गुरुवार 10 अक्टूबर 2024 की दैनिक मुरली

10-10-2024 praatahmurli om shanti "baapdaada"' madhuban

“meethe bachche - uthte-baithte buddhi mein gyaan uchhalta rahe to apaar khushi mein rahenge”

prashn:- tum bachchon ko kiske sang se bahut-bahut sambhaal karni hai?

uttar:- jinki buddhi mein baap ki yaad nahin thaharti, buddhi idhar-udhar bhatakti rehti hai, unke sang se tumhein sambhaal karni hai। unke ang se ang bhi nahin lagna chaahiye kyonki yaad mein na rahne vaale vaayumandal ko kharaab karte hain।

prashn:- manushyon ko pashchaataap kab hoga?

uttar:- jab unhein pata padega ki inhen padhaane vaala svayan bhagwan hai to unka munh pheeka pad jaayega aur pashchaataap karenge ki hamne gaphlat ki, padhaai nahin padhi।

om shanti। ab roohaani yaatra ko to bachche achhi tarah se samajhte hain। koi bhi hathayog ki yaatra hoti nahin। yeh hai yaad। yaad ke liye koi bhi takleeph ki baat nahin hai। baap ko yaad karna - ismen koi takleeph nahin hai। yeh class hai isliye sirf kaaydesir baithna hota hai। tum baap ke bachche bane ho, bachchon ki paalna ho rahi hai। kaun-si paalna? avinaashi gyaan ratnon ka khajaana mil raha hai। baap ko yaad karne mein koi takleeph nahin hai। sirf maaya buddhi ka yog tod deti hai। baaki baitho bhal kaise bhi, unse koi yaad ka tailuk nahin। bahut bachche hathayog se 3-4 ghante baithte hain। saari raat bhi baith jaate hain। aage tumhaari to thi bhatthi, woh baat aur thi, vahaan tumko dhandhaadhori to tha nahin isliye yeh sikhaaya jaata tha। ab baap kehte hain tum grihastha vyavhaar mein raho। dhandhaadhori bhi bhal karo। kuchh bhi kaam kaaj karte baap ko yaad karna hai। aise bhi nahin ki abhi nirantar tum yaad kar sakte ho। nahin। is avastha mein time lagta hai। abhi nirantar yaad thahar jaae phir to karmaateet avastha ho jaae। baap samjhaate hain - bachche, drama ke plan anusaar ab baaki thoda samay hai। saara hisaab bhi buddhi mein rehta hai। kehte hain Christ se 3 hazaar varsha pahle bhaarat hi tha। unko svarga kaha jaata tha। abhi unhon ke 2 hazaar varsha poore hote hain, 5000 varsha ka hisaab ho jaata hai।

dekha jaata hai tumhaara naam saara vilaayat se hi niklega kyonki unhon ki buddhi phir bhi bhaaratvaasiyon se teekhi hai। bhaarat se pees bhi woh maangate hain। bhaaratvaasiyon ne hi laakhon varsha kahkar aur sarvavyaapi ka gyaan dekar buddhi bigaad di hai। tamopradhaan ban gaye hain। woh itne tamopradhaan nahin bane hain, unhon ki buddhi to badi teekhi hai। unhon ka jab aavaaz niklega tab bhaaratvaasi jaagenge kyonki bhaaratvaasi ekdam ghor neend mein soye hue hain। woh thode soye hue hain। unhon se aavaaz achha niklega, vilaayat se aaye bhi the ki hamko koi bataave - pees kaise ho sakti hai? kyonki baap bhi bhaarat mein hi aate hain। yeh baat to tum bachche hi bata sakte ho - duniya mein phir se woh pees kab aur kaise hogi? tum bachche to jaante ho barobar paradise athva heaven tha। nai duniya mein bhaarat paradise tha। yeh aur koi bhi nahin jaante hain। manushyon ki buddhi mein yeh baat hi baith gai hai ki eeshvar sarvavyaapi hai aur kalpa ki aayu laakhon varsha kah di hai। sabse jaasti pattharbuddhi yeh bhaaratvaasi hi bane hain। yeh geeta shaastra aadi sab hain bhakti maarga ke। phir bhi yeh sab aise hi banenge। bhal drama ko jaante hain phir bhi baap to purooshaartha karaate hain। tum bachche jaante ho vinaash to zaroor hoga। baap aaye hi hain nai duniya ki sthaapna karne। yeh to khushi ki baat hai na। jab koi bada imtahaan paas karte hain to andar mein khushi hoti hai na। ham yeh sab paas kar yeh (devta) jaakar banenge। saara padhaai par madaar hai।

tum bachche jaante ho barobar baap hamko padhaakar yeh banaate hain। barobar paradise heaven tha। manushya to bichaare bilkul hi moonjhe hue hain। behad ke baap paas jo gyaan hai woh tum bachchon ko de rahe hain। baap ki tum mahima karte ho - baba knowledgeful hai phir blissful bhi hai, khajaana bhi unke paas full hai। tumko itna saahookaar kaun banaata hai? yahaan tum kyon aaye ho? varsa paane। agar koi ki tanduroosti achhi hai parantu dhan nahin hai to dhan bigar kya hoga! vaikuntha mein to tumhaare paas dhan rehta hai। yahaan jo-jo saahookaar hain, unko nasha rehta hai hamaare paas itna dhan hai, yeh-yeh kaarkhaane aadi hain। shareer chhoda khalaas। tum to jaante ho hamko baba 21 janmon ke liye itna khajaana de dete hain। baap khud to khajaane ka maalik nahin bante hain। tum bachchon ko maalik banaate hain। yeh bhi tum jaante ho vishwa mein shanti to sivaae god father ke koi sthaapan kar na sake। sabse first class chitra hai - yeh trimoorti gole ka। is chakra mein hi saara gyaan bhara hua hai। tumhaari aisi koi wonderful cheez hogi tab woh samjhenge ismen zaroor koi aisa raaz hai। bachche koi-koi chhote-chhote khilaune banaate hain, woh baba ko pasanda nahin aate। baba to kehte bade chitra lagaao jo door se koi padhkar samajh sake। manushya attention badi cheez par denge। ismen clear dikhaaya hua hai, us taraph hai kaliyug, is taraph hai satayug। bade-bade chitra honge to manushyon ka attention kheechega। tourist bhi dekhenge, samjhenge bhi woh achhi tarah se। yeh bhi jaante hain Christ se 3 hazaar varsha pahle svarga tha। baahar to aise nahin jaante। 5 hazaar varsha ka hisaab tum clear samjhaate ho to yeh itna bada banaana chaahiye jo door se dekh saken aur akshar bhi padhen, jisse samjhen ki duniya ki ant to barobar hai। bombs to taiyaar hote rehte hain। natural calamities bhi hogi। tum vinaash ka naam sunte ho to andar mein khushi bahut honi chaahiye। parantu gyaan hi nahin hoga to khush bhi ho na sake। baap kehte hain deh sahit sab kuchh chhod apne ko aatma samjho, apni aatma ka yog mujh baap ke saath lagaao। yeh hai mehnat ki baat। paavan bankar hi paavan duniya mein aana hai। tum samajhte ho ham hi baadshaahi lete hain, phir gavaate hain। yeh to bahut sahaj hai। uthte, baithte, chalte andar mein tapakna chaahiye, jaise baba ke paas gyaan hai na। baap aaye hi hain padhaakar devta banaane। to itni athaah khushi bachchon ko rahni chaahiye na। apne se poochho itni athaah khushi hai? baap ko itna yaad karte hain? chakra ki bhi saari knowledge buddhi mein hai, to itni khushi rahni chaahiye। baap kehte hain mujhe yaad karo aur bilkul khushi mein raho। tumko padhaane vaala dekho kaun hai! jab sabko maaloom padega to sabka munh hi pheeka ho jaayega। parantu abhi unhon ke samajhne mein thodi deri hai। abhi devta dharma ke itne members to bane nahin hain। saari raajaai sthaapan hui nahin hai। kitne dher manushyon ko baap ka paigaam dena hai! behad ka baap phir se hamko svarga ki baadshaahi de rahe hain। tum bhi us baap ko yaad karo। behad ka baap to zaroor behad ka sukh denge na। bachchon ke andar mein to athaah gyaan ki khushi honi chaahiye aur jitna baap ko yaad karte rahenge to aatma pavitra banti jaayegi।

drama ke plan anusaar tum bachche jitna service kar praja banaate ho to jinka kalyaan hota hai unhon ki phir aasheervaad bhi mil jaati hai। gareebon ki service karte ho। nimantran dete raho। train mein bhi tum bahut service kar sakte ho। itne chhote badge mein hi kitni knowledge bhari hui hai। saari padhaai ka tanta ismen hai। badges to bahut achhe-achhe dher banaane chaahiye jo kisko saugaat bhi de saken। koi ko bhi samjhaana to bahut sahaj hai। sirf shivbaaba ko yaad karo। shivbaaba se hi varsa milta hai to baap aur baap ka varsa svarga ki baadshaahi, krishnapuri ko yaad karo। manushyon ki mat to kitni moonjhi hui hai। kuchh bhi samajhte nahin hain। vikaar ke liye kitna tang karte hain। kaam ke pichhaadi kitna marte hain। koi baat hi samajhte nahin। sabki buddhi bilkul chat ho gai hai, baap ko jaante hi nahin। yeh bhi drama mein noondh hai। sabki mental khalaas ho gai hai (maansik shakti khatma ho gai hai)। baap kehte hain - bachchon, tum pavitra bano to aise svarga ke maalik ban jaayenge, parantu samajhte hi nahin। aatma ki taakat saari nikal gai hai। kitna samjhaate hain phir bhi purooshaartha karna aur karaana hai। purooshaartha mein thakna nahin hai। heartfail bhi nahin hona hai। itni mehnat ki, bhaashan se ek bhi nahin nikla। lekin tumne jo sunaaya, use jisne bhi suna us par chhaap to lag gayi। pichhaadi mein sab jaanenge zaroor। tum bi.ke. ki athaah mahima nikalne vaali hai। parantu activity dekhte hain to jaise ekdam besamjhi ki। koi regard hi nahin, poori pahchaan nahin। buddhi baahar bhatakti rehti hai। baap ko yaad karen to madad bhi mile। baap ko yaad karte nahin to goya woh patit hain। tum bante ho paavan। jo baap ko yaad nahin karte hain to unhon ki buddhi zaroor kahaan na kahaan bhatakti rehti hai। to unke saath ang-ang se nahin milna chaahiye kyonki yaad mein na rahne ke kaaran woh vaayumandal ko kharaab kar dete hain। pavitra aur apvitra ikatthe ho na sake isliye baap puraani srishti ko khalaas kar dete hain। din-pratidin kaayde bhi sakhta nikalte jaayenge। baap ko yaad nahin karte hain to phaayde ke badle aur hi nuksaan karte hain। pavitrata ka saara madaar yaad par hai। ek jagah baithne ki baat nahin hai। yahaan ikattha baithne se to alag-alag pahaadi par jaakar baithen woh achha hai। jo yaad nahin karte hain woh hain patit। unka to sang bhi nahin karna chaahiye। chalan se bhi maaloom padta hai। yaad bigar paavan to ban na saken। har ek ke oopar paapon ka bojha bahut hai - janma-janmaantar ka। woh bigar yaad ki yaatra nikle kaise। woh goya patit hi hain।

baap kehte hain main tum bachchon ke liye saari patit duniya ko khalaas kar deta hoon। unka sang bhi na ho। parantu itni bhi buddhi nahin ki kiske saath sang karna chaahiye। tumhaara pyaar paavan ka paavan ke saath hona chaahiye। yeh bhi buddhi chaahiye na। sweet baap aur sweet raajdhaani ke sivaae aur koi yaad na aaye। itna sab tyaag karna koi maasi ka ghar nahin hai। baap ko to bachchon par athaah pyaar hai। bachche paavan ban jaao to tum paavan duniya ke maalik ban jaayenge। ham tumhaare liye paavan duniya ki sthaapna kar rahe hain। is patit duniya ko bilkul khalaas kara dete hain। yahaan is patit duniya mein har cheez tumko duhkh deti hai। aayu bhi kamti hoti jaati hai, inko kaha jaata hai worth not A penny। kaudi aur heere mein pharka to hota hai na। to tum bachchon ko kitni khushi honi chaahiye। gaaya bhi jaata hai sach to bitho nach। tum satayug mein khushi mein dance karte ho। yahaan ki koi bhi vastu se dil nahin lagaani hai। inko to dekhte hue dekhna nahin hai, aankhen khuli hote hue bhi jaise ki neend ho, parantu woh himmat, woh avastha chaahiye। yeh to nishchay hai ki yeh puraani duniya hogi hi nahin। itna khushi ka paara chadha rehna chaahiye। chutki kaatni chaahiye - are, ham shivbaaba ko yaad karenge to vishwa ki baadshaahi milegi। hathayog se bhi baithna nahin hai। khaate-peete, kaam karte baap ko yaad karo। yeh bhi jaante ho raajdhaani sthaapan ho rahi hai। baap thode hi kahenge daasi banen। baap to kahenge purooshaartha karo paavan banne ka। baap paavan banaane ka purooshaartha karaate hain tum phir patit bante ho, kitne jhooth paap karte ho। hamesha shivbaaba ko yaad karo to paap sab svaaha ho jaaen। yeh baba ka yagya hai na। bada bhaari yagya hai। woh log yagya rachte hain - laakhon roopaya kharcha karte hain। yahaan to tum jaante ho saari duniya ismen svaaha ho jaani hai। baahar se aavaaz hoga, bhaarat mein bhi phailega। ek to baap ke saath buddhi ka yog ho to paap katen aur phir oonch pad bhi mile। baap ka to pharja hai bachchon ko purooshaartha karaana। laukik baap to bachchon ki seva karte hain, seva lete bhi hain। yeh baap to kehte hain main tum bachchon ko 21 janmon ka varsa deta hoon, to aise baap ko yaad zaroor karna hai, jisse paap kat jaaen। baaki paani se thode hi paap katte hain। paani to jahaan-tahaan hai। vilaayat mein bhi nadiyaan hain to kya yahaan ki nadiyaan paavan banaane vaali, vilaayat ki nadiyaan patit banaane vaali hain kya? kuchh bhi manushyon mein samajh nahin hai। baap ko to taras padta hai na। baap samjhaate hain - bachche, gaphlat mat karo। baap itna gul-gul banaate hain to mehnat karni chaahiye na। apne par raham karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yahaan ki koi bhi vastu mein dil nahin lagaani hai। dekhte hue bhi nahin dekhna hai। aankhen khuli hote bhi jaise neend ka nasha rehta, aise khushi ka nasha chadha hua ho।

2) saara madaar pavitrata par hai, isliye sambhaal karni hai ki patit ke ang se ang na lage। sweet baap aur sweet raajdhaani ke sivaae aur koi yaad na aaye।

vardaan:- had ki ichchhaaon ko chhod achha banne vaale ichchha maatram avidya bhav

man mein koi bhi had ki ichchha hogi to achha banne nahin degi। jaise dhoop mein chalte ho to parchhaai aage jaati hai, usko agar pakadne ki koshish karo to pakad nahin sakte, peeth karke aa jaao to parchhaai peechhe-peechhe aayegi। aise hi ichchha aakarshit kar roolaane vaali hai, use chhod do to woh peechhe-peechhe aayegi। maangane vaala kabhi bhi sampanna nahin ban sakta। koi bhi had ki ichchhaaon ke peechhe bhaagna aise hai jaise mrigtrishna, isse sada bachkar raho to ichchha maatram avidya ban jaayenge।

slogan:- apne shreshtha karma va shreshtha chalan dvaara duaayen jama kar lo to pahaad jaisi baat bhi rui ke samaan anubhav hogi।