सोमवार 19 अगस्त 2024 की दैनिक मुरली

19-08-2024 praatahmurli om shanti "baapdaada"' madhuban

“meethe bachche - gyaan ki dhaarna karte raho to ant mein tum baap samaan ban jaayenge, baap ki saari taakat tum hazam kar lenge''

prashn:- kin do shabdon ki smriti se svadarshan chakradhaari ban sakte ho?

uttar:- utthaan aur patan, satopradhaan aur tamopradhaan, shivaalay aur veshyaalay। yeh do-do baaten smriti mein rahen to tum svadarshan chakradhaari ban jaayenge। tum bachche abhi gyaan ko yathaartha reeti jaante ho। bhakti mein gyaan nahin hai, sirf dil khush karne ki baaten karte rehte hain। bhakti maarga hai hi dil khush karne ka maarga।

om shanti। meethe-meethe roohaani bachchon prati baap baith samjhaate hain। ab tum bachchon ke liye baap kehte hain tum kitne oonch the। utthaan aur patan ka yeh khel hai। tumhaari buddhi mein ab hai ki ham kitne uttam aur pavitra the। ab kitne neench bane hain। devi-devtaaon ke aage tum hi jaakar kehte ho, aap oonch ho ham neench hain। pahle-pahle yeh pata nahin tha ki ham hi oonch te oonch aur neench bante hain। abhi baap tumko bataate hain - meethe-meethe bachche tum kitne oonch pavitra the phir kitne apvitra bane ho। pavitra ko oonch kaha jaata hai, usko kaha jaata hai viceless world। vahaan tumhaara raajya tha jo phir ab sthaapan kar rahe hain। baap sirf ishaara dete hain ki tum bahut uttam shivaalay satayug ke nivaasi the phir janma lete-lete aadha mein tum vikaar mein gire to patit vicious banen। aadhaakalpa vicious rahe, ab phir tumko viceless satopradhaan banna hai। do akshar yaad karna hai। abhi yeh hai tamopradhaan duniya। satopradhaan duniya ki nishaani yeh lakshmi-naaraayan hain, 5 hajaar varsha ki baat hai। satopradhaan bhaarat mein raajya tha। bhaarat bahut uttam tha, abhi kanishta hai। viceless se vicious banne mein tumko 84 janma lage। bhal vahaan bhi thodi-thodi kala kamti hoti jaati hai। parantu kahenge to sampoorn nirvikaari na। ekdam sampoorn nirvikaari shreekrishna ko kahenge। woh gora tha, ab saanvara ban gaya hai। tum yahaan baithe ho to buddhi mein rehna chaahiye ki ham shivaalay mein vishwa ke maalik the। doosra koi dharma hi nahin, sirf hamaara hi raajya tha phir 2 kala kam hui। zara-zara kala kam hote, treta mein 2 kala kam ho gai। peechhe vicious bante hain aur girte-girte chhi-chhi ban jaate hain। isko kaha jaata hai vicious world। vishay vaitarni nadi mein gote khaate rehte hain। vahaan ksheersaagar mein rehte the। tum saare world ki history-geography ko, apne 84 janmon ki kahaani ko bhi samajh gaye ho। ham viceless the, inke raajya mein the, pavitra raajaai thi, usko kahenge full svarga, phir treta mein semi svarga। yeh buddhi mein to hai na। baap hi aakar srishti ke aadi, madhya, ant ka raaz samjhaate hain। madhya mein hi raavan aaya hai, phir ant mein is vicious duniya ka vinaash hoga। phir aadi mein jaane ke liye pavitra banna hai। apne ko aatma samajh maamekam yaad karo। apne ko deh nahin samjho। tumne bhakti maarga mein vaayda kiya tha - baba, aap aayenge to ham aapka hi banenge। aatma baap se baaten karti hai। shreekrishna koi sarva aatmaon ka baap thode hi tha। aatmaon ka baap to niraakaar shivbaaba ek hi hai। us had ke baap se had ka varsa, behad ke baap se behad ka varsa bhaarat ko milta hai isliye satayug ko kaha jaata hai shivaalay। shivbaaba ne aakar devi-devta dharma ki sthaapna ki। yeh to sadaiv yaad rakhna chaahiye। khushi ki baat hai na। abhi ham phir shivaalay mein jaate hain। koi marta hai to kahenge svarga gaya। parantu aise kabhi koi jaata nahin। yeh sab bhakti maarga ke gapode hain - dil khush karne ke liye। sach-sach heaven mein to abhi tum jaane vaale ho। vahaan koi rog aadi hote nahin। tum sadaiv harshit rehte ho। to baap kitna sahaj karke chhote-chhote bachchon ko jaise baith samjhaate hain, bhal baahar mein kahaan bhi rehte tum pad pa sakte ho, ismen pavitrata to pahle mukhya hai। khaan-paan shuddh ho। devtaaon ke aage kabhi cigarette, beedi aadi ka bhog lagaate ho kya? granth ke aage kabhi ande va beedi aadi ka bhog rakha hai? granth ko samajhte hain - yeh jaise guru govinda ka shareer hai। granth ko itna maan dete hain। yeh guru ki jaise deh hai। aise sikkha log samajhte hain। parantu guru naanak ne thode hi baith granth likha hai, naanak ne to avtaar liya। sikkha logon ki vriddhi hui, baad mein woh granth aadi likhe hain। ek ke baad phir sikkha dharma mein aate gaye hain। pahle to granth bhi itna chhota haath ka likha hua tha। ab geeta ke liye samajhte hain, yeh shreekrishna ka roop hai। aise maano jaise naanak ka granth, vaise shreekrishna ki geeta gaai hui hai। shreekrishna bhagvaanuvaach hi kehte rehte hain, isko kaha jaata hai agyaan। gyaan to ek parampita paramatma mein hi hai। geeta se hi sadgati hoti hai। woh gyaan to baap ke paas hi hai। gyaan se din, bhakti se raat hoti hai। ab baap kehte hain aatma ko pavitra banaana hai, uske liye mehnat karni pade। maaya ke toofaan aise jabardasta aate hain jo gyaan ekdam ud jaata hai। kisko bol bhi na saken। pahla kaam vikaar hi bahut tang karta hai। usmein hi time lagta hai। hai to ek second mein jeevanmukti ki baat। bachcha paida hua aur maalik bana। tumne pahchaana shivbaaba aaya hua hai aur varse ke hakdaar banen। geeta bhi shivbaaba ne hi gaai thi, usne hi kaha hai maamekam yaad karo। main is saadhaaran tan mein aata hoon। shreekrishna saadhaaran thode hi hai। woh to janma lete hain to jaise bijli chamak jaati hai। bahut prabhaav padta hai isliye shreekrishna ka ab tak bhi gaayan karte hain। baaki shaastra aadi sab bhakti maarga ke hain। english mein philosophy kah dete hain। spiritual knowledge to spiritual father hi de sakte hain। khud kehte hain main tumhaara spiritual father hoon। gyaan ka saagar hoon। tum bachche bhi baap se seekh rahe ho। gyaan ko dhaaran kar rahe ho। phir pichhaadi mein baap misal ban jaayenge। saara madaar dhaarna par hai। phir woh taakat aa jaayegi, baap ki yaad se। yaad ko jauhar kaha jaata hai। talvaaron mein bhi farka to hota hai na। vahi talvaar 100 roopaye vaali bhi hoti hai। vahi talvaar 3-4 hajaar ki bhi hoti hai। baba to anubhvi hai na। talvaar ka bahut maan hota hai। guru govinda sinh ki talvaar ka kitna maan hai। to tum bachchon mein bhi yog ka bal chaahiye। to gyaan talvaar mein jauhar chaahiye। jauhar aane se phir jaldi samjhenge। drama anusaar tum mehnat karte rehte ho। jitna-jitna baap ko yaad karenge, yaad se hi paap katenge। patit-paavan baap hi yukti bata rahe hain। phir kalpa baad bhi aise hi aakar tumko gyaan denge। inko bhi sab tyaag karaake aise hi apna rath banaayenge। tum bachchon ko vahaan kitni kashish hui। kaise sab bhaage। baap mein kashish hai na। abhi tumko bhi aisa sampoorn banna hai। nambarvaar hi banenge। yeh raajdhaani sthaapan hoti hai।

srishti chakra ko to samajh liya hai। satayug aadi se kaliyug ant tak। abhi hai sangamayug। baap ko bhi zaroor aana pade paavan banaane। paavan arthaat satopradhaan। phir khaad padti gai। ab woh khaad nikle kaise? aatma sachchi hoti hai to jevar bhi sachcha arthaat gora shareer hota hai। aatma jhoothi banti hai to shareer bhi patit hota hai। gyaan ke pahle to yeh bhi naman-vandan karte the। lakshmi-naaraayan ka bada chitra oilpaint ka gaddi par laga rehta tha। unko hi bahut pyaar se yaad karte the aur koi ki yaad nahin। baahar aur taraph khyaal jaata tha to apne ko chamaat maarte the। man bhaagta kyon hai, darshan kyon nahi milta hai। bhakti mein tha na। phir jab vishnu ka darshan hua to bhi koi naaraayan thode hi ho gaya। purooshaartha to zaroor karna hota hai, em object to saamne khadi hai। yeh chaitanya mein the, jinka jad chitra banaaya hai। baap aaya hai paavan banaane, nar se naaraayan banaate hain। tum bhi unhon ki raajdhaani mein the। phir aisa banne ka purooshaartha karte ho to achhi reeti follow karna chaahiye। brahma ko devta thode hi kaha jaata hai। vishnu devta theek hai। manushyon ko to kuchh pata nahin। kehte hain guru brahma, guru vishnu…। ab vishnu guru kiska hua? sabko guru kehte rehte hain। shiv paramatma namah unko guru, unko paramatma kah dete hain। sabse bada to baap hai na। unse ham yeh seekh rahe hain auron ko sikhlaane liye। satguru jo tumko samjhaate hain, woh tum auron ko samjhaate ho। guru ko aise nahin kahenge ki yeh baap hai, teacher hai। nahin to yeh saari knowledge tumhaari buddhi mein honi chaahiye। ham shivaalay mein the, abhi veshyaalay mein pade hain। phir ab shivaalay mein jaana hai। bhal kehte hain brahm mein leen ho gaya, jyoti jyot samaaya। parantu aatma to avinaashi hai। har ek mein apna-apna part bhara hua hai। sab actors hain, unko apna part bajaana hi hai। woh kabhi mit nahin sakta। jo bhi saari duniya ki aatmaayen hain, unko part bajaana hai। jaise ki nayesir shooting hoti jaati hai। parantu yeh anaadi shooting hui padi hai। yeh world ki history-geography repeat hoti rehti hai। yeh wonderful sitaara hai jo bhrakuti ke beech chamakta hai। kabhi ghista hi nahin। yeh gyaan tumhaare mein aage nahin tha। wonder oph world। heaven athva svarga naam sunkar dil khush hota hai। abhi to satayug hai nahin। abhi hai kaliyug। to punarjanma bhi kaliyug mein hi lenge। jaana to sabko zaroor hai parantu patit aatmaayen to ja na saken। abhi tum bachche paavan bante ho - yogbal se। paavan duniya god father hi sthaapan karte hain। phir raavan hell banaate hain। yeh to pratyaksha hai na। raavan ko jalaate hain na। manushya to kehte hain yeh anaadi chala aata hai। parantu kab se shuru hota, yeh bhi kisko pata nahin hai। aadha-aadha to kar na saken kyonki laakhon varsha kah dete hain। kaliyug ko phir 40 hajaar varsha kah dete hain। to manushya ghor andhiyaare mein hain na। agyaan neend se jaagna bada mushkil hai, jaagte hi nahin hain। abhi hai sangamayug jabki baap aakar paavan banne ki yukti bataate hain। tum paavan honge to paavan duniya sthaapan ho hi jaayegi। yeh patit duniya hi khalaas ho jaayegi। abhi kitni badi duniya hai। satayug mein to bahut chhoti duniya ho jaayegi। ab maaya par jeet paakar paavan zaroor banna hai। baap kehte hain maaya badi dustar hai। paavan banne mein hi anek prakaar ke vighna daalti hai। pavitra banne ki himmat rakhte hain, phir maaya aakar kya haal bana deti hai। ghoonsa lagaakar gira deti hai। ki kamaai khatma kar deti hai। phir bahut mehnat karni padti hai। koi to girte hain phir munh bhi nahin dikhaate hain phir itna oonch pad pa na saken। purooshaartha poora hona chaahiye। fail nahin hona chaahiye isliye koi gandharvi vivaah bhi karke dikhaate hain। sannyaasi log kehte shaadi ki aur pavitra rahe yeh to impossible hai। baap kehte hain possible hai kyonki praapti bahut hai। yeh antim ek janma tum pavitra banenge to tumko svarga ki baadshaahi milegi। kya itni badi praapti ke liye tum ek janma pavitra nahin rah sakte ho? kehte hain baba ham zaroor rahenge। sikkha log bhi pavitrata ka kangan daalte hain। yahaan koi dhaaga aadi baandhane ki darkaar nahin। yeh to buddhi ki baat hai। baap kehte hain maamekam yaad karo। bachchiyaan bahuton ko sunaati hain। parantu bade aadmiyon ki buddhi mein baithta thode hi hai। baap kehte hain pahle unko achhi reeti se samjhaao - yeh sab prajaapita brahma ki aulaad hain। shivbaaba se varsa mil raha hai। patit se paavan banna hai। ab baap kehte hain maamekam yaad karo, aisa to koi kah na saken। pahle to unki buddhi mein bithaana hai bhaarat viceless tha, abhi vicious hai phir viceless kaise banega? bhagvaanuvaach maamekam yaad karo। bas itna kahe to bhi aho bhaagya, parantu itna bhi kah nahin sakenge। bhool jaayenge। baba ne samjhaaya tha udghaatan to baap ne kar diya hai। baaki tum nimitta kar rahe ho। foundation laga diya hai, baaki ab service station ka udghaatan hota hai। yeh to geeta ki hi baat hai, geeta mein bhi hai - he bachchon, tum kaam par jeet pahno to aise jagatjeet banenge, 21 janmon ke liye। bhal khud na banen, auron ko to samjhaayen। aise bhi bahut hain, auron ko uthaakar khud gir padte hain। kaam mahaashatru hai, ekdam gutter mein gira deta hai। jo bachche kaam par jeet paate hain vahi jagatjeet bante hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antim janma mein sarva praaptiyon ko saamne rakh paavan bankar dikhaana hai। maaya ke vighnon se haar nahin khaani hai।

2) em object ko saamne rakh poora purooshaartha karna hai। jaise brahma baap purooshaartha kar nar se naaraayan bante hain, aise follow kar gaddi nasheen banna hai। aatma ko satopradhaan banaane ki mehnat karni hai।

vardaan:- adhikaari ban samasyaaon ko khel-khel mein paar karne vaale hero paartadhaari bhav

chaahe kaisi bhi paristhitiyaan hon, samasyaayen hon lekin samasyaaon ke adheen nahin, adhikaari ban samasyaaon ko aise paar kar lo jaise khel-khel mein paar kar rahe hain। chaahe baahar se rone ka bhi part ho lekin andar ho ki yeh sab khel hai - jisko kehte hain drama aur drama ke ham hero paartadhaari hain। hero paartadhaari arthaat accurate part bajaane vaale isliye kadi samasya ko bhi khel samajh halka bana do, koi bhi bojh na ho।

slogan:- sada gyaan ke simran mein raho to sada harshit rahenge, maaya ki aakarshan se bach jaayenge।