शनिवार 13 जुलाई 2024 की दैनिक मुरली

13-07-2024 praatahmurli om shanti "baapdaada"' madhuban

“meethe bachche - rakshaabandhan ka parva pratigya ka parva hai, jo sangamayug se hi shuru hota hai, abhi tum pavitra banne aur banaane ki pratigya karte ho''

prashn:- tumhaare sab kaarya kis aadhaar par saphal ho sakte hain? naam baala kaise hoga?

uttar:- gyaan bal ke saath yog ka bhi bal ho to sab kaarya aapehi karne ke liye taiyaar ho jaayen। yog bahut gupta hai isse tum vishwa ka maalik bante ho। yog mein rahkar samjhaao to akhbaar vaale aapehi tumhaara sandesh chhaapenge। akhbaaron se hi naam baala hona hai, inse hi bahuton ko sandesh milega।

om shanti। aaj bachchon ko rakshaabandhan par samjhaate hain kyonki abhi nazdeek hai। bachche raakhi baandhane ke liye jaate hain। ab jo cheez hokar jaati hai unka parva manaate hain। yeh to bachchon ko maaloom hai aaj se 5 hazaar varsha pahle bhi yeh pratigya patra likhaaya tha, jisko bahut naam diye hain। yeh hai pavitrata ki nishaani। sabko kehna hota hai pavitra banne ki raakhi baandho। yeh bhi jaante ho pavitra duniya satayug aadi mein hi hoti hai। is purooshottam sangamayug par hi raakhi parva shuru hota hai, jo phir manaaya jaayega jab bhakti shuru hogi, inko kaha jaata hai anaadi parva। woh bhi kab se shuru hota hai? bhakti maarga se kyonki satayug mein to yeh parva aadi hote hi nahin। yeh hote hain yahaan। sab tyohaar aadi sangam par hote hain, vahi phir bhakti maarga se shuru hote hain। satayug mein koi tyohaar hota nahin। tum kahenge deep maala hogi? nahin। woh bhi yahaan manaate hain vahaan nahin honi chaahiye। jo yahaan manaate hain woh vahaan nahin mana sakte। yeh sab kaliyug ke parva hain। raksha-bandhan manaate hain, ab yeh kaise maaloom pade ki yeh raakhi kyon manaai jaati hai? tum sabko raakhi baandhati ho, kehti ho paavan bano kyonki ab paavan duniya sthaapan ho rahi hai। trimoorti ke chitra mein bhi likha hua hai - brahma dvaara sthaapna hoti hai paavan duniya ki isliye pavitra banaane ke liye raakhi bandhan manaaya jaata hai। abhi hai gyaan maarga ka samay। tum bachchon ko samjhaaya gaya hai bhakti ki koi bhi baat sunaaye to unko samjhaana chaahiye ham abhi gyaan maarga mein hain। gyaan saagar ek hi bhagwan hai, jo saari duniya ko viceless banaate hain। bhaarat vaais-les tha to saari duniya viceless thi। bhaarat ko viceless banaane se saari duniya viceless ho jaati hai। bhaarat ko world nahin kahenge। bhaarat to ek khanda hai world mein। bachche jaante hain nai duniya mein sirf ek bhaarat khanda hota hai। bhaarat khanda mein zaroor manushya bhi rehte honge। bhaarat sachkhanda tha, srishti ke aadi mein devta dharma hi tha, usko hi kaha jaata hai nirvikaari pavitra dharma, jisko 5 hazaar varsha hue। abhi yeh puraani duniya baaki thode roz hai। kitna din viceless banne mein lagte hain? time to lagta hai। yahaan bhi pavitra banne ka purooshaartha karte hain। sabse bada utsav to yeh hai। pratigya karni chaahiye - baba, ham pavitra to zaroor banenge। yeh utsav sabse bada samajhna chaahiye। sab pukaarte bhi hain he parampita paramatma, yeh kehte hue bhi parampita buddhi mein nahin aata। tum jaante ho parampita paramatma aate hain jeev aatmaon ko gyaan dene। aatma-paramatma alag rahe… yeh mela is sangamayug par hi hota hai। kumbha ka mela bhi isko kaha jaata hai, jo har 5 hazaar varsha baad ek hi baar hota hai। woh paani mein snaan karne ka mela to anek baar manaate aaye ho, woh hai bhakti maarga। yeh hai gyaan maarga। sangam ko bhi kumbha kaha jaata hai। teen nadiyaan vaastav mein hain nahin, gupta nadi paani ki kaise ho sakti hai! baap kehte hain tumhaari yeh geeta gupta hai। to yeh samjhaaya jaata hai tum yogbal se vishwa ki baadshaahi lete ho, ismen naach-tamaasha aadi kuchh bhi nahin hai। woh bhakti maarga poora aadhaakalpa chalta hai aur yeh gyaan chalta hai ek life। phir do yug hai gyaan ki praalabdha, gyaan nahin chalta hai। bhakti to dvaapar-kaliyug se chali aai hai। gyaan sirf ek hi baar milta hai phir uski praalabdha 21 janma chalti hai। abhi tumhaari aankhe khuli hain। aage tum agyaan neend mein the। ab raakhi bandhan par brahman log raakhi baandhate hain। tum bhi brahman ho। woh hain kukh vanshavaali, tum ho mukh vanshaavli। bhakti maarga mein kitni andhashradha hai। duban mein phanse hue hain। duban (daldal) mein paanv phans padte hain na। to bhakti ke duban mein manushya phans jaate hain aur ekdam gale tak aa jaate hain, tab baap phir aate hain bachaane। jab baaki choti rehti hai, pakadne liye to chaahiye na। bachche bahut mehnat karte hain samjhaane ki। karodon manushya hain, ek-ek ke paas jaana mehnat lagti hai। tumhaari badnaami akhbaaron dvaara hui hai ki yeh bhagaate hain, gharbaar chhudaate hain, behen-bhaai banaate hain। shuru ki baat kitni phail gai। akhbaaron mein dhoom mach gai। ab ek-ek ko to samjha nahin sakte। phir tumhein akhbaaren hi kaam mein aayengi। akhbaaron dvaara hi tumhaara naam baala hoga। abhi vichaar karna hai - kya karen jo samjhen। raksha-bandhan ka arth kya hai? jabki baap aaye hain paavan banaane, tab baap ne bachchon se pavitrata ki pratigya li hai। patiton ko paavan banaane vaale ne raakhi baandhi hai।

shreekrishna ka janma manaate hain phir zaroor gaddi par baitha hoga। coronation kabhi dikhaate nahin hain। satayug aadi mein lakshmi-naaraayan the। unka coronation hua hoga। prince ka janma manaate hain phir coronation kahaan? deevaali par coronation hoti hai, bada bhabhka hota hai, woh hai satayug ka। sangam ki jo baat hai woh vahaan hoti nahin। ghar-ghar mein roshni yahaan hone ki hai। vahaan deep-maala aadi nahin manaate hain। vahaan to aatmaon ki jyot jagi hui hai। vahaan phir coronation manaaya jaata hai, na ki deepmaala। jab tak aatmaon ki jyot nahin jagi hai to vaapis ja nahin sakte। to ab yeh to sab patit hain, unko paavan banaane ke liye soch karna hai। bachche sochkar jaate hain bade-bade aadmiyon ke paas। bachchon ki badnaami hui akhbaaron dvaara, phir naam bhi in dvaara hoga। thoda paisa do to achha daalenge। ab tum paise kahaan tak denge। paise dena bhi rishvat hai। bekaayde ho jaata। aajkal rishvat bigar to kaam hi nahin hota hai। tum bhi rishvat do, vo log bhi rishvat den to donon ek ho jaaen। tumhaari baat hai yogbal ki। yogbal itna chaahiye jo tum koi se bhi kaam kara sako। bhoon-bhoon karte rehna hai। gyaan ka bal to tumhaare mein bhi hai। in chitron aadi mein gyaan hai, yog gupta hai। apne ko aatma samajh baap ko yaad karna hai, behad ka varsa lene ke liye। woh hai hi gupta, jisse tum vishwa ke maalik bante ho, kahaan bhi baith tum yaad kar sakte ho। sirf yahaan baithkar yog nahin saadhna hai। gyaan aur yaad donon sahaj hain। sirf 7 din ka course liya, bas। jaasti darkaar nahin। phir tum jaakar auron ko aapasmaan banaao। baap gyaan ka, shanti ka saagar hai। yeh do baaten hain mukhya। inse tum shanti ka varsa le rahe ho। yaad bhi badi sookshm hai।

tum bachche bhal baahar mein chakra lagaao, baap ko yaad karo। pavitra banna hai, daiveegun bhi dhaaran karna hai। koi bhi avgun nahin hona chaahiye। kaam ka bhi bhaari avgun hai। baap kehte hain ab tum patit mat bano। bhal stri saamne ho, tum apne ko aatma samajh mujh baap ko yaad karo। dekhte hue na dekho। ham to apne baap ko yaad karte hain, woh gyaan ka saagar hai। tumko aap-samaan banaate hain to tum bhi gyaan saagar bante ho। ismen moonjhana nahin chaahiye। woh hai param aatma। paramdham mein rehte hain isliye param kaha jaata hai। woh to tum bhi rehte ho। ab nambarvaar purooshaartha anusaar tum gyaan le rahe ho। paas with honour jo hote hain unko kahenge poora gyaan saagar bane hain। baap bhi gyaan saagar, tum bhi gyaan ke saagar। aatma koi chhoti-badi nahin hoti hai। parampita bhi koi bada nahin hota। yeh jo kehte hain hazaaron soorya se tejomay - yeh sab hain gapode। buddhi mein jis roop se yaad karte hain woh saakshaatkaar ho jaata hai। ismen samajh chaahiye। aatma ka saakshaatkaar va paramatma ka saakshaatkaar, baat ek ho jaayegi। baap ne realise karaaya hai - main hi patit-paavan, gyaan ka saagar hoon। samay par aakar sabki sadgati karta hoon। sabse jaasti bhakti tumne ki hai phir baap tumko hi padhaate hain। rakshaabandhan ke baad krishna janmaashtami hoti hai। phir hai dashahra। vaastav mein dashahre ke pahle to krishna aa na sake। dashahra pahle hona chaahiye phir krishna aana chaahiye। yeh hisaab bhi tum nikaalenge। pahle to tum kuchh bhi nahin samajhte the। abhi baap kitna samajhdaar banaate hain। teacher samajhdaar banaate hain na। abhi tum jaante ho ki bhagwan bindu swaroop hai। jhaad kitna bada hai। aatmaayen oopar mein bindi roop mein rehti hain। meethe-meethe bachchon ko samjhaaya jaata hai, vaastav mein ek second mein samajhdaar banna chaahiye। parantu pattharbuddhi aise hain jo samajhte hi nahin। nahin to hai ek second ki baat। had ka baap to janma by janma naya milta hai। yeh behad ka baap to ek hi baar aakar 21 janmon ka varsa dete hain। abhi tum behad ke baap se behad ka varsa le rahe ho। aayu bhi badi ho jaati hai। aise bhi nahin 21 janma koi ek baap rahega। nahin, tumhaari aayu badi ho jaati hai। tum kabhi duhkh nahin dekhte ho। pichhaadi mein tumhaari buddhi mein yeh gyaan jaakar rahega। baap ko yaad karna aur varsa lena hai। bas, bachcha paida hua aur vaaris bana। baap ko jaana to bas baap aur varse ko yaad karo, pavitra bano। daiveegun dhaaran karo। baap aur varsa kitna sahaj hai। em object bhi saamne hai।

ab bachchon ko vichaar karna hai - ham akhbaar dvaara kaise samjhaayen। trimoorti bhi dena pade kyonki samjhaaya jaata hai brahma dvaara sthaapna। braahmanon ko paavan banaane baap aaya hai isliye raakhi bandhavaate hain। patit paavan, bhaarat ko paavan bana rahe hain, har ek ko paavan banna hai kyonki ab paavan duniya sthaapan hoti hai। abhi tumhaare 84 janma poore hue hain। jisne bahut janma liye honge woh achhi reeti samajhte rahenge। pichhaadi mein aane vaale ko itni khushi nahin hogi kyonki bhakti kam ki hai। bhakti ka phal dene baap aata hai। bhakti kisne jaasti ki hai yeh bhi ab tum jaante ho। pahle number mein tum hi aaye ho, tumne hi avyabhichaari bhakti ki hai। tum bhi apne se poochho hamne jaasti bhakti ki hai ya isne? sabse teekhi jo service karte hain zaroor usne jaasti bhakti bhi ki hai। baba naam to likhte hain - kumaarka hai, janak hai, manohar hai, gulzaar hai। nambarvaar to hote hain। yahaan nambarvaar bitha nahin sakte। to vichaar karna hai - raksha bandhan ka akhbaar mein kaise daalen। woh to theek hai, minister aadi ke paas jaate hain, raakhi baandhate hain parantu pavitra to bante nahin hain। tum kehte ho pavitra bano to pavitra duniya sthaapan ho jaae। 63 janma vikaari banen, ab baap kehte hain yeh antim janma pavitra bano। khuda ko yaad karo to tumhaare sir par jo paap hain woh utar jaaen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) paas with honour hone ke liye baap samaan gyaan saagar banna hai। koi bhi avgun andar hai to uski jaanch kar nikaal dena hai। shareer ko dekhte hue na dekh, aatma nishchay kar aatma se baat karni hai।

2) yogbal itna jama karna hai jo apna har kaam sahaj ho jaae। akhbaaron dvaara harek ko paavan banne ka sandesh dena hai। aap samaan banaane ki seva karni hai।

vardaan:- deh-bhaan ko dehi-abhimaani sthiti mein parivartan karne vaale behad ke vairaagi bhav

chalte-chalte yadi vairaagya khandit hota hai to uska mukhya kaaran hai - deh-bhaan। jab tak deh-bhaan ka vairaagya nahin hai tab tak koi bhi baat ka vairaagya sadaakaal nahin rah sakta। sambandh se vairaagya - yeh koi badi baat nahin hai, woh to duniya mein bhi kaeeyon ko vairaagya aa jaata hai lekin yahaan deh-bhaan ke jo bhinna-bhinna roop hain, unhein jaankar, deh-bhaan ko dehi-abhimaani sthiti mein parivartan kar dena - yeh vidhi hai behad ke vairaagi banne ki।

slogan:- sankalp roopi paanv majboot hon to kaale baadlon jaisi baaten bhi parivartan ho jaayengi।