शनिवार 31 अगस्त 2024 की दैनिक मुरली

31-08-2024 praatahmurli om shanti "baapdaada"' madhuban

“meethe bachche - yaad ke saath-saath padhaai par bhi poora dhyaan dena hai, yaad se paavan banenge aur padhaai se vishwa ka maalik banenge''

prashn:- scholarship lene ke liye kaun-sa purooshaartha zaroori hai?

uttar:- scholarship leni hai to sab cheezon se mamatva nikaal do। dhan, bachche, ghar aadi kuchh bhi yaad na aaye। shivbaaba hi yaad ho, poora svaaha, tab oonch pad ki praapti hogi। buddhi mein yeh nasha rehna chaahiye ki ham kitna bada imtahaan paas karte hain। hamaari kitni badi padhaai hai aur padhaane vaala svayan duhkh harta sukh karta baap hai, woh most beloved baba humein padha rahe hain।

om shanti। roohaani baap roohaani bachchon ko samjhaate hain, padhaate hain to bachchon ko kitna phakhur hona chaahiye। padhti to aatma hai na। aatma sanskaar le jaati hai, shareer to raakh ho jaata hai। to baap baith bachchon ko padhaate hain। aatmaayen samajhti hain ham padhte hain, yog seekhte hain। baap ne kaha hai yaad mein raho to tumhaare paap kat jaayenge। patit-paavan to ek hi baap hai। brahma, vishnu, shankar ko patit-paavan thode hi kahenge। lakshmi-naaraayan ko kahenge? nahin। patit-paavan to hai hi ek। saari duniya ko paavan banaane vaala hai hi ek। woh tumhaara baap hai। bachche jaante hain most beloved behad ka baap hai, jisko bhakti maarga mein yaad karte aaye hain ki baba aao, aakar hamaare duhkh haro, sukh do। srishti to vahi hai। is chakra mein to sabko aana hi hai। 84 ka chakra bhi baap ne samjhaaya hai। aatma hi sanskaar le jaati hai। aatma jaanti hai is mrityulok se amarlok mein athva narka se svarga mein jaane ke liye ham padhte hain। baap aate hain tum bachchon ko phir se vishwa ka maalik banaane। tum kitna bada imtahaan paas kar rahe ho। bade te bada baap padha rahe hain। jis samay baba baith padhaate hain to nasha chadhta hai। baba bahut jor shor se nasha chadhaate hain। baap aate hi hain amarlok ke liye laayak banaane। yahaan to koi laayak hai nahin। tum bhi jaante ho ham laayak devtaaon ke aage maatha tekte aaye hain। ab phir baba humein saare vishwa ka maalik banaate hain। to woh nasha chadha rehna chaahiye। aise nahin, yahaan nasha chadhe phir baahar jaane se nasha hi kam ho jaaye। bachche kehte hain - baba, ham aapko bhool jaate hain। aap patit duniya mein, patit shareer mein aakar hamko padhaate hain, vishwa ka maalik banaate hain। tum bachche vishwa ke baadshaahi ki bahut badi lottery lete ho। parantu tum ho gupta। to aisi oonch padhaai par achhi reeti dhyaan dena chaahiye। sirf yaad ki yaatra se kaam nahin chalega, padhaai bhi zaroori hai। 84 ka chakra kaise lagaate hain, yeh bhi buddhi mein phirna chaahiye।

tum samajhte ho baba bade jor se nasha chadhaate hain। tumhaare jitna bada aadmi koi ban na saken, tum manushya se devta ban jaate ho। vishwa ka maalik tumhaare sivaae aur koi bana hai kya? Christian logon ne koshish ki world ke maalik banen, parantu law nahin kehta jo tumhaare sivaae vishwa ka maalik koi banen। banaane vaala baap hi chaahiye aur koi ki taakat nahin। tum bachchon ka bahut achha dimaag hona chaahiye। gyaan amrit ka dose chadhaate rehte hain। sirf is par nahin thaharna hai ki ham baba ko bahut yaad karte hain। yaad se hi paavan ho jaayenge parantu pad bhi paana hai। paavan to mochra khaakar bhi sabko hona hi hai। parantu baap aaye hain vishwa ka maalik banaane, jaayenge to sab shantidham mein। jaakar sabko sirf baith jaana hai kya? woh to koi kaam ke na rahe। kaam ke woh hain jo phir aakar svarga mein raajya karte hain। tum yahaan aaye hi ho svarga ki baadshaahi lene। tumko baadshaahi thi, phir maaya ne chheen li। ab phir maaya raavan par jeet paani hai, vishwa ka maalik tumko hi banna hai। abhi tumko raavan par jeet pahnaate hain kyonki tum raavan raajya mein vikaari ban gaye ho isliye manushya ki bandar se bhent ki jaati hai। bandar jaasti vikaari hote hain। devtaayen to sampoorn nirvikaari hain। yeh devtaayen hi 84 janmon ke baad patit bane hain। baap kehte hain ki tumhaare haath mein jo dhan, bachche, shareer aadi hai, sabse mamatva nikaalna hai। saahookaar to dhan ke pichhaadi marte hain। mutthi mein paise hain, woh chhootte nahin। raavan ki jel mein pade rahenge। koton mein koi niklenge jo sab cheezon se mamatva nikaal bandar se devta ban jaayenge। jo bhi saahookaar log bade-bade lakhapti hain, mutthi mein paise pakde hue hain, unke pichhaadi praan hain। saara din mahal, maadiyaan, bachche aadi hi yaad aate rahenge। unki yaad mein hi mar jaayenge। baap kehte hain ki pichhaadi mein aur koi cheez yaad na aaye। sirf maamekam yaad karo to janma janmaantar ke paap naash ho jaayen। saahookaar ke paise to sab mitti mein mil jaane hain kyonki paap ke paise hain na। kaam mein nahin aate। baap kehte hain ham gareeb nivaaz, gareebon ko saahookaar, saahookaaron ko gareeb bana denge। yeh duniya badalni hoti hai na। kitna paise ka nasha rehta hai - hamko itna dhan maal hai, aeroplane hain, motor hain, mahal hain…! phir kitna bhi maatha maaren ki baap ko yaad karen, parantu yaad thahregi nahin। law nahin kehta hai, koto mein koi hi niklenge। baaki to paisa hi yaad karte rahenge। baap kehte hain deh sahit jo kuchh dekhte ho un sabko bhool jaao, ismen hi atak pade to oonch pad pa nahin sakoge। baba purooshaartha to karaayenge na। tum yahaan aaye ho nar se naaraayan banne, to ismen yog bhi poora chaahiye। koi bhi cheez, na dhan, na bachche aadi kuchh bhi yaad na aaye, sivaae ek shivbaaba ke, tab tum oonch te oonch scholarship le sakte ho, oonch prize pa sakte ho। vo log vishwa mein shanti ki raay dete hain to paai-paise ka medal mil jaata hai। usmein hi khush ho jaate hain। abhi tumko kya prize milti hai? tum vishwa ke maalik bante ho। aise nahin, ham 5-6 ghanta yaad mein rehte hain to bas yeh lakshmi-naaraayan ban jaayenge। nahin, badi mehnat karni hai। ek shivbaaba ki hi yaad rahe aur kuchh bhi pichhaadi mein yaad na aaye। tum bahut-bahut bade devta ban rahe ho।

baap ne samjhaaya hai tum hi poojya the phir maaya ne pujaari patit bana diya hai। tumko log kehte hain tum brahma ko devta maante ho ya bhagwan maante ho? bolo, ham to kehte nahin hain ki brahma bhagwan hai। tum aakar samjho। tumhaare paas achhe te achhe chitra hain। trimoorti, gola aur jhaad ka chitra sabse number one hai। shurooaat ke yahi do chitra hain, yahi tumhaare bahut kaam mein aane ke hain। lakshmi-naaraayan ka chitra tum vilaayat mein le jaao, unse to gyaan utha nahin sakenge। sabse mukhya chitra hai - trimoorti, gola aur jhaad ka। ismen dikhaaya gaya hai - kaun-kaun kab aate hain, aadi sanaatan devi-devta dharma kab khatma hota hai, phir ek dharma ki sthaapna kaun karte hain? aur sab dharma khalaas ho jaate hain। sabse oopar mein hai shivbaaba phir brahma so vishnu, vishnu so brahma। yeh samjhaani hai na। uske liye hi chitra banaaye hain, baaki sookshm vatan to sirf saakshaatkaar ke liye maana jaata hai। baap rachayita hai, pahle sookshm-vatan ka phir sthool vatan ka। brahma devta thode hi hai, vishnu devta hai। tumko saakshaatkaar hota hai samjhaane ke liye। prajaapita brahma to yahaan hai na। brahma ke saath hain brahman so phir devta banne vaale hain। devtaayen to saje hue rehte hain, inko pharishta kaha jaata hai। pharishta bankar phir aakar devta pad paayenge। garbha mahal mein janma lenge। duniya badalti rehti hai। aage chalkar tum sab dekhte rahenge। achhe majboot ho jaayenge। baaki thoda samay hai। tum aaye ho nar se naaraayan banne ke liye। fail hote hain to praja ban jaate hain। sannyaasi aadi yeh baaten samjha na saken। gaate hain raam raaja, raam praja ......। phir vahaan adharma ki baaten ho kaise sakti! yeh sab bhakti maarga ki baaten hai isliye gaaya jaata hai jhoothi maaya, jhoothi kaaya....... maaya 5 vikaaron ko kaha jaata hai, na ki dhan ko। dhan ko sampatti kaha jaata hai। manushyon ko yeh bhi pata nahin hai ki maaya kisko kaha jaata hai। yeh baap meethe-meethe bachchon ko samjhaate hain।

baap kehte hain main param aatma tumko apne se bhi oonch vishwa ka maalik banaata hoon। tum padh rahe ho। kitni oonchi padhaai hai। manushya se devta kiye karat na laagi vaar। devtaayen hote hain satayug mein, manushya hote hain kaliyug mein। tum abhi sangam par baith manushya se devta ban rahe ho। kitna sahaj bataate hain। pavitra zaroor banna hai, to praja bhi bahut banaani hai। kalpa-kalpa tum itni praja banaate ho, jitni satayug mein thi। satayug tha, ab nahin hai phir hoga। yeh lakshmi-naaraayan vishwa ke maalik honge। chitra to hain na। baap kehte hain - yeh gyaan tumko abhi deta hoon phir praayah lop ho jaata phir dvaapar se bhakti shuru hoti hai, raavan raajya aa jaata hai। tum vilaayat mein bhi yeh samjha sakte ho ki srishti ka chakra kaise phirta hai। lakshmi-naaraayan ke chitra se aur dharma vaalon ka to connection hai nahin isliye baba kehte hain yeh trimoorti aur jhaad hain mukhya chitra। yeh bahut first class hain। jhaad aur gole se samajh jaayenge yeh-yeh dharma kab aayenge, Christ kab aayega। aadha mein hain woh sab dharma, baaki aadha mein ho tum sooryavanshi-chandravanshi। 5 hajaar varsha ka khel hai। gyaan, bhakti, vairaagya। gyaan hai din, bhakti hai raat। phir behad ka vairaagya hota hai। tum jaante ho yeh puraani duniya khalaas ho jaani hai। to inko bhool jaana hai। patit-paavan kaun hai, yeh bhi siddha karna hai। din-raat gaate rehte hain - patit-paavan seeta raam। gaandhi bhi geeta padhte the, woh bhi aise gaate the - he patit-paavan, seetaaon ke raam kyonki tum sab seetaayen brides ho na। baap hai bridegroom। phir kah dete raghupti raaghav raaja raam। ab woh treta ka raaja hai। saari baat hi munjha di hai। sab taali bajaate gaate rehte hain। ham bhi gaate the, ek varsha khaadi ka kapda aadi pahna। baap baith samjhaate hain ki yeh bhi gaandhi ka follower bana tha, isne to sab kuchh anubhav kiya hai। first so last ban gaya hai। ab phir first banega। tumko kehte hain jahaan-tahaan brahma ko bithaaya hai। yeh bhi samjhaana chaahiye - are, jhaad ke oopar khada hai। kitna clear hai, yeh to patit duniya ke ant mein khada hai। shreekrishna ko bhi oopar mein dikhaaya hai। do bille ladte hain, makkhan shreekrishna kha lete hain। maataaon ko saakshaatkaar hota hai, woh samajhti hain unke mukh mein maakhan hai athva chandrama hai। vaastav mein hai vishwa ki baadshaahi mukh mein। do bille aapas mein ladte hain, maakhan tum devtaaon ko mil jaata hai। yeh hai vishwa ki baadshaahi roopi maakhan। bombs aadi banaane ki bhi bahut improvement kar rahe hain, aisi cheez daalte hain jo phat se manushya mar jaayen। aisa na ho chillaate rahen। jaise hiroshima ka hai, abhi tak mareej pade hain। to baap samjhaate hain - meethe-meethe bachchon, aadhaakalpa tak tum sukhi rehte ho। koi bhi prakaar ki ladaai aadi ka naam nahin rehta, yeh sab peechhe shuru hui hain। yeh sab nahin the, na rahenge। chakra repeat hota hai na। baap sab achhi reeti samjhaate hain। jo bachchon ko poori reeti dhaaran karna hai aur eeshvareey seva mein lag jaana hai। yeh to chhi-chhi duniya hai, inko vishay vaitarni nadi kaha jaata hai। to bachchon ko baap baith samjhaate hain - tum apne ko itna oonch nahin samajhte ho, jitna baap tumko oonch samajhte hain। tum bachchon ko bahut nasha rehna chaahiye kyonki tum bahut oonch kul ke ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne dimaag ko achha banaane ke liye roz gyaan amrit ka dose chadhaana hai। yaad ke saath-saath padhaai par bhi poora-poora dhyaan avashya dena hai kyonki padhaai se hi oonch pad milta hai।

2) ham oonche te oonche kul ke hain, svayan bhagwan humein padhaata hai, isi nashe mein rehna hai। gyaan dhaaran kar eeshvareey seva mein lag jaana hai।

vardaan:- santushtata ki visheshta dvaara har kade paper mein bhi saphal hone vaale dridhta sampanna bhav

santushtata braahmanon ka vishesh lakshan hai। jo bhi part mila hai usmein santushta rehna hi aage badhna hai। kuchh bhi neeche oopar ho jaae, koi insult bhi kar de, lekin daata ke bachche kabhi kisi baat mein asantushta nahin ho sakte। ve svayan se bhi santushta aur auron se bhi santushta honge। iske liye dridhta sampanna sankalp karo ki kitna bhi kada paper aa jaae lekin mujhe santushta rehna hi hai to saphal hote rahenge।

slogan:- khushnumah woh hai jiske dil mein sada khushi ka soorya uday rehta hai।