शनिवार 17 अगस्त 2024 की दैनिक मुरली

17-08-2024 praatahmurli om shanti "baapdaada"' madhuban

“meethe bachche - vinaashi shareeron se pyaar na karke avinaashi baap se pyaar karo to rone se chhoot jaayenge''

prashn:- unrighteous pyaar kya hai aur uska parinaam kya hota hai?

uttar:- vinaashi shareeron mein moh rakhna unrighteous pyaar hai। jo vinaashi cheezon mein moh rakhte hain, woh rote hain। deh-abhimaan ke kaaran rona aata hai। satayug mein sab aatma-abhimaani hain, isliye rone ki baat hi nahin rehti। jo rote hain woh khote hain। avinaashi baap ki avinaashi bachchon ko ab shiksha milti hai, dehi-abhimaani bano to rone se chhoot jaayenge।

om shanti। yeh to bachche hi jaante hain ki aatma avinaashi hai aur baap bhi avinaashi hai, to pyaar kisko karna chaahiye? avinaashi aatma ko। avinaashi ko hi pyaar karna hai, vinaashi shareer ko thode hi pyaar karna chaahiye। saari duniya vinaashi hai, har ek cheez vinaashi hai, yeh shareer vinaashi hai, aatma avinaashi hai। aatma ka pyaar avinaashi hota hai। aatma kabhi marti nahin, usko kaha jaata hai righteous। baap kehte hain tum unrighteous ban gaye ho। vaastav mein avinaashi ka avinaashi ke saath pyaar hona chaahiye। tumhaara pyaar vinaashi shareer ke saath ho gaya hai isliye rona padta hai। avinaashi ke saath pyaar nahin। vinaashi ke saath pyaar hone se rona padta hai। abhi tum apne ko avinaashi aatma samajhte ho to rone ki baat nahin kyonki aatma-abhimaani hain। to baap ab tum bachchon ko aatma-abhimaani banaate hain। deh-abhimaani hone se rona hota hai। vinaashi shareer pichhaadi rote hain। samajhte bhi hain aatma marti nahin hai। baap kehte hain apne ko aatma samjho। tum avinaashi baap ke bachche avinaashi aatma ho, tumko rone ki darkaar nahin। aatma ek shareer chhod jaae doosra part bajaati hai। ye to khel hai। tum shareer mein mamatva kyon rakhte ho। deh sahit deh ke sab sambandhon se buddhiyog todo। apne ko avinaashi aatma samjho। aatma kabhi marti nahin। gaayan bhi hai jo roya so khoya। aatma-abhimaani banne se hi laayak ban jaayenge। to baap aakar deh-abhimaani se aatma-abhimaani banaate hain। kehte hain tum kaise bhoole hue ho। janma-janmaantar tumko rona pada hai। ab phir se tumko aatma-abhimaani banne ki shiksha milti hai। phir tum kabhi royenge hi nahin। yeh hai rone vaali duniya, woh hai hansane ki duniya। yeh duhkh ki duniya, woh sukh ki duniya। baap bahut achhi reeti se shiksha dete hain। avinaashi baap ki avinaashi bachchon ko shiksha milti hai। woh deh-abhimaani hain to deh ko hi dekh shiksha dete hain। to deh ki yaad aane se rote hain। dekhte bhi hain shareer khatma ho gaya phir unko yaad karne se kya phaayda। mitti ko yaad kiya jaata hai kya? avinaashi cheez ne jaakar doosra shareer liya।

yeh to bachche jaante hain - jo achha karma karta hai, unko phir shareer bhi achha milta hai। koi ko kharaab rogi shareer milta hai, woh bhi karmon anusaar hai। aisa nahin ki achha karma kiya hai to oopar chale jaayenge। nahin, oopar to koi ja nahin sakte। achhe karma kiye hain to achha kahlaayenge। janma achha milega phir bhi neeche to utarna hi hai। tum jaante ho ki ham chadhte kaise hain। bhal achhe karmon se koi mahaatma banega phir bhi kala to kam hoti hi jaayegi। baap kehte hain phir bhi eeshvar ko yaad kar achha karma karte hain to unko alpakaal kshan bhangur sukh deta hoon। phir bhi seedhi neeche to utarna hi hai। naam karke achha ho। yahaan to manushya achhe-bure karmon ko bhi nahin jaante hain। riddhi-siddhi vaalon ko kitna maan dete hain। unhon ke pichhaadi manushya jaise hairaan hote hain। hai to saara agyaan। samjho koi indirect daan-punya karte hain, dharmashaala, hospital banaate hain। to doosre janma mein uska evza zaroor milta hai। baap ko yaad karte hain, bhal gaaliyaan bhi dete hain to bhi mukh se bhagwan ka naam kehte hain। baaki anjaan hone kaaran jaante kuchh nahin। bhagwan ko yaad kar roodra pooja karte hain, roodra ko bhagwan samajhte hain। roodra yagya rachte hain। shiv va roodra ki pooja karte hain। baap kehte hain meri pooja karte hain parantu besamjhi se kya-kya banaate hain, kya-kya karte hain। jitne manushya utne unhon ke guru hain। jhaad mein naye-naye patte, taal-taaliyaan aadi nikalte hain to woh kitna shobhte hain। satoguni hone ke kaaran unki mahima hoti hai। baap kehte hain ki yeh duniya hai hi vinaashi cheezon ko pyaar karne vaali। koi-koi ka bahut pyaar hota hai to moh mein jaise paagal ban jaate hain। bade-bade seth log mohvash paagal ho jaate hain। maataaon ko gyaan na hone kaaran vinaashi shareer pichhaadi vidhva ban kitna roti, yaad karti rehti hain। abhi tum apne ko aatma samajh, doosre ko bhi aatma dekhte ho to zara bhi duhkh nahin hota। padhaai ko source oph income kaha jaata hai। padhaai mein em object bhi hoti hai। parantu woh hai ek janma ke liye। government se pagaar milta hai। padhkar dhandhaadhori karte hain, tab paise aadi milte hain। yahaan to phir baat hi nai hai। tum avinaashi gyaan ratnon se jholi kaise bharte ho। aatma samajhti hai ki baba hamko avinaashi gyaan khajaana dete hain। bhagwan padhaate hain to zaroor bhagwan bhagavti hi banaayenge। parantu vaastav mein in lakshmi-naaraayan ko bhagwan-bhagavti samajhna wrong hai। abhi tum bachche jaante ho - oho, jab ham deh-abhimaani ho jaate hain to hamaari buddhi kitni degrade ho jaati hai। jaise jaanvar buddhi ban jaate hain। jaanavron ki seva bhi bahut achhi hoti hai। manushyon ki to kuchh bhi nahin। race ke ghodon aadi ki kitni sambhaal hoti hai। yahaan ke manushyon ki dekho kya haalat hai। kutte ko kitna pyaar se sambhaalte hain। chaatte rehte hain, saath mein sulaate bhi hain। dekho, duniya ka kya haal ho gaya hai। vahaan satayug mein yeh dhandha hota nahin।

to baap kehte hain - bachchon, tumko maaya raavan ne unrighteous bana diya hai। unrighteous raajya hai na। manushya unrighteous to saari duniya bhi unrighteous ho jaati hai। righteous aur unrighteous duniya mein dekho pharka kitna hai! kaliyug ki haalat dekho kya hai! main svarga sthaapan kar raha hoon to maaya bhi apna svarga dikhaati hai, temptation deti hai। artificial dhan kitna hai। samajhte hain ham yahaan hi svarga mein baithe hain। svarga mein thode hi itne oonche 100 manzil ke makaan aadi hote hain। kaise-kaise makaan sajaate hain, vahaan to double stori ke bhi makaan nahin hote। manushya hi bahut thode hote hain। itni jameen tum kya karenge। yahaan jameen ke pichhaadi kitna ladte-jhagadte hain। vahaan saari jameen tumhaari rehti hai। kitna raat-din ka farka hai। woh laukik baap, yeh paarlaukik baap hai। paarlaukik baap bachchon ko kya nahin dete hain। aadhaakalpa tum bhakti karte ho। baap saaph kehte hain inse mukti nahin milti hai arthaat mere se nahin milte। tum muktidhaam mein mere se milte ho। main bhi muktidhaam mein rehta hoon। tum bhi muktidhaam mein rehte ho phir vahaan se tum svarga mein jaate ho। vahaan svarga mein main nahin hota। yeh bhi drama hai। phir hoobhu aise repeat hoga phir yeh gyaan bhool jaayega। praayah lop ho jaayega। jab tak sangamayug nahin aaya hai tab tak geeta ka gyaan ho kaise sakta। baaki jo bhi shaastra aadi hain, woh hain bhakti maarga ke shaastra।

ab tum knowledge sun rahe ho। main beejroop, gyaan ka saagar hoon। tumko kuchh bhi karne nahin deta, paanv bhi padne nahin deta। paanv kiska padenge। shivbaaba ke to paanv hain nahin। yeh to brahma ke paanv padna ho jaayega। main to tumhaara gulaam hoon। unko kehte hain niraakaari, nirhankaari, so bhi jab woh act mein aaye tab to nirhankaari kaha jaaye। baap tumko athaah gyaan dete hain। yeh hai avinaashi gyaan ratnon ka daan। phir jo jitna leve। avinaashi gyaan ratna lekar phir auron ko daan karte jaao। in ratnon ke liye hi kaha jaata hai - ek-ek ratna laakhon ka hai। kadam-kadam par padma dene vaala to ek hi baap hai। service par bada attention chaahiye। tumhaara kadam hai yaad ki yaatra ka, unse tum amar ban jaate ho। vahaan marne aadi ka phikra hota nahin। ek shareer chhod doosra liya। mohjeet raaja ki katha bhi suni hogi। yeh to baap baith samjhaate hain। ab baap tumko aisa banaate hain, abhi ki hi baate hain।

rakshaabandhan ka parva bhi manaate hain। yeh kab ki nishaani hai? kab bhagwan ne kaha ki pavitra bano? yeh manushyon ko kya pata ki nai duniya kab, puraani duniya kab hoti hai? yeh bhi kisko pata nahin। itna kehte hain ki abhi kaliyug hai। satayug tha, abhi nahin hai। punarjanma ko bhi maante hain। 84 laakh kah dete hain to zaroor punarjanma hua na। niraakaar baap ko sab yaad karte hain। woh hai sab aatmaon ka baap, vahi aakar samjhaate hain। dehdhaari baapu to bahut hain। jaanvar bhi apne bachchon ke baapu hain। unke liye to aisa nahin kahenge ki jaanavron ka baap। satayug mein koi kuchh kichadpatti hoti nahin। jaisa manushya vaisa furniture hota hai। vahaan panchhi aadi bhi first class khoobsoorat hote hain। sab achhi-achhi cheeze hongi। vahaan phal kitna sweet bade hote hain। phir woh sab kahaan chala jaata hai! sweet se nikal kaduvaahat aa jaati hai। third class bante hain to cheezen bhi third class ban jaati hain। satayug hai first-class to sab cheezen first class milti hain। kaliyug mein hain third class। sab cheezen sato, rajo, tamo… se paas hoti hain। yahaan to koi maja nahin hai। aatma bhi tamopradhaan to shareer bhi tamopradhaan hai। abhi tum bachchon ko gyaan hai, kahaan woh, kahaan yeh, raat-din ka pharka hai। baap tumko kitna oonch banaate hain। jitna yaad karenge, health-wealth donon mil jaayenge। baaki kya chaahiye। donon cheezon se ek nahin hogi to happiness nahin hogi। samjho health hai, wealth nahin to kya kaam ke। gaate bhi hain - “paisa hai to laadkaana ghoomkar aao।'' bachche samajhte hain - bhaarat sone ki chidiya tha, abhi sona kahaan। sona, chaandi, taamba gaya, abhi to kaagaj hi kaagaj hain। kaagaj paani mein bah jaaye to paise kahaan se milen। sona to bahut bhaari hota hai, woh vahaan hi pada rehta hai। aag bhi sone ko jala na saken। to yahaan sab duhkh ki baaten hain। vahaan yeh sab baaten hoti nahin। yahaan is samay apaar duhkh hain। baap aate hi tab hain jab apaar duhkh hain, kal phir apaar sukh hoga। baba to kalpa-kalpa aakar padhaate hain, yeh koi nai baat thode hi hai। khushi mein rehna chaahiye। khushi hi khushi, yeh ant ki baat hai। ateendriy sukh gop-gopiyon se poochho। pichhaadi mein tum bahut achhi reeti samajh jaate ho।

real shanti kise kaha jaata hai, yeh baap hi batlaate hain। tum baap se shanti ka varsa lete ho। unko sab yaad karte hain। baap shanti ka saagar hai। baap samjhaate hain mere paas aa kaun sakte hain। phalaana-phalaana dharma phalaane-phalaane samay par aate hain। svarga mein to aa na saken। abhi saadhu santa dher nikal pade hain to unhon ki mahima hoti hai। pavitra hain to unki mahima zaroor honi chaahiye। abhi naye utre hain। puraanon ki to itni mahima ho na saken। woh to sukh bhog tamopradhaan mein chale gaye hain। kitne dher guru kisma-kisma ke nikalte jaate hain, is behad ke jhaad ko koi jaante nahin hain। baap samjhaate hain ki bhakti ki saamagri itni hai, jitna jhaad phaila hota hai। gyaan beej kitna thoda hai। bhakti ko aadhaakalpa lagta hai। yeh gyaan to sirf is ek antim janma ke liye hai। gyaan ko praapta kar tum aadhaakalpa ke liye maalik ban jaate ho। bhakti band ho jaati hai, din ho jaata hai। abhi tum sadaakaal ke liye harshit bante ho, isko kaha jaata hai eeshvar ki avinaashi lottery। uske liye purooshaartha karna padta hai। eeshvareey lottery aur aasuri lottery mein kitna farka hota hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) tumhaare yaad ke har kadmon mein padma hain, isse hi amar pad praapta karna hai। avinaashi gyaan ratna jo baap se milte hain, unka daan karna hai।

2) aatma-abhimaani ban apaar khushi ka anubhav karna hai। shareeron se moh nikaal sada harshit rehna hai, mohjeet banna hai।

vardaan:- har ghadi ko antim ghadi samajh sada roohaani mauj mein rahne vaali vishesh aatma bhav

sangamayug roohaani maujon mein rahne ka yug hai isliye har ghadi roohaani mauj ka anubhav karte raho, kabhi kisi bhi paristhiti ya pareeksha mein moonjhana nahin kyonki yeh samay akaale mrityu ka hai। thoda samay bhi agar mauj ke bajaae moonjh gaye aur usi samay antim ghadi aa jaae to ant mati so gati kya hogi। isliye ever ready ka paath padhaaya jaata hai। ek second bhi dhokha dene vaala ho sakta hai। isliye svayan ko vishesh aatma samajhkar har sankalp, bol aur karma karo aur sada roohaani mauj mein raho।

slogan:- achal banna hai to vyartha aur ashubh ko samaapta karo।