मंगलवार 15 अक्टूबर 2024 की दैनिक मुरली

15-10-2024 praatahmurli om shanti "baapdaada"' madhuban

“meethe bachche - tum sabki aapas mein ek mat hai, tum apne ko aatma samajh ek baap ko yaad karte ho to sab bhoot bhaag jaate hain''

prashn:- padmaapadma bhaagyashaali banne ka mukhya aadhaar kya hai?

uttar:- jo baba sunaate hain, us ek-ek baat ko dhaaran karne vaale hi padmaapadma bhaagyashaali bante hain। judge karo baba kya kehte hain aur raavan sampradaay vaale kya kehte hain! baap jo knowledge dete hain use buddhi mein rakhna, svadarshan chakradhaari banna hi padmaapadma bhaagyashaali banna hai। is knowledge se hi tum gunvaan ban jaate ho।

om shanti। roohaani baap, angreji mein kaha jaata hai spiritual father। satayug mein jab tum chalenge to vahaan angreji aadi doosri koi bhaasha to hogi nahin। tum jaante ho satayug mein hamaara raajya hota hai, usmein hamaari jo bhaasha hogi vahi chalegi। phir baad mein woh bhaasha badalti jaati hai। abhi to anekaanek bhaashaayen hain। jaisa-jaisa raaja vaisi-vaisi unki bhaasha chalti hai। ab yeh to sab bachche jaante hain, sab centres par bhi jo bachche hain unki hai ek mat। apne ko aatma samajhna hai aur ek baap ko yaad karna hai taaki bhoot sab bhaag jaaen। baap hai patit-paavan। 5 bhooton ki to sabmen praveshta hai। aatma mein hi bhooton ki praveshta hoti hai phir in bhooton athva vikaaron ka naam bhi lagaaya jaata hai deh-abhimaan, kaam, krodh aadi। aise nahin ki sarvavyaapi koi eeshvar hai। kabhi bhi koi kahe ki eeshvar sarvavyaapi hai to kaho sarvavyaapi aatmaayen hain aur in aatmaon mein 5 vikaar sarvavyaapi hain। baaki aise nahin ki paramatma sarva mein viraajmaan hai। paramatma mein phir 5 bhooton ki praveshta kaise hogi! ek-ek baat ko achhi reeti dhaaran karne se tum padmaapadma bhaagyashaali bante ho। duniya vaale raavan sampradaay kya kehte hain aur baap kya kehte hai, ab judge karo। harek ke shareer mein aatma hai। us aatma mein 5 vikaar pravesh hain। shareer mein nahin, aatma mein 5 vikaar athva bhoot pravesh hote hain। satayug mein yeh 5 bhoot nahin hain। naam hi hai deity world। yeh hai devil world। devil kaha jaata hai asur ko। kitna din aur raat ka farka hai। abhi tum change hote ho। vahaan tumhaare mein koi bhi vikaar, koi avgun nahin rehta। tumhaare mein sampoorn gun hote hain। tum 16 kala sampoorn bante ho। pahle the phir neeche utarte ho। is chakra ka abhi maaloom pada hai। 84 ka chakra kaise phirta hai। ham aatma ko sva ka darshan hua hai arthaat is chakra ka knowledge hua hai। uthte, baithte, chalte tumko yeh knowledge buddhi mein rakhna hai। baap knowledge padhaate hain। yeh roohaani knowledge baap bhaarat mein hi aakar dete hain। kehte hain na - hamaara bhaarat। vaastav mein hindustaan kehna to wrong hai। tum jaante ho bhaarat jab svarga tha to sirf hamaara hi raajya tha aur koi dharma nahin tha। new world thi। nai dehli kehte hain na। dehli ka naam asal dehli nahin tha, paristaan kehte the। abhi to nai dehli aur puraani dehli kehte hain phir na puraani, na nai dehli hogi। paristaan kaha jaayega। dilli ko capital kehte hain। in lakshmi-naaraayan ka raajya hoga, aur kuchh bhi nahin hoga, hamaara hi raajya hoga। abhi to raajya nahin hai isliye sirf kehte hain hamaara bhaarat desh hai। raajaayen to hain nahin। tum bachchon ki buddhi mein saara gyaan chakra lagaata hai। barobar pahle-pahle is vishwa mein devi-devtaaon ka raajya tha aur koi raajya nahin tha। jamuna ka kinaara tha, usko paristaan kaha jaata tha। devtaaon ki capital dehli hi rahi hai, to sabhi ko kashish hoti hai। sabse badi bhi hai। ekdam centre (beech) hai।

meethe-meethe bachche jaante hain paap to zaroor hue hain, paap aatma ban gaye hain। satayug mein hote hain punya aatmaayen। baap hi aakar paavan banaate hain jiski tum shiv jayanti bhi manaate ho। ab jayanti akshar to sabse lagta hai isliye inko phir shiv raatri kehte hain। raatri ka arth to tumhaare sivaae aur koi samajh na saken। achhe-achhe vidvaan aadi koi bhi nahin jaante ki shivraatri kya hai to manaaven kya! baap ne samjhaaya hai raatri ka arth kya hai? yeh jo 5 hazaar varsha ka chakra hai usmein sukh aur duhkh ka khel hai, sukh ko kaha jaata hai din, duhkh ko kaha jaata hai raat। to din aur raat ke beech mein aata hai sangam। aadhaakalpa hai sojhra, aadha-kalpa hai andhiyaara। bhakti mein to bahut teek-teek chalti hai। yahaan hai second ki baat। bilkul easy hai, sahaj yog। tumko pahle jaana hai muktidhaam। phir tum jeevanmukti aur jeevanbandha mein kitna samay rahe ho, yeh to tum bachchon ko yaad hai phir bhi ghadi-ghadi bhool jaate ho। baap samjhaate hain yog akshar hai theek parantu unhon ka hai jismaani yog। yeh hai aatmaon ka paramatma ke saath yog। sannyaasi log anek prakaar ke hathayog aadi sikhaate hain to manushya moonjhate hain। tum bachchon ka baap bhi hai to teacher bhi hai, to unse yog lagaana pade na। teacher se padhna hota hai। bachcha janma leta hai to pahle baap se yog hota hai phir 5 varsha ke baad teacher se yog lagaana padta hai phir vaanaprastha avastha mein guru se yog lagaana padta hai। teen mukhya yaad rehte hain। woh to alag-alag hote hai। yahaan yeh ek hi baar baap aakar baap bhi bante hain, teacher bhi bante hain। wonderful hai na। aise baap ko to zaroor yaad karna chaahiye। janma-janmaantar teen ko alag-alag yaad karte aaye ho। satayug mein bhi baap se yog hota hai phir teacher se hota hai। padhne to jaate hain na। baaki guru ki vahaan darkaar nahin rehti kyonki sab sadgati mein hain। yeh sab baaten yaad karne mein kya takleeph hai! bilkul sahaj hai। inko kaha jaata hai sahaj yog। parantu yeh hai uncommon। baap kehte hain main yeh tempory loan leta hoon, so bhi kitna thoda samay leta hoon। 60 varsha mein vaanaprastha avastha hoti hai। kehte hain saath lagi laath। is samay sabko laathi lagi hui hai। sab vaanaprastha, nirvaandhaam mein jaayenge। woh hai sweet hom, sweetest hom। unke liye hi kitni athaah bhakti ki hai। abhi chakra phirkar aaye ho। manushyon ko yeh kuchh bhi pata nahin, aise hi gapoda laga diya hai ki laakhon varsha ka chakra hai। laakhon varsha ki baat ho to phir rest mil na sake। rest milna hi mushkil ho jaae। tumko rest milti hai, usko kaha jaata hai silence hom, incorporeal world। yeh hai sthool sweet hom। woh hai mool sweet hom। aatma bilkul chhota rocket hai, inse teekha bhaagne vaala koi hota nahin। yeh to sabse teekha hai। ek second mein shareer chhoota aur yeh bhaaga, doosra shareer to taiyaar rehta hai। drama anusaar poore time par unko jaana hi hai। drama kitna accurate hai, inmen koi inaccuracy hai nahin, yeh tum jaante ho। baap bhi drama anusaar bilkul accurate time par aate hain। ek second ka bhi pharka nahin pad sakta hai। maaloom kaise padta hai ki inmen baap bhagwan hai। jab knowledge dete hain, bachchon ko baith samjhaate hain। shivraatri bhi manaate hain na। main shiv kab kaise aata hoon, woh tumko to pata nahin hai। shivraatri, krishna raatri manaate hain। raam ki nahin manaate kyonki pharka pad gaya na। shivraatri ke saath shreekrishna ki bhi raatri mana lete hain। parantu jaante kuchh bhi nahin। yahaan hai hi aasuri raavan raajya। yeh samajhne ki baaten hain। yeh to hai baba, budhe ko baba kahenge। chhote bachche ko baba thode hi kahenge। koi-koi lav se bhi bachche ko baba kah dete hain। to unhon ne bhi shreekrishna ko lav se kah diya hai। baba to tab kaha jaata hai jab bade ho aur phir bachche paida karte ho। shreekrishna khud hi prince hai, unko bachche kahaan se aaye। baap kehte hi hain mai bujurga ke tan mein aata hoon। shaastron mein bhi hai parantu shaastron ki sab baaten accurate nahin hoti, koi-koi baat theek hai। brahma ki aayu maana prajaapita brahma ki aayu kahenge। woh to zaroor is samay hoga। brahma ki aayu mrityulok mein khatma hogi। yeh koi amarlok nahin hai। inko kaha jaata hai purooshottam sangamayug। yeh sivaae tum bachchon ke aur koi ki buddhi mein nahin ho sakta।

baap baith bataate hain - meethe-meethe bachchon, tum apne janmon ko nahin jaante ho ham batlaate hain ki tum 84 janma lete ho। kaise? to bhi tumko pata pad gaya hai। harek yug ki aayu 1250 varsha hai aur itne-itne janma liye hain। 84 janmon ka hisaab hai na। 84 laakh ka to hisaab ho na sake। inko kaha jaata hai 84 ka chakra, 84 laakh ki to baat hi yaad na aaye। yahaan kitne aparmaapaar duhkh hain। kaise duhkh dene vaale bachche paida hote rehte hain। isko kaha jaata hai ghor narka, bilkul chhi-chhi duniya hai। tum bachche jaante ho abhi ham nai duniya mein jaane ke liye taiyaari kar rahe hain। paap kat jaaen to ham punyaatma ban jaayen। abhi koi paap nahin karna hai। ek-do par kaam kataari chalaana - yeh aadi-madhya-ant duhkh dena hai। abhi yeh raavan raajya poora hota hai। abhi hai kaliyug ka ant। yeh mahaabhaari ladaai hai antim। phir koi ladaai aadi hogi hi nahin। vahaan koi bhi yagya rache nahin jaate। jab yagya rachte hain to usmein havan karte hain। baap ne bhi yeh jo roodra yagya racha hai ismen bachche apni puraani saamagri sab svaaha kar dete hain। ab baap ne samjhaaya hai yeh hai roodra gyaan yagya। roodra shiv ko kaha jaata hai। roodra maala kehte hain na। nivrittimaarga vaalon ko pravritti maarga ki rasam-rivaaz ka kuchh bhi pata nahin hai। woh to gharbaar chhod jangal mein chale jaate hain। naam hi pada hai sannyaas। kiska sannyaas? gharbaar ka। khaali haath nikalte hain। pahle to guru log bahut pareeksha lete hain, kaam karaate hain। pahle bhiksha mein sirf aata lete the, rasoi nahin lete the। unhon ko jangal mein hi rehna hai, vahaan kand-mool-phal milte hain। yeh bhi gaayan hai, jab satopradhaan sannyaasi hote hain tab yeh khaate hain। abhi to baat mat poochho, kya-kya karte rehte hain। iska naam hi hai vicious world। woh hai viceless world। to apne ko vicious samajhna chaahiye na। baap kehte hain satayug ko kaha jaata hai shivaalay, viceless world। yahaan to sab hain patit manushya isliye devi-devta ke badle naam hi hindu rakh diya hai। baap to sab baaten samjhaate rehte hain। tum asul mein ho hi behad baap ke bachche। woh to tumhein 21 janmon ka varsa dete hain। to baap meethe-meethe bachchon ko samjhaate hain - janma-janmaantar ke paap tumhaare sir par hain। paapon se mukta hone ke liye hi tum bulaate ho। saadhu-santa aadi sab pukaarte hain - he patit-paavan… arth kuchh nahin samajhte, aise hi gaate rehte hain, taali bajaate rehte hain। unse koi poochhe - paramatma se yog kaise lagaaven, unse kaise milen to kah denge woh to sarvavyaapi hai। kya yahi raasta bataate hain! kah dete ved-shaastra padhne se bhagwan milega। parantu baap kehte hain - main har 5 hajaar varsha ke baad drama ke plan anusaar aata hoon। yeh drama ka raaz sivaae baap ke aur koi nahin jaante। laakhon varsha ka drama to ho hi nahin sakta। ab baap samjhaate hain yeh 5 hazaar varsha ki baat hai। kalpa pahle bhi baba ne kaha tha ki manamnaabhav। yeh hai mahaamantra। maaya par jeet paane ka mantra hai। baap hi baith arth samjhaate hain। doosra koi arth nahin samjhaate। gaaya bhi jaata hai na sarva ka sadgati daata ek। koi manushya to ho nahin sakta। devtaaon ki bhi baat nahin hai। vahaan to sukh hi sukh hai, vahaan koi bhakti nahin karte। bhakti ki jaati hai bhagwan se milne ke liye। satayug mein bhakti hoti nahin kyonki 21 janmon ka varsa mila hua hai। tab gaaya bhi jaata hai duhkh mein simran...... yahaan to athaah duhkh hain। ghadi-ghadi kehte hain bhagwan raham karo। yeh kaliyugi duhkhi duniya sadaiv nahin rehti। satayug-treta past ho gaye hain, phir honge। laakhon varsha ki to baat bhi yaad nahin rah sakti hai। ab baap to saari knowledge dete hain, apna parichay bhi dete hain aur rachna ke aadi-madhya-ant ka raaz bhi samjhaate hain। 5 hazaar varsha ki baat hai। tum bachchon ko dhyaan mein aa gaya hai। abhi to paraaye raajya mein ho। tumko apna raajya tha। yahaan to ladaai se apna raajya lete hain, hathiyaaron se, maaraamaari se apna raajya lete hain। tum bachche to yogbal se apna raajya sthaapan kar rahe ho। tumhein satopradhaan duniya chaahiye। puraani duniya khatma ho nai duniya banti hai, isko kaha jaata hai kaliyug puraani duniya। satayug hai nai duniya। yeh bhi kisko pata nahin hai। sannyaasi kah dete yeh aapki kalpana hai। yahaan hi satayug hai, yahaan hi kaliyug hai। ab baap baith samjhaate hain ek bhi aisa nahin hai jo baap ko jaante ho। agar koi jaanta hota to parichay deta। satayug-treta kya cheez hai, kisko samajh mein thode hi aata hai। tum bachchon ko baap achhi reeti samjhaate rehte hain। baap hi sab kuchh jaante hain, jaani jaananhaar arthaat knowledgeful hai। manushya srishti ka beejroop hai। gyaan ka saagar, sukh ka saagar hai। unse hi hamko varsa milna hai। baap knowledge mein aap samaan banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh paapon se mukta hone ka samay hai isliye abhi koi paap nahin karna hai। puraani sab saamagri is roodra yagya mein svaaha karni hai।

2) abhi vaanaprastha avastha hai isliye baap, teacher ke saath-saath satguru ko bhi yaad karna hai। sweet hom mein jaane ke liye aatma ko satopradhaan (paavan) banaana hai।

vardaan:- apni sookshm kamjoriyon ko chintan karke parivartan karne vaale svachintak bhav

sirf gyaan ki points repeat karna, sunna va sunaana hi svachintan nahin hai lekin svachintan arthaat apni sookshm kamjoriyon ko, apni chhoti-chhoti galtiyon ko chintan karke mitaana, parivartan karna - yahi hai svachintak banna। gyaan ka manan to sabhi bachche bahut achha karte hain lekin gyaan ko svayan ke prati use kar dhaarna swaroop banna, svayan ko parivartan karna, iski hi marks final result mein milti hain।

slogan:- har samay karan-karaavanhaar baba yaad rahe to main pan ka abhimaan nahin aa sakta।