शुक्रवार 13 सितंबर 2024 की दैनिक मुरली

13-09-2024 praatahmurli om shanti "baapdaada"' madhuban

“meethe bachche - tum sarva aatmaon ko karmabandhan se salvage karne vaale salvation army ho, tumhein karmabandhan mein nahin phansana hai''

prashn:- kaun-si practice karte raho to aatma bahut-bahut shaktishaali ban jaayegi?

uttar:- jab bhi samay mile to shareer se detach hone ki practice karo। detach hone se aatma mein shakti vaapis aayegi, usmein bal bharega। tum andar-ground military ho, tumhein direction milta hai - attention please arthaat ek baap ki yaad mein raho, ashareeri ho jaao।

om shanti। om shanti ka arth to baap ne achhi reeti samjhaaya hai। jahaan military khadi hoti hai woh phir kehte hain attention, un logon ka attention maana silence। yahaan bhi tumko baap kehte hain attention arthaat ek baap ki yaad mein raho। mukh se bolna hota hai, nahin to vaastav mein bolne se bhi door hona chaahiye। attention, baap ki yaad mein ho? baap ka direction athva shreemat milti hai, tumne aatma ko bhi pahchaana hai, baap ko bhi pahchaana hai to baap ko yaad karne bigar tum vikarmaajeet athva satopradhaan pavitra nahin ban sakte। mool baat hi yeh hai, baap kehte hain meethe-meethe laadle bachchon! apne ko aatma samajh baap ko yaad karo। yeh hain sab is samay ki baaten, jo phir woh us taraph le gaye hain। woh bhi military hai, tum bhi military ho। underground military bhi hoti hai na। gum ho jaate hain। tum bhi underground ho। tum bhi gum ho jaate arthaat baap ki yaad mein leen ho jaate ho। isko kaha jaata hai underground। koi pahchaan na sake kyonki tum gupta ho na। tumhaari yaad ki yaatra gupta hai, sirf baap kehte hain mujhe yaad karo kyonki baap jaante hain yaad se in bichaaron ka kalyaan hoga। ab tumko bichaara kahenge na। svarga mein bichaare hote nahin। bichaare unko kaha jaata hai jo kahaan bandhan mein phanse rehte hain। yeh bhi tum samajhte ho, baap ne samjhaaya hai - tumko light house bhi kaha jaata hai। baap ko bhi light house kaha jaata hai। baap ghadi-ghadi samjhaate hain ek aankh mein shantidham, doosri aankh mein sukhdhaam rakho। tum jaise light house ho। uthte, baithte, chalte tum light hokar raho। sabko sukhdhaam-shantidham ka raasta bataate raho। is duhkhadhaam mein sabki naeeya atak padi hai tab to kehte hain naeeya meri paar lagaao। he maanjhi। sabki naeeyaan phansi padi hai, unko salvage kaun kare? woh koi salvation army to hai nahin। aise hi naam rakh diya hai। vaastav mein salvation army to tum ho jo har ek ko salvage karte ho। sab 5 vikaaron ki janzeeron mein atak pade hain isliye kehte hain hamko liberate karo, salvage karo। to baap kehte hain ki is yaad ki yaatra se tum paar ho jaayenge। abhi to sab phanse hue hain। baap ko baagvaan bhi kehte hain। is samay ki hi sabhi baaten hain। tumko phool banna hai, abhi to sab kaante hain kyonki hinsak hain। abhi ahinsak banna hai। paavan banna hai। jo dharma sthaapan karne aate hain, woh to pavitra aatmaayen hi aati hain। woh to apvitra ho na saken। pahle-pahle jab aate hain to pavitra hone kaaran unki aatma va shareer ko duhkh mil na sake kyonki un par koi paap hai nahin। ham jab pavitra hain to koi paap nahin hota hai to doosron ka bhi nahin hota hai। har ek baat par vichaar karna hota hai। vahaan se aatmaayen aati hain dharma sthaapan karne। jinki phir dynasty bhi chalti hai। sikkha dharma ki bhi dynasty hai। sanyaasiyon ki dynasty thode hi chalti hai, raajaayen thode hi bane hain। sikkha dharma mein mahaaraaja aadi hain to woh jab aate hain sthaapna karne to woh nai aatma aati hai। Christ ne aakar Christian dharma sthaapan kiya, buddha ne bauddhi, ibraahim ne islaam - sabke naam se raashi milti hai। devi-devta dharma ka naam nahin milta hai। niraakaar baap hi aakar devi-devta dharma ki sthaapna karte hain। woh deh-dhaari nahin hai। aur jo dharma sthaapak hain unki deh ke naam hain, yeh to dehdhaari nahin। dynasty nai duniya mein chalti hai। to baap kehte hain - bachche, apne ko roohaani military zaroor samjho। un military aadi ke commander aadi aate hain, kehte hain attention, to jhat khade ho jaate hain। ab woh to har ek apne-apne guru ko yaad karenge ya shant mein rahenge। parantu woh jhoothi shanti ho jaati hai। tum jaante ho ham aatma hain, hamaara dharma hi shant hai। phir yaad kisko karna hai। abhi tumko gyaan milta hai। gyaan sahit yaad mein rahne se paap katte hain। yeh gyaan aur koi ko nahin hai। manushya yeh thode hi samajhte hain - ham aatma shant swaroop hain। hamko shareer se detach ho baithna hai। yahaan tumko woh bal milta hai jisse tum apne ko aatma samajh baap ki yaad mein baith sakte ho। baap samjhaate hain - kaise apne ko aatma samajh detach hokar baitho।

tum jaante ho ham aatmaon ko ab vaapis jaana hai। ham vahaan ke rahne vaale hain। itne din ghar bhool gaye the, aur koi thode hi samajhte hain - hamko ghar jaana hai। patit aatma to vaapis ja na sake। na koi aisa samjhaane vaala hai ki kisko yaad karo। baap samjhaate hain - yaad ek ko hi karna hai। aur koi ko yaad karne se kya phaayda! samjho, bhakti maarga mein shiv-shiv kehte rehte hain, maaloom to kisko hai nahin ki isse kya hoga। shiv ko yaad karne se paap katenge - yeh kisko bhi pata nahin hai। aavaaz sunaai dega। so to zaroor aavaaz hoga hi। in sab baaton se koi phaayda nahin। baba to in sab gurooon se anubhvi hai na।

baap ne kaha hai na - he arjun, in sabko chhodo… satguru mila to in sabki darkaar nahin। satguru taarta hai। baap kehte hain - main tumhein aasuri sansaar se paar le jaata hoon। vishay saagar se paar jaana hai। yeh sab baaten samjhaane ki hain। maanjhi to vaise naanv chalaane vaala hota hai parantu samjhaane liye yeh naam pad gaye hain। unko kaha jaata hai - praaneshvar baba arthaat praanon ka daan dene vaale baba, woh amar bana dete hain। praan aatma ko kaha jaata hai। aatma nikal jaati hai to kehte hain praan nikal gaye। phir shareer ko rakhne bhi nahin dete hain। aatma hai to shareer bhi tanduroosta hai। aatma bigar to shareer mein hi baans ho jaati hai। phir unko rakh karke kya karenge। jaanvar bhi aisa nahin karenge। sirf ek bandar hai, unka bachcha mar jaata hai, baans hoti hai to bhi us murde ko chhodenge nahin, latkaaye rahenge। woh to jaanvar hai, tum to manushya ho na। shareer chhoda to kahenge jaldi unko baahar nikaalo। manushya kahenge svarga padhaara। jab murde ko uthaate hain to pahle pair shamshaan taraph karte hain। phir jab vahaan andar ghuste hain, pooja aadi kar samajhte hain abhi yeh svarga ja raha hai to use phiraakar munh shamshaan taraph kar dete hain। tumne shreekrishna ko bhi accurate dikhaaya hai, narka ko laat maar raha hai। shreekrishna ka yeh shareer to nahin hai, unka naam roop to badalta hai। kitni baaten baap samjhaakar phir kehte hain - manamnaabhav।

yahaan aakar jab baithte ho to attention। buddhi baap mein lagi rahe। tumhaara yeh attention for ever (sada ke liye) hai। jab tak jeena hai, baap ko yaad karna hai। yaad se hi janma-janmaantar ke paap katte hain। yaad hi nahin karenge to paap bhi nahin katenge। baap ko yaad karna hai, yaad mein aankhen kabhi banda nahin karni hain। sanyaasi log aankhe bandakar baithte hain। koi-koi to stri ka munh nahin dekhte hain। patti baandh-kar baithte hain। tum jab yahaan baithte ho to rachta aur rachna ke aadi-madhya-ant ka svadarshan chakra phiraana chaahiye। tum light house ho na। yeh hai duhkhadhaam, ek aankh mein duhkhadhaam, doosri aankh mein sukhdhaam। uthte-baithte apne ko light house samjho। baba bhinna-bhinna namoone se bataate hain। tum apni bhi sambhaal karte ho। light house banne se apna kalyaan karte ho। baap ko yaad zaroor karna hai, jab koi raaste mein mile to unko bataana hai। pahchaan vaale bhi bahut milte hain, woh to ek-do ko raam-raam karte hain, unko bolo aapko pata hai yeh duhkhadhaam hai, woh hai shantidham aur sukhdhaam। aap shantidham-sukhdhaam mein chalna chaahte ho? yeh 3 chitra kisko samjhaana to bahut sahaj hai। aapko ishaara dete hain। light-house bhi ishaara deta hai। yeh naeeya hai jo raavan ki jel mein latak padi hai। manushya, manushya ko salvage kar nahin sakte। woh to sab hain artificial had ki baaten। yeh hai behad ki baat। social society ki seva bhi woh nahin hai। vaastav mein sachchi seva yeh hai - sabhi ka beda paar karna hai। tumhaari buddhi mein hai manushyon ki kya service karen।

pahle to kehna hai tum guru karte ho - muktidhaam mein jaane liye, baap se milne liye। parantu koi milta nahin। milne ka raasta baap hi batlaate hain। woh samajhte hain - yeh shaastra aadi padhne se bhagwan milta hai, dilaase par rahne se phir aakhreen koi na koi roop mein milega। kab milega - yeh baap ne tumko sab kuchh samjhaaya hai। tumne chitra mein dikhaaya hai ek ko yaad karna hai। jo bhi dharma sthaapak hain woh bhi aise ishaara dete hain kyonki tumne shiksha di hai to woh bhi aise ishaare dete hain। saaheb ko japo, woh baap hai satguru। baaki to anek prakaar ki shikshaayen dene vaale hain। unko kaha jaata hai guru। ashareeri banne ki shiksha koi jaante nahin। tum kahenge shivbaaba ko yaad karo। vo log shiv ke mandir mein jaate hain to hamesha shiv ko baba kahne ki aadat padi hui hai aur kisko baba nahin kehte hain, parantu woh niraakaar to nahin hai। shareerdhaari hai। shiv to hai niraakaar, sachcha baba, woh to sabka baba hua। sab aatmaayen ashareeri hain।

tum bachche yahaan jab baithte ho to is dhun mein baitho। tum jaante ho ki ham kaise phanse hue the। ab baba ne aakar raasta bataaya hai, baaki sab phanse hue hain, chhootte nahin। sajaayen khaakar phir sab chhoot jaayenge। tum bachchon ko samjhaate rehte hain, mochra khaakar thode hi maani (roti) leni hai। mochra bahut khaate hain to pad bhrashta ho jaata hai, maani (roti) kam milti hai! thoda mochra (saja) to maani achhi milegi। yeh hai kaanton ka jangal। sab ek-do ko kaanta lagaate rehte hain। svarga ko kaha jaata hai - garden oph allaah। Christian log bhi kehte hain - paradise tha। koi samay saakshaatkaar bhi kar sakte hain, ho sakta hai yahaan ke dharma vaala ho jo phir apne dharma mein aa sakte hain। baaki sirf dekha to ismen kya hua! dekhne se koi ja nahin sakte। jabki baap ko pahchaane aur knowledge le। sab to aa na saken। devtaayen to vahaan bahut thode hote hain। abhi itne hindu hain, asul mein devtaayen the na। parantu woh the paavan, yeh hain patit। patit ko devta kehna shobhega nahin। yeh ek hi dharma hai, jise dharma bhrashta, karma bhrashta kaha jaata hai। aadi sanaatan hindu dharma kah dete hain। devta dharma ka column hi nahin rakhte।

ham bachchon ka most beloved baap hai, jo tumko kya se kya bana dete hain। tum samjha sakte ho ki baap kaise aate hain, jabki devtaaon ke pair bhi puraani tamopradhaan srishti par nahin aate to phir baap kaise aayenge? baap to hai niraakaar, unko to apna paanv hai nahin isliye inmen pravesh karte hain।

ab tum bachche eeshvareey duniya mein baithe ho, woh sab hain aasuri duniya mein। yeh bahut chhota sangamayug hai। tum samajhte ho ham na daivi sansaar mein hain, na aasuri sansaar mein hain। ham eeshvareey sansaar mein hain। baap aaye hain hamko ghar le jaane ke liye। baap kehte hain woh mera ghar hai। tumhaare khaatir main apna ghar chhodkar aata hoon। bhaarat sukhdhaam ban jaata hai to phir main thode hi aata hoon। main vishwa ka maalik nahin banta hoon, tum bante ho। ham brahmaanda ke maalik hain। brahmaanda mein sab aate hain। abhi bhi vahaan maalik ban baithe hain, jinko baaki aana hai, parantu woh aakar vishwa ka maalik nahin bante। samjhaate to bahut hain। koi student bahut achhe hote hain to scholarship le lete hain। wonder hain yahaan kehte bhi hain ham pavitra banenge phir jaakar patit ban jaate hain। aise-aise kachchon ko nahin le aao। braahmani ka kaam hai jaanch kar laana। tum jaante ho ki aatma hi shareer dhaaran kar part bajaati hai, unko avinaashi part mila hua hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) light house ban sabko shantidham, sukhdhaam ka raasta bataana hai। sabki naeeya ko duhkhadhaam se nikaalne ki seva karni hai। apna bhi kalyaan karna hai।

2) apne shant swaroop sthiti mein sthit ho shareer se detach hone ka abhyaas karna hai, yaad mein aankhe kholkar baithna hai, buddhi se rachta aur rachna ka simran karna hai।

vardaan:- apne sankalpon ko shuddh, gyaan swaroop aur shakti swaroop banaane vaale sampoorn pavitra bhav

baap samaan banne ke liye pavitrata ka foundation pakka karo। foundation mein brahmacharya vrat dhaaran karna ye to common baat hai, sirf ismen khush nahin ho jaao। drishti vritti ki pavitrata ko aur bhi underline karo saath-saath apne sankalpon ko shuddh, gyaan swaroop, shakti swaroop banaao। sankalp mein abhi bahut kamjori hai। is kamjori ko bhi samaapta karo tab kahenge sampoorn pavitra aatma।

slogan:- drishti mein sabke prati raham aur shubh bhaavna ho to abhimaan va apmaan ka ansh bhi nahin aa sakta।