मंगलवार 1 अक्टूबर 2024 की दैनिक मुरली

01-10-2024 praatahmurli om shanti "baapdaada"' madhuban

“meethe bachche - dehi-abhimaani banne ki practice karo, is practice se hi tum punya aatma ban sakenge''

prashn:- kis ek knowledge ke kaaran tum bachche sada harshit rehte ho?

uttar:- tumhein knowledge mili hai ki yeh naatak bada wonderful bana hua hai, ismen har ek actor ka avinaashi part noondha hua hai। sab apna-apna part baja rahe hain। is kaaran tum sada harshit rehte ho।

prashn:- kaun-sa ek hunar baap ke paas hi hai, doosron ke paas nahin?

uttar:- dehi-abhimaani banaane ka hunar ek baap ke paas hai kyonki woh khud sada dehi hai, supreme hai। yeh hunar kisi bhi manushya ko aa nahin sakta।

om shanti। roohaani bachchon arthaat aatmaon prati baap baith samjhaate hain। apne ko aatma to samajhna hai na। baap ne bachchon ko samjhaaya hai pahle-pahle yeh practice karo ki ham aatma hain, na ki shareer। jab apne ko aatma samjhenge tab hi parampita ko yaad karenge। apne ko aatma nahin samjhenge to phir zaroor laukik sambandhi, dhandha aadi hi yaad aata rahega isliye pahle-pahle to yeh practice honi chaahiye ki main aatma hoon to phir roohaani baap ki yaad thahregi। baap yeh shiksha dete hain ki apne ko deh nahin samjho। yeh gyaan baap ek hi baar saare kalpa mein dete hain। phir 5 hazaar varsha baad yeh samjhaani milegi। apne ko aatma samjhenge to baap bhi yaad aayega। aadhaakalpa tumne apne ko deh samjha hai। ab apne ko aatma samajhna hai। jaise tum aatma ho, main bhi aatma hi hoon। parantu supreme hoon। main hoon hi aatma to mere ko koi deh yaad padti hi nahin। yeh daada to shareerdhaari hai na। woh baap hai niraakaar। yeh prajaapita brahma to saakaari ho gaya। shivbaaba ka asli naam hai hi shiv। woh hai hi aatma sirf woh oonch te oonch arthaat supreme aatma hai sirf is samay hi aakar is shareer mein pravesh karta hoon। woh kabhi deh-abhimaani ho na sake। deh-abhimaani saakaari manushya hote hain, woh to hai hi niraakaar। unko aakar yeh practice karaani hai। kehte hain tum apne ko aatma samjho। main aatma hoon, aatma hoon - yeh paath baithkar padho। main aatma shivbaaba ka bachcha hoon। har baat ki practice chaahiye na। baap koi nai baat nahin samjhaate hain। tum jab apne ko aatma pakka-pakka samjhenge tab baap bhi pakka yaad rahega। deh-abhimaan hoga to baap ko yaad kar nahin sakenge। aadhaakalpa tumko deh ka ahankaar rehta hai। abhi tumko sikhaata hoon ki apne ko aatma samjho। satayug mein aise koi sikhaata nahin hai ki apne ko aatma samjho। shareer par naam to padta hi hai। nahin to ek-do ko bulaaven kaise। yahaan tumne baap se jo varsa paaya hai vahi praalabdha vahaan paate ho। baaki bulaayenge to naam se na। shreekrishna bhi shareer ka naam hai na। naam bigar to kaarobaar aadi chal na sake। aise nahin ki vahaan yeh kahenge ki apne ko aatma samjho। vahaan to aatma-abhimaani rehte hi hain। yeh practice tumko abhi karaai jaati hai kyonki paap bahut chadhe hue hain। aahiste-aahiste thoda-thoda paap chadhte-chadhte abhi full paap aatma ban pade ho। aadhaakalpa ke liye jo kuchh kiya woh khalaas bhi to hoga na। aahiste-aahiste kam hota jaata hai। satayug mein tum satopradhaan ho, treta mein sato ban jaate ho। varsa abhi milta hai। apne ko aatma samajh baap ko yaad karne se hi varsa milta hai। yeh dehi-abhimaani banne ki shiksha baap abhi dete hain। satayug mein yeh shiksha nahin milti। apne-apne naam par hi chalte hain। yahaan tum har ek ko yaad ke bal se paap aatma se punya aatma banna hai। satayug mein is shiksha ki darkaar hi nahin। na tum yeh shiksha vahaan le jaate ho। vahaan na yeh gyaan, na yog le jaate ho। tumko patit se paavan abhi hi banna hai। phir aahiste-aahiste kala kam hoti hai। jaise chandrama ki kala kam hote-hote leek jaakar rehti hai। to ismen moonjho nahin। kuchh bhi na samjho to poochho।

pahle to yeh pakka nishchay karo ki ham aatma hain। tumhaari aatma hi abhi tamopradhaan bani hai। pahle satopradhaan thi phir din-pratidin kala kam hoti jaati hai। main aatma hoon - yeh pakka na hone se hi tum baap ko bhoolte ho। pahle-pahle mool baat hi yeh hai। aatma-abhimaani banne se baap yaad aayega to varsa bhi yaad aayega। varsa yaad aayega to pavitra bhi rahenge। daiveegun bhi rahenge। em object to saamne hai na। yeh hai godly university। bhagwan padhaate hain। dehi-abhimaani bhi vahi bana sakte hain aur koi bhi yeh hunar jaanta hi nahin hai। ek baap hi sikhaate hain। yeh daada bhi purooshaartha karte hain। baap to kabhi deh lete hi nahin, jo unko dehi-abhimaani banne ka purooshaartha karna pade। woh sirf is hi samay aate hain tumko dehi-abhimaani banaane। yeh kahaavat hai jinke maathe maamla, woh kaise neend karen…। bahut dhandha aadi tu-mach hota hai to phursat nahin milti aur jinko phursat hai woh aate hain baba ke saamne purooshaartha karne। koi naye bhi aate hain। samajhte hain knowledge to badi achhi hai। geeta mein bhi yeh akshar hain - mujh baap ko yaad karo to tumhaare vikarma vinaash ho jaaen। to baap yeh samjhaate hain। baap koi ko dosh nahin dete hain। yeh to jaante hain tumko paavan se patit banna hi hai aur hamko aakar patit se paavan banaana hi hai। yeh bana-banaaya drama hai, ismen koi ke ninda ki baat nahin। tum bachche abhi gyaan ko achhi reeti jaante ho aur to koi bhi eeshvar ko jaante hi nahin isliye nidhanke naastik kahlaaye jaate hain। abhi baap tum bachchon ko kitna samajhdaar banaate hain। teacher roop mein shiksha dete hain। kaise yeh srishti ka chakra chalta hai, yeh shiksha milne se tum bhi sudharte ho। bhaarat jo shivaalay tha so ab veshyaalay hai na। ismen glaani ki to baat hi nahin। yeh khel hai, jo baap samjhaate hain। tum devta se asur kaise bane ho, aise nahin kehte kyon bane? baap aaye hi hain bachchon ko apna parichay dene aur srishti ka chakra kaise phirta hai, yeh knowledge dete hain। manushya hi jaanenge na। abhi tum jaankar phir devta bante ho। yeh padhaai hai manushya se devta banne ki, jo baap hi baith padhaate hain। yahaan to sab manushya hi manushya hain। devta to is srishti par aa nahin sakte jo teacher bankar padhaayen। padhaane vaala baap dekho kaise padhaane aate hain। gaayan bhi hai parampita paramatma koi rath lete hain, yeh poora nahin likhte ki kaun-sa rath lete hain। trimoorti ka raaz bhi koi samajhte nahin। parampita arthaat param aatma। vo jo hai so apna parichay to denge na। ahankaar ki baat nahin। na samajhne ke kaaran kehte hain inmen ahankaar hai। yeh brahma to kehte nahin ki main paramatma hoon। yeh to samajh ki baat hai, yeh to baap ke mahaavaakya hain - sabhi aatmaon ka baap ek hai। inko daada kaha jaata hai। yeh bhaagyashaali rath hai na। naam bhi brahma rakha hai kyonki brahman chaahiye na। aadi dev prajaapita brahma hai। praja ka pita hai, ab praja kaun-si? prajaapita brahma shareerdhaari hai to adopt kiya na। bachchon ko shivbaaba samjhaate hain main adopt nahin karta hoon। tum sab aatmaayen to sadaiv mere bachche ho hi। main tumko banaata nahin hoon। main to tum aatmaon ka anaadi baap hoon। baap kitna achhi reeti samjhaate hain phir bhi kehte hain apne ko aatma samjho। tum saari puraani duniya ka sannyaas karte ho। buddhi se jaante hain sab vaapis jaayenge is duniya se। aise nahin, sannyaas kar jangal mein jaana hai। saari duniya ka sannyaas kar ham apne ghar chale jaayenge, isliye koi bhi cheez yaad na aaye sivaae ek baap ke। 60 varsha ki aayu hui to phir vaani se pare vaanaprastha mein jaane ka purooshaartha karna chaahiye। yeh vaanaprastha ki baat hai abhi ki। bhakti maarga mein to vaanaprastha ka kisko pata hi nahin hai। vaanaprastha ka arth nahin bata sakte hain। vaani se pare mool vatan ko kahenge। vahaan sabhi aatmaayen nivaas karti hain to sabki vaanaprastha avastha hai, sabko jaana hai ghar।

shaastron mein dikhaate hain aatma bhrakuti ke beech chamakta hua sitaara hai। kai samajhte hain aatma angushthe misal hai। angushthe misal ko hi yaad karte hain। star ko yaad kaise karen? pooja kaise karen? to baap samjhaate hain tum deh-abhimaan mein jab aate ho to pujaari ban jaate ho। bhakti ka samay shuru hota hai, usko bhakti cult kehte hain। gyaan cult alag hai। gyaan aur bhakti ikatthe nahin ho sakte। din aur raat ikatthe nahin ho sakte। din sukh ko kaha jaata aur raat duhkh arthaat bhakti ko kaha jaata hai। kehte hain prajaapita brahma ka din aur phir raat। to praja aur brahma zaroor donon hi ikatthe honge na। tum samajhte ho ham brahman hi aadha-kalpa sukh bhogte hain phir aadhaakalpa duhkh। yeh buddhi se samajhne ki baat hai। yeh bhi jaante ho sab baap ko yaad nahin kar sakte hain phir bhi baap khud samjhaate rehte hain apne ko aatma samjho aur mujhe yaad karo to tum paavan ban jaayenge। yeh paigaam sabko pahunchaana hai। service karni hai। jo service hi nahin karte to woh phool nahin thahre। baagvaan bageeche mein aayenge to unko phool hi saamne chaahiye, jo serviceable hain bahuton ka kalyaan karte hain। jinko deh-abhimaan hai woh khud bhi samjhenge ham phool to hain nahin। baba ke saamne to achhe-achhe phool baithe hain। to baap ki un par nazar jaayegi। dance bhi achha chalega। (dancing girl ka misaal) school mein bhi teacher to jaante hain na - kaun number one, kaun number do, teen mein hain। baap ka bhi attention service karne vaalon taraph hi jaayega। dil par bhi woh chadhte hain। disservice karne vaale thode hi dil par chadhte। baap pahli-pahli mukhya baat samjhaate hain apne ko aatma nishchay karo tab baap ki yaad thahregi। deh-abhimaan hoga to baap ki yaad thahregi nahin। laukik sambandhiyon taraph, dhandhe dhori taraph buddhi chali jaayegi। dehi-abhimaani hone se paarlaukik baap hi yaad aayega। baap ko to bahut pyaar se yaad karna chaahiye। apne ko aatma samajhna - ismen mehnat hai। ekaanta chaahiye। 7 roz ki bhatthi ka course bahut kada hai। koi ki yaad na aaye। kisko patra bhi nahin likh sakte। yeh bhatthi tumhaari shuru ki thi। yahaan to sabko rakh nahin sakte isliye kaha jaata hai ghar mein rahkar practice karo। bhakta log bhi bhakti ke liye alag kothi bana dete hain। andar kothri mein baith maala simarte hain, to is yaad ki yaatra mein bhi ekaanta chaahiye। ek baap ko hi yaad karna hai, ismen kuchh jabaan chalaane ki bhi baat nahin hai। is yaad ke abhyaas mein phursat chaahiye।

tum jaante ho laukik baap hai had ka creator, yeh hai behad ka। prajaapita brahma to behad ka thahra na। bachchon ko adopt karte hain। shivbaaba adopt nahin karte hain। unke to bachche sadaiv hain hi। tum kahenge shivbaaba ke ham bachche aatmaayen anaadi hain hi। brahma ne tumko adopt kiya hai। har ek baat achhi reeti samajhne ki hai। baap roz-roz bachchon ko samjhaate hain, kehte hain baba yaad nahin rehti। baap kehte hain ismen thoda samay nikaalna chaahiye। koi-koi aise hote hain jo bilkul samay de nahin sakte। buddhi mein kaam bahut rehta hai। phir yaad ki yaatra kaise ho। baap samjhaate hain mool baat hi yeh hai - apne ko aatma samajh mujh baap ko yaad karo to tum paavan ban jaayenge। main aatma hoon, shivbaaba ka bachcha hoon - yeh manamnaabhav hua na। ismen mehnat chaahiye। aasheervaad ki baat nahin। yeh to padhaai hai, ismen kripa va aasheervaad nahin chalti। main kabhi tumhaare oopar haath rakhta hoon kya! tum jaante ho behad ke baap se ham varsa le rahe hain। amar bhav, aayushvaan bhav..... ismen sab aa jaata hai। tum full ej (aayu) paate ho। vahaan kabhi akaale mrityu nahin hoti। yeh varsa koi saadhu-santa aadi de nahin sakte। woh kehte hain putravaan bhav..... to manushya samajhte unki kripa se bachcha hua hai। bas jinko bachcha nahin hoga woh jaakar unka shishya banenge। gyaan to ek hi baar milta hai। yeh hai avyabhichaari gyaan, jiski aadhaakalpa praalabdha chalti hai। phir hai agyaan। bhakti ko agyaan kaha jaata hai। har ek baat kitna achhi reeti samjhaai jaati hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) abhi vaanaprastha avastha hai isliye buddhi se sab kuchh sannyaas kar ek baap ki yaad mein rehna hai। ekaanta mein baith abhyaas karna hai - ham aatma hain... aatma hain।

2) serviceable phool banna hai। deh-abhimaan vash aisa koi karma nahin karna hai jo disservice ho jaae। bahuton ke kalyaan ke nimitta banna hai। thoda samay yaad ke liye avashya nikaalna hai।

vardaan:- parmaatma gyaan ki naveenta “pavitrata'' ko dhaaran karne vaale sarva lagaavon se mukta bhav

is parmaatma gyaan ki naveenta hi pavitrata hai। phalak se kehte ho ki aag-kapoos ikattha rehte bhi aag nahin lag sakti। vishwa ko aap sabki yeh challenge hai ki pavitrata ke bina yogi va gyaani tu aatma nahin ban sakte। to pavitrata arthaat sampoorn lagaav-mukta। kisi bhi vyakti va saadhnon se bhi lagaav na ho। aisi pavitrata dvaara hi prakriti ko paavan banaane ki seva kar sakenge।

slogan:- pavitrata aapke jeevan ka mukhya foundation hai, dharat pariye dharma na chhodiye।