शनिवार 10 अगस्त 2024 की दैनिक मुरली

10-08-2024 praatahmurli om shanti "baapdaada"' madhuban

“meethe bachche - abhi tumhaari sab aashaayen poori hoti hai, pet bhar jaata hai, baap aaye hain tumhein tripta aatma banaane''

prashn:- abhi tum bachche bhakti to nahin karte ho lekin bhakta zaroor ho - kaise?

uttar:- jab tak deh-abhimaan hai tab tak bhakta ho। tum gyaani banne ke liye padh rahe ho। jab imtahaan paas karenge, karmaateet ban jaayenge tab sampoorn gyaani kahenge। phir padhne ki darkaar nahin।

om shanti। bhakta aur bhagwan do cheezen hain na। bachche aur baap। bhakta to dher ke dher hain। bhagwan hai ek। tum bachchon ko bahut sahaj baat lagti hai, aatmaayen shareer dvaara bhakti karti hain, kyon? bhagwan baap se milne ke liye। tum bhakta abhi drama ko samajh gaye ho। jab poore gyaani ban jaayenge to yahaan nahin rahenge। school mein padhte hain, imtahaan paas kiya to doosre darje mein chale jaayenge। abhi tumko bhagwan padha rahe hain। gyaani ko to padhaai ki darkaar nahin rehti। bhakton ko bhagwan padha rahe hain। tum jaante ho ham aatma bhakti karte the। ab bhakti se nikal gyaan mein kaise jaayen - yeh baap sikhlaate hain। abhi bhakti karte nahin ho parantu deh-abhimaan mein to aa jaate ho na। yeh bhi tum samajhte ho, vo bhakta log to bhagwan ko bhi nahin jaante। khud kehte hain ham nahin jaante। number one jo bhakta hain, unse bhi baap poochhte hain tum jis bhagwan ke bhakta the, unko jaante the? vaastav mein bhagwan bhi hona ek chaahiye। yahaan to anek bhagwan ho gaye hain। apne ko bhagwan kehte rehte hain। isko kaha jaata hai agyaan। bhakti mein ghor andhiyaara hai। woh hai hi bhakti maarga। bhakta log gaate hain gyaan anjan satguru diya, agyaan andher vinaash। gyaan anjan guru log nahin de sakte। guru to dher hain। tum bachche jaante ho bhakti mein kya-kya karte the, kisko yaad karte the, kisko poojte the। woh bhakti ka andhiyaara abhi tumhaara chhoot gaya kyonki baap ko jaan liya। baap ne parichay diya hai - meethe-meethe bachche, tum aatma ho। tumne is shareer ke saath part bajaaya hai। tumhaara hai behad ka gyaan। behad ka part bajaate rehte ho। tum had se nikal ab behad mein chale gaye ho। yeh duniya bhi badhte-badhte kitni behad mein chali gai hai। phir zaroor had mein aayegi। had se behad mein, behad se had mein kaise aate hain - abhi tum bachchon ko maaloom padta hai। aatma chhoti star misal hai, itna samajhte hain phir bhi itna bada ling bana dete hain। woh bhi kya karen kyonki chhoti-si bindu ki pooja to kar na saken। kehte hain bhrakuti ke beech chamakta hai sitaara। ab us sitaare ki bhakti kaise karen? bhagwan ka to kisko pata nahin hai। aatma ka maaloom hai। aatma bhrakuti ke beech rehti hai। bas। yeh buddhi mein nahin aata ki aatma hi shareer le part bajaati hai। pahle-pahle tum hi pooja karte the। bade-bade ling banaate hain। raavan ka bhi din-pratidin bada chitra banaate hain, chhota raavan to bana na saken। manushya to chhota hota hai phir bada hota hai। raavan ko kabhi chhota nahin dikhaate hain, woh to chhota-bada hota nahin। woh koi sthool cheez nahin। raavan 5 vikaaron ko kaha jaata hai। 5 vikaaron ki vriddhi hoti jaati hai kyonki tamopradhaan bante jaate hain। aage deh-abhimaan itna nahin tha, phir badhta gaya hai। ek ki pooja ki phir doosre ki pooja ki। aise vriddhi ko paate gaye hain। aatma tamopradhaan ban gai hai। duniya mein aur koi manushya nahin hoga jisko yeh buddhi mein ho ki satopradhaan kab hote hain? phir tamopradhaan kab bante hain? in baaton se manushya bilkul anjaan hain। knowledge koi difficult nahin hai। baap aakar bilkul sahaj knowledge sunaate hain, padhaate hain। phir bhi saari padhaai ka tanta rah jaata hai - ham aatma baap ke bachche hain, baap ko yaad karna hai।

yeh bhi gaayan hai - koton mein kou, kitne thode nikalte hain। koton mein koi hi yathaartha reeti jaante hain। kisko? baap ko। kahenge, baap kabhi aisa hota hai kya? apne baap ko to sabhi jaante hain। baap ko kyon bhool gaye hain? iska naam hi hai bhool-bhulaiya ka khel। ek hota hai had ka baap, doosra hota hai behad ka baap। do baap se varsa milta hai। had ke baap se thoda varsa milta hai। din-pratidin bilkul thoda hota jaata hai। jaise ki kuchh bhi hai nahin। jab tak behad ka baap na aaye to pet hi na bhare। pet hi saara khaali ho jaata hai, baap aakar pet bharte hain। har baat mein pet aisa bhar dete hain jo tum bachchon ko koi cheez ki darkaar hi nahin। sab aashaayen poori kar dete hain। tripta aatma ho jaati hai। jaise braahmanon ko khilaate hain to aatma tripta ho jaati hai। yeh hai behad ki tripti। pharka dekho kitna hai। aatma ke had ki tripti aur behad ki tripti mein pharka dekho kitna hai। baap ko jaanne se hi tripti ho jaati hai kyonki baap svarga ka maalik banaate hain। tum jaante ho ham behad baap ke bachche hain, baap ko to sab yaad karte hain na। bhal koi-koi kehte hain - yeh to nature hai, ham brahm mein leen ho jaayenge। baap ne bataaya hai ki brahm mein koi bhi leen nahin hota। yeh to anaadi drama hai jo phirta rehta hai, ismen moonjhane ki bilkul darkaar nahin। 4 yugon ka chakra phirta rehta hai। hoobhu repeat hota rahega। baap ek hi hai, duniya bhi ek hi hai। vo log kitna maatha maarte hain। samajhte hain moon mein bhi duniya hai, sitaaron mein bhi duniya hai। kitna dhoondhate hain। moon mein bhi plat lene ka sochte hain - yeh kaise ho sakta। kisko paisa denge? isko kaha jaata hai science ka ghamanda। baaki to hai kuchh bhi nahin। trial karte rehte hain। yeh maaya ka pomp hai na। svarga se bhi jaasti show karke dikhaate hain। svarga ko to bhool hi gaye hain। svarga mein to athaah dhan tha। ek mandir se hi dekho kitna dhan le gaye। bhaarat mein hi itna dhan tha, bahut khajaana bharpoor tha। muhammad gajanvi aaya, lootkar le gaya। aadhaakalpa to tum samartha rehte ho, chori aadi ka koi naam nahin hota। raavan raajya hi nahin। raavan raajya shuru hua aur chori chakaari, jhagde aadi shuru hue hain। raavan ka naam lete hain। baaki raavan koi hai nahin। vikaaron ki praveshta hui। raavan ke liye manushya kya-kya karte hain। kitna manaate hain। tum bhi dashahra manaate the, dekhne jaate the raavan ko kaise jalaate hain। phir sona lootne jaate hain। hai kya cheez, abhi wonder lagta hai। kya ban pade the। kitni pooja aadi karte the। koi bada din hota hai to kya-kya karte rehte hain। bhakti maarga jaise gudiyon ka khel hai। woh bhi kitna samay chalta hai, yeh tum jaante ho। shuru mein itna nahin karte the। phir vriddhi ko paate-paate ab dekho kya haal ho gaya hai। itna kharcha kar chitra va mandir aadi kyon banaate hain? yeh hai vesta oph mani। mandir aadi banaane mein laakhon roopaye kharcha karte hain। baap kitna pyaar se baith samjhaate hain। hamne tum bachchon ko athaah dhan diya, woh sab kahaan ganvaaya। raavan raajya mein tum kya se kya ban pade ho। aise nahin ki eeshvar ki bhaavi par raazi rehna hai। yeh koi eeshvar ki bhaavi nahin hai, yeh to maaya ki bhaavi hai। abhi tumko eeshvar ka raajya-bhaagya milta hai। vahaan to duhkh ki koi baat hoti nahin। eeshvar ki bhaavi aur aasuri bhaavi mein kitna pharka hai। yeh samajh tumko abhi milti hai। so bhi nambarvaar purooshaartha anusaar। gyaan injection kisko lagta hai, yeh to samajh sakte hain। phalaane ko gyaan ka injection achha laga hai, phalaane ko kam laga hua hai, inko bilkul laga hua hi nahin hai। yeh to baba hi jaante hain na। service par saara madaar hai। service se hi baap bataayenge inko injection laga nahin, bilkul service karna jaante hi nahin। aise bhi hain kisko jaasti injection laga hai, kisko bilkul nahin।

kaha jaata hai - gyaan anjan satguru diya, agyaan andher vinaash। gyaan ka, sukh ka saagar parampita paramatma hai। phir unko thikkar bhittar mein thok diya hai। bachchon ko kitna nishchay hona chaahiye। behad ka baap hamko behad ka sukh dete hain। gaate bhi hain behad ka baba aap jab aayenge to ham aapke hi banenge। aapki mat par hi chalenge। bhakti mein to baap ka maaloom hi nahin rehta hai, yeh part abhi hi chalta hai। abhi hi baap padhaate hain। tum jaante ho yeh padhaai ka part phir 5 hajaar varsha baad chalega। baap phir 5 hajaar varsha baad aayenge। aatmaayen sab bhaai-bhaai hain phir shareer dhaaran kar part bajaati hain। manushya srishti ki bhi vriddhi hoti rehti hai। aatmaon ka bhi stock hai na। jitna manushyon ka stock poora hoga utna hi vahaan aatmaon ka stock hoga। actors ek bhi kam jaasti nahin honge। yeh sab behad ke actors hain। inko anaadi part mila hua hai। yeh wonderful hai na। abhi tum bachche kitne samajhdaar bane ho। yeh padhaai kitni oonch hai। tumhein padhaane vaala svayan gyaan ka saagar baap hai, baaki sab hain bhakti ke saagar। jaise bhakti ka maan hai, vaise gyaan ka bhi maan hai। bhakti mein kitna manushya daan-punya karte hain eeshvar arth kyonki ved shaastra aadi kitne bade bade banaate hain।

abhi tum bachchon ko bhakti aur gyaan ka antar mila hai। kitni vishaal buddhi chaahiye। tumhaari kabhi koi mein aankh nahin jaayegi। tum kahenge kya ham in king queen aadi ko dekhen। unko kya dekhna hai। dil mein koi aash nahin hoti। yeh sab khatma hone vaala hai। jinke paas jo hai sab khatma hone ka hai। pet to vahi do roti maangata hai lekin iske liye kitna paap karte hain। is samay duniya mein paap hi paap hain। pet paap bahut karaata hai। ek-do ke oopar jhoothe kalank laga dete hain। paise bhi dher kamaate hain। kitne paise chhipa lete hain। government kya kar sakti hai। parantu koi kitna bhi chhipaave, chhip nahin sakta। abhi to natural calamities bhi aani hain। baaki thoda samay hai। baba kehte hain, shareer nirvaah arth kuchh bhi karo, uske liye mana nahin karte। bachchon ko khushi ka paara chadha rehna chaahiye। baap aur varsa yaad rahe। baap to saare vishwa ka maalik tumko bana dete hain। dharti aasmaan sab apne ho jaate hain। koi bhi had nahin rehti। bachche jaante hain ham hi maalik the। bhaarat avinaashi khanda gaaya hua hai। to tum bachchon ko bahut khushi rahni chaahiye। had ke padhaai ki bhi khushi hoti hai na। yeh to behad ki padhaai hai। behad ka baap padhaate hain। aise baap ko yaad karna chaahiye। bachche to samajh sakte hain - woh jismaani dhandha aadi kya hai, kuchh bhi nahin। ham baap se kya varsa paate hain। kitna raat-din ka pharka hai। ham to jismaani dhandha aadi karte bhi jaakar sirtaaj banenge। baap aaya hai padhaane to bachchon ko khushi honi chaahiye। woh kaamkaaj bhi karte rehna hai। yeh to samajhte hain, yeh puraani duniya hai, inke vinaash ke liye sab taiyaariyaan ho rahi hain। aise-aise kaam karte hain jo dar lagta hai - kahaan badi ladaai na lag jaae। yeh sab drama anusaar hona hi hai। aisa nahin ki eeshvar karaate hain। drama mein noondh hai। aaj nahin to kal vinaash zaroor hona hai। abhi tum padh rahe ho। tumhaare liye nai duniya zaroor chaahiye। yeh sab baaten andar simran kar khush hona chaahiye। baba ne yeh rath bhi le liya, inko to kuchh bhi hai nahin। sab kuchh chhod diya। behad ki baadshaahi milti hai to phir yeh kya karenge। baba ka geet bhi banaaya hua hai - alpha ko allaah mila to phir yeh gadaai kya karenge। kam jaasti de ekdam khalaas kar diya। shareer bhi baba ko de diya। oh! ham to vishwa ke maalik bante hain, anek baar maalik bane hain। kitna sahaj hai। tum bhal apne ghar mein raho, apne ko aatma samajh baap ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aisa tripta aur vishaalbuddhi banna hai jo kisi mein bhi aankh na doobe। dil mein koi bhi aash na rahe kyonki yeh sab vinaash hona hai।

2) shareer nirvaah arth karma karte khushi ka paara sada chadha rahe। baap aur varsa yaad rahe। buddhi had se nikal sada behad mein rahe।

vardaan:- teevra purushaartha dvaara sabhi bandhanon ko cross kar manoranjan ka anubhav karne vaale double light bhav

kai bachche kehte hain vaise to main theek hoon lekin yeh kaaran hai na - sanskaaron ka, vyaktiyon ka, vaayumandal ka bandhan hai… parantu kaaran kaisa bhi ho, kya bhi ho teevra purushaarthi sabhi baaton ko aise cross karte hain jaise kuchh hai hi nahin। woh sada manoranjan ka anubhav karte hain। aisi sthiti ko kaha jaata hai udti kala aur udti kala ki nishaani hai double light। unhein kisi bhi prakaar ka bojh halchal mein la nahin sakta।

slogan:- har gun va gyaan ki baat ko apna niji sanskaar banaao।