सोमवार 29 जुलाई 2024 की दैनिक मुरली

29-07-2024 praatahmurli om shanti "baapdaada"' madhuban

“meethe bachche - baba aaya hai tumhein gyaan ratna dene, murli sunaane, isliye tumhein kabhi bhi murli miss nahin karni hai, murli se pyaar nahin to baap se pyaar nahin''

prashn:- sabse achha character kaun-sa hai, jo tum is knowledge se dhaaran karte ho?

uttar:- viceless banna yeh sabse achha character hai। tumhein knowledge milti hai ki yeh saari duniya vicious hai, vicious maana hi characterless। baap aaya hai viceless world sthaapan karne। viceless devtaayen character vaale hain। kaire-ktar sudharte hain baap ki yaad se।

om shanti। bachche tumhein padhaai kabhi miss nahin karna hai। agar padhaai miss ki to pad se bhi miss ho jaayenge। meethe-meethe roohaani bachche kahaan baithe hain? godly spiritual university mein। bachchon ko yeh bhi pata hai ki har 5 hazaar varsha baad ham is yuni-varsiti mein daakhil hote hain। yeh bhi tum bachche jaante ho - baap, baap bhi hai, teacher bhi hai, guru bhi hai। vaise guru ki moorti alag, baap ki alag, teacher ki alag hoti hai। yeh moorti ek hi hai। parantu hain teenon hi arthaat baap bhi bante hain, teacher bhi bante hain, guru bhi bante hain। manushya ki life mein yeh 3 mukhya hain। baap, teacher, guru vahi hai। teenon part khud bajaate hain। ek-ek baat samajhne se tum bachchon ko bahut khushi honi chaahiye aur aisi trimoorti university mein bahuton ko le aakar daakhil karna chaahiye। jis-jis university mein padhaai achhi hoti hai to vahaan padhne vaale doosron ko kehte hain - is university mein padho, yahaan knowledge achhi milti hai aur characters bhi sudharte hain। tum bachchon ko bhi doosron ko le aana hai। maataayen maataaon ko, puroosh purooshon ko samjhaayen। dekho yeh baap bhi hai, teacher bhi hai, guru bhi hai। aise samjhaate hain va nahin, woh to har ek apni dil se poochhe। kabhi apne mitra sambandhiyon, sakhiyon ko samjhaate hain ki yeh supreme baap bhi hai, supreme teacher bhi hai, supreme guru bhi hai? baap supreme devi-devta banaane vaala hai, baap aap samaan baap nahin banaate। baaki unki jo mahima hai, usmein aapasmaan banaate hain। baap ka kaam hai paravrish karna aur pyaar karna। aise baap ko zaroor yaad karna hai। unki bhent aur koi se ho na sake। bhal kehte hain guru se shanti milti hai। parantu yeh to vishwa ka maalik banaate hain। aise bhi koi nahin kahenge ki ham sab aatmaon ka baap hoon। yeh kisko pata nahin hai ki sabhi aatmaon ka baap kaun ho sakta hai। ek behad ka baap, jise hindu, musalmaan, Christian aadi sab god father zaroor kehte hain। buddhi zaroor niraakaar taraph jaati hai। yeh kisne kaha? aatma ne kaha god father। to zaroor milna chaahiye। father sirf kahe aur kabhi mile hi nahin to woh father kaise ho sakta? saari duniya ke bachchon ki jo aash hai woh poorn karte hain। sabki kaamna rehti hai ki ham shantidham jaayen। aatma ko ghar yaad padta hai। aatma raavan raajya mein thak gai hai। angreji mein bhi kehte hain O god father, liberate karo। tamopradhaan bante-bante part bajaate-bajaate shantidham chale jaayenge। phir pahle sukhdhaam mein aate hain। aise nahin, pahle-pahle aakar vicious bante hain। nahin। baap samjhaate hain yeh hai veshyaalay, raavan raajya। ise raurav narka kaha jaata hai।

bhaarat mein va is duniya mein kitne shaastra, kitni padhaai ki pustake hain, yeh sab khatma ho jaayenge। baap tumko yeh jo saugaat dete hain, woh kabhi jalne vaali nahin hai। yeh hai dhaaran karne ki। jo kaam ki cheez nahin hoti usko jalaaya jaata hai। gyaan koi shaastra nahin jo jalaaya jaae। tumko knowledge milti hai, jisse tum 21 janma pad paate ho। aise nahin ki inke shaastra hain jo jala denge। nahin, yeh gyaan aapehi praayahlop ho jaata hai। koi padhne ki kitaab aadi nahin hai। gyaan-vigyaan bhavan naam bhi hai। parantu unko pata nahin ki yeh naam kyon pada hai, iska arth kya hai? gyaan-vigyaan ki mahima kitni bhaari hai! gyaan arthaat srishti chakra ki knowledge jo abhi tum dhaaran karte ho। vigyaan maana shantidham। gyaan se bhi tum pare jaate ho। gyaan mein padhaai ke aadhaar se phir tum raajya karte ho। tum samajhte ho ham aatmaon ko baap aakar padhaate hain। nahin to bhagvaanuvaach gum ho jaae। bhagwan koi shaastra thode hi padhkar aate hain। bhagwan mein to gyaan-vigyaan donon hain। jo jaisa hota hai, vaisa banaate hain। yeh hain bahut sookshm baaten। gyaan se vigyaan bahut sookshm hai। gyaan se bhi pare jaana hai। gyaan sthool hai, ham padhaate hain, aavaaz hota hai na। vigyaan sookshm hai ismen aavaaz se pare shanti mein jaana hota hai। jis shanti ke liye hi bhatakte hain। sannyaasiyon ke paas jaate hain। parantu jo cheez baap ke paas hai woh doosre koi se mil nahin sakti hai। hathayog karte, khadde mein baith jaate parantu isse koi shanti mil na sake, yahaan to takleeph ki koi baat nahin। padhaai bhi bahut sahaj hai। 7 roz ka course uthaaya jaata hai। 7 roz ka course karke phir bhal kahaan bhi baahar chala jaae, aise aur koi jismaani college mein kar na sake। tumhaare liye course hi yeh 7 roz ka hai। sab samjhaaya jaata hai। parantu 7 roz koi de na sake। buddhiyog kahaan na kahaan chala jaata hai। tum to bhatthi mein pade, koi ki shakla nahi dekhte the। koi se baat nahin karte the। baahar bhi nahin nikalte the। tapasya ke liye saagar ke kanthe par jaakar baithte the yaad mein। us samay yeh chakra nahin samjha tha। yeh padhaai nahin samajhte the। pahle-pahle to baba se yog chaahiye। baap ka parichay chaahiye। phir peechhe teacher chaahiye। pahle to baap ke saath yog kaise lagaayen, yeh bhi seekhna pade kyonki yeh baap hai ashareeri, doosre to koi maante hi nahin। kehte hain god father omni present hai। bas sarvavyaapi ka gyaan hi chala aata hai। abhi tumhaari buddhi mein woh baat nahin hai। tum to student ho। baap kehte hain apna dhandha aadi bhi bhal karo parantu class zaroor padho। grihastha vyavhaar mein bhal raho। agar kehte school mein nahin jaana hai to phir baap bhi kya kare। are, bhagwan padhaate hain, bhagwan bhagavti banaane! bhagvaanuvaach - main tumko raajaaon ka raaja banaata hoon। to kya bhagwan se raajayog nahin seekhenge? aise kaun thahar sakenge! isliye hi tumhaara bhaagna hua। vish se bachne ke liye bhaage। tum aakar bhatthi mein pade, jo koi dekh na sake, mil na sake। koi ko dekhte hi nahin the। to phir dil kisse lagaayen। yeh bachchon ko nishchay bhi hai ki bhagwan padhaate hain। phir bhi bahaana karte hain, beemaari hai, yeh kaam hai। baap to bahut shift de sakte hain। aajkal school mein shift bahut dete hain। yahaan koi jaasti padhaai to hai nahin। sirf alpha aur be ko samajhne liye buddhi achhi chaahiye। alpha aur be - yeh yaad karo, sabhi ko bataao। trimoorti to bahut banaate hain parantu oopar mein shivbaaba dikhlaate nahin। yeh thode hi samajhte hain geeta ka bhagwan shiv hai, jis dvaara yeh knowledge lekar vishnu bante hain। raajayog hai na। abhi yeh hai bahut janmon ke ant ka janma, kitni sahaj samjhaani hai। kitaab aadi to kuchh bhi haath mein nahin hai। sirf ek badge ho, usmein bhi sirf trimoorti ka chitra ho। jis par samjhaana hai ki baap kaise brahma dvaara padhaai padhaakar vishnu samaan banaate hain।

kai samajhte hain ham raadhe jaisa banen। kalash to maataaon ko milta hai। goya raadhe ke bahut janmon ke ant mein unko kalash milta hai। yeh raaz bhi baap hi samjha sakte hain aur koi manushya maatra jaante nahin। tumhaare paas centre par kitne aate hain। koi to ek roz aate phir 4 roz nahin। to poochhna chaahiye itne roz tum kya karte the? baap ko yaad karte the? svadarshan chakra phiraate the? jo bahut deri se aate hain unse likhkar bhi poochhna chaahiye। kai badli hokar jaate hain phir bhi koi centre ka to zaroor hai, unko mantra mila hua hai - baap ko yaad karna hai aur chakra ko phiraana hai। baap ne to bahut sahaj baat bataai hai। akshar hi do hain - manamnaabhav, mujhe yaad karo aur varse ko yaad karo, ismen saara chakra aa jaata hai। jab koi shareer chhodte hain to kehte hain phalaana svarga gaya। parantu svarga kya hai, kisko pata nahin hai। tum abhi samajhte ho vahaan to raajaai hai। oonch se lekar neench tak, saahookaar se lekar gareeb tak sab sukhi hote hain। yahaan hai duhkhi duniya। woh hai sukhi duniya। baap samjhaate to bahut achha hain। bhal koi dukaandaar ho va kya bhi ho, padhaai ke liye bahaana dena achha nahin lagta hai। nahin aate hain to unse poochhna hai, tum kitna baap ko yaad karte ho? svadarshan chakra phiraate ho? khaao piyo, ghoomo phiro - uski koi mana nahin hai। iske liye bhi time nikaalo। auron ka bhi kalyaan karna hai। samjho koi ka kapde saaph karne ka kaam hai, bahut log aate hain। bhal musalmaan hai va paarsi hai, hindu hai, bolo tum sthool kapde dhulaate ho parantu yeh jo tumhaara shareer hai, yeh to puraana maila vastra hai, aatma bhi tamopradhaan hai, unko satopradhaan, svachchha banaana hai। yeh saari duniya tamopra-dhaan, patit kaliyugi puraani hai। tamopradhaan se satopradhaan banne ke liye lakshya hai na। ab karo na karo, samjho na samjho, tumhaari marji। tum aatma ho na। aatma zaroor pavitra honi chaahiye। abhi to tumhaari aatma impure ho gai hai। aatma aur shareer donon maile hain। unko saaph karne ke liye tum baap ko yaad karo to guarantee hai, tumhaari soul ekdam 100 pratishat pavitra sona ban jaayegi, phir jevar bhi achha banega। maano na maano, tumhaari marji। yeh bhi kitni service hui। doctors paas jaao, college mein jaao, badon-badon ko jaakar samjhaao ki character bahut achha hona chaahiye। yahaan to sab hain characterless। baap kehte hain viceless banna hai। viceless duniya thi na। abhi vicious hai arthaat characterless hai। character bahut kharaab ho gaye hain। viceless banne ke bina sudhrenge nahin। yahaan manushya hain hi kaami। abhi vicious duniya se viceless world ek baap hi sthaapan karte hain। baaki puraani duniya vinaash ho jaayegi। yeh chakra hai na। is gole mein samjhaani bahut achhi hai। yeh viceless world thi, jahaan devi-devta raajya karte the। abhi vo kahaan gaye? aatma to vinaash hoti nahin, ek shareer chhod doosra leti hai। devi-devtaaon ne bhi 84 janma liye hain। abhi tum sayaane bane ho। aage tumko kuchh bhi pata nahin tha। abhi yeh puraani duniya kitni gandi hai, tum feel karte ho baba jo kehte hain woh to barobar theek hai। vahaan to hai hi pavitra duniya। yeh pavitra duniya na hone kaaran apne par devta ke badle hindu naam rakh diya hai। hindustaan mein rahne vaale hindu kah dete hain, devtaayen hain svarga mein। abhi tum is chakra ko samajh gaye ho। jo jo sensible hain woh achhi reeti samajhte hain to jaise baap samjhaate hain aise phir baith repeat karna chaahiye। mukhya-mukhya akshar note karte jaao। phir sunaao, baap ne yeh-yeh point sunaai hai। bolo, main to geeta ka gyaan sunaata hoon। yeh geeta ka hi yug hai। 4 yug hain, yeh to sab jaante hain। yeh hai leap yug। is sangamayug ka kisko bhi pata nahin hain, tum jaante ho yeh purooshottam sangam yug hai। manushya shiv jayanti bhi manaate hain parantu woh kab aaye, kya kiya yeh jaante nahin। shiv jayanti ke baad hai krishna jayanti, phir raam jayanti। jagat amba, jagat pita ki jayanti to koi manaate nahin। sab nambarvaar aate hain na। abhi tumko yeh saari knowledge milti hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) hamaara baap, supreme baap, supreme teacher, supreme satguru hai - yeh baat sabko sunaani hai। alpha aur be ki padhaai padhaani hai।

2) gyaan arthaat srishti chakra ki knowledge ko dhaaran kar svadarshan chakradhaari banna hai aur vigyaan arthaat aavaaz se pare shanti mein jaana hai। 7 roz ka course lekar phir kahaan bhi rehte padhaai karni hai।

vardaan:- seva mein maan-shaan ke kachche phal ko tyaag sada prasannachit rahne vaale abhimaan mukta bhav

royal roop ki ichchha ka swaroop naam, maan aur shaan hai। jo naam ke peechhe seva karte hain, unka naam alpa-kaal ke liye ho jaata hai lekin oonch pad mein naam peechhe ho jaata hai kyonki kachcha phal kha liya। kai bachche sochte hain ki seva ki result mein mere ko maan milna chaahiye। lekin yeh maan nahin abhimaan hain। jahaan abhimaan hai vahaan prasannata nahin rah sakti, isliye abhimaan mukta ban sada prasannata ka anubhav karo।

slogan:- parmaatma pyaar ke sukhdaai jhoole mein jhoolo to duhkh ki lahar aa nahin sakti।