गुरुवार 3 अक्टूबर 2024 की दैनिक मुरली

03-10-2024 praatahmurli om shanti "baapdaada"' madhuban

“meethe bachche - raavan ka kaayda hai aasuri mat, jhooth bolna, baap ka kaayda hai shreemat, sach bolna”

prashn:- kin baaton ka vichaar kar bachchon ko aashcharya khaana chaahiye?

uttar:- 1. kaisa yeh behad ka wonderful naatak hai, jo features, jo act second by second paas hua woh phir hoobhu repeat hoga। kitna wonder hai, jo ek ka feature na mile doosre se। 2. kaise behad ka baap aakarke saare vishwa ki sadgati karte hain, padhaate hain, yeh bhi wonder hai।

om shanti। roohaani baap shiv baithkar apne roohaani bachchon saaligraamon ko samjha rahe hain, kya samjha rahe hain? srishti ke aadi-madhya-ant ka raaz samjhaate hain aur yeh samjhaane vaala ek hi baap hai aur to jo bhi aatmaayen athva saaligraam hain sabke shareer ka naam hai। baaki ek hi param aatma hai, jisko shareer nahin hai। us param aatma ka naam hai shiv। unko hi patit-paavan paramatma kaha jaata hai। vahi tum bachchon ko is saare vishwa ke aadi-madhya-ant ka raaz samjha rahe hain। part bajaane ke liye to sab yahaan aate hain। yeh bhi samjhaaya hai vishnu ke do roop hain। shankar ka to koi part hai nahin। yeh sab baap baith samjhaate hain। baap kab aate hain? jabki nai srishti ki sthaapna aur puraani ka vinaash hona hai। bachche jaante hain nai duniya mein ek aadi sanaatan devi-devta dharma ki sthaapna hoti hai। woh to sivaae parampita paramatma ke aur koi kar hi nahin sakte। vahi ek param aatma hai jisko paramatma kaha jaata hai। unka naam hai shiv। unke shareer ka naam nahin padta hai। aur jo bhi hain sabke shareer ka naam padta hai। yeh bhi samajhte ho mukhya-mukhya jo hain woh to sab aa gaye hain। drama ka chakra phirte-phirte abhi ant aakar hui hai। ant mein baap hi chaahiye। unki jayanti bhi manaate hain। shivjayanti bhi is samay manaate hain jabki duniya badalni hai, ghor andhiyaare se ghor roshni hoti hai arthaat duhkhadhaam se sukhdhaam hona hai। bachche jaante hain parampita paramatma shiv ek hi baar purooshottam sangamayug par aate hain, puraani duniya ka vinaash, nai duniya ki sthaapna karne। pahle nai duniya ki sthaapna, peechhe puraani duniya ka vinaash hota hai। bachche samajhte hain padhkar hamko hoshiyaar hona hai aur daiveegun bhi dhaaran karne hai। aasuri gun palatne hain। daivi gunon aur aasuri gunon ka varnan chart mein dikhaana hota hai। apne ko dekhna hai ham kisko tang to nahin karte hain? jhooth to nahin bolte hain? shreemat ke khilaaph to nahin chalte hain? jhooth bolna, kisko duhkh dena, tang karna - yeh hai raavan ke kaayde aur woh hai raam ke kaayde। shreemat aur aasuri mat ka gaayan bhi hai। aadhaakalpa chalti hai aasuri mat, jisse manushya asur, duhkhi, rogi ban jaate hain। paanch vikaar pravesh ho jaate hain। baap aakar shreemat dete hain। bachche jaante hain shreemat se hamko daivi-gun milte hain। aasuri gunon ko badalna hai। agar aasuri gun rah jaayenge to pad kam ho padega। janma-janmaantar ke paapon ka bojha jo sir par hai, nambarvaar purooshaartha anusaar halka ho jaayega। yeh bhi samajhte ho ki abhi yeh hai purooshottam sangamayug। baap dvaara abhi daiveegun dhaaran kar nai duniya ke maalik bante hain। to siddha hota hai puraani duniya zaroor khalaas honi hi hai। nai duniya ki sthaapna brahmaakumaar, kumaariyon dvaara honi hai। yeh bhi pakka nishchay hai isliye service par lage hue hain। koi na koi ka kalyaan karne ki mehnat karte rehte hain।

tum jaante ho hamaare bhaai-behen kitni service karte hain। sabko baap ka parichay dete rehte hain। baap aaye hain zaroor pahle-pahle thodon ko hi milega। phir vriddhi ko paate jaayenge। ek brahma dvaara kitne brahmaakumaar bante hain। brahman kul to zaroor chaahiye na। tum jaante ho ham sabhi brahmaakumaar-kumaariyaan hain shivbaaba ke bachche, sab bhaai-bhaai hain। asul mein bhaai-bhaai hain phir prajaapita brahma ke banne se bhaai-behen bante hain। phir devta kul mein jaayenge to sambandh ki vriddhi hoti jaayegi। is samay brahma ke bachche aur bachchiyaan hain to ek hi kul hua, inko dynasty nahin kahenge। raajaai na kaurvon ki hai, na paandavon ki। dynasty tab hoti hai jab raaja-raani nambarvaar gaddi par baithte hain। abhi to hai hi praja ka praja par raajya। shuru se lekar pavitra dynasty aur apvitra dynasty chali aai hai। pavitra dynasty devtaaon ki hi chali hai। bachche jaante hain 5 hazaar varsha pahle heaven tha to pavitra dynasty thi। unhon ke chitra bhi hain, mandir kitne aaleeshaan bane hue hain। aur koi ke mandir nahin hain। in devtaaon ke hi bahut mandir hain।

bachchon ko samjhaaya hai ki aur sabke shareer ke naam badalte hain। inka hi naam shiv chala aaya hai। shiv bhagvaanuvaach, koi bhi dehdhaari ko bhagwan nahin kaha jaata। baap bigar aur koi baap ka parichay de na sake kyonki woh to baap ko jaante hi nahin। yahaan bhi bahut hain jinki buddhi mein nahin aata hai - baap ko kaise yaad karen। moonjhate hain। itni chhoti bindi unko kaise yaad karen। shareer to bada hai, unko hi yaad karte rehte hain। yeh bhi gaayan hai bhrakuti ke beech chamakta hai sitaara arthaat aatma sitaare misal hai। aatma ko saaligraam kaha jaata hai। shivling ki bhi bade roop mein pooja hoti hai। jaise aatma ko dekh nahin sakte, shivbaaba bhi kisko dekhne mein to aa na sake। bhakti maarga mein bindi ki pooja kaise karen kyonki pahle-pahle shivbaaba ki avyabhichaari pooja shuru hoti hai na। to pooja ke liye zaroor badi cheez chaahiye। saaligraam bhi bade ande misal banaate hain। ek taraph angushthe misal bhi kehte aur phir sitaara bhi kehte hain। abhi tumko to ek baat par thaharna hai। aadhaakalpa badi cheej ki pooja ki hai। ab phir bindi samajhna ismen mehnat bhi hai, dekh nahin sakte। yeh buddhi se jaana jaata hai। shareer mein aatma pravesh karti hai jo phir nikalti hai, koi dekh to nahin sakta। badi cheej ho to dekhne mein bhi aaye। baap bhi aise bindi hai parantu woh gyaan ka saagar hai, aur koi ko gyaan ka saagar nahin kahenge। shaastra to hain bhakti maarga ke। itne sab ved-shaastra aadi kisne banaaye? kehte hain vyaas ne banaaye। Christ ki aatma ne koi shaastra banaaya nahin। yeh to baad mein manushya baith banaate hain। gyaan to unmein hai nahin। gyaan saagar hai hi ek baap। shaastron mein gyaan ki, sadgati ki baaten hain nahin। harek dharma vaala apne-apne dharma sthaapak ko yaad karte hain। dehdhaari ko yaad karte hain। Christ ka bhi chitra hai na। sabke chitra hain। shivbaaba to hai hi param aatma। abhi tum samajhte ho aatmaayen sab hain brothers। brothers mein gyaan ho na sake, jo kisko gyaan dekar aur sadgati karen। sadgati karne vaala hai hi ek baap। is samay brothers bhi hain aur baap bhi hai। baap aakar saare vishwa ki aatmaon ko sadgati dete hain। vishwa ka sadgati daata hai hi ek। shri shri 108 jagatguru kaho athva vishwa ka guru kaho, baat ek hi hai। abhi to hai aasuri raajya। sangam par hi baap aakar yeh sab baaten samjhaate hain।

tum jaante ho barobar ab nai duniya ki sthaapna ho rahi hai aur puraani duniya ka vinaash hota hai। yeh bhi samjhaaya hai patit-paavan ek hi niraakaar baap hai। koi dehdhaari patit-paavan ho na sake। patit-paavan paramatma hi hai। agar patit-paavan seetaaraam bhi kahen to bhi baap ne samjhaaya hai bhakti ka phal dene bhagwan aata hai। to sabhi seetaayen thahri brides aur bridegroom ek raam, jo sabhi ko sadgati dene vaala hai। yeh sab baaten baap hi baith samjhaate hain। drama anusaar tum hi phir 5 hazaar varsha baad yeh baaten sunenge। abhi tum sab padh rahe ho। school mein kitne dher padhte hain। yeh sab drama bana hua hai। jis samay jo padhte hain, jo act chalti hai vahi act phir kalpa baad hoobhu hogi, hoobhu 5 hazaar varsha baad phir padhenge। yeh anaadi drama bana hua hai। jo bhi dekhenge second by second nai cheej dikhaai padegi। chakra phirta rahega। nai-nai baaten tum dekhte rahenge। abhi tum jaante ho yeh 5 hazaar varsha ka drama hai jo chalta rehta hai। inki detail to bahut hai। mukhya-mukhya baaten samjhaai jaati hain। jaise kehte hain paramatma sarvavyaapi hai, baap samjhaate hain main sarvavyaapi nahin hoon। baap aakar apna aur rachna ke aadi-madhya-ant ka parichay dete hain। tum abhi jaante ho baap kalpa-kalpa aate hain hamko varsa dene। yeh bhi gaayan hai brahma dvaara sthaapna। ismen samjhaani bahut achhi hai। viraat roop ka bhi zaroor arth hoga na। parantu sivaae baap ke kab koi samjha na sake। chitra to bahut hain parantu ek ki bhi samjhaani koi ke paas hai nahin। oonch te oonch shivbaaba hai, unka bhi chitra hai parantu jaante koi nahin। achha phir sookshm vatan hai unko chhod do, unki darkaar hi nahin। history-geography yahaan ki samajhni hoti hai, woh to hai saakshaatkaar ki baat। jaise yahaan ismen baap baith samjhaate hain vaise sookshm vatan mein karmaateet shareer mein baithkar inse milte hain athva bolte hain। baaki vahaan to world ki history-geography hai nahin। history-geography yahaan ki hai। bachchon ki buddhi mein baitha hua hai satayug mein devi-devta the, jinko 5 hazaar varsha hua। is aadi sanaatan devta dharma ki sthaapna kaise hui - yeh bhi koi jaante nahin। aur dharmon ki sthaapna ke baare mein to sab jaante hain। kitaab aadi bhi hain। laakhon varsha ki to baat hi nahin ho sakti। yeh to bilkul wrong hai parantu manushyon ki buddhi kuchh kaam nahin karti। har baat baap samjhaate hain - meethe-meethe bachchon, achhi reeti dhaaran karo। mukhya baat hai baap ki yaad। yeh yaad ki hi daudi hai। race hoti hai na। koi akele-akele daudte hain। koi jodi ko ikattha baandh phir daudte hain। yahaan jo jodi hai woh ikatthe daudi lagaane ki practice karte hain। sochte hain satayug mein bhi aise ikatthe jodi ban jaayen। bhal naam-roop to badal jaata hai, vahi shareer thode hi milta hai। shareer to badalta rehta hai। samajhte hain aatma ek shareer chhod doosra leti hai। features to doosra hoga। parantu bachchon ko wonder lagna chaahiye jo features, jo act second by second past hui woh phir hoobhu 5000 varsha ke baad repeat honi hai। kitna wonderful yeh naatak hai, aur koi samjha nahin sakte। tum jaante ho ham sab purooshaartha karte hain। nambarvaar to banenge hi। sab to krishna nahin banenge। features sabke different honge। kitna bada wonderful naatak hai। ek ka feature na mile doosre se। vahi hoobhu khel repeat hota hai। yeh sab vichaar kar aashcharya khaana hota hai। kaise behad ka baap aakar padhaate hain। janma-janmaantar to bhakti maarga ke shaastra aadi padhte aaye, saadhuon ki kathaayen aadi bhi suni। ab baap kehte hain bhakti ka samay poora hua। ab bhakton ko bhagwan dvaara phal milta hai। yeh nahin jaante bhagwan kab kis roop mein aayega? kabhi kehte hain shaastra padhne se bhagwan milega? kabhi kehte yahaan aayenge। shaastron se hi agar kaam ho jaata to phir baap ko kyon aana pade। shaastra padhne se hi bhagwan mil jaae to baaki bhagwan aakar kya karenge। aadhaakalpa tum yeh shaastra padhte-padhte tamopradhaan hi bante aaye ho। to bachchon ko srishti ka chakra bhi samjhaate rehte hain aur daivi chalan bhi chaahiye। ek to kisko duhkh nahin dena hai। aise nahin, koi ko vish chaahiye, woh nahin dete ho to yeh koi duhkh dena hai। aise to baap kehte nahin hain। kai aise bhi buddhu nikalte hain jo kehte hain baba kehte hain na - kisko duhkh nahin dena hai। ab yeh vish maangate hain to unko dena chaahiye, nahin to yeh bhi kisko duhkh dena hua na। aise samajhne vaale moodhamti bhi hain। baap to kehte hain “pavitra zaroor banna hai''। aasuri chalan aur daivi chalan ki bhi samajh chaahiye। manushya to yeh bhi nahin samajhte, woh to kah dete aatma nirlep hai। kuchh bhi karo, kuchh bhi khaao-piyo, vikaar mein jaao, koi harja nahin। aise bhi sikhlaate hain। kitnon ko pakadkar le aate hain। baahar mein bhi vegetarian bahut rehte hain। zaroor achha hai tab to vegetarian bante hain। sab jaatiyon mein vaishnav hote hain। chhi-chhi cheez nahin khaate hain। minority hote hain। tum bhi minority ho। is samay tum kitne thode ho। aahiste-aahiste vriddhi ko paate rahenge। bachchon ko yahi shiksha milti hai - daiveegun dhaaran karo। chhi-chhi vastu aisi koi ke haath ki banaai hui nahin khaani chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne chart mein dekhna hai - 1- ham shreemat ke khilaaph to nahin chalte hain? 2- jhooth to nahin bolte hain? 3- kisko tang to nahin karte hain? daiveegun dhaaran kiye hain?

2) padhaai ke saath-saath daivi chalan dhaaran karni hai। “pavitra zaroor banna hai''। koi bhi chhi-chhi vastuen nahin khaani hain। poora vaishnav banna hai। race karni hai।

vardaan:- baap ke pharmaan par buddhi ko khaali rakhne vaale vyartha va vikaari svapnon se bhi mukta bhav

baap ka pharmaan hai ki sote samay sada apne buddhi ko clear karo, chaahe achha, chaahe bura sab baap ke havaale kar apni buddhi ko khaali karo। baap ko dekar baap ke saath so jaao। akele nahin। akele sote ho ya vyartha baaton ka varnan karte-karte sote ho tab vyartha va vikaari svapna aate hain। yeh bhi albelaapan hai। is albelepan ko chhod pharmaan par chalo to vyartha va vikaari svapnon se mukta ho jaayenge।

slogan:- takdeervaan aatmaayen hi sachchi seva dvaara sarva ki aasheervaad praapta karti hain।