सोमवार 7 अक्टूबर 2024 की दैनिक मुरली

07-10-2024 praatahmurli om shanti "baapdaada"' madhuban

“meethe bachche - baap aaye hain tum bachchon ko kumbhi paak narka se nikaalne ke liye, tum bachchon ne baap ko nimantran bhi isliye diya hai''

prashn:- tum bachche bahut bade te bade kaareegar ho - kaise? tumhaari kaareegri kya hai?

uttar:- ham bachche aisi kaareegri karte hain jo saari duniya hi nai ban jaati hai, uske liye ham koi eet ya tagaari aadi nahin uthaate hain lekin yaad ki yaatra se nai duniya bana dete hain। humein khushi hai ki ham nai duniya ki kaareegri kar rahe hain। ham hi phir aise svarga ke maalik banenge।

om shanti। meethe-meethe roohaani bachchon prati roohaani baap samjhaate hain, tum jab apne-apne gaanv se nikalte ho to yeh buddhi mein rehta hai ki ham jaate hain shivbaaba ki paathshaala mein। aise nahin ki koi saadhu-santa aadi ka darshan karne va shaastra aadi sunne aate ho। tum jaante ho ham jaate hain shivbaaba ke paas। duniya ke manushya to samajhte hain shiv oopar mein rehte hain। woh jab yaad karte hain to aankhe kholkar nahin baithte। woh aankh banda kar dhyaan mein baithte hain। shivling jo dekha hua hota hai। bhal shiv ke mandir mein jaayenge to bhi shiv ko yaad karenge to oopar mein dekhenge va mandir yaad aayega। kai phir aankhe bandakar baithte hain। samajhte hain drishti kahaan bhi naam-roop mein agar jaayegi to hamaari saadhna toot jaayegi। abhi tum bachche jaante ho ham bhal shivbaaba ko yaad karte the। koi shreekrishna ko yaad karte, koi raam ko yaad karte, koi apne guru ko yaad karte, guru ka bhi chhota locket banaakar pahante hain। geeta ka bhi itna chhota locket banaakar pahante hain। bhakti maarga mein to sab aise hi hain। ghar baithe bhi yaad karte hain। yaad mein yaatra karne bhi jaate hain। chitra to ghar mein rakhkar pooja kar sakte hain parantu yeh bhi bhakti ki rasma padi hui hai। janma-janmaantar yaatraaon par jaate hain। chaaron dhaam ki yaatra karte hain। chaar dhaam kyon kehte hain? vesta, east, north, south… chaaron ka chakra lagaate hain। bhakti maarga jab shuru hota hai to pahle ek ki bhakti ki jaati hai, usko kaha jaata hai avyabhichaari bhakti। satopradhaan the, abhi to is samay hain tamopradhaan। bhakti bhi vyabhichaari, anekon ko yaad karte rehte hain। tamopradhaan 5 tatvon ka bana hua shareer, unko bhi poojte hain। to goya tamopradhaan bhooton ki pooja karte hain, parantu in baaton ko koi samajhte thode hi hain। bhal yahaan baithe hain parantu buddhiyog kahaan bhatakta rehta hai। yahaan to tum bachchon ko aankhe banda kar shivbaaba ko yaad nahin karna hai। jaante ho baap bahut-bahut doordesh ka rahne vaala hai। woh aakar bachchon ko shreemat dete hain। shreemat par chalne se hi shreshtha devta banenge। devtaaon ki saari raajdhaani sthaapan ho rahi hai। tum yahaan baithe apna devi-devtaaon ka raajya sthaapan karte ho। pahle tumko pata thode hi tha woh kaise sthaapan hota hai। abhi jaante ho baba hamaara baap bhi hai, teacher bankar padhaate hain aur phir saath mein bhi le jaayenge, sadgati karenge। guru log kiski sadgati nahin karte hain। yahaan tumko samjhaaya jaata hai - yeh ek hi baap, teacher, satguru hai। baap se varsa milta hai, satguru puraani duniya se nai duniya mein le jaayenge। in sab baaton ko boodhi-boodhi maataayen to samajh na saken। unhon ke liye mukhya baat hai apne ko aatma samajh shivbaaba ko yaad karna hai। ham shivbaaba ke bachche hain, hamko baba svarga ka varsa denge। boodhi maataaon ko phir aise-aise totli bhaasha mein baith samjhaana chaahiye। yeh to har ek aatma ka hak hai baap se varsa lena। maut to saamne khada hai। puraani duniya so phir zaroor nai banni hai। nai so puraani। ghar ko banne mein kitne thode maas lagte hain phir puraana hone mein 100 varsha lag jaate hain।

abhi tum bachche jaante ho yeh puraani duniya ab khalaas honi hai। yeh ladaai jo ab lagti hai woh phir 5 hazaar varsha ke baad lagegi। yeh sab baaten budhiyaayen to samajh na saken। yeh phir braahmaniyon ka kaam hai unhon ko samjhaana। unke liye to ek akshar hi kaaphi hai - apne ko aatma samajh baap ko yaad karo। tum aatma paramdham mein rahne vaali ho। phir yahaan shareer lekar part bajaati ho। aatma yahaan duhkh aur sukh ka part bajaati hai। mool baat baap kehte hain - mujhe yaad karo aur sukhdhaam ko yaad karo। baap ko yaad karne se paap kat jaayenge aur phir svarga mein aa jaayenge। ab jitna jo yaad karenge utna paap katenge। budhiyaayen to hiri hui hain, satsangon mein jaakar katha sunti hain। unhon ko phir ghadi-ghadi baap ki yaad dilaani hai। school mein to padhaai hoti, katha nahin suni jaati। bhaktimaarga mein to tumne dher kathaayen suni hain parantu unse kuchh bhi phaayda nahin hota hai। chhi-chhi duniya se nai duniya mein to ja na saken। manushya na to rachayita baap ko, na rachna ko jaante hain। neti-neti kah dete hain। tum bhi aage nahin jaante the। abhi tum bhakti maarga ko achhi reeti jaan gaye ho। ghar mein bhi bahuton ke paas moortiyaan hoti hain, cheez vahi hai, koi-koi pati log bhi stri ko kehte hain - tum ghar mein moorti rakh baith pooja karo। baahar dhakka khaane kyon jaati ho, parantu unhon ki bhaavna rehti hai। abhi tum samajhte ho teertha yaatra karna maana bhakti maarga ke dhakke khaana। anek baar tumne 84 ke chakra kaate। satayug-treta mein to koi yaatra nahin hoti। vahaan koi mandir aadi hota nahin। yeh yaatraayen aadi sab bhakti maarga mein hi hoti hain। gyaan maarga mein yeh sab kuchh hota nahin। unko kaha jaata hai bhakti। gyaan dene vaala to ek ke sivaae doosra koi hai nahin। gyaan se hi sadgati hoti hai। sadgati daata ek hi baap hai। shivbaaba ko koi shri shri nahin kehte, unko title ki darkaar nahin। yeh to badaai karte hain, unko kehte hi hain ‘shivbaaba'। tum bulaate ho shivbaaba ham patit ban gaye hain, hamko aakar paavan banaao। bhaktimaarga ke duban mein gale tak phans pade hain। phansakar phir chillaate hain, vishay vaasna ke duban mein ekdam phans padte hain। seedhi neeche utarte-utarte phans padte hain। koi ko bhi pata nahin padta, tab kehte hain baba hamko nikaalo। baba ko bhi drama anusaar aana hi padta hai। baap kehte hain main bandhaaymaan hoon, in sabko duban se nikaalne। inko kaha jaata hai kumbhi paak narka। raurav narka bhi kehte hain। yeh baap baith samjhaate hain, unko pata thode hi padta hai।

tum baap ko dekho nimantran kaisa dete ho। nimantran to koi shaadi-muraadi aadi par diya jaata hai। tum kehte ho - he patit-paavan baba, is patit duniya, raavan ki puraani duniya mein aao। ham gale tak ismen phanse hue hain। sivaae baap ke aur to koi nikaal na sake। kehte bhi hain door-desh ka rahne vaala shivbaaba, yeh raavan ka desh hai। sabki aatma tamopradhaan ho gai hai isliye bulaate bhi hain ki aakar paavan banaao। patit-paavan seetaaraam, aise gaate chillaate hain। aise nahin ki woh pavitra rehte hain। yeh duniya hi patit hai, raavan raajya hai, inmen tum phans pade ho। phir yeh nimantran diya hai - baba aakar hamko kumbhi paak narka se nikaalo। to baap aaye hain। kitna tumhaara obedient servant hai। drama mein apaar duhkh tum bachchon ne dekhe hain। time paas hota jaata hai। ek second na mile doosre se। ab baap tumko lakshmi-naaraayan jaisa banaate hain phir tum aadhaakalpa raajya karenge - smriti mein laao। abhi time bahut thoda hai। maut shuru ho jaayega to manushya vaayre ho jaayenge। (moonjh jaayenge) thode samay mein kya ho jaayega। kai to thaka sunkar bhi heartfail ho jaayenge। marenge aise jo baat mat poochho। dekho dher boodhi maataayen aai hain। bichaari kuchh bhi samajh na saken। jaise teerthon par jaate hain na, to ek-do ko dekh taiyaar ho padte hain, ham bhi chalte hain।

abhi tum jaante ho bhakti maarga ke teertha yaatra ka arth hi hai neeche utarna, tamopradhaan banna। bade te badi yaatra tumhaari yeh hai, jo tum patit duniya se paavan duniya mein jaate ho। to in bachchiyon ko kuchh to shivbaaba ki yaad dilaate raho। shivbaaba ka naam yaad hai? thoda bahut sunti hain to svarga mein aayengi। yeh phal zaroor milna hai। baaki pad to hai padhaai se। usmein bahut pharka pad jaata hai। oonch te oonch phir kam se kam, raat-din ka pharka pad jaata hai। kahaan prime minister, kahaan naukar chaakar। raajdhaani mein nambarvaar hote hain। svarga mein bhi raajdhaani hogi। parantu vahaan paap aatmaayen gande vikaari nahin honge। woh hai hi nirvikaari duniya। tum kahenge ham yeh lakshmi-naaraayan zaroor banenge। tumko haath uthaate dekh boodhiyaan aadi bhi sab haath utha dengi। samajhti kuchh nahin hain। phir bhi baap ke paas aai hain to svarga mein to jaayengi parantu sab aise thode hi banengi। praja bhi banengi। baap kehte hain main gareeb nivaaj hoon, to baba gareebon ko dekh khush hote hain। bhal kitne bhi bade te bade saahookaar padmapti hain, unse bhi yeh oonch pad paayenge - 21 janmon ke liye। yeh bhi achha hai। boodhiyaan jab aati hain to baap ko khushi hoti hai phir bhi shreekrishnapuri mein to jaayengi na। yeh hai raavanpuri, jo achhi reeti padhenge to shreekrishna ko bhi god mein jhulaayenge। praja thode hi andar aa sakegi। woh to kabhi karke deedaar karegi। jaise pope deedaar karaate hain khidki se, laakhon aakar ikatthe hote hain darshan karne। parantu unka ham kya deedaar karenge। ever paavan to ek hi baap hai jo tumko aakar paavan banaate hain। saare vishwa ko satopradhaan banaate hain। vahaan yeh 5 bhoot rahenge nahin। 5 tatva bhi satopradhaan ban jaate hain, tumhaare gulaam ban jaate hain। kabhi bhi aisi garmi nahin hogi jo nuksaan ho jaae। 5 tatva bhi kaayde anusaar chalte hain। akaale mrityu nahin hoti। abhi tum svarga mein chalte ho to narka se buddhiyog nikaal lena chaahiye। jaise naya makaan banaate hain to puraane se buddhi hat jaati hai। buddhi naye mein chali jaati hai, yeh phir hai behad ki baat। nai duniya ki sthaapna ho rahi hai, puraani ka vinaash hona hai। tum ho nai duniya svarga banaane vaale। tum bahut achhe kaareegar ho। apne liye svarga bana rahe ho। kitne bade achhe kaareegar ho, yaad ki yaatra se nai duniya svarga banaate ho। thoda bhi yaad karo to svarga mein aa jaayenge। tum gupta vesh mein apna svarga bana rahe ho। jaante ho ham is shareer ko chhod phir jaakar svarga mein nivaas karenge to aise behad ke baap ko bhoolna nahin chaahiye। abhi tum svarga mein jaane ke liye padh rahe ho। apni raajdhaani sthaapan karne ke liye purooshaartha kar rahe ho। yeh raavan ki raajdhaani khalaas ho jaani hai। to andar mein kitni khushi honi chaahiye। hamne yeh svarga to anek baar banaaya hai, raajaai li phir ganvaai hai। yeh bhi yaad karo to bahut achha। ham svarga ke maalik the, baap ne hamko aisa banaaya tha। baap ko yaad karo to tumhaare paap bhasma honge। kitna sahaj reeti tum svarga ki sthaapna kar rahe ho। puraani duniya ke vinaash ke liye kitni cheezen nikalti rehti hain। kudarti aapdaayen, moosal (missiles) aadi dvaara saari puraani duniya khatma hogi। ab baap aaye hain tumko shreshtha mat dene, shreshtha svarga ki sthaapna karne। anek baar tumne yeh sthaapna ki hai to buddhi mein yaad rakhna chaahiye। anek baar raajya liya phir ganvaaya hai। yeh buddhi mein chalta rahe aur ek-do ko bhi yeh baaten sunaao। duniyaavi baaton mein samay nahin ganvaana chaahiye। baap ko yaad karo, svadarshan chakradhaari bano। yahaan bachchon ko achhi reeti sunkar phir bahut ugaarna hai, simran karna hai, baba ne kya sunaaya। shivbaaba aur varse ko to zaroor yaad karna chaahiye। baap hatheli par bahishta le aaye hain, pavitra bhi banna hai। pavitra nahin banenge to saza khaani padegi। pad bhi bahut chhota pa lenge। svarga mein oonch pad paana hai to achhi reeti dhaarna karo। baap raasta to bahut sahaj bataate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo sunaate hain use achhi tarah sunkar phir ugaarna hai। duniyaavi baaton mein apna samay nahin ganvaana hai।

2) baap ki yaad mein aankhen banda karke nahin baithna hai। shreekrishna ki raajdhaani mein aane ke liye padhaai achhi reeti padhni hai।

vardaan:- man-buddhi ko jhamelon se kinaare kar milan mela manaane vaale jhamelaamukta bhav

kai bachche sochte hain yeh jhamela poora hoga to hamaari avastha va seva achhi ho jaayegi lekin jhamele pahaad ke samaan hain। pahaad nahin hatega, lekin jahaan jhamela ho vahaan apne man-buddhi ko kinaare kar lo ya udti kala se jhamele ke pahaad ke bhi oopar chale jaao to pahaad bhi aapko sahaj anubhav hoga। jhamelon ki duniya mein jhamele to aayenge hi, aap mukta raho to milan mela mana sakenge।

slogan:- is behad naatak mein hero part bajaane vaale hi hero paartadhaari hain।