शनिवार 14 सितंबर 2024 की दैनिक मुरली

14-09-2024 praatahmurli om shanti "baapdaada"' madhuban

“meethe bachche - baap ki shreemat par chalkar apna shrringaar karo, parchintan se apna shrringaar mat bigaado, time vesta na karo''

prashn:- tum bachche baap se bhi teekhe jaadoogar ho - kaise?

uttar:- yahaan baithe-baithe tum in lakshmi-naaraayan jaisa apna shrringaar kar rahe ho। yahaan baithe apne aapko change kar rahe ho, yeh bhi jaadoogri hai। sirf alpha ko yaad karne se tumhaara shrringaar ho jaata hai। koi haath-paanv chalaane ki bhi baat nahin sirf vichaar ki baat hai। yog se tum saaph, svachchha aur shobhnik ban jaate ho, tumhaari aatma aur shareer kanchan ban jaata hai, yeh bhi kamaal hai na।

om shanti। roohaani jaadoogar baith roohaani bachchon ko, jo baap se bhi teekhe jaadoogar hain, unhon ko samjhaate hain - tum yahaan kya kar rahe ho? yahaan baithe-baithe koi churpur nahin। baap athva saajan, sajniyon ko yukti bata rahe hain। saajan kehte hain - yahaan baithe tum kya karte ho? apne ko tum aise lakshmi-naaraayan misal shrringaar rahe ho। koi samjhenge? tum yahaan sab baithe ho phir nambarvaar purooshaartha anusaar to ho hi na। baap kehte hain aise shrringaare hue banna hai। tumhaari em object hi yeh hai bhavishya amarpuri ke liye। yahaan baithe hue tum kya kar rahe ho? paradise ke shrringaar ke liye purooshaartha kar rahe ho। isko kya kahen? yahaan baithe hue apne ko change kar rahe ho। uthte, baithte, chalte baap ne ek manamnaabhav ki chaabi de di hai। bas ek sivaae iske aur koi bhi phaaltu baaten sun-sunaakar time vesta mat karo। tum apne hi shrringaar mein lage raho। doosra karta hai va nahin, ismen tumhaara kya jaata hai! tum apne purooshaartha mein raho। kitni samajh ki baaten hain। koi naya sunega to zaroor wonder khaayega। tumhaare mein koi to apna shrringaar kar rahe hain, koi to aur hi bigaad rahe hain। parchintan aadi mein time vesta karte rehte hain। baap bachchon ko samjhaate hain tum sirf apne ko dekho ki ham kya kar rahe hain। bahut chhoti yukti bataai hai, bas ek hi akshar hai - manamnaabhav। tum yahaan baithe ho parantu buddhi mein hai ki saari srishti ka chakra kaise phirta hai। abhi phir se ham vishwa ka shrringaar kar rahe hain। tum kitne padmaapadma bhaagyashaali ho। yahaan baithe-baithe tum kitna kaarya karte ho। koi haath-paanv to chalaane ki baat hi nahin hai। sirf vichaar ki baat hai। tum kahenge ham yahaan baithe oonch te oonch vishwa ka shrringaar kar rahe hain। manamnaabhav ka mantra kitna oonch hai। is yog se hi tumhaare paap bhasma hote jaayenge aur tum saaph bante-bante phir kitne shobhnik ho jaayenge। abhi aatma patit hai to shareer ki bhi haalat dekho kya ho gai hai। ab tumhaari aatma aur kaaya kanchan ban jaayegi। yeh kamaal hai na। to aisa apna shrringaar karna hai। daiveegun bhi dhaaran karne hain। baap sabhi ko ek hi raasta bataate hain - alpha be। sirf alpha ki baat hai। baap ko yaad karte raho to tumhaara shrringaar saara badal jaayega।

baap se bhi tum bade jaadoogar ho। tumko yukti bataate hain ki aisa-aisa karne se tumhaara shrringaar ban jaayega। apna shrringaar na karne se tum muphta apne ko nuksaan pahunchaate ho। itna to samajhte ho ham bhakti maarga mein kya-kya karte the। saara shrringaar hi bigaad kar kya ban gaye ho! ab ek hi akshar se, baap ki yaad se tumhaara shrringaar hota hai। bachchon ko kitna achhi reeti samjhaakar fresh karte hain। yahaan baithe tum kya karte ho? yaad ki yaatra mein baithe ho। agar koi ka khyaal aur aur taraph hoga to shrringaar thode hi hoga। tum shrringaare ho to phir auron ko bhi raasta bataana hai। baap aate hi hain aisa shrringaar banaane। kamaal shivbaaba aapki, aap hamaara kitna shrringaar karte ho। uthte, baithte, chalte hamko apna shrringaar karna hai। koi to apna shrringaar kar phir doosron ka bhi karte hain। koi to apna bhi shrringaar nahin karte to doosre ka bhi shrringaar bigaadte rehte hain। phaaltu baaten sunaakar unki avastha ko bhi neeche gira dete hain। khud bhi shrringaar se rah jaate hain, to doosre ko bhi raha dete hain। to achhi reeti soch vichaar karo - baba kaise-kaise yukti bataate hain। bhakti maarga ke shaastra padhne se yeh yuktiyaan nahin aati hain। shaastra to hain bhakti maarga ke। tumko kehte hain tum kyon shaastron ko nahin maante ho? bolo, ham to sab maante hain। aadhaakalpa bhakti ki hai। shaastra padhte hain to kaun nahin maanenge। raat aur din hote hain to zaroor donon ko maanenge na। yeh hai behad ka din aur raat।

baap kehte hain - meethe bachchon, tum apna shrringaar karo। time vesta mat karo। time bahut thoda hai। tumhaari badi vishaal buddhi chaahiye। aapas mein bahut prem hona chaahiye। time vesta nahin karna chaahiye kyonki tumhaara time to bahut valuable hai। kaudi se heere jaisa tum bante ho। muphta mein itna thode hi sun rahe ho। koi katha hai kya। baap akshar hi ek sunaate hain। bade-bade aadmiyon ko jaasti baat thode hi karni chaahiye। baap to second mein jeevanmukti ka raasta bataate hain। yeh hain hi oonch shrringaar vaale, tab to unhon ke hi chitra hain jinko bahut poojte rehte hain। jitna bada aadmi hoga, utna bada mandir banaayenge, bada shrringaar karenge। aage to devtaaon ke chitra par heere ka haar pahnaate the। baba ko to anubhav hai na। baba ne khud heere ka haar banaaya tha lakshmi-naaraayan ke liye। vaastav mein to unhon jaisi yahaan paharvaais koi bana na sake। abhi tum bana rahe ho nambarvaar purooshaartha anusaar। to baap samjhaate hain - bachche, time vesta na apna karo, na auron ka karo। baap yukti bahut sahaj bataate hain। mujhe yaad karo to paap mit jaaen। yaad bigar itna shrringaar ho na sake। tum yeh banne vaale ho na। daivi svabhaav dhaaran karna hai। ismen kahne ki bhi darkaar nahin। parantu pattharbuddhi hone kaaran sab samjhaana padta hai। ek second ki baat hai। baap kehte hain - meethe-meethe bachchon, tumne apne baap ko bhoolne se kitna shrringaar bigaad diya hai। baap to kehte hain chalte-phirte shrringaar karte raho। parantu maaya bhi kam nahin hai। koi-koi likhte hain - baba, aapki maaya bahut tang karti hai। are hamaari maaya kahaan hai, yeh to khel hai na! main to tumko maaya se chhudaane aaya hoon। meri maaya phir kaahe ki। is samay poora hi inka raajya hai। jaise is raat aur din mein pharka nahin ho sakta। yeh phir hai behad ki raat aur din। inmen ek second ka bhi pharka nahin ho sakta hai। abhi tum bachche nambarvaar purooshaartha anusaar aisa shrringaar kar rahe ho। baap kehte hain - chakravarti raaja banna hai to chakra phiraate raho। bhal grihastha vyavhaar mein raho, ismen saara buddhi se kaam lena hai। aatma mein hi man-buddhi hai। yahaan tumko baahar ka gorakh dhandha kuchh bhi nahin hai। yahaan aate hi ho tum apne ko shrringaarne, refresh hone। baap padhaate to sabko ek hi jaisa hain। yahaan baba paas aate hain nai-nai points sammukh sunne, phir ghar mein jaate hain to jo kuchh suna hai woh baahar nikal jaata hai। yahaan se baahar nikalne se hi jholi chhaant lete hain। jo suna us par manan-chitann nahin karte hain। tumhaare liye to yahaan ekaanta ki jagah bahut hai। baahar mein to khatmal phirte rehte hain। ek-do ka khoon karte, peete rehte hain।

to baap bachchon ko samjhaate hain - yeh tumhaara time most valuable hai, isko tum vesta mat karo। apne ko shrringaarne ki bahut yuktiyaan mili hain। main sabka uddhaar karne aata hoon। main aaya hoon tumko vishwa ki baadshaahi dene। to ab mujhe yaad karo, time vesta mat karo। kaam-kaaj karte bhi baap ko yaad karte raho। itni dher sab aatmaayen aashik hain ek parampita paramatma maashook ki। woh sab jismaani kathaayen aadi to tum bahut sunte ho। ab baap kehte hain woh sab bhool jaao। bhakti maarga mein tumne mujhe yaad kiya aur vaayda bhi kiya hai, ham aapke hi banenge। dher ke dher aashikon ka ek maashook। bhakti maarga mein kehte hain - brahm mein leen honge, yeh sab hain phaaltu baaten। ek bhi manushya moksha ko nahin pa sakta hai। yeh to anaadi drama hai, itne sab actors hain, ismen zara bhi pharka nahin ho sakta hai। baap kehte hain sirf ek alpha ko yaad karo to tumhaara yeh shrringaar ho jaayega। abhi tum yeh ban rahe ho। smriti mein aata hai - anek baar hamne yeh shrringaar kiya hai। kalpa-kalpa baba aap aayenge, ham aapse hi sunenge। kitni guhya-guhya points hain। baba ne yukti bahut achhi bataai hai। vaari jaaoon, aise baap par। aashik-maashook bhi sab ek jaise nahin hote। yeh to sabhi aatmaon ka ek hi maashook hai। jismaani koi baat nahin। parantu tumhein sangamayug par hi baap se yeh yukti milti hai। kahaan bhi tum jaao, khaao-piyo, ghoomo phiro, naukri karo, apna shrringaar karte raho। aatmaayen sab ek maashook ki aashik hain। bas, unko hi yaad karte raho। koi-koi bachche kehte hain ham to 24 ghante yaad karte rehte hain। parantu sadaiv to koi kar nahin sakte। bahut mein bahut do adhaai ghante tak। jaasti agar likhen to baba maanta nahin। doosre ko smriti dilaate nahin to kaise samjhen tum yaad karte ho? kya koi difficult baat hai? koi ismen kharcha hai? kuchh bhi nahin। bas, baba ko yaad karte raho to tumhaare paap kat jaaen। daiveegun bhi dhaaran karne hain। patit koi shantidham va sukhdhaam mein ja na sake। baap bachchon ko kehte hain apne ko aatma bhaai-bhaai samjho। 84 janmon ka part abhi poora hota hai। yeh puraana chola chhodne ka hai। drama dekho kaisa bana hua hai। tum jaante ho nambarvaar purooshaartha anusaar। duniya mein to koi kuchh bhi nahin samajhte। harek apne se poochhe ki ham baap ki mat par chalte hain? chalenge to shrringaar bhi achha hoga। ek-do ko ulti baaten sunaakar athva sunkar apna shrringaar bhi bigaad dete hain to doosre ka bhi bigaad dete hain। bachchon ko to isi dhun mein laga rehna hai ki ham aise shrringaardhaari kaise banen। baaki to jo kuchh hai woh theek hai। sirf pet ke liye roti aaraam se mile। vaastav mein pet jaasti nahin khaata। bhal tum sannyaasi ho parantu raajayogi ho। na bahut ooncha, na neecha। khaao bhal parantu jyaada hir na jaao (aadat na pad jaae)। yahi ek-do ko yaad dilaao - shivbaaba yaad hai? varsa yaad hai? vishwa ki baadshaahi ka shrringaar yaad hai? vichaar karo - yahaan baithe-baithe tumhaari kya kamaai hai! is kamaai se apaar sukh milna hai, sirf yaad ki yaatra se aur koi takleeph nahin। bhakti maarga mein manushya kitne dhakke khaate hain। abhi baap aaye hain shrringaarne। to apna achhi reeti khyaal karo। bhoolo mat। maaya bhula deti hai phir time bahut vesta karte hain। tumhaara to yeh bahut valuable time hai। padhaai ki mehnat se manushya kya se kya ban jaate hain। baba tumko aur koi takleeph nahin dete hain। sirf kehte hain - mujhe yaad karo। koi bhi kitaab aadi uthaane ki darkaar nahin। baba koi kitaab uthaata hai kya? baap kehte hain main aakar is prajaapita brahma dvaara adopt karta hoon। prajaapita hai na। to itni kukh vanshaavli praja kaise hogi? bachche adopt hote hain। varsa baap se milna hai। baap brahma dvaara adopt karte hain, isliye unko maat-pita kaha jaata hai। yeh bhi tum jaante ho। baap ka aana bada accurate hai। accurate time par aate hain, accurate time par jaayenge। duniya ki badli to honi hi hai। abhi baap tum bachchon ko kitni akla dete hain। baap ki mat par chalna hai। student jo padhte hain vahi buddhi mein chalna hai। tum bhi yeh sanskaar le jaate ho। jaise baap mein sanskaar hain vaise tumhaari aatma mein bhi yeh sanskaar bharte hain। phir jab yahaan aayenge to vahi part repeat hoga। nambarvaar purooshaartha anusaar aayenge। apne dil se poochho - kitna purooshaartha kiya hai, apne ko shrringaarne ka। time kahaan vesta to nahin kiya hai? baap saavdhaan karte hain - vaahyaat baaton mein kahaan bhi time na ganvaao। baap ki shreemat yaad rakho। manushya mat par na chalo। tumko yeh pata thode hi tha ki ham puraani duniya mein hain। baap ne bataaya hai ki tum kya the। is puraani duniya mein kitne apaar duhkh hain। yeh bhi drama anusaar part mila hua hai। drama anusaar anekaanek vighna bhi padte hain। baap samjhaate hain - bachche, yeh gyaan aur bhakti ka khel hai। wonderful drama hai। itni chhoti aatma mein saara part avinaashi bhara hua hai, jo bajaati hi rehti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) doosri sab baaton ko chhod isi dhun mein rehna hai ki ham lakshmi-naaraayan jaisa shrringaardhaari kaise bane?

2) apne se poochhna hai ki :-

(a) ham shreemat par chalkar manamnaabhav ki chaabi se apna shrringaar theek kar rahe hain?

(ba) ulti sulti baaten sunkar va sunaakar shrringaar bigaadte to nahin hain?

(C) aapas mein prem se rehte hain? apna valuable time kahin par vesta to nahin karte hain?

(the) daivi svabhaav dhaaran kiya hai?

vardaan:- vyartha sankalpon ke kaaran ko jaankar unhein samaapta karne vaale samaadhaan swaroop bhav

vyartha sankalp utpanna hone ke mukhya do kaaran hain - 1- abhimaan aur 2- apmaan। mere ko kam kyon, mera bhi ye pad hona chaahiye, mere ko bhi aage karna chaahiye… to ismen ya to apna apmaan samajhte ho ya phir abhimaan mein aate ho, naam mein, maan mein, shaan mein, aage aane mein, seva mein ... abhimaan ya apmaan mahsoos karna yahi vyartha sankalpon ka kaaran hai, is kaaran ko jaankar nivaaran karna hi samaadhaan swaroop banna hai।

slogan:- silence ki shakti dvaara sweet hom ki yaatra karna bahut sahaj hai।