सोमवार 9 सितंबर 2024 की दैनिक मुरली

09-09-2024 praatahmurli om shanti "baapdaada"' madhuban

“meethe bachche - yogbal se bure sanskaaron ko parivartan kar svayan mein achhe sanskaar daalo। gyaan aur pavitrata ke sanskaar achhe sanskaar hain''

prashn:- tum bachchon ka birth right kaun-sa hai? tumhein abhi kaun-si feeling aati hai?

uttar:- tumhaara birth right hai mukti aur jeevanmukti। tumhein ab feeling aati hai ki humein baap ke saath vaapis ghar jaana hai। tum jaante ho - baap aaye hain bhakti ka phal mukti aur jeevan mukti dene। abhi sabko shantidham jaana hai। sabko apne ghar ka deedaar karna hai।

om shanti। manushya baap ko sachcha paatshaah bhi kehte hain। angreji mein paatshaah nahin kehte, usmein sirf sachcha father kehte hain। god father is truth kehte hain। bhaarat mein hi kehte hain sachcha paatshaah। ab pharka to bahut hai, woh sirf sach kehte hain, sach sikhlaate hain, sachcha banaate hain। yahaan kehte hain sachcha paatshaah। sachcha bhi banaate hain aur sachkhanda ka baadshaah bhi banaate hain। yeh to barobar hai - mukti bhi dete, jeevanmukti bhi dete hain, jisko bhakti ka phal kehte hain। liberation aur fruition। bhakti ka phal dete hain aur liberate karte hain। bachche jaante hain hamko donon dete hain। liberate to sabko karte hain, phal tumko dete hain। liberation aur fruition - yeh bhi bhaasha banaai hui hai na। bhaashaayen to bahut hain। shivbaaba ke bhi naam bahut rakh dete hain। koi ko kaho unka naam shivbaaba hai to kah dete ham to unko maalik hi kehte hain। maalik to theek hai parantu uska bhi naam chaahiye na। naam-roop se nyaari koi cheez hoti nahin। maalik bhi koi cheez ka banta hai na। naam-roop to zaroor hai। abhi tum bachche jaante ho - baap barobar liberate bhi karte hain phir shantidham mein sabko zaroor jaana hai। apne ghar ka deedaar sabko karna hai। ghar se aaye hain to pahle unka deedaar karenge, usko kehte hain gati-sadgati। akshar kehte hain parantu artharhit। tum bachchon ko to feeling rehti hai, ham apne ghar bhi jaayenge aur phal bhi milega। nambarvaar tumko milta hai to aur dharma vaalon ko bhi phir samay anusaar milta hai। baap ne samjhaaya tha yeh parcha hai bahut achha - tum svarga-vaasi ho ya narkavaasi ho? tum bachche hi jaante ho yeh mukti jeevanmukti donon god fatherly birth right hain। tum likh bhi sakte ho। baap se tum bachchon ko yeh birth right milta hai। baap ka banne se donon cheezen praapta hoti hain। woh hai raavan ka birth right, yeh hai parampita paramatma ka birth right। yeh hai bhagwan ka birth right, woh hai shaitaan ka birth right। aise likhna chaahiye jo kuchh samajh saken। ab tum bachchon ko heaven sthaapan karna hai। kitna kaam karna hai! abhi to jaise babies hain, jaise manushya kaliyug ke liye kehte hain ki abhi baby (bachcha) hai। baap kehte hain satayug ki sthaapna mein baby hain। abhi tum bachchon ko varsa mil raha hai। raavan ka koi varsa nahin kahenge। god father se to varsa milta hai। woh koi father thode hi hai, usko (raavan 5 vikaaron ko) to shaitaan kaha jaata hai। shaitaan ka varsa kya milta hai? 5 vikaar milte hain, show bhi aisa karte hain, tamopradhaan ban jaate hain। ab dashahra kitna manaate hain, ceremony manaate hain। bahut kharcha karte hain। vilaayat se bhi nimantran de bulaate hain। sabse naameegraami dashahra manaate hain maisoor ka। paise vaale bhi bahut hain। raavan raajya mein paisa milta hai to akla hi chat ho jaata hai। baap detail mein samjhaate hain। inka naam hi hai raavan raajya। usko phir kaha jaata hai eeshvareey raajya। raam raajya kehna bhi wrong ho jaata hai। gaandhi ji raam raajya chaahte the। manushya samajhte hain gaandhi ji bhi avtaar the। unko kitne paise dete the। unko bhaarat ka baapu ji kehte the। ab yeh to saare vishwa ka baapu hai। abhi tum yahaan baithe ho, jaante ho kitni jeev aatmaayen hongi। jeev (shareer) to vinaashi hain, baaki aatma hai avinaashi। aatmaayen to dher hain। jaise oopar mein sitaare rehte hain na। sitaare jaasti hain ya aatmaayen jaasti hain? kyonki tum ho dharti ke sitaare aur woh aasmaan ke sitaare। tumko devta kaha jaata hai woh phir unko bhi devta kah dete hain। tumko lucky sitaara kaha jaata hai na।

achha, is par phir aapas mein discuss karna। baba abhi is baat ko nahin chhedte hain। yeh to samjhaaya hai ki sabhi aatmaon ka ek baap hai, inki buddhi mein to sab hai, jo bhi manushya maatra hain, sabka woh baap hai। yeh to sab jaante hain ki saari srishti samudra par khadi hai। yeh bhi koi sabko nahin maaloom hai। baap ne samjhaaya tha yeh raavan raajya saare srishti par hai। aise nahin, raavan raajya koi saagar ke paar hai। saagar to all-round hai hi। kehte hain na - neeche bail hai, uske seengon par srishti khadi hai। phir jab thak jaata hai to seeng badli karta hai। abhi puraani duniya khalaas ho nai duniya ki sthaapna hoti hai। shaastron mein to anek prakaar ki baaten dant kathaaon mein likh di hain। yeh to bachche samajhte hain - yahaan sab aatmaayen shareer ke saath hain, inko kehte hain jeev aatmaayen। woh jo aatmaon ka ghar hai vahaan to shareer nahin hai। unko kaha jaata hai niraakaari। jeev aakaari hai isliye saakaar kaha jaata hai। niraakaar ko shareer nahin hota hai। yeh hai saakaari srishti। woh hai niraakaari aatmaon ki duniya। isko srishti kahenge, usko kaha jaata hai incorporeal world। aatma jab shareer mein aati hai tab yeh churpur chalti hai। nahin to shareer koi kaam ka nahin rehta hai। to unko kaha hi jaata hai niraakaari duniya। jitni bhi aatmaayen hain woh sab pichhaadi mein aani chaahiye isliye isko purushottam sangamayug kaha jaata hai। sab aatmaayen jab yahaan aa jaati hain to vahaan phir ek bhi nahin rehti hain। vahaan jab ekdam khaali ho jaata hai tab phir sab vaapas jaate hain। tum yeh sanskaar le jaate ho nambarvaar purooshaartha anusaar। koi knowledge ke sanskaar le jaate hain, koi purity ke sanskaar le jaate hain। aana to phir bhi yahaan hi hai। parantu pahle to ghar mein jaana hai। vahaan hain achhe sanskaar। yahaan hain bure sanskaar। achhe sanskaar badal kar bure sanskaar ho jaate hain। phir bure sanskaar yogbal se achhe hote hain। achhe sanskaar vahaan le jaayenge। baap mein bhi padhaane ke sanskaar hain na। jo aakar samjhaate hain। rachayita aur rachna ke aadi-madhya-ant ka raaz samjhaate hain। beej ki bhi samjhaani dete hain, to saare jhaad ki bhi samjhaani dete hain। beej ki samjhaani hai gyaan aur jhaad ki samjhaani ho jaati hai bhakti। bhakti mein bahut detail hoti hai na। beej ko yaad karna to sahaj hai। vahaan hi chale jaana hai। tamopradhaan se satopradhaan banne mein thoda hi samay lagta hai। phir satopradhaan se tamopradhaan banne mein 5 hajaar varsha lagte hain accurate। yeh chakra bada accurate bana hua hai jo repeat hota rehta hai। aur koi yeh baaten bata na sake। tum bata sakte ho। aadha-aadha kiya jaata hai। aadha svarga, aadha narka phir unka detail bhi bataate hain। svarga mein janma kam, aayu badi hoti hai। narka mein janma jaasti, aayu chhoti hoti hai। vahaan hain yogi, yahaan hain bhogi isliye yahaan bahut janma hote hain। in baaton ko doosra koi nahin jaanta। manushyon ko kuchh bhi maaloom nahin hai। kab devtaayen the, woh kaise banen, kitne samajhdaar bane hain - yeh bhi tum jaante ho। baap is samay bachchon ko padhaakar 21 janmon ke liye varsa dete hain। phir yeh tumhaare sanskaar rehte nahin। jaise raajaai ke sanskaar hote hain to gyaan ki padhaai ke sanskaar poore ho jaate hain। yeh sanskaar poore hue to nambarvaar purooshaartha anusaar roodra maala mein piro jaayenge phir nambarvaar aayenge part bajaane। jisne poore 84 janma liye hain, woh pahle aate hain। unka naam bhi batlaate hain। shreekrishna to hai first prince oph heaven। tum jaante ho sirf ek thode hi hoga, saari raajdhaani hogi na। raaja ke saath to phir praja bhi chaahiye। ho sakta hai - ek se doosre paida hote jaayen। agar kahen 8 ikatthe aate hain, parantu shreekrishna to number one mein aayega na। 8 ikatthe aate hain to phir shreekrishna ka itna gaayan kyon? yeh sab baaten aage chalkar samjhaayenge। kehte hain na aaj tumko bahut guhya te guhya baaten sunaata hoon। kuchh to raha hua hai na। yeh yukti achhi hai - jis baat mein dekho nahin samajhte hain to bolo hamaari badi behen uttar de sakti hai ya to kehna chaahiye abhi baap ne bataaya nahin hai। din-pratidin guhya te guhya sunaate hain। is kahne mein lajja ki baat nahin। guhya te guhya points jab sunaate hain to tumko sunkar bahut khushi hoti hai। pichhaadi mein phir kah dete hain manamnaabhav, madhyaajeebhav। akshar bhi shaastra banaane vaalon ne likha hai। moonjhane ki to jaroorat nahin hai। bachcha baap ka bana aur behad ka sukh mila। ismen mansa, vaacha, karmana pavitrata ki jaroorat hai। lakshmi-naaraayan ko baap ka varsa mila hai na। yeh pahle number mein hain, jinki hi pooja hoti hai। apne ko bhi dekho - hamaare mein aise gun hain। abhi to begun hain na। apne avgunon ka bhi kisko pata nahin hai।

abhi tum baap ke bane ho to zaroor change hona pade। baap ne buddhi ka taala khola hai। brahma aur vishnu ka bhi raaz samjhaaya hai। yeh hai patit, woh hai paavan। adoption is purooshottam sangamayug par hi hoti hai। prajaapita brahma jab hai tab hi adoption hoti hai। satayug mein to hoti nahin। yahaan bhi kisko bachcha nahin hota hai to phir adopt karte hain। prajaapita ko bhi zaroor brahman bachche chaahiye। yeh hai mukh vanshaavli। woh hote hain kukh vanshaavli। brahma to naameegraami hai। inka surname hi behad ka hai। sab samajhte hain prajaapita brahma aadi dev hai, usko angreji mein kahenge great great grand father। yeh hai behad ka surname। woh sab hote hain had ke surname isliye baap samjhaate hain - yeh zaroor sabko maaloom hona chaahiye ki bhaarat bade te bada teertha hai, jahaan behad ka baap aate hain। aise nahin, saare bhaarat mein viraajmaan hua। shaastron mein magadh desh likha hai, parantu knowledge kahaan sikhaai? aabu mein kaise aaye? delvaada mandir bhi yahaan poora yaadgaar hai। jinhonne bhi banaaya, unhon ki buddhi mein aaya aur baithkar banvaaya। accurate model to bana na saken। baap yahaan hi aakar sarva ki sadgati karte hain, magadh desh mein nahin। woh to paakistaan ho gaya। yeh hai paak sthaan। vaastav mein paak sthaan to svarga ko kaha jaata hai। paak aur naapaak ka ye saara drama bana hua hai।

to meethe-meethe sikeeldhe bachche - tum yeh samajhte ho aatmaayen paramatma alag rahe bahukaal… kitne kaal ke baad mile hain? phir kab milenge? sundar mela kar diya jab satguru mila dalaal ke roop mein। guru to bahut hain na isliye satguru kaha jaata hai। stri ko jab hathiyaala baandhate hain to bhi kehte hain yeh pati tumhaara guru eeshvar hai। pati to pahle-pahle naapaak banaate hain। aajkal to duniya mein bahut ganda laga pada hai। ab tum bachchon ko to gul-gul banna hai। tum bachchon ko pakka-pakka hathiyaala baap baandhate hain।

yoon to shiv jayanti ke saath hi rakshaabandhan ho jaata hai। geeta jayanti bhi ho jaani chaahiye। shreekrishna ki jayanti thoda deri se nai duniya mein hui hai। baaki tyohaar sab is samay ke hain। raam navmi kab hui - yeh bhi koi ko pata hai kya? tum kahenge nai duniya mein 1250 varsha ke baad mein raam navmi hoti hai। shiv jayanti, krishna jayanti, raam jayanti kab hui.......? yeh koi bhi bata nahin sakte। tum bachche bhi abhi baap dvaara jaan gaye ho। accurate bata sakte ho। goya saare duniya ki jeevan kahaani tum bata sakte ho। laakhon varsha ki baat thode hi bata sakte। baap kitni achhi behad ki padhaai padhaate hain। ek hi baar tum 21 janmon ke liye nangan hone se bachte ho। abhi tum 5 vikaaron roopi raavan ke paraaye raajya mein ho। abhi saare 84 ka chakra tumhaari smriti mein aaya hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) behad sukh ka varsa praapta karne ke liye mansa-vaacha-karmana pavitra zaroor banna hai। achhe sanskaar yogbal se dhaaran karne hain। apne ko gunvaan banaana hai।

2) sada khushi mein rahne ke liye baap jo roz guhya-guhya baaten sunaate hain, unhein sunna aur doosron ko sunaana hai। kisi bhi baat mein moonjhana nahin hai। yukti se uttar dena hai। lajja nahin karni hai।

vardaan:- sukh swaroop ban har aatma ko sukh dene vaale master sukhdaata bhav

jo bachche sada yathaartha karma karte hain unhein us karma ka pratyakshaphal khushi aur shakti milti hai। unka dil sada khush rehta hai, unhein sankalp maatra bhi duhkh ki lahar nahin aa sakti। sangamayugi brahman arthaat duhkh ka naam nishaan nahin kyonki sukhdaata ke bachche hain। aise sukhdaata ke bachche svayan bhi master sukhdaata honge। ve har aatma ko sada sukh denge। ve kabhi na duhkh denge na duhkh lenge।

slogan:- master daata ban sahayog, sneh aur sahaanubhooti dena - yahi merciful aatma ki nishaani hai।