गुरुवार 11 जुलाई 2024 की दैनिक मुरली

11-07-2024 praatahmurli om shanti "baapdaada"' madhuban

“meethe bachche - sunna avastha arthaat ashareeri banne ka abhi samay hai, isi avastha mein rahne ka abhyaas karo''

prashn:- sabse oonchi manzil kaun-si hai, uski praapti kaise hogi?

uttar:- sampoorn civilized banna, yahi oonch manzil hai। karmendriyon mein zara bhi chalaaymaani na aaye tab sampoorn sivila-ijda banen। jab aisi avastha ho tab vishwa ki baadshaahi mil sakti hai। gaayan bhi hai chadhe to chaakhe… arthaat raajaaon ka raaja bane, nahin to praja। ab jaanch karo meri vritti kaisi hai? koi bhi bhool to nahin hoti hai?

om shanti। aatma-abhimaani ho baithna hai। baap bachchon ko samjhaate hain ki apne ko aatma samjho। ab baba allrounder se poochhte hain satayug mein aatma-abhimaani hote hain ya deh-abhimaani? vahaan to automatically aatma-abhimaani rehte hain, ghadi-ghadi yaad karne ki darkaar nahin rehti। haan, vahaan yeh samajhte hain ab yeh shareer bada hua, ab isko chhod doosra naya lena hai। jaise sarpa ka misaal hai, vaise aatma bhi yeh puraana shareer chhod naya leti hai। bhagwan misaal de samjhaate hain। tumhein sabhi manushyon ko gyaan ki bhoon-bhoon kar aapasmaan gyaanvaan banaana hai। jisse paristaani nirvikaari devta ban jaayen। oonch te oonch padhaai hai manushya se devta banaana। gaayan bhi hai na manushya ko devta kiye..... kisne kiya? devtaaon ne nahin kiya। bhagwan hi manushyon ko devta banaate hain। manushya in baaton ko jaante nahin। tumse sab jagah poochhte hain - aapki em object kya hai? to kyon nahin em object ki likhat ka chhota parcha chhapa hua ho। jo koi bhi poochhe to unko parcha de do jisse samajh jaayen। baba ne bahut achhi reeti samjhaaya hai - is samay yeh kaliyugi patit duniya hai jismen mahaan aparmaapaar duhkh hain। ab ham manushyon ko satayugi paavan mahaan sukhdhaam mein le jaane ki service kar rahe hain va raasta bataate hain। aise nahin ham advet knowledge dete hain। ve log shaastron ki knowledge ko advet knowledge samajhte hain। vaastav mein woh koi advet knowledge hai nahin। advet knowledge likhna bhi wrong hai। manushyon ko clear kar bataana hai, aisi likhat chhapi hui ho jo jhat samajh jaaen ki inhon ka uddeshya kya hai? kaliyugi patit bhrashtaachaari manushyon ko ham apaar duhkhon se nikaal satayugi pavitra shreshthaachaari apaar sukhon ki duniya mein le jaate hain। baba yeh essay (nibandha) bachchon ko dete hain। aise clear kar likhna hai। sab jagah aisi tumhaari likhat rakhi ho, jhat woh nikaalkar de deni chaahiye to samjhen ham to duhkhadhaam mein hain। gand mein pade hain। manushya koi samajhte thode hi hain ki ham kaliyugi patit, duhkhadhaam ke manushya hain। yeh hamko apaar sukhon mein le jaate hain। to aisa ek achha parcha banaana hai। jaise baba ne bhi chhapaaya tha - satayugi ho ya kaliyugi? parantu manushya samajhte thode hi hain। ratnon ko bhi patthar samajh phenk dete hain। yeh hain gyaan ratna। woh samajhte hain shaastron mein ratna hain। tum clear kar aisa bolo jo samjhen yahaan to apaar duhkh hain। duhkhon ki bhi list ho, kam se kam 101 to zaroor hon। is duhkhadhaam mein apaar duhkh hain, yeh sab likho, saari list nikaalo। doosre taraph phir apaar sukh, vahaan duhkh ka naam nahin hota। ham woh raajya athva sukhdhaam sthaapan kar rahe hain jo jhat manushyon ka mukh banda ho jaae। yeh koi samajhte thode hi hain ki is samay duhkhadhaam hai, isko to woh svarga samajh baithe hain। bade-bade mahal, naye-naye mandir aadi banaate rehte hain, yeh thode hi jaante hain ki yeh sab khatma ho jaane hain। paise to unhon ko bahut milte hain rishvat ke। baap ne samjhaaya hai yeh sab hai maaya ka, science ka ghamanda, motor, aeroplane aadi yeh sab maaya ka show hai। yeh bhi kaayda hai, jab baap svarga ki sthaapna karte hain to maaya bhi apna bhabhka dikhaati hai, isko kaha jaata hai maaya ka pomp।

ab tum bachche saare vishwa mein shanti sthaapan kar rahe ho। agar maaya ki kahaan praveshta ho jaati hai to bachchon ko andar khaata hai। jab koi kiske naam-roop mein phans padte hain to baap samjhaate hain yeh criminalize hai। kaliyug mein hai criminalization। satayug mein hai civilization। in devtaaon ke aage sab maatha tekte hain, aap nirvikaari ham vikaari isliye baap kehte hain har ek apni avastha ko dekhe। bade-bade achhe mahaarthi apne ko dekhen hamaari buddhi kiske naam-roop mein jaati to nahin? phalaani bahut achhi hai, yeh karen - kuchh andar mein aata hai? yeh to baba jaante hain is samay sampoorn civilized koi hai nahin। zara bhi chalaaymaani na aaye, bahut mehnat hai। koi virle aise hote hai। aankhe kuchh na kuchh dhokha zaroor deti hain। drama kiski civilized jaldi nahin banaayega। khoob purooshaartha kar apni jaanch karni hai - kahaan hamaari aankhen dhokha to nahin deti hain? vishwa ka maalik banna badi oonch manzil hai। chadhe to chaakhe........ arthaat raajaaon ka raaja bante, gire to praja mein chale jaayenge। aajkal to kahenge vikaari jamaana hai। bhal kitne bade aadmi hain, samjho queen hai unke andar bhi dar rehta hoga ki kahaan koi humein uda na de। har ek manushya mein ashaanti hai। koi-koi bachche bhi kitni ashaanti phailaate hain। tum shanti sthaapan kar rahe ho, to pahle to khud shanti mein raho, tab doosre mein bhi woh bal bhare। vahaan to bada shanti ka raajya chalta hai। aankhen civil ban jaati hain। to baap kehte hain apni jaanch karo - aaj mujh aatma ki vritti kaisi rahi? ismen bahut mehnat hai। apni sambhaal rakhni hai। behad ke baap ko bhi sach kabhi nahin bataate hain। kadam-kadam par bhoolen hoti rehti hain। thoda bhi us criminal drishti se dekha, bhool hui, phauran note karo। 10-20 bhoolen to roz karte hi honge, jab tak abhul banen। parantu sach koi bataate thode hi hain। deh-abhimaani se kuchh na kuchh paap zaroor hoga। woh andar khaata rahega। kai to samajhte hi nahin ki bhool kisko kehte hain। jaanvar samajhte hain kya! tum bhi is gyaan ke pahle bandarbuddhi the। ab koi 50 percent, koi 10 percent koi kitna change hote jaate hain। yeh aankhe to bahut dhokha dene vaali hain। sabse teekhi hain aankhe।

baap kehte tum aatma ashareeri aai thi। shareer nahin tha। kya abhi tumko pata hai ki doosra kaun-sa shareer lenge, kis sambandh mein jaayenge? maaloom nahin padta। garbha mein sunna hi sunna rehte hain। aatma bilkul hi sunna ho jaati। jab shareer bada ho tab pata pade। to tumko aisa bankar jaana hai। bas, yeh puraana shareer chhodkar hamko jaana hai phir jab shareer lenge to svarga mein apna part bajaayenge। sunna hone ka abhi samay hai। bhal aatma sanskaar le jaati hai, jab shareer bada hota hai tab sanskaar emerge hote hain। abhi tumko ghar jaana hai isliye puraani duniya ka, is shareer ka bhaan uda dena hai। kuchh bhi yaad na rahe। parhej bahut rakhna hai। jo andar mein hoga vahi baahar niklega। shivbaaba ke andar mein bhi gyaan hai, mera bhi part hai। mere liye hi kehte hain gyaan ka saagar........ mahima gaate hain, arth kuchh nahin jaante। abhi tum arth sahit jaante ho। baaki aatma ki buddhi aisi worth not A penny ho jaati hai। ab baap kitna buddhivaan banaate hain। manushyon ke paas to karod, padma hain। yeh maaya ka pomp hai na। science mein jo apne kaam ki cheejen hain, woh vahaan bhi hongi। woh banaane vaale vahaan bhi jaayenge। raaja to nahin banenge। yeh log pichhaadi mein tumhaare paas aayenge phir auron ko bhi sikhaayenge। ek baap se tum kitne seekhte ho। ek baap hi duniya ko kya se kya bana dete hain। invention hamesha ek nikaalte hain phir phailaate hain। bombs banaane vaala bhi pahle ek tha। samjha inse duniya vinaash ho jaayegi। phir aur banaate gaye। vahaan bhi science to chaahiye na। time pada hai, seekhkar hoshiyaar ho jaayenge। baap ki pahchaan mil gai phir svarga mein aakar naukar-chaakar banenge। vahaan sab sukh ki baaten hoti hain। jo sukhdhaam mein tha woh phir hoga। vahaan koi rog-duhkh ki baat nahin। yahaan to aprampaar duhkh hai। vahaan aprampaar sukh hain। abhi ham yeh sthaapan kar rahe hain। duhkh harta, sukh karta ek baap hi hai। pahle to khud ki bhi aisi avastha chaahiye, sirf panditaai nahin chaahiye। aisi ek pandit ki katha hai, bola raam naam kahne se paar ho jaayenge... yeh is samay ki baat hai। tum baap ki yaad mein vishay saagar se ksheersaagar mein chale jaate ho। yahaan tum bachchon ki avastha badi achhi chaahiye। yogbal nahin hai, criminal eyes hain to unka teer lag nahin sakta। aankhe civil chaahiye। baap ki yaad mein rah kisko gyaan denge to teer lag jaayega। gyaan talvaar mein yog ka jauhar chaahiye। knowledge se dhan ki kamaai hoti hai। taakat hai yaad ki। bahut bachche to bilkul yaad karte hi nahin, jaante hi nahin। baap kehte hain manushyon ko samjhaana hai ki yeh hai duhkhadhaam, satayug hai sukhdhaam। kaliyug mein sukh ka naam nahin। agar hai bhi to bhi kaag vishta ke samaan hai। satayug mein to apaar sukh hain। manushya arth nahin samajhte। mukti ke liye hi maatha maarte rehte hain। jeevanmukti ko to koi jaante hi nahin। to gyaan bhi de kaise sakte। woh aate hi hain rajopradhaan samay mein woh phir raajayog kaise sikhlaayenge। yahaan to sukh hai kaag vishta samaan। raajayog se kya hua tha - yeh bhi nahin jaante। tum bachche jaante ho yeh bhi sab drama chal raha hai। akhbaar mein bhi tumhaari ninda likhte hain, yeh to hona hi hai। ablaaon par kisma-kisma ke sitam aate hain। duniya mein anek duhkh hain। abhi koi sukh hai thode hi। bhal kitna bada saahookaar hai, beemaar hua, andha hua, to duhkh to hota hai na। duhkhon ki list mein sab likho। raavan raajya kaliyug ke ant mein yeh sab baaten hain। satayug mein duhkh ki ek bhi baat nahin hoti hai। satayug to hokar gaya hai na। abhi hai sangamayug। baap bhi sangam par hi aate hain। abhi tum jaante ho 5 hazaar varsha mein ham kya-kya janma lete hain। kaise sukh se phir duhkh mein aate hain। jinko saara gyaan buddhi mein hai, dhaarna hai woh samajh sakte hain। baap tum bachchon ki jholi bharte hain। gaayan bhi hai - dhan diye dhan na khute। dhan daan nahin karte hain to goya unke paas hai hi nahin। to phir milega bhi nahin। hisaab hai na! dete hi nahin to milega kahaan se। vriddhi kahaan se hogi। yeh sab hai avinaashi gyaan ratna। nambarvaar to har baat mein hote hain na। yeh bhi tumhaari roohaani sena hai। koi rooh jaakar oonch pad paayegi, koi rooh praja pad paayegi। jaise kalpa pahle paaya tha। achha!

meethe-meethe sikeeldhe roohaani bachchon ko nambarvaar purooshaartha anusaar baapdaada va maat-pita ka dil va jaan, sik va prem se yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni sambhaal karne ke liye kadam-kadam par jaanch karni hai ki :-

(a) aaj mujh aatma ki vritti kaisi rahi? (ba) aankhe civil raheen? (C) deh-abhimaan vash kaun-sa paap hua?

2) buddhi mein avinaashi gyaan dhan dhaaran kar phir daan karna hai। gyaan talvaar mein yaad ka jauhar zaroor bharna hai।

vardaan:- satyata ki authority ko dhaaran kar sarva ko aakarshit karne vaale nirbhay aur vijayi bhav

aap bachche satyata ki shaktishaali shreshtha aatmaayen ho। satya gyaan, satya baap, satya praapti, satya yaad, satya gun, satya shaktiyaan sab praapta hain। itni badi authority ka nasha rahe to yeh satyata ki authority har aatma ko aakarshit karti rahegi। jhoothkhanda mein bhi aisi satyata ki shakti vaale vijayi bante hain। satyata ki praapti khushi aur nirbhayta hai। satya bolne vaala nirbhay hoga। unko kabhi bhay nahin ho sakta।

slogan:- vaayumandal ko parivartan karne ka saadhan hai -positive sankalp aur shaktishaali vritti।