सोमवार 14 अक्टूबर 2024 की दैनिक मुरली

14-10-2024 praatahmurli om shanti "baapdaada"' madhuban

“meethe bachche - hear no evil… yahaan tum satsang mein baithe ho, tumhein maayaavi kusang mein nahin jaana hai, kusang lagne se hi sanshay ke roop mein ghutke aate hain''

prashn:- is samay kisi bhi manushya ko spiritual nahin kah sakte hain - kyon?

uttar:- kyonki sabhi deh-abhimaani hain। deh-abhimaan vaale spiritual kaise kahla sakte hain। spiritual father to ek hi niraakaar baap hai jo tumhein bhi dehi-abhimaani banne ki shiksha dete hain। supreme ka title bhi ek baap ko hi de sakte hain, baap ke sivaae supreme koi bhi kahla nahin sakte।

om shanti। bachche jab yahaan baithte ho to jaante ho baba hamaara baba bhi hai, teacher bhi hai aur satguru bhi hai। teen ki darkaar rehti hai। pahle baap phir padhaane vaala teacher aur phir pichhaadi mein guru। yahaan yaad bhi aise karna hai kyonki nai baat hai na। behad ka baap bhi hai, behad ka maana sabka। yahaan jo bhi aayenge kahenge yeh smriti mein laao। ismen kisko sanshay ho to haath uthaao। yeh wonderful baat hai na। janma-janmaantar kabhi aisa koi mila hoga jisko tum baap, teacher, satguru samjho। so bhi supreme। behad ka baap, behad ka teacher, behad ka satguru। aisa kabhi koi mila? sivaae is purooshottam sangamayug ke kabhi mil na sake। ismen koi ko sanshay ho to haath uthaave। yahaan sab nishchay buddhi hokar baithe hain। mukhya hain hi yeh teen। behad ka baap knowledge bhi behad ki dete hain। behad ki knowledge to yeh ek hi hai। had ki knowledge to tum anek padhte aaye ho। koi vakeel bante hain, koi surgeon bante hain kyonki yahaan to doctor, judge, vakeel aadi sab chaahiye na। vahaan to darkaar nahin। vahaan duhkh ki koi baat hi nahin। to ab baap baith behad ki shiksha bachchon ko dete hain। behad ka baap hi behad ki shiksha dete hain phir aadhaakalpa koi shiksha tumko padhne ki nahin hai। ek hi baar shiksha milti hai jo 21 janmon ke liye phaleebhoot hoti hai arthaat unka phal milta hai। vahaan to doctor, barrister, judge aadi hote nahin। yeh to nishchay hai na। barobar aise hai na? vahaan duhkh hota nahin। karmabhog hota nahin। baap karmon ki gati baith samjhaate hain। woh geeta sunaane vaale kya aise sunaate hain? baap kehte hain main tum bachchon ko raajayog sikhaata hoon। usmein to likh diya hai shreekrishna bhagvaanuvaach। parantu woh hai daiveegunon vaala manushya। shivbaaba to koi naam dharte nahin। unka doosra koi naam nahin। baap kehte hain main yeh shareer loan leta hoon। yeh shareer roopi makaan hamaara nahin hai, yeh bhi inka makaan hai। khidkiyaan aadi sab hain। to baap samjhaate hain main tumhaara behad ka baap arthaat sabhi aatmaon ka baap hoon, padhaata bhi hoon aatmaon ko। inko kaha jaata hai spiritual father arthaat roohaani baap aur koi ko bhi roohaani baap nahin kahenge। yahaan tum bachche jaante ho yeh behad ka baap hai। ab spiritual conference ho rahi hai। vaastav mein spiritual conference to hai hi nahin। woh to sachche spiritual hain nahin। deh-abhimaani hain। baap kehte hain - bachche, dehi-abhimaani bhav। deh ka abhimaan chhodo। aise thode hi kisko kahenge। spiritual akshar abhi daalte hain। aage sirf religious conference kehte the। spiritual ka koi arth nahin samajhte hain। spiritual father arthaat niraakaari father। tum aatmaayen ho spiritual bachche। spiritual father aakar tumko padhaate hain। yeh samajh aur koi mein ho na sake। baap khud baith batlaate hain ki main kaun hoon। geeta mein yeh nahin hai। main tumko behad ki shiksha deta hoon। ismen vakeel, judge, surgeon aadi ki darkaar nahin kyonki vahaan to ekdam sukh hi sukh hai। duhkh ka naam-nishaan nahin hota। yahaan phir sukh ka naam-nishaan nahin hai, isko kaha jaata hai praayahlop। sukh to kaag vishta samaan hai। jara-sa sukh hai to behad sukh ki knowledge de kaise sakte। pahle jab devi-devtaaon ka raajya tha to satyata 100 pratishat thi। abhi to jhooth hi jhooth hai।

yeh hai behad ki knowledge। tum jaante ho yeh manushya srishti roopi jhaad hai, jiska beejroop main hoon। unmein jhaad ki saari knowledge hai। manushyon ko yeh knowledge nahin hai। main chaitanya beejroop hoon। mujhe kehte hi hain gyaan ka saagar। gyaan se second mein gati-sadgati hoti hai। main hoon sabka baap। mujhe pahchaanne se tum bachchon ko varsa mil jaata hai। parantu raajdhaani hai na। svarga mein bhi martabe to nambarvaar bahut hain। baap ek hi padhaai padhaate hain। padhne vaale to nambarvaar hi hote hain। ismen phir aur koi padhaai ki darkaar nahin rehti। vahaan koi beemaar hota nahin। paai paise ki kamaai ke liye padhaai nahin padhte। tum yahaan se behad ka varsa le jaate ho। vahaan yeh maaloom nahin padega ki yeh pad hamko koi ne dilaaya hai। yeh tum abhi samajhte ho। had ki knowledge to tum padhte aaye ho। ab behad ki knowledge padhaane vaale ko dekh liya, jaan liya। jaante ho baap, baap bhi hai, teacher bhi hai, aakar hamko padhaate hain। supreme teacher hai, raajayog sikhlaate hain। sachcha satguru bhi hai। yeh hai behad ka raajayog। woh bairistari, doktari hi sikhlaayenge kyonki yeh duniya hi duhkh ki hai। woh sab hai had ki padhaai, yeh hai behad ki padhaai। baap tumko behad ki padhaai padhaate hain। yeh bhi jaante ho yeh baap, teacher, satguru kalpa-kalpa aate hain phir yahi padhaai padhaate hain satayug-treta ke liye। phir praayahlop ho jaata hai। sukh ki praalabdha poori ho jaati hai drama anusaar। yeh behad ka baap baith samjhaate hain, unko hi patit-paavan kaha jaata hai। shreekrishna ko tvamev maata cha pita va patit-paavan kahenge kya? inke martabe aur unke martabe mein raat-din ka farka hai। ab baap kehte hain mujhe pahchaanne se tum second mein jeevanmukti pa sakte ho। ab shreekrishna bhagwan agar hota to koi bhi jhat pahchaan le। shreekrishna ka janma koi divya alaukik nahin gaaya hua hai। sirf pavitrata se hota hai। baap to koi ke garbha se nahin nikalte hain। samjhaate hain meethe-meethe roohaani bachchon, rooh hi padhti hai। sab sanskaar achhe va bure rooh mein rehte hain। jaise-jaise karma karte hain, us anusaar unhein shareer milta hai। koi bahut duhkh bhogte hain। koi kaane, koi bahre hote hain। kahenge past mein aise karma kiye hain jiska yeh phal hai। aatma ke karmon anusaar hi rogi shareer aadi milta hai।

abhi tum bachche jaante ho - hamko padhaane vaala hai god father। god teacher, god preceptor hai। usko kehte hai god param aatma। usko milaakar paramatma kehte hain, supreme soul। brahma ko to supreme nahin kahenge। supreme arthaat oonch te oonch, pavitra te pavitra। martabe to harek ke alag-alag hain। shreekrishna ka jo martaba hai woh doosre ko mil nahin sakta। prime minister ka martaba doosre ko thode hi denge। baap ka bhi martaba alag hai। brahma, vishnu, shankar ka bhi alag hai। brahma, vishnu, shankar devta hai, shiv to paramatma hai। donon ko milaakar shiv shankar kaise kahenge। donon alag-alag hain na। na samajhne ke kaaran shiv shankar ko ek kah dete hain। naam bhi aise rakh dete hain। yeh sab baaten baap hi aakar samjhaate hain। tum jaante ho yeh baba bhi hai, teacher bhi hai, satguru bhi hai। harek manushya ko baap bhi hota hai, teacher bhi hota hai aur guru bhi hota hai। jab budhe hote hain to guru karte hain। aajkal to chhotepan mein hi guru kara dete hain, samajhte hain agar guru nahin kiya to avagya ho jaayegi। aage 60 varsha ke baad guru karte the। woh hoti hai vaanaprastha avastha। nirvaan arthaat vaani se pare sweet silence hom, jismen jaane ke liye aadhaakalpa tumne mehnat ki hai। parantu pata hi nahin to koi ja nahin sakte। kisko raasta bata kaise sakte। ek ke sivaae to koi raasta bata na sake। sabki buddhi ek jaisi nahin hoti hai। koi to jaise kathaayen sunte hain, phaayda kuchh nahin। unnati kuchh nahin। tum abhi bageeche ke phool bante ho। phool se kaante bane, ab phir kaante se phool baap banaate hain। tum hi poojya phir pujaari bane। 84 janma lete-lete satopradhaan se tamopradhaan patit ban gaye। baap ne seedhi saari samjhaai hai। ab phir patit se paavan kaise bante hain, yeh kisko bhi pata nahin। gaate bhi hain na he patit-paavan aao, aakar hamko paavan banaao phir paani ki nadiyaan saagar aadi ko patit-paavan samajh kyon jaakar snaan karte hain। ganga ko patit-paavni kah dete hain। parantu nadiyaan bhi kahaan se nikli? saagar se hi nikalti hain na। yeh sabhi saagar ki santaan hain to harek baat achhi reeti samajhne ki hoti hai।

yahaan to tum bachche satsang mein baithe ho। baahar kusang mein jaate ho to tumko bahut ulti baaten sunaayenge। phir yeh itni sab baaten bhool jaayengi। kusang mein jaane se ghutka khaane lag padte hain, sanshay ka tab maaloom padta hai। parantu yeh baaten to bhoolni nahin chaahiye। baba hamaara behad ka baba bhi hai, teacher bhi hai, paar bhi le jaate hain, is nishchay se tum aaye ho। woh sabhi hain jismaani laukik padhaai, laukik bhaashaayen। yeh hai alaukik। baap kehte hain mera janma bhi alaukik hai। main loan leta hoon। puraani jutti leta hoon। so bhi puraane te puraani, sabse puraani hai yeh jutti। baap ne jo liya hai, isko long boot kehte hain। yeh kitni sahaj baat hai। yeh to koi bhoolne ki nahin hai। parantu maaya itni sahaj baaten bhi bhula deti hai। baap, baap bhi hai, behad ki shiksha dene vaala bhi hai, jo aur koi de na sake। baba kehte hain bhal jaakar dekho kahaan se milti hai। sab hain manushya। woh to yeh knowledge de na saken। bhagwan ek hi rath lete hain, jisko bhaagyashaali rath kaha jaata hai, jismen baap ki praveshta hoti hai, padmaapdam bhaagyashaali banaane। bilkul najdeek ka daana hai। brahma so vishnu bante hain। shivbaaba inko bhi banaate hain, tumko bhi in dvaara vishwa ka maalik banaate hain। vishnu ki puri sthaapan hoti hai, isko kaha jaata hai raajayog, raajaai sthaapan karne liye। abhi yahaan sun to sab rahe hain, parantu baba jaante hain bahuton ke kaanon se bah jaata hai, koi dhaaran kar aur suna sakte hain। unko kaha jaata hai mahaarthi। sunkar phir dhaaran karte hain, auron ko bhi roochi se samjhaate hain। mahaarthi samjhaane vaala hoga to jhat samjhenge, ghodesvaar se kam, pyaade se aur bhi kam। yeh to baap jaante hain kaun mahaarthi hain, kaun ghodesvaar hain। ab ismen moonjhane ki to baat hi nahin। parantu baba dekhte rehte hain bachche moonjhate hain phir jhutke khaate rehte hain। aankhen banda kar baithte hain। kamaai mein kabhi ghutka aata hai kya? jhutka khaate rahenge to phir dhaarna kaise hogi। ubaasi se baba samajh jaate hain yeh thaka hua hai। kamaai mein kabhi thakaavat nahin hoti। ubaasi hai udaasi ki nishaani। koi na koi baat ke ghutke andar khaate rahne vaalon ko ubaasi bahut aati hai। abhi tum baap ke ghar mein baithe ho, to parivaar bhi hai, teacher bhi bante hain, guru bhi bante hain raasta bataane ke liye। master guru kaha jaata hai। to ab baap ka right hand banna chaahiye na। jo bahuton ka kalyaan kar sakte hain। dhandhe sabhi mein hai nuksaan, bigar dhandhe nar se naaraayan banne ke। sabhi ki kamaai khatma ho jaati hai। nar se naaraayan banne ka dhandha baap hi sikhlaate hain। to phir kaun si padhaai padhni chaahiye। jinke paas dhan bahut hai, woh samajhte hain svarga to yahaan hi hai। baapu gaandhi ne raamraajya sthaapan kiya? are, duniya to yeh puraani tamopradhaan hai na aur hi duhkh badhta jaata hai, inko raamraajya kaise kahenge। manushya kitne besmajh ban pade hain। besmajh ko tamopradhaan kaha jaata hai। samajhdaar hote hain satopradhaan। yeh chakra phirta rehta hai, ismen kuchh bhi baap se poochhne ka nahin rehta। baap ka farja hai rachta aur rachna ki knowledge dena। woh to dete rehte hain। murli mein sab samjhaate rehte hain। sabhi baaton ka respond mil jaata hai। baaki poochhenge kya? baap ke sivaae koi samjha hi nahin sakte to poochh bhi kaise sakte। yeh bhi tum board par likh sakte ho ever healthy, ever wealthy 21 janma ke liye banna hai to aakar samjho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo sunaate hain use sunkar achhi tarah dhaaran karna hai। doosron ko roochi se sunaana hai। ek kaan se sun doosre se nikaalna nahin hai। kamaai ke samay kabhi ubaasi nahin leni hai।

2) baba ka right hand ban bahuton ka kalyaan karna hai। nar se naaraayan banne aur banaane ka dhandha karna hai।

vardaan:- kisi ke vyartha samaachaar ko sunkar interest badhaane ke bajaae fullstop lagaane vaale parmat se mukta bhav

kai bachche chalte-chalte shreemat ke saath aatmaon ki parmat mix kar dete hain। jab koi brahman sansaar ka samaachaar sunaata hai to use bahut interest se sunte hain। kar kuchh nahin sakte aur sun lete hain to woh samaachaar buddhi mein chala jaata, phir time vesta hota isliye baap ki aagya hai sunte hue bhi nahin suno। agar koi suna bhi de to aap fullstop lagaao। jis vyakti ka suna uske prati drishti va sankalp mein bhi ghrina bhaav nahin ho tab kahenge parmat se mukta।

slogan:- jinki dil vishaal hai unke svapna mein bhi had ke sanskaar emerge nahin ho sakte।