मंगलवार 23 जुलाई 2024 की दैनिक मुरली

23-07-2024 praatahmurli om shanti "baapdaada"' madhuban

“meethe bachche - tumhein time par apne ghar vaapas jaana hai isliye yaad ki raphtaar ko badhaao, is duhkhadhaam ko bhool shantidham aur sukhdhaam ko yaad karo''

prashn:- kaun-sa ek guhya raaz tum manushyon ko sunaao to unki buddhi mein halchal mach jaayegi?

uttar:- unhein guhya raaz sunaao ki aatma itni chhoti bindi hai, usmein for ever part bhara hua hai, jo part bajaati hi rehti hai। kabhi thakti nahin। moksha kisi ko mil nahin sakta। manushya bahut duhkh dekhkar kehte hain moksha mile to achha hai, lekin avinaashi aatma part bajaane ke bina rah nahin sakti। is baat ko sunkar unke andar halchal mach jaayegi।

om shanti। meethe-meethe roohaani bachchon ko baap samjhaate hain, yahaan to hain roohaani bachche। baap roz-roz samjhaate hain barobar is duniya mein gareebon ko kitna duhkh hai, abhi yeh floods aadi hoti hain to gareebon ko duhkh hota hai, unke saamaan aadi ka kya haal ho jaata hai। duhkh to hota hai na! apaar duhkh hain। saahookaaron ko sukh hain parantu woh bhi alpakaal ke liye। saahookaar bhi beemaar padte hain, mrityu bhi bahut hoti hai - aaj phalaana mara, aaj yeh hua। aaj president hai, kal gaddi chhodni padti hai। gheraav kar unko utaar dete hain। yeh bhi duhkh hota hai। baba ne kaha hai duhkhon ki bhi list nikaalo, kis-kis prakaar ke duhkh hain - is duhkhadhaam mein। tum bachche sukhdhaam ko bhi jaante ho, duniya kuchh bhi nahin jaanti। duhkhadhaam sukhdhaam ki bhent woh nahin kar sakte। baap kehte hain tum sab kuchh jaante ho, yeh maanenge ki barobar kehte sach hain। yahaan jisko bade-bade makaan hain, aeroplane aadi hain, woh samajhte hain kaliyug ko ajun 40 hazaar varsha chalna hai। baad mein satayug aayega। ghor andhiyaare mein hain na। ab unhon ko nazdeek le aana hai। baaki thoda samay hai। kahaan laakhon varsha kehte hain, kahaan tum 5 hazaar varsha siddha kar batlaate ho। yeh 5 hazaar varsha ke baad chakra repeat hota hai। drama koi laakhon varsha ka thode hi hoga। tum samajh gaye ho jo kuchh hota hai woh 5 hazaar varsha mein hota hai। to yahaan duhkhadhaam mein beemaariyaan aadi sab hoti hain। tum to mukhya thodi baaten likh do। svarga mein duhkh ka naam bhi nahin। ab baap samjhaate hain maut saamne khada hai, yeh vahi geeta ka episode chal raha hai। zaroor sangamayug par hi satayug ki sthaapna hogi। baap kehte hain ki main raajaaon ka raaja banaata hoon to zaroor satayug ka banaayega na। baba achhi reeti samjhaate hain।

ab ham jaate hain sukhdhaam। baap ko le jaana pade। jo nirantar yaad karte hain vahi oonch pad paayenge, uske liye baba yuktiyaan batlaate rehte hain। yaad ki raphtaar badhaao। kumbha ke mele par bhi time par jaana hota hai। tumko bhi time par jaana hai। aise nahin ki jaldi-jaldi jaakar pahunchenge। nahin, yeh jaldi-jaldi karna apne haath mein nahin hai। yeh to hai hi drama ki noondh। mahima saari drama ki hai। yahaan kitne jeev jantu aadi duhkh dene vaale hain। satayug mein yeh hote nahin। andar khyaal karna chaahiye - vahaan yeh-yeh hoga। satayug to yaad aata hai na। satayug ki sthaapna baap karte hain। pichhaadi mein saara nutshell mein gyaan buddhi mein aa jaata hai। jaise beej kitna chhota, jhaad kitna bada hai। woh to hain jad cheejen, yeh hai chaitanya। inka kisko pata nahin hai, kalpa ki aayu lambi-chaudi kar di hai। bhaarat hi bahut sukh paata hai to duhkh bhi bhaarat hi paata hai। beemaariyaan aadi bhi bhaarat mein adhik hain। yahaan machchharon sadrishya manushya marte hain kyonki aayu chhoti hai। yahaan ke saphaai karne vaalon aur vilaayat ke saphaai karne vaalon mein kitna farka hai। vilaayat se saari invention yahaan aati hai। satayug ka naam hi paradise hai। vahaan sab satopradhaan hain। tumko sab saakshaatkaar honge। yeh hai ab sangamayug jabki baap baith samjhaate hain, samjhaate rahenge, nai-nai baaten sunaate rahenge। baap kehte hain din-pratidin guhya-guhya baaten sunaata hoon। aage thode hi pata tha, baba itni bindi hai, unmein saara part bhara hua hai for ever। tum part bajaate aaye ho, tum kisko bhi bataao to buddhi mein kitni halchal ho jaayegi ki yeh kya kehte hain, itni chhoti bindi mein saara part bhara hua hai, jo bajaate hi rehte, kab thakte nahin hain! kisko bhi pata nahin। abhi tum bachchon ko samajh padti jaati hai ki aadhaakalpa hai sukh, aadhaakalpa hai duhkh। bahut duhkh dekh kar hi manushya kehte hain - isse to moksha pa len। jab tum sukh mein, shanti mein honge, vahaan thode hi aise kahenge। yeh saari knowledge abhi tumhaari buddhi mein hai। jaise baap beej hone kaaran uske paas saare jhaad ki knowledge hai। jhaad ka model roop dikhaaya hai। bada thode hi dikha sakte। buddhi mein saari knowledge aa jaati hai। to tum bachchon ki kitni vishaal buddhi honi chaahiye। kitna samjhaana padta hai, phalaane-phalaane itne samay baad phir aate hain part bajaane, yeh kitna bada huge drama hai। yeh saara drama to kabhi koi dekh bhi na sake। impossible hai। divya drishti se to achhi cheez dekhi jaati hai। ganesh, hanoomaan yeh sab hain bhakti maarga ke। parantu manushyon ki bhaavna baithi hui hai to chhod nahin sakte। ab tum bachchon ko purooshaartha karna hai, kalpa pahle misal pad paane ke liye padhna hai। tum jaante ho punarjanma to har ek ko lena hi hai। seedhi kaise utre hain, yeh to bachche jaan gaye ho। jo khud jaante hain woh auron ko bhi samjhaane lag padenge। kalpa pahle bhi yahi kiya hoga। aise hi museum banaakar kalpa pahle bhi bachchon ko sikhaaya hoga। purooshaartha karte rehte hain, karte rahenge। drama mein noondh hai। aise to dher ho jaayenge। gali-gali ghar-ghar mein yeh school hoga। hai sirf dhaarna karne ki baat। bolo tumhaare do baap hain, bada kaun thahra? unko hi pukaarte hain raham karo। kripa karo। baap kehte hai maangane se kuchh bhi nahin milega। hamne to raasta bata diya hai। main aata hi hoon raasta bataane। saara jhaad tumhaari buddhi mein hai।

baap kitni mehnat karte rehte hain। baaki bahut thoda time bacha hai। mujhe serviceable bachche chaahiye। ghar-ghar mein geeta paathshaala chaahiye। aur chitra aadi na rakho sirf baahar mein likh do। chitra to yeh badge hi bas hai। pichhaadi mein yeh badge hi tumko kaam mein aayega। eeshaare ki baat hai। maaloom pad jaata hai behad ka baap zaroor svarga hi rachenge। to baap ko yaad karenge tab to svarga mein jaayenge na। yeh to samajhte ho ham patit hain, yaad se hi paavan banenge aur koi upaay nahin। svarga hai paavan duniya, svarga ka maalik banna hai to paavan zaroor banna hai। svarga mein jaane vaale phir narka mein gote kaise khaayenge isliye kaha jaata hai manamnaabhav। behad ke baap ko yaad karo to ant mati so gati hogi। svarga mein jaane vaale vikaar mein thode hi jaayenge। bhakta log itna vikaar mein nahin jaate। sannyaasi bhi aise nahin kahenge pavitra bano kyonki khud hi shaadiyaan karaate hain। ve grihasthiyon ko kahenge - maas-maas mein vikaar mein jaao। brahmachaariyon ko aise nahin kahenge ki tumhein shaadi nahin karna hai। tumhaare paas gandharvi vivaah karte hain phir bhi doosre din khel khalaas kar dete। maaya bahut kashish karti hai। to bhi pavitra banne ka purooshaartha is samay hi hota hai, phir hai praalabdha। vahaan to raavan raajya hi nahin। criminal khyaalaat hi nahin hoti। criminal raavan banaata hai। civil shivbaaba banaate hain। yeh bhi yaad karna hai। ghar-ghar mein class hoga to sab samjhaane vaale ban padenge। ghar-ghar mein geeta paathshaala banaae ghar vaalon ko sudhaarna hai। aise vriddhi hoti rahegi। saadhaaran aur gareeb, woh jaise hamjinsa thahre। bade-bade aadmiyon ko chhote-chhote aadmiyon ke satsang mein aane mein bhi lajja aayegi kyonki suna hai na jaadu hai, bhaai-behen banaati hain। are, yeh to achha hai na। grihasthi mein kitne jhanjhat hote hain। phir kitna duhkhi hote hain। yeh hai hi duhkh ki duniya। apaar duhkh hain phir vahaan sukh bhi apaar hoga। tum koshish karo list banaane ki। 25-30 mukhya-mukhya duhkh ki baaten nikaalo।

behad ke baap se varsa paane ke liye kitna purooshaartha karna chaahiye। baap is rath dvaara hamko samjhaate hain, yeh daada bhi student hai। dehdhaari sab student hain। teacher padhaane vaala hai videhi। tumko bhi videhi banaate hain isliye baap kehte hain shareer ka bhaan chhodte jaao। yeh makaan aadi kuchh bhi nahin rahega। vahaan sab kuchh naya milna hai, pichhaadi mein tumko bahut saakshaatkaar honge। yeh to jaante ho us taraph vinaash bahut ho jaayega, atomic bombs se। yahaan ke liye hai rakta ki nadiyaan, ismen time lagta hai। yahaan ka maut bada kharaab hai। yeh avinaashi khanda hai, nakshe mein dekhenge hindustaan to ek jaise kona hai। drama anusaar yahaan unka asar aata hi nahin hai। yahaan rakta ki nadiyaan bahti hain। abhi taiyaariyaan kar rahe hain। ho sakta hai pichhaadi mein inko bombs bhi loan denge। baaki woh bombs jo phenkane se hi duniya khatma ho jaae, woh thode hi loan par denge। halki quality ke denge। kaam ki cheejen thode hi kisko di jaati hai। vinaash to kalpa pahle misal ho hi jaana hai। nai baat nahin। anek dharma vinaash, ek dharma ki sthaapna। bhaarat khanda kabhi vinaash ko nahin paata hai। kuchh to bachne hi hain। sab mar jaaen phir to pralay ho jaae। din-pratidin tumhaari buddhi vishaal hoti jaayegi। tumko bahut regard rahega। abhi itna regard thode hi hai tab to kam paas hote hain। buddhi mein aata nahin hai, kitni sajaayen khaani padengi phir aayenge bhi deri se। girte hain to phir ki kamaai chat ho jaati hai। kaale ke kaale ban jaayenge। phir woh khade ho na saken। kitne jaate hain, kitne jaane vaale bhi hain। khud bhi samajh sakte hain is haalat mein shareer chhoot jaae to hamaari kya gati hogi। samajh ki baat hai na। baap kehte hain tum bachche ho shanti sthaapan karne vaale, tumhaare mein hi ashaanti hogi to pad bhrashta ho jaayega। kisko bhi duhkh dene ki darkaar nahin hai। baap kitna pyaar se sabko bachche-bachche kahkar baat karte hain। behad ka baap hai na। saari duniya ki ismen knowledge hai tab to samjhaate hain। is duniya mein kitne prakaar ke duhkh hain। dher duhkh ki baaten tum likh sakte ho। jab tum yeh siddha kar bataayenge to samjhenge ki yeh baat to bilkul theek hai। yeh apaar duhkh to sivaae ek baap ke aur koi door kar nahin sakte। duhkhon ki list hogi to kuchh na kuchh buddhi mein baithega। baaki to suna-ansuna kar denge, unke liye hi gaaya jaata hai, ridh (bhed) kya jaane saaz se… baap samjhaate hain tum bachchon ko aisa gul-gul banna hai। koi ashaanti, gandagi nahin honi chaahiye। ashaanti phailaane vaale deh-abhimaani thahre, unse door rehna hai। chhoona bhi nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise padhaane vaala teacher videhi hai, use deh ka bhaan nahin, aise videhi banna hai। shareer ka bhaan chhodte jaana hai। criminal aai ko badal civil aai banaani hai।

2) apni buddhi ko vishaal banaana hai। sajaaon se chhootne ke liye baap ka va padhaai ka regard rakhna hai। kabhi bhi duhkh nahin dena hai। ashaanti nahin phailaani hai।

vardaan:- brahman jeevan ki natural nature dvaara patthar ko bhi paani banaane vaale master prem ke saagar bhav

jaise duniya vaale kehte hain ki pyaar patthar ko bhi paani kar deta hai, aise aap braahmanon ki natural nature master prem ka saagar hai। aapke paas aatmik pyaar, parmaatma pyaar ki aisi shakti hai, jisse bhinna-bhinna nature ko parivartan kar sakte ho। jaise pyaar ke saagar ne apne pyaar swaroop ki anaadi nature se aap bachchon ko apna bana liya। aise aap bhi master pyaar ke saagar ban vishwa ki aatmaao ko sachcha, nihsvaartha aatmik pyaar do to unki nature parivartan ho jaayegi।

slogan:- apni visheshtaaon ko smriti mein rakh unhein seva mein lagaao to udti kala mein udte rahenge।