बुधवार 10 जुलाई 2024 की दैनिक मुरली

10-07-2024 praatahmurli om shanti "baapdaada"' madhuban

“meethe bachche - ab satopradhaan ban ghar jaana hai isliye apne ko aatma samajh nirantar baap ko yaad karne ka abhyaas karo, unnati ka sada khyaal rakho''

prashn:- padhaai mein din-pratidin aage badh rahe hain ya peechhe hat rahe hain uski nishaani kya hai?

uttar:- padhaai mein agar aage badh rahe hain to halkepan ka anubhav hoga। buddhi mein rahega yeh shareer to chhi-chhi hai, isko chhodna hai, hamko to ab ghar jaana hai। daiveegun dhaaran karte jaayenge। agar peechhe hat rahe hain to chalan se aasuri gun dikhaai denge। chalte-phirte baap ki yaad nahin rahegi। woh phool ban sabko sukh nahin de sakenge। aise bachchon ko aage chal saakshaatkaar honge phir bahut sajaayen khaani padengi।

om shanti। buddhi mein yeh khyaalaat rahe ki ham satopradhaan aaye the। roohaani baap roohaani bachchon ko samjhaate hain yahaan sab baithe hain, koi to deh-abhimaani hain aur koi dehi-abhimaani honge। koi second mein deh-abhimaani aur second mein dehi-abhimaani hote rahenge। aise to koi kah na sake ki ham saara samay dehi-abhimaani ho baithe hain। nahin, baap samjhaate hain koi samay dehi-abhimaani, koi samay deh-abhimaan mein honge। ab bachche yeh to jaante hain ham aatma is shareer ko chhod jaayenge apne ghar। bahut khushi se jaana hai। saara din chintan hi yeh karte hain - ham shantidham mein jaayen kyonki baap ne raasta to bataaya hai। aur log kabhi is vichaar se nahin baithte honge। yeh shiksha kisko milti hi nahin hai। khyaal bhi nahin hoga। tum samajhte ho yeh duhkhadhaam hai। ab baap ne sukhdhaam mein jaane ka raasta bataaya hai। jitna baap ko yaad karenge utna sampoorn ban yatha yogya shantidham mein jaayenge, unko hi mukti kaha jaata hai, jiske liye hi manushya guru karte hain। parantu manushyon ko bilkul pata nahin ki mukti-jeevanmukti cheez kya hai kyonki yeh hai nai baat। tum bachche hi samajhte ho ab hamko ghar jaana hai। baap kehte hain yaad ki yaatra se pavitra bano। tum pahle-pahle jab aaye shreshthaachaari duniya mein to satopradhaan the। aatma satopradhaan thi। koi ke saath connection bhi peechhe hoga। jab garbha mein jaayenge tab sambandh mein aayenge। tum jaante ho abhi yeh hamaara antim janma hai। hamko vaapis ghar jaana hai। pavitra banne bigar ham ja nahin sakenge। aise-aise andar mein baaten karni chaahiye kyonki baap ka farmaan hai uthte-baithte, chalte-phirte buddhi mein yahi khyaalaat rahen ki ham satopradhaan aaye the, ab satopradhaan bankar ghar jaana hai। satopradhaan banna hai baap ki yaad se kyonki baap hi patit-paavan hai। ham bachchon ko yukti bataate hain ki tum aise paavan ho sakenge। saare srishti ke aadi-madhya-ant ko to baap hi jaante hain aur koi authority hai nahin। baap hi manushya srishti ka beejroop hai। bhakti kahaan tak chalti hai, yeh bhi baap ne samjhaaya hai। itna samay gyaan maarga, itna samay bhakti। yeh saara gyaan andar mein tapakna chaahiye। jaise baap ki aatma mein gyaan hai, tumhaari aatma mein bhi gyaan hai। shareer dvaara sunte aur sunaate hain। shareer bigar to aatma bol na sake, ismen prerna va aakaashvaani ki baat hoti nahin। bhagvaanuvaach hai to zaroor mukh chaahiye, rath chaahiye। gadhe-ghode ka rath to nahin chaahiye। tum bhi pahle samajhte the kaliyug abhi 40 hazaar varsha aur chalna hai। agyaan neend mein soye pade the, ab baba ne jagaaya hai। tum bhi agyaan mein the। ab gyaan mila hai। agyaan kaha jaata hai bhakti ko।

ab tum bachchon ko yeh khyaal karna hai ham apni unnati kaise karen, oonch pad kaise paayen? apne ghar jaakar phir nai raajdhaani mein aakar oonch martaba paayen। uske liye hai yaad ki yaatra। apne ko aatma to zaroor samajhna hai। ham sab aatmaon ka baap paramatma hai। yeh to bahut simple hai। parantu manushya itni baat bhi nahin samajhte। tum samjha sakte ho ki yeh hai raavan raajya, isliye tumhaari buddhi bhrashtaachaari ban gai hai। manushya samajhte hain jo vikaar mein nahin jaate hain woh paavan hain। jaise sanyaasi hain। baap kehte hain woh to alpakaal ke liye paavan bante hain। duniya to phir bhi patit hai na। paavan duniya hai hi satayug। patit duniya mein satayug jaisa paavan koi ho nahin sakta। vahaan to raavan raajya hi nahin, vikaar ki baat hi nahin। to chakra lagaate ghoomte-phirte buddhi mein yeh chintan rehna chaahiye। baba mein yeh gyaan hai na। gyaan saagar hai to zaroor gyaan tapakta hoga। tum bhi gyaan saagar se nikli hui nadiyaan ho। woh to ever saagar hi hai, tum ever saagar nahin ho। tum bachche samajhte ho ham to sab bhaai-bhaai hain। tum bachche padhte ho, vaastav mein nadiyon aadi ki baat nahin। nadi kahne se ganga jamuna aadi kah dete hain। tum abhi behad mein khade ho। ham sab aatmaayen ek baap ke bachche bhaai-bhaai hain। abhi humein vaapis ghar jaana hai। jahaan se aakar shareer roopi takhta par viraajmaan hote hain। bahut chhoti aatma hai, saakshaatkaar hone se samajh na saken। aatma nikalti hai to kabhi kehte hain maathe se nikli, aankhon se, mukh se nikli… mukh khul jaata hai। aatma shareer chhod chali jaati hai to shareer jad ho jaata hai। yeh gyaan hai। student ki buddhi mein saara din padhaai rehti hai। tumhaare bhi saara din padhaai ke hi khyaalaat chalne chaahiye। achhe-achhe student ke haath mein sadaiv koi na koi kitaab rehti hai। padhte rehte hain।

baap kehte hain tumhaara yeh antim janma hai, saara chakra lagaakar ant mein aaye ho to buddhi mein yahi simran rehna chaahiye। dhaarna kar auron ko samjhaana chaahiye। koi ko to dhaarna hoti hi nahin। school mein bhi nambarvaar student hote hain। subject bhi bahut hoti hain। yahaan to subject ek hi hai। devta banna hai, yahi padhaai ka chintan chalta rahe। aise nahin, padhaai bhool jaaye baaki aur-aur khyaalaat chalte rahen। dhandhe vaala hoga, apne dhandhe ke hi khyaalaat mein laga rahega। student padhaai mein hi laga rahega। tum bachchon ko bhi apni padhaai mein rehna hai।

kal ek nimantran patra aaya tha international yog conference ka। tum unhon ko likh sakte ho tumhaara to yeh hai hathayog। iski em object kya hai? isse faayda kya hota hai? ham to raajayog seekh rahe hain। parampita paramatma jo gyaan saagar hai, woh rachayita hamko apna aur rachna ka gyaan sunaate hain। ab hamko vaapis ghar jaana hai। manamnaabhav - yeh hai hamaara mantra। ham baap ko aur baap dvaara jo varsa milta hai, usko yaad karte hain। tum yeh hathayog aadi karte aaye ho, iski em object kya hai? hamne apna to bataaya ki ham yeh seekh rahe hain। tumhaare is hathayog se kya milta hai? aisa respond nutshell mein likhna hai। aise-aise nimantran to tumhaare paas bahut aate hain। all India religious conference ka tumko nimantran aaye aur tumko bole - aapka em object kya hai? to bolo ham yeh seekh rahe hain। apna zaroor bataana chaahiye, kyon? yeh raajayog tum seekh rahe ho। bolo ham yeh padh rahe hain। hamko padhaane vaala bhagwan hai, ham sab brothers hain। ham apne ko aatma samajhte hain। behad ka baap kehte hain apne ko aatma samajh maamekam yaad karo to tumhaare paap kat jaayenge। aisi-aisi likhat bahut achhi reeti chhapaakar rakh do। phir jahaan-jahaan conference aadi ho vahaan bhej do। kahenge yeh to bahut achhe kaayde ki baat seekhte hain। is raajayog se raajaaon ka raaja vishwa ka maalik bante hain। har 5 hazaar varsha baad ham devta bante hain phir manushya bante hain। aise-aise vichaar saagar manthan kar first class likhat banaani chaahiye। uddeshya tumse poochh sakte hain। to yeh chhapa hua rakha ho, hamaari em object yeh hai। aise likhne se temptation hogi। ismen koi hathayog va shaastraartha karne ki baat nahin। unko shaastraartha ka bhi kitna ahankaar rehta hai। ve apne ko shaastron ki authority samajhte hain। vaastav mein to woh pujaari hain, authority to poojya ko kahenge। pujaari ko kya kahenge? to yeh clear kar likhna chaahiye - ham kya seekhte hain। bi.ke. ka naam to mashhoor ho gaya hai।

yog to do prakaar ka hai - ek hai hathayog, doosra hai sahaj yog। woh to koi manushya sikhla na sake। raajayog ek paramatma hi sikhlaate hain। baaki yeh anek prakaar ke yog hain manushya mat par। vahaan devtaaon ko to kiske mat ki darkaar nahin kyonki varsa liya hua hai। woh hain devtaayen arthaat daiveegun vaale, jinmen aise gun nahin unko asur kaha jaata hai। devtaaon ka raajya tha phir woh kahaan gaye? 84 janma kaise liye? seedhi par samjhaana chaahiye। seedhi badi achhi hai। jo tumhaari dil mein hai woh is seedhi mein hai। saara madaar padhaai par hai। padhaai hai source oph income। yeh hai sabse oonchi padhaai। di best। duniya nahin jaanti ki di best kaun-si padhaai hai। is padhaai se manushya se devta double crown ban jaate hain। abhi tum double sirtaaj banne ka purooshaartha kar rahe ho। padhaai ek hi hai phir koi kya bante, koi kya! wonder hai, ek hi padhaai se raajdhaani sthaapan ho jaati hai, raaja bhi bante to rank bhi bante। baaki vahaan duhkh ki baat hoti nahin। martabe to hain na। yahaan anek prakaar ke duhkh hain। famine, beemaariyaan, anaaj aadi nahin milta, floods aati rehti। bhal lakhapti, karodapti hai, janma to vikaaron se hi hota hai na। dhakka khaaya, machchhar ne kaata, yeh sab duhkh hai na। naam hi hai raurav narka। to bhi kehte rehte phalaana svarga padhaara। are, svarga to aane vaala hai phir koi svarga gaya kaise। kisko bhi samjhaana to bahut sahaj hai। ab baba ne essay (nibandha) diya hai, likhna bachchon ka kaam hai। dhaarna hogi to likhenge bhi। mukhya baat bachchon ko samjhaate hain apne ko aatma samjho, ab vaapis jaana hai। ham satopradhaan the to khushi ka paaraavaar nahin tha। abhi tamopradhaan bane hain। kitna sahaj hai। points to baba bahut sunaate rehte hain to achhi reeti baith samjhaana hai। nahin maante hain to samjha jaata hai yeh hamaare kul ka nahin hai। padhaai mein din-pratidin aage badhna hai। peechhe thode hi hatna hai। daiveegunon ke badle aasuri gun dhaaran karna - yeh to peechhe hatna hua na। baap kehte hain vikaaron ko chhodte raho, daiveegun dhaaran karo। bahut halka rehna hai। yeh shareer chhi-chhi hai, isko chhodna hai। hamko to ab jaana hai ghar। baap ko yaad nahin karenge to gul-gul nahin banenge। bahut sajaayen khaani padengi। aage chal tumko saakshaatkaar honge। poochhenge, tumne kya service ki hai? tum kabhi court mein nahin gaye ho। baba ne sab kuchh dekha hua hai, kaise yeh log choron ko pakadte hain, phir case chalte hain to vahaan bhi tumko sab saakshaatkaar karaate rahenge। sajaayen khaakar phir paai paise ka pad pa lenge। teacher ko to raham aata hai na। yeh naapaas ho jaayenge। yeh baap ko yaad karne ki subject sabse achhi hai, jisse paap katte jaaen। baba hamko padhaate hain। yahi simran karte chakra lagaate rehna chaahiye। student teacher ko yaad bhi karte hain aur buddhi mein padhaai rehti hai। teacher se yog to zaroor hoga na। yeh buddhi mein rehna chaahiye - ham sab bhaaiyon ka ek teacher hai, woh hai supreme teacher। aage chal bahuton ko maaloom padega - aho prabhu teri leela........ mahima karke marenge parantu pa to kuchh nahin sakenge। deh-abhimaan mein aane se hi ulte kaam karte hain। dehi-abhimaani hone se achha kaam karenge। baap kehte hain ab tumhaari vaanaprastha avastha hai। vaapis jaana hi padega। hisaab-kitaab chuktu kar sabko jaana hai। chaahe va na chaahen, jaana zaroor hai। ek din aisa bhi aayega jo duniya bahut khaali ho jaayegi। sirf bhaarat hi rahega। aadhaakalpa sirf bhaarat hi hoga to kitni duniya khaali hogi। aisa khyaal koi ki buddhi mein nahin hoga sivaae tumhaare। phir to tumhaara koi dushman bhi nahin hoga। dushman aate hain kyon? dhan ke pichhaadi। bhaarat mein itne musalmaan aur angrej kyon aaye? paisa dekha। paise bahut the, ab nahin hain to ab aur koi hai nahin। paise le khaali kar gaye। manushya yeh nahin jaante। baba kehte hain paisa to tumne aapehi khatma kar diya, drama plan anusaar। tumhein nishchay hai ham behad ke baap paas aaye hain। kabhi kiske khyaal mein bhi nahin hoga ki yeh eeshvareey parivaar hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) chalte phirte buddhi mein padhaai ka chintan karna hai। koi bhi kaarya karte buddhi mein sada gyaan tapakta rahe। yeh di best padhaai hai, jise padhkar double crown banna hai।

2) abhyaas karna hai ham aatma bhaai-bhaai hain। deh-abhimaan mein aane se ulte kaam hote hain isliye jitna ho sake dehi-abhimaani rehna hai।

vardaan:- satyata ki shakti dvaara sada khushi mein naachne vaale shaktishaali mahaan aatma bhav

kaha jaata hai “sach to bitho nach''। sachcha arthaat satyata ki shakti vaala sada naachta rahega, kabhi murjhaayega nahin, uljhega nahin, ghabraayega nahin, kamjor nahin hoga। woh khushi mein sada naachta rahega। shaktishaali hoga। usmein saamna karne ki shakti hogi, satyata kabhi hilti nahin hai, achal hoti hai। satya ki naanv dolti hai lekin doobti nahin। to satyata ki shakti ko dhaaran karne vaali aatma hi mahaan hai।

slogan:- vyasta man-buddhi ko second mein stop kar lena hi sarva shreshtha abhyaas hai।