सोमवार 8 जुलाई 2024 की दैनिक मुरली

08-07-2024 praatahmurli om shanti "baapdaada"' madhuban

“meethe bachche - baap samaan apkaariyon par bhi upkaar karna seekho, nindak ko bhi apna mitra banaao''

prashn:- baap ki kaun-si drishti pakki hai? tum bachchon ko kaun-si pakki karni hai?

uttar:- baap ki drishti pakki hai ki jo bhi aatmaayen hain sab mere bachche hain isliye bachche-bachche kehte rehte hain। tum kabhi bhi kisi ko bachche-bachche nahin kah sakte ho। tumhein yeh drishti pakki karni hai ki yeh aatma hamaara bhaai hai। bhaai ko dekho, bhaai se baat karo, isse roohaani pyaar rahega। criminal khyaalaat khatma ho jaayenge। ninda karne vaala bhi mitra ban jaayega।

om shanti। roohaani baap baith samjhaate hain। roohaani baap ka naam kya hai? zaroor kahenge shiv। woh sabka roohaani baap hai, unko hi bhagwan kaha jaata hai। tum bachchon mein bhi nambarvaar purooshaartha anusaar samajhte hain। yeh jo aakaashvaani kehte hain, ab aakaashvaani kiski nikalti hai? shivbaaba ki। is mukh ko aakaash tatva kaha jaata hai। aakaash ke tatva se vaani to sab manushyon ki nikalti hai। jo bhi sab aatmaayen hain, apne baap ko bhool gai hain। anek prakaar ke gaayan karte rehte hain। jaante kuchh bhi nahin। gaayan bhi yahaan karte hain। sukh mein to koi bhi baap ko yaad nahin karte। sabhi kaamnaayen vahaan poori ho jaati hai। yahaan to kaamnaayen bahut rehti hain। barsaat nahin hoti to yagya rachte hain। aise nahin ki sadaiv yagya karne se barsaat padti hai। nahin, kahaan famine padta hai bhal yagya karte hain, parantu yagya karne se kuchh hota nahin hai। yeh to drama hai। aaphten jo aani hain woh to aati hi rehti hain। kitne dher manushya marte hain, kitne jaanvar aadi marte rehte hain। manushya kitne duhkhi hote hain। kya barsaat ko band karne ke liye bhi yagya hai? jab ekdam moosaldhaar barsaat hogi to yagya karenge? in sab baaton ko abhi tum samajhte ho aur kya jaanen।

baap khud baith samjhaate hain, manushya baap ki mahima bhi karte hain aur gaali bhi dete hain। wonder hai, baba ki glaani kab se shuru hui? jab se raavan raajya shuru hua hai। mukhya glaani ki hai jo eeshvar ko sarvavyaapi kaha hai, isi se hi gir pade hain। gaayan hai ninda hamaari jo kare mitra hamaara so। ab sabse jaasti glaani kisne ki hai? tum bachchon ne। ab phir mitra bhi tum bante ho। yoon to glaani saari duniya karti hai। unmein bhi number one tum ho phir tum hi mitra bante ho। sabse nazdeek vaale mitra hain bachche। behad ka baap kehte hain hamaari ninda tum bachchon ne ki hai। apkaari bhi tum bachche bante ho। drama kaisa bana hua hai। yeh hai vichaar saagar manthan karne ki baaten। vichaar saagar manthan ka kitna arth nikalta hai। koi samajh na sake। baap kehte hain ki tum bachche padhkar upkaar karte ho। gaayan bhi hai yada-yadaahi… bhaarat ki baat hai। khel dekho kaisa hai! shiv jayanti athva shiv raatri bhi manaate hain। vaastav mein avtaar hai ek। avtaar ko bhi thikkar-bhittar mein kah diya hai। baap ulhana dete hain। geeta paathi shlok padhte hain parantu kehte hain hamko pata nahin।

tum hi pyaare te pyaare bachche ho। koi se bhi baat karenge to bachche-bachche hi kehte rahenge। baap ki to woh drishti pakki ho gai hai। sab aatmaayen hamaare bachche hain। tumhaare mein se ek bhi nahin hoga jiske mukh se bachcha akshar nikle। yeh to jaante hain koi kis martabe vaala hai, kya hai। sab aatmaayen hain। yeh bhi drama bana hua hai, isliye kuchh bhi gam-khushi nahin hoti। sab hamaare bachche hain। koi ne mehtar ka shareer dhaaran kiya hai, koi ne phalaane ka shareer dhaaran kiya hai। bachche-bachche kahne ki aadat pad gai hai। baba ki nazar mein sab aatmaayen hain। unmein bhi gareeb bahut achhe lagte hain kyonki drama anusaar unhonne bahut glaani ki hai। ab phir mere paas aa gaye hain। sirf yeh lakshmi-naaraayan hain jinki kabhi glaani nahin ki jaati। shreekrishna ki bhi bahut glaani ki hai। wonder hai na। shreekrishna hi bada bana to uski glaani nahin hai। yeh gyaan kitna atapta hai। aisi guhya baaten koi samajh thode hi sakte hain, ismen chaahiye sone ka bartan। woh yaad ki yaatra se hi ban sakta hai। yahaan baithe bhi yathaartha yaad thode hi karte hain। yeh nahin samajhte ki ham chhoti aatma hain, yaad bhi buddhi se karna hai। yeh buddhi mein aata nahin hai। chhoti si aatma woh hamaara baap bhi hai, teacher bhi hai, yeh buddhi mein aana bhi asambhav ho jaata hai। baba-baba to kehte hain, duhkh mein simran sab karte hain। bhagvaanuvaach hai na - duhkh mein sab yaad karte hain, sukh mein kare na koi। darkaar hi nahin yaad karne ki। yahaan to itne duhkh aaphten aadi aati hain, yaad karte hain he bhagwan raham karo, kripa karo। ab bhi bachche bante hain to bhi likhte hain - kripa karo, shakti do, raham karo। baba likhte hain shakti aapehi yogbal se lo। apne oopar kripa raham aapehi karo। apne ko aapehi raajtilak do। yukti bataata hoon - kaise de sakte ho। teacher padhne ki yukti bataate hain। student ka kaam hai padhna, direction par chalna। teacher koi guru thode hi hai jo kripa aasheervaad kare। jo achhe bachche honge woh daudenge। har ek svatantra hai, jitna daudi lagaani hai woh lagaaye। yaad ki yaatra hi daudi hai।

ek-ek aatma independent hai। bhaai-behen ka bhi naata chhuda diya। bhaai-bhaai samjho phir bhi criminal aai chhootti nahin hai। woh apna kaam karti rehti hai। is samay manushyon ke ang sab criminal hain। kisko laat maari, ghoonsa maara to criminal ang hua na। ang-ang criminal hain। vahaan koi bhi ang criminal nahin hoga। yahaan ang-ang se criminal kaam karte rehte hain। sabse jaasti criminal ang kaun sa hai? aankhe। vikaar ki aash poori nahin hui to phir haath chalaane lag padte। pahle-pahle hai aankhe। tab soordaas ki bhi kahaani hai। shivbaaba to koi shaastra padha hua nahin hai। yeh rath padha hua hai। shivbaaba ko to gyaan ka saagar kaha jaata hai। yeh tum samajhte ho ki shivbaaba koi pustak nahin uthaata। main to knowledgeful hoon, beej-roop hoon। yeh srishti roopi jhaad hai, uska rachayita hai baap, beej। baba samjhaate hain mera nivaas sthaan mool vatan mein hai। abhi main is shareer mein viraajmaan hoon aur koi kah na sake ki main is manushya srishti ka beejroop hoon। main parampita paramatma hoon, koi kah nahin sakega। sensible koi achha ho, unko koi kahe eeshvar sarvavyaapi hai to jhat poochhega kya tum bhi eeshvar ho? kya tum allaah-saani ho? ho nahin sakta। parantu is samay koi sensible nahin hai। allaah ka bhi pata nahin, khud hi kehte hain allaah hoon। woh bhi english mein kehte hai omni present। arth samjhen to kabhi nahin kahen। bachche ab jaante hain shivbaaba ki jayanti so naye vishwa ki jayanti। usmein pavitrata-sukh-shanti sab kuchh aa jaata hai। shivjayanti so shreekrishna jayanti, so dashahra jayanti। shivjayanti so deepmaala jayanti, shivjayanti so svarga jayanti। sab jayantiyaan aa jaati hain। yeh sab nai baaten baap baith samjhaate hain। shiv jayanti so shivaalay jayanti, veshyaalay maranti। sab nai baaten baap baith samjhaate hain। shiv jayanti so naye vishwa ki jayanti। chaahte hain na vishwa mein shanti ho। tum kitna bhi achhi reeti samjhaate ho, jagte hi nahin। agyaan andhere mein soye pade hain na। bhakti karte seedhi neeche utarte jaate hain। baap kehte hain main aakar sabki sadgati karta hoon। svarga aur narka ka raaz tum bachchon ko baap samjhaate hai। akhbaaren jo tumhaari glaani karti hain unko likh dena chaahiye - ninda hamaari jo kare mitra hamaara soy। tumhaari bhi sadgati ham zaroor karenge, jitni chaahiye utni gaali do। eeshvar ki glaani karte hain, hamaari ki to kya hua। tumhaari sadgati ham zaroor karenge। nahin chaahenge to bhi naak se pakadkar le jaayenge। darne ki to baat nahin, jo kuchh karte hain kalpa pahle bhi kiya hai। ham bi.ke. to sabki sadgati karenge। achhi tarah se samjhaana chaahiye। ablaaon par atyaachaar to kalpa pahle bhi hua tha, yeh bachche bhool jaate hain। baap kehte hain behad ke bachche sab hamaari glaani karte hain। sabse pyaare mitra bachche hi lagte hain। bachche to phool hote hain। bachchon ko maa-baap chumman karte hain, maathe par chadhaate, unki seva karte hain। baba bhi tum bachchon ki seva karte hain।

abhi tumko yeh knowledge mili hui hai, jo tum saath le jaate ho। jo nahin lete unka bhi drama mein part hai। vahi part bajaayenge। hisaab-kitaab chuktu kar ghar chale jaate hain। svarga to dekh na saken। sab thode hi svarga dekhenge। yeh drama bana hua hai। paap khoob karte hain, aayenge bhi deri se। tamopradhaan bahut deri se aayenge। yeh raaz bhi bahut achha samajhne ka hai। achhe-achhe mahaarthi bachchon par bhi grahchaari baithti hai to jhat gussa aa jaata hai phir chitthi bhi nahin likhte hain। baba bhi kehte hain ki unki murli band kar do। aise ko baap ka khajaana dene se faayda hi kya। phir koi ki aankh khule to kahenge bhool hui। koi to parvaah nahin karte। itni gaphlat nahin karni chaahiye। aise bahut dher hain, baap ko yaad bhi nahin karte hain, koi ko aap samaan bhi nahin banaate hain। nahin to baba ko likhna chaahiye - baba, ham hardam aapko yaad karte hain। kai to phir aise hain jo sabka naam likh dete hain - phalaane ko yaad dena, yeh yaad sachchi thode hi hai। jhooth chal na sake। andar dil khaati rahegi। bachchon ko point to achhi-achhi samjhaate rehte hain। din-pratidin baba guhya baaten samjhaate rehte hain। duhkh ke pahaad girne vaale hain। satayug mein duhkh ka naam nahin। abhi hai raavan raajya। maisoor ka raaja bhi raavan aadi banaakar dashahra bahut manaate hain। raam ko bhagwan kehte hain। raam ki seeta chori hui। ab woh to sarvashaktimaan thahra, uski chori kaise ho sakti। yeh sab hai andhashradha। is samay har ek mein 5 vikaaron ki gandagi hai। phir bhagwan ko sarvavyaapi kehna yeh bahut bada jhooth hai, tab to baap kehte hain - yada yadaahi.....। main aakar sachkhanda, sachcha dharma sthaapan karta hoon। sachkhanda satayug ko, jhooth khanda kaliyug ko kaha jaata hai। abhi baap jhoothkhanda ko sachkhanda banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is guhya va atapte gyaan ko samajhne ke liye buddhi ko yaad ki yaatra se sone ka bartan banaana hai। yaad ki race karni hai।

2) baap ke direction par chalkar, padhaai ko dhyaan se padhkar apne oopar aapehi kripa va aasheervaad karni hai, apne ko raajtilak dena hai। nindak ko apna mitra samajh unki bhi sadgati karni hai।

vardaan:- oopar se avatrit ho avtaar ban seva karne vaale saakshaatkaar moorta bhav

jaise baap seva ke liye vatan se neeche aate hain, aise ham bhi seva ke prati vatan se aaye hain, aise anubhav kar seva karo to sada nyaare aur baap samaan vishwa ke pyaare ban jaayenge। oopar se neeche aana maana avtaar ban avatrit hokar seva karna। sabhi chaahte hain ki avtaar aayen aur hamko saath le jaayen। to sachche avtaar aap ho jo sabko muktidhaam mein saath le jaayenge। jab avtaar samajhkar seva karenge tab saakshaatkaar moorta banenge aur anekon ki ichchhaayen poorn hongi।

slogan:- aapko koi achha de ya bura aap sabko sneh do, sahayog do, raham karo।