सोमवार 15 जुलाई 2024 की दैनिक मुरली

15-07-2024 praatahmurli om shanti "baapdaada"' madhuban

“meethe bachche - deh-abhimaan aasuri character hai, use badal daivi characters dhaaran karo to raavan ki jel se chhoot jaayenge''

prashn:- har ek aatma apne paap karmon ki saza kaise bhogti hai, usse bachne ka saadhan kya hai?

uttar:- har ek apne paapon ki saza ek to garbha jel mein bhogte hain, doosra raavan ki jel mein anek prakaar ke duhkh uthaate hain। baba aaya hai tum bachchon ko in jelon se chhudaane। inse bachne ke liye civilized bano।

om shanti। drama ke plan anusaar baap baith samjhaate hain। baap hi aakar raavan ki jel se chhudaate hain kyonki sab criminal, paap aatmaayen hain। saari duniya ke manushya maatra criminal hone ke kaaran raavan ki jel mein hain। phir jab shareer chhodte hain to bhi garbha jel mein jaate hain। baap aakar donon jel se chhudaate hain phir tum aadhaakalpa raavan ki jel mein bhi nahin aur garbha jel mein bhi nahin jaayenge। tum jaante ho baap dheere-dheere purushaartha anusaar humein raavan ki jel se aur garbha jel se chhudaate rehte hain। baap bataate hain tum sab criminal ho raavan raajya mein। phir raam raajya mein sab civilized hote hain। koi bhi bhoot ki praveshta nahin hoti hai। deh ka ahankaar aane se hi phir aur bhooton ki praveshta hoti hai। ab tum bachchon ko purushaartha kar dehi-abhimaani banna hai। jab aise (lakshmi-naaraayan) ban jaayenge tab hi devta kahlaayenge। abhi to tum brahman kahlaate ho। raavan ki jel se chhudaane liye baap aakar padhaate bhi hain aur jo sabke characters bigde hue hain woh sudhaarte bhi hain। aadhaakalpa se characters bigadte-bigadte bahut bigad gaye hain। is samay hain tamopradhaan characters। daivi aur aasuri characters mein barobar raat-din ka pharka hai। baap samjhaate hain ab purushaartha kar apna daivi characters banaana hai, tab hi aasuri characters se chhootte jaayenge। aasuri characters mein deh-abhimaan hai number one। dehi-abhimaani ke characters kabhi bigadte nahin hain। saara madaar characters par hai। devtaaon ka character kaise bigadta hai। jab ve vaam maarga mein jaate hain arthaat vikaari bante hain tab characters bigadte hain। jagannaath ke mandir mein aise chitra dikhaaye hain vaam maarga ke। yeh to bahut varshon ka puraana mandir hai, dress aadi devtaaon ki hi hai। dikhaate hain devta vaam maarga mein kaise jaate hain। pahli-pahli criminality hai hi yeh। kaam chita par chadhte hain, phir rang badalte-badalte bilkul kaale ho jaate hain। pahle-pahle golden ez mein hain sampoorn gore, phir do kala kam ho jaati hain। treta ko svarga nahin kahenge, woh hai semi svarga। baap ne samjhaaya hai raavan ke aane se hi tumhaare oopar kat chadhna shuru hui hai। poore criminal ant mein bante ho। abhi 100 percent criminal kahenge। 100 percent viceless the phir 100 percent vicious bane। ab baap kehte hain sudharte jaao, yeh raavan ka jel bahut bada hai। sabko criminal hi kahenge kyonki raavan ke raajya mein hain na। raam raajya aur raavan raajya ka to unko pata hi nahin hai। abhi tum purushaartha kar rahe ho raamraajya mein jaane ka। sampoorn to koi bana nahin hai। koi first, koi second, koi third mein hain। ab baap padhaate hain, daiveegun dhaaran karaate hain। deh-abhimaan to sabmen hai। jitna-jitna tum service mein lage rahenge utna deh-abhimaan kam hota jaayega। service karne se hi deh-abhimaan kam hoga। dehi-abhimaani badi-badi service karenge। baba dehi-abhimaani hai to kitni achhi service karte hain। sabhi ko criminal raavan ki jel se chhudaae sadgati praapta kara dete hain, vahaan phir donon jel nahin hogi। yahaan double jel hain, satayug mein na court hai, na paap aatmaayen hain, na to raavan ki jel hi hai। raavan ki hai behad ki jel। sabhi 5 vikaaron ki rassiyon mein bandhe hue hain। aparmaapaar duhkh hain। din-pratidin duhkh vriddhi ko paata rehta hai।

satayug ko kaha jaata hai golden ej, treta ko silver ej। satayug vaala sukh treta mein nahin ho sakta kyonki aatma ki do kala kam ho jaati hain। aatma ki kala kam hone se shareer bhi aise ho jaate hain, to yeh samajhna chaahiye ki barobar ham raavan ke raajya mein deh-abhimaani ban pade hain। ab baap aaya hai raavan ki jel se chhudaane ke liye। aadhaakalpa ka deh-abhimaan nikalne mein deri to lagti hai। bahut mehnat karni padti hai। jaldi mein jo shareer chhod gaye woh phir bhi bade hokar aae kuchh gyaan utha sakte hain। jitna deri hoti jaati hai to phir purushaartha to kar na saken। koi mare phir aakar purushaartha kare so to jab organs bade hon, samajhdaar hon tab kuchh kar bhi saken। deri se jaane vaale to kuchh seekh nahin sakenge। jitna seekhe utna seekhe isliye marne se pahle purushaartha karna chaahiye, jitna ho sake is taraph aane ki koshish zaroor karenge। is haalat mein bahut aayenge। jhaad vriddhi ko paayega। samjhaani to bahut sahaj hai। baambe mein baap ka parichay dene ke liye chance bahut achha hai - yeh ham sabka baap hai, baap se varsa to zaroor svarga ka hi chaahiye। kitna sahaj hai। dil andar gadgad hona chaahiye, yeh hamko padhaane vaala hai। yeh hamaari em object hai। ham pahle sadgati mein the phir durgati mein aaye ab phir durgati se sadgati mein jaana hai। shivbaaba kehte hain maamekam yaad karo to tumhaare janma-janmaantar ke paap kat jaayenge।

tum bachche jaante ho - jab dvaapar mein raavan raajya hota hai to 5 vikaar roopi raavan sarvavyaapi ho jaata hai। jahaan vikaar sarva-vyaapi hai vahaan baap sarvavyaapi kaise ho sakta hai। sabhi manushya paap aatmaayen hain na। baap sammukh hai tab to aise kehte hain ki mainne kaha hi nahin hai, ulta samajh gaye hain। ulta samajhte, vikaaron mein girte-girte, gaaliyaan dete-dete bhaarat ka yeh haal hua hai। Christian log bhi jaante hain ki 5 hazaar varsha pahle bhaarat svarga tha, sabhi satopradhaan the। bhaaratvaasi to laakhon varsha kah dete hain kyonki tamopradhaan buddhi ban pade hai। woh phir na itna oonch bane, na itna neech bane hain। woh to samajhte hain barobar svarga tha। baap kehte hain yeh theek kehte hain - 5 hazaar varsha pahle bhi main tum bachchon ko raavan ki jel se chhudaane aaya tha, ab phir chhudaane aaya hoon। aadhaakalpa hai raam raajya, aadhaakalpa hai raavan raajya। bachchon ko chance milta hai to samjhaana chaahiye।

baba bhi tum bachchon ko samjhaate hain - bachche, aise-aise samjhaao। itne aparmaapaar duhkh kyon hue hain? pahle to aparmaapaar sukh the jab in lakshmi-naaraayan ka raajya tha। yeh sarvagun sampanna the, ab yeh knowledge hai hi nar se naaraayan banne ki। padhaai hai, inse daivi characters bante hain। is samay raavan ke raajya mein sabhi ke characters bigde hue hain। sabke characters sudhaarne vaala to ek hi raam hai। is samay kitne dharma hain, manushyon ki kitni vriddhi hoti rehti hai, aise hi vriddhi hoti rahegi to phir khaana bhi kahaan se milega! satayug mein to aisi baaten hoti nahin hain। vahaan duhkh ki koi baat hi nahin। yeh kaliyug hai duhkhadhaam, sab vikaari hain। woh hai sukhdhaam, sabhi sampoorn nirvikaari hain। ghadi-ghadi unhon ko yeh batlaana chaahiye to kuchh samajh jaaen। baap kehte hain main patit-paavan hoon, mujhe yaad karne se tumhaare janma-janmaantar ke paap kat jaayenge। ab baap kaise kahenge! zaroor shareer dhaaran kar bolenge na। patit-paavan sarva ka sadgati daata ek baap hai, zaroor woh kisi rath mein aaya hoga। baap kehte hain main is rath mein aata hoon, jo apne janmon ko nahin jaante hain। baap samjhaate hain yeh 84 janmon ka khel hai, jo pahle-pahle aaye honge vahi aayenge, unke hi bahut janma honge phir kam hote jaayenge। sabse pahle devtaaye aaye। baba bachchon ko bhaashan karna sikhlaate hain - aise-aise samjhaana chaahiye। achhi reeti yaad mein rahenge, deh-abhimaan nahin hoga to bhaashan achha karenge। shivbaaba dehi-abhimaani hai na। kehte rehte hain - bachche, dehi-abhimaani bhav। koi vikaar na rahe, andar mein koi shaitaani na rahe। tumhein kisko bhi duhkh nahin dena hai, kiski ninda nahin karni hai। tum bachchon ko kabhi bhi suni-sunaai baaton par vishvaas nahin karna chaahiye। baap se poochho - yeh aise kehte hain, kya satya hai? baba bata denge। nahin to bahut hain jo jhoothi baaten banaane mein deri nahin karte hain - phalaane ne tumhaare liye aise-aise kaha, sunaakar unko hi khaak kar denge। baba jaante hain, aise bahut hota hai। ulti-sulti baaten sunaakar dil ko kharaab kar dete hain isliye kabhi bhi jhoothi baaten sunkar andar mein jalna nahin chaahiye। poochho phalaane ne mere liye aise kaha hai? andar saphaai honi chaahiye। kai bachche suni-sunaai baaton par bhi aapas mein dushmani rakh dete hain। baap mila hai to baap se poochhna chaahiye na। brahma baba par bhi bahuton ko vishvaas nahin hota hai। shivbaaba ko bhi bhool jaate hain। baap to aaye hain sabko oonch banaane। pyaar se uthaate rehte hain। eeshvareey mat leni chaahiye। nishchay hi nahin hoga to poochhenge hi nahin to respond bhi nahin milega। baap jo samjhaate hain usko dhaaran karna chaahiye।

tum bachche shreemat par vishwa mein shanti sthaapan karne ke nimitta bane ho। ek baap ke sivaae aur koi ki mat oonch te oonch ho nahin sakti। oonch te oonch mat hai hi bhagwan ki। jisse martaba bhi kitna ooncha milta hai। baap kehte hain apna kalyaan kar oonch pad paao, mahaarthi bano। padhenge hi nahin to kya pad paayenge। yeh hai kalpa-kalpaantar ki baat। satayug mein daas-daasiyaan bhi nambarvaar hote hain। baap to aaye hain oonch banaane parantu padhte hi nahin hain to kya pad paayenge। praja mein bhi to oonch-neech pad hote hain na, yeh buddhi se samajhna hai। manushyon ko pata nahin padta hai ki ham kahaan jaate hain। oopar jaate hain ya neeche utarte jaate hain। baap aakar tum bachchon ko samjhaate hain kahaan tum golden, silver ej mein the, kahaan iron ej mein aaye ho। is samay to manushya, manushya ko kha lete hain। ab yeh sabhi baaten jab samjhen tab kahen ki gyaan kisko kaha jaata hai। kai bachche ek kaan se sunkar doosre se nikaal dete hain। achhe-achhe centres ke achhe-achhe bachchon ki criminal aai rehti hai। phaayda, nuksaan, ijzat ki parvaah thode hi rakhte hain। mool baat hai hi pavitrata ki, is par hi kitne jhagde hote hain। baap kehte hain yeh kaam mahaashatru hai, in par jeet pahno tab hi jagatjeet banenge। devtaayen sampoorn nirvikaari hain na। aage chal samajh hi jaayenge। sthaapna ho hi jaayegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi suni-sunaai baaton par vishvaas karke apni sthiti kharaab nahin karni hai। andar mein saphaai rakhni hai। jhoothi baaten sunkar andar mein jalna nahin hai, eeshvareey mat le leni hai।

2) dehi-abhimaani banne ka poora purushaartha karna hai, kisi ki bhi ninda nahin karni hai। phaayda, nuksaan aur ijzat ko dhyaan mein rakhte hue criminal aai ko khatma karna hai। baap jo sunaate hain use ek kaan se sunkar doosre se nikaalna nahin hai।

vardaan:- trikaaldarshi ki seat par set ho har karma karne vaale shaktishaali aatma bhav

jo bachche trikaaldarshi ki seat par set hokar har samay, har karma karte hain, vo jaante hain ki baaten to anek aani hain, honi hain, chaahe svayan dvaara, chaahe auron dvaara, chaahe maaya va prakriti dvaara sab prakaar se paristhitiyaan to aayengi, aani hi hain lekin sva-sthiti shaktishaali hai to par-sthiti uske aage kuchh bhi nahin hai। sirf har karma karne ke pahle uske aadi-madhya-ant teenon kaal check karke, samajh karke phir kuchh bhi karo to shaktishaali ban paristhitiyon ko paar kar lenge।

slogan:- sarva shakti va gyaan sampanna banna hi sangamayug ki praalabdha hai।