle foundation mein hain devi-devta। unke baad phir aate hain islaami, bauddhi। baap ne jhaad ka raaz bhi bataaya hai। baap ke sivaae to koi sikhla na sake। tumko kahenge yeh chitra aadi kaise banaayen? kisne sikhaaya? bolo, baba ne humein dhyaan mein dikhaaya, phir ham yahaan banaate hain। phir unko baap hi is rath mein aakar correct karte hain ki aise-aise banaao। khud hi correct karte hain।

shreekrishna ko shyaam-sundar kehte hain, parantu manushya to samajh nahin sakte ki kyon kaha jaata hai? yeh vaikuntha ka maalik tha to gora tha phir gaanvade ka chhora saanvara bana, isliye unko hi shyaam-sundar kehte hain। yahi pahle aate hain। tatatvam। in lakshmi-naaraayan ki raajaai chalti hai। aadi sanaatan devi-devta dharma ki sthaapna kaun karte hain? yeh bhi kisko pata nahin hai। bhaarat ko bhi bhulaae hindustaan ke rahvaasi hindu kah dete hain। main bhaarat mein hi aata hoon। bhaarat mein devtaaon ka raajya tha jo ab praayahlop ho gaya hai। main aata hoon phir se sthaapna karne। pahle-pahle hai hi aadi sanaatan devi devta dharma। yeh jhaad vriddhi ko paata rehta hai। naye-naye patte, math-panth pichhaadi mein aate hain। to unki bhi shobha ho jaati hai। phir ant mein jab saara jhaad jadajdeebhoot avastha ko paata hai, tab phir main aata hoon। yada yada hi…। aatma apne ko bhi nahin jaanti, to baap ko bhi nahin jaanti। apne ko bhi gaali dete, baap ko aur devtaaon ko bhi gaali dete rehte hain। tamopradhaan, besmajh ban jaate hain tab main aata hoon। patit duniya mein hi aana pade। tum manushyon ko jeeydaan dete ho arthaat manushya se devta banaate ho। sab duhkhon se door kar dete ho, so bhi aadhaakalpa ke liye। gaayan bhi hai na vande maatram। kaun-si maataayen, jinki vandana karte hain? tum maataayen ho, saari srishti ko bahishta banaati ho। bhal puroosh bhi hain, lekin majority maataaon ki hai isliye baap maataaon ki mahima karte hain। baap aakar tumko itni mahima laayak banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ka namaste।

dhaarna ke liye mukhya saar:-

1) apaar sukhon ki duniya mein chalne ke liye sangam par khada hona hai। saakshi ho sab kuchh dekhte hue buddhiyog nai duniya mein lagaana hai। buddhi mein rahe abhi ham vaapas ghar laut rahe hain।

2) sabhi ko jeeydaan dena hai, manushya se devta banaane ki seva karni hai। behad ke baap se padhkar doosron ko padhaana hai। daivi gun dhaaran karne aur karaane hain।

vardaan:- sada shreshtha samay pramaan shreshtha karma karte vaah-vaah ke geet gaane vaale bhaagyavaan aatma bhav

is shreshtha samay par sada shreshtha karma karte “vaah-vaah'' ke geet man se gaate raho। “vaah mera shreshtha karma ya vaah shreshtha karma sikhlaane vaale baba''। to sada vaah-vaah! ke geet gaao। kabhi galti se bhi duhkh ka nazaara dekhte bhi haay shabd nahin nikalna chaahiye। vaah drama vaah! aur vaah baba vaah! jo svapna mein bhi nahin tha woh bhaagya ghar baithe mil gaya। isi bhaagya ke nashe mein raho।

slogan:- man-buddhi ko shaktishaali bana do to koi bhi halchal mein achal adol rahenge।