शुक्रवार 16 अगस्त 2024 की दैनिक मुरली

16-08-2024 praatahmurli om shanti "baapdaada"' madhuban

“meethe bachche - main videhi baap tum dehdhaariyon ko videhi banaane ke liye padhaata hoon, yeh hai nai baat jo bachche hi samajhte hain''

prashn:- baba ko ek hi baat baar-baar samjhaane ki aavashyakta kyon padti hai?

uttar:- kyonki bachche ghadi-ghadi bhool jaate hain। koi-koi bachche kehte hain - baba to vahi baat baar-baar samjhaate hain। baba kehte - bachche, mujhe zaroor vahi baat sunaani pade kyonki tum bhool jaate ho। tumhein maaya ke toofaan hairaan karte hain, agar main roz khabardaar na karoon to tum maaya ke toofaanon se haar kha lenge। abhi tak tum satopradhaan kahaan bane ho? jab ban jaayenge tab sunaana band kar denge।

om shanti। isko vichitra roohaani padhaai bhi kaha jaata hai। nai duniya satayug mein bhi dehdhaari hi ek-do ko padhaate hain। knowledge to sab padhaate hain। yahaan bhi padhaate hain। woh sab dehdhaari ek-do ko padhaate hain, aise kabhi nahin hoga ki videhi baap ya roohaani baap padhaate hon। shaastron mein bhi shreekrishna bhagvaanuvaach likh diya hai। woh bhi jismaani ho gaya। yeh nai baat sunkar moonjh jaate hain। tumhaare mein bhi nambarvaar purooshaartha anusaar samajhte hain ki roohaani baap ham roohon ko padhaate hain। yeh hai nai baat। sirf is sangam par hi baap khud aakar kehte hain, is dvaara main tumko padhaata hoon। gyaan ka saagar, shanti ka saagar, sab aatmaon ka baap bhi vahi hai। yeh samajh ki baat hai na। dekhne mein to kuchh nahin aata। aatma hi hai mukhya aur woh avinaashi hai। shareer to vinaashi hai। abhi woh avinaashi aatma baith padhaati hai। bhal tum saamne dekhte ho yeh to saakaar mein shareer baitha hai parantu yeh tum jaante ho, yeh gyaan dehdhaari nahin dete hain। gyaan dene vaala videhi baap hai। kaise dete hain? woh bhi tum samajhte ho। manushya to bada mushkil samajhte hain। kitna tumko maatha maarna padta hai - yeh nishchay karaane ke liye। woh to kah dete niraakaar ka koi naam, roop, desh, kaal hi nahin hai। woh baap khud baith padhaate hain। kehte hain main sab aatmaon ka baap hoon, jisko tum dekh nahin sakte ho। samajhte ho woh videhi hai। gyaan, aananda, prem ka saagar hai। woh kaise padhaayenge। baap khud samjhaate hain - main kaise aata hoon, kiska aadhaar leta hoon? main koi garbha se janma nahin leta hoon। main kabhi manushya va devta nahin banta hoon। devta bhi shareer lete hain। main to sadaiv ashareeri hi rehta hoon। mera hi drama mein yeh part hai, jo main kabhi punarjanma mein nahin aata hoon। to yeh samajh ki baat hai na। dekhne mein to aata hi nahin। woh to samajhte hain shreekrishna bhagvaanuvaach। bhakti maarga mein rath bhi kaise baith banaaya hai। baap kehte hain - bachche, tum moonjhate to nahin ho? agar kuchh nahin samajhte ho to baap se aakar samjho। yoon to bigar poochhe bhi baap sab kuchh samjhaate rehte hain। tumko kuchh bhi poochhne ki darkaar nahin hai। main is purooshottam sangamayug par hi avtaar leta hoon। mera janma bhi wonderful hai। tum bachchon ko bhi wonder lagta hai, kitna bade te bada imtahaan paas karaate hain। bahut bade te bada vishwa ka maalik banaane ke liye padhaate hain। wonderful baat hai na। he aatmaon, har 5 hazaar varsha baad main tumhaari service mein aata hoon। aatmaon ko padhaate hain na। kalpa-kalpa, kalpa ke sangamayuge tumhaari seva mein aata hoon। aadhaakalpa tum pukaarte aaye ho - he baba, he patit-paavan aao। shreekrishna ko koi patit-paavan nahin kehte hain। patit-paavan parampita paramatma ko hi kehte hain। to baba ko bhi aana padega patiton ko paavan banaane, isliye kaha jaata hai - akaal moorta - sat baba, akaal moorta - sat teacher, akaalmoorta - satguru। sikkha logon ke bhi bahut achhe slogan hain। parantu unhon ko yeh pata nahin hai ki satguru akaal moorta aate kab hain। yeh bhi gaayan hai - manushya se devta kiye karat na laagi vaar…। kab aakar manushya ko devta banaate hain? vahi sarva ki sadgati karne vaala hai, yeh to pakka nishchay hona chaahiye। kya aakar kehte hain? sirf kehte hain manamnaabhav। uska arth bhi samjhaate hain aur koi bhi arth nahin samjhaate। tumko satguru akaal moorta baith samjhaate hain is deh dvaara ki apne ko aatma samjho, to yeh samajhna chaahiye। vishwa ka maalik banaane ke liye baap ko aana padta hai - tum bachchon ki seva mein। samjhaate hain - he roohaani bachchon, tum satopradhaan the, phir tamopradhaan banen। yeh srishti ka chakra phirta hai na। paavan duniya in devtaaon ki hi thi। woh sab kahaan gaye? yeh kisko bhi pata nahin। moonjhe hue hain। baap aakar tumko samajhdaar banaate hain। bachche, main ek hi baar aata hoon, paavan duniya mein main aaoon hi kyon! vahaan to kaal aa nahin sakta। baap to kaalon ka kaal hai। satayug mein aane ki darkaar hi nahin। vahaan kaal bhi nahin aata to mahaakaal bhi nahin aata। yeh aakar sab aatmaon ko le jaate hain। khushi se chalte ho na! haan baba, ham khushi se chalne ke liye taiyaar hain। tab to aapko bulaaya tha ki is patit duniya se paavan duniya mein le chalo via shantidham। yeh baaten ghadi-ghadi bhool na jaao। parantu maaya dushman khadi hai, ghadi-ghadi bhula deti hai। main master sarvashaktimaan hoon, to maaya bhi shaktimaan hai। woh bhi aadhaakalpa tum par raajya karti hai, bhula deti hai isliye roz-roz baap ko samjhaana padta hai, roj suzaag na kare to maaya bahut nuksaan kar de। khel hai pavitra aur apvitra ka। ab baap kehte hain apni chalan sudhaarne ke liye pavitra bano। kaam vikaar ke liye kitne jhagde hote hain।

baap kehte hain abhi tumko gyaan ka teesra netra mila hai to aatma ko hi dekho। in jismaani netron se dekho hi nahin। ham sab aatmaayen bhaai-bhaai hain। vikaar kaise karen। ham ashareeri aaye the, phir ashareeri bankar jaana hai। aatma satopradhaan aai thi, satopradhaan bankar jaana hai sweet hom। mukhya hai hi pavitrata ki baat। manushya kehte hain roz vahi baat samjhaate hain, yeh to theek hai। parantu jo samjhaaya jaata hai, us par chalen bhi na। karne ke liye samjhaaya jaata hai। parantu koi chalte thode hi hai to zaroor roz roz samjhaana pade। aise thode hi kehte hain - baba aap jo roz samjhaate ho woh hamne achhi reeti samajh liya hai, ab ham tamopradhaan se satopradhaan ban jaayenge। aap chhoote। aise kehte hain kya? isliye baba ko roz samjhaana padta hai। baat to ek hi hai। parantu karte nahin hain na। baap ko yaad hi nahin karte hain। kehte hain - baba, ghadi-ghadi bhool jaate hain। baap ko ghadi-ghadi kehna padta hai yaad dilaane liye। tum bhi ek-do ko yahi samjhaao - apne ko aatma samajh paramatma ko yaad karo to tumhaare paap kat jaayen, aur koi upaay nahin। shuru aur ant mein yahi baat kehte hain। yaad se hi satopradhaan banna hai। khud hi likhte hain - baba, maaya ke toofaan bhula dete hain। to kya baap saavdhaan na kare, chhod de? baap jaante hain nambarvaar purooshaartha anusaar hain। jab tak satopradhaan nahin bane hain, ja nahin sakte hain। ladaai ka bhi connection hai na। ladaai lagegi hi tab, jab tum nambarvaar purooshaartha anusaar satopradhaan banenge। gyaan to ek second ka hai। behad ke baap ko paaya, ab unse behad ka sukh tab milega jab pavitra banenge। purooshaartha achhi reeti karna hai। kai to kuchh bhi samajhte nahin hain। baap ko yaad karne ka akla bhi nahin aata hai। kabhi yeh padhaai to padhi nahin hai। saare chakra mein niraakaar baap se koi padha nahin hai। to yeh nai baat hai na। baap kehte hain main to har 5 hazaar varsha baad aata hoon - tumko satopradhaan banaane। jab tak satopradhaan nahin bane ho tab tak yeh pad pa nahin sakenge। jaise aur padhaai mein fail hote hain vaise ismen bhi fail hote hain। shivbaaba ko yaad karne se kya hoga, kuchh nahin samajhte। baap hai to zaroor baap se svarga ka varsa milna hai। baap ek hi baar samjhaate hain, jisse tum devta bante ho। tum devta banenge phir nambarvaar sab aayenge part bajaane। itni sab baaten budhiyon aadi ki buddhi mein baith na saken। to baap kehte hain apne ko aatma samajh baap ko yaad karo। bas, vahi shivbaaba sab aatmaon ka baap hai। shareer ka baap to har ek ka apna-apna hai। shivbaaba to hai niraakaar, unko yaad karte-karte pavitra ban shareer chhod phir baap ke paas jaakar pahunchna hai। baap samjhaate to bahut hain parantu sab ekras nahin samajhte hain। maaya bhula deti hai। inko yuddha kaha jaata hai। baap kitna achhi reeti baith samjhaate hain। kitni baaton ki smriti dete hain। mukhya jo bhoolen hui hain unki list banaao। ek baap sarvavyaapi ki। bhagvaanuvaach - main sarvavyaapi nahin hoon। sarvavyaapi to 5 vikaar hain, yeh badi bhaari bhool hai। geeta ka bhagwan shreekrishna nahin, parampita paramatma shiv hai। in bhoolon ko sudhaaro to devta ban jaayenge। parantu aise kabhi koi bachche ne likha nahin hai ki aise hamne samjhaaya ki in bhoolon ke kaaran hi bhaarat paavan se patit bana hai। woh bhi bataana pade। bhagwan sarvavyaapi ho kaise sakta। bhagwan to ek hai jo supreme baap, supreme teacher, supreme satguru hai। koi bhi dehdhaari ko supreme father, teacher, satguru kah nahin sakte। shreekrishna to saari srishti mein sabse ooncha hai। jab srishti satopradhaan hoti hai, tab woh aate hain phir sato mein raam, phir nambarvaar apne samay par hi aayenge। shaastron mein dikhaate hain। sabke vikaar le le kar gala hi kaala ho gaya। lekin abhi samjhaate-samjhaate gala hi sookh jaata hai। baat kitni thodi hai parantu maaya kitni jabardasta hai। har ek apne dil se poochhe - ham aise gunvaan satopradhaan bane hain?

baap samjhaate hain jab tak vinaash nahin hua hai tab tak tum karmaateet avastha ko pa nahin sakenge। bhal kitna bhi maatha maaro। saara samay shivbaaba ko baith yaad karo aur koi baat hi nahin karo। bas baba ladaai se pahle main karmaateet avastha ko paakar dikhaaoonga, aisa koi nikle - aisa drama mein ho nahin sakta। pahle number mein to ek hi jaana hai। yeh bhi kehte hain hamko kitna maatha maarna padta hai। maaya to aur hi roostam bankar aati hai। baba khud kehte hain mere to baaju mein ekdam shivbaaba baitha hai, to bhi main yaad nahin kar sakta hoon, bhool jaata hoon। samajhta hoon mere saath baba hai। phir mujhe bhi to yaad karna padta hai, jaise tum karte ho। aise nahin, main to saath hoon, ismen hi khush ho jaana hai। nahin, mujhe bhi kehte hain - nirantar yaad karo। saath vaale tum roostam ho, tumko to aur hi jaasti toofaan aayenge। nahin to bachchon ko kaise samjha sakenge। yeh sab toofaan to tumse paas honge। main unke itne nazdeek baithe hue bhi karmaateet avastha ko pa nahin sakta hoon to phir doosra kaun banega। yeh manzil bahut oonchi hai। drama anusaar sab purooshaartha karte rehte hain। bhal koi aisi koshish karke dikhaaye - baba, ham aapse pahle karmaateet avastha ko paakar yeh bankar dikhaate hain। ho nahin sakta। yeh drama bana banaaya hai।

tumko purooshaartha bahut karna hai। mukhya saari baat hai characters ki। devtaaon ke characters aur patit manushyon ke characters mein kitna farka hai। tumko vikaari se nirvikaari banaane vaala shivbaaba hai। to ab purooshaartha kar baap ko yaad karna pade। bhoolo nahin। baaki ablaayen bichaari parvash hain arthaat raavan ke vash hain to kya kar sakti hain। tum ho raam eeshvar ke vash। woh hain raavan ke vash। to yuddha chalti hai। baaki raam aur raavan ki yuddha nahin hoti hai। baap tum bachchon ko bhinna-bhinna prakaar se roz samjhaate hain - meethe-meethe bachchon, apne ko sudhaarte jaao। roz raat ko potaamel dekho, saare din mein koi aasuri chalan to nahin chali? bageeche mein phool nambarvaar to hote hi hain। do ek jaise kabhi ho nahin sakte। sabhi aatmaon ko apna-apna part mila hua hai। har ek actors part bajaate rehte hain। baap bhi aakar sthaapna ka kaarya karke hi chhodte hain। har 5 hazaar varsha ke baad aakar vishwa ka maalik bana hi dete hain। behad ka baap hai na to zaroor nai duniya ka varsa denge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ke teesre netra se aatma ko hi dekhna hai। jismaani netron se dekhna hi nahin hai। ashareeri banne ka abhyaas karna hai।

2) baap ki yaad se apne daivi character banaane hain। apne dil se poochhna hai ki ham kahaan tak gunvaan bane hain? hamne saare din mein aasuri chalan to nahin chali?

vardaan:- sada careful rah maaya ke royal roop ki chhaaya se safe rahne vaale maayaaprooph bhav

vartamaan samay maaya real samajh ko, mahsoosta ki shakti ko gaayab kar wrong ko right anubhav karaati hai। jaise koi jaadoomantra karte hain to parvash ho jaate hain, aise royal maaya real ko samajhne nahin deti haiislie baapdaada attention ko double underline kara rahe hain। aisa careful raho jo maaya ki chhaaya se safe maayaaprooph ban jaao। vishesh man-buddhi ko baap ki chhatrachhaaya ke sahaare mein le aao।

slogan:- jo sahajyogi hain unko dekhkar doosron ka bhi yog sahaj lag jaata hai।