शुक्रवार 18 अक्टूबर 2024 की दैनिक मुरली

18-10-2024 praatahmurli om shanti "baapdaada"' madhuban

“meethe bachche - baap aaya hai tumhein gul-gul (phool) banaane, tum phool bachche kabhi kisi ko duhkh nahin de sakte, sada sukh dete raho''

prashn:- kis ek baat mein tum bachchon ko bahut-bahut khabardaari rakhni hai?

uttar:- mansa-vaacha-karmana apni jabaan par badi khabardaari rakhni hai। buddhi se vikaari duniya ki sab loklaaj kul ki maryaadaayen bhoolni hai। apni jaanch karni hai ki hamne kitne divyagun dhaaran kiye hain? lakshmi-naaraayan jaise civilized bane hain? kahaan tak gul-gul (phool) bane hain?

om shanti। shivbaaba jaante hain yeh hamaare bachche aatmaayen hai। tum bachchon ko aatma samajh shareer ko bhool shivbaaba ko yaad karna hai। shivbaaba kehte hain main tum bachchon ko padhaata hoon। shivbaaba bhi niraakaar hai, tum aatmaayen bhi niraakaar ho। yahaan aakar part bajaate ho। baap bhi aakar part bajaate hain। yeh bhi tum jaante ho drama plan anusaar baap hamko aakar gul-gul banaate hain। to sab avgunon ko chhod gunvaan banna chaahiye। gunvaan kabhi kisko duhkh nahin dete। suna-ansuna nahin karte। koi duhkhi hai to uska duhkh door karte hain। baap bhi aate hain to saari duniya ke duhkh zaroor door hone hain। baap to shreemat dete hain, jitna ho sake purooshaartha kar sabhi ke duhkh door karte raho। purooshaartha se hi achha pad milega। purooshaartha na karne se pad kam ho jaayega। woh phir kalpa-kalpaantar ka ghaata pad jaata hai। baap bachchon ko har baat samjhaate hain। bachche apne ko ghaata daalen - yeh baap nahin chaahta। duniya vaale phaayde aur ghaate ko nahin jaante isliye bachchon ko apne par raham karna hai। shreemat par chalte rehna hai। bhal buddhi idhar-udhar bhaagti hai to bhi koshish karo ham aise behad ke baap ko kyon nahin yaad karte hain, jis yaad se hi oonch pad milta hai। kam se kam svarga mein to jaate hain। parantu svarga mein oonch pad paana hai। bachchon ke maa-baap kehte hain na - hamaara bachcha school mein padhkar oonch pad paaye। yahaan to kisko bhi pata nahin padta। tumhaare sambandhi yeh nahin jaante ki tum kya padhaai padhte ho। us padhaai mein to mitra-sambandhi sab jaante hain, ismen koi jaante hain, koi nahin jaante hain। koi ka baap jaanta hai to bhaai-behen nahin jaante। koi ki maa jaanti hai to baap nahin jaanta kyonki yeh vichitra padhaai aur vichitra padhaane vaala hai। nambarvaar samajhte hain, baap samjhaate hain bhakti to tumne bahut ki hai। so bhi nambarvaar, jinhonne bahut bhakti ki hai vahi phir yeh gyaan bhi lete hain। ab bhakti ki rasma-rivaaj poori hoti hai। aage meera ke liye kaha jaata tha usne loklaaj kul ki maryaada chhodi। yahaan to tumko saare vikaari kul ki maryaada chhodni hai। buddhi se sabka sannyaas karna hai। is vikaari duniya ka kuchh bhi achha nahin lagta hai। vikarma karne vaale bilkul achhe nahin lagte hain। woh apni hi takdeer ko kharaab karte hain। aisa koi baap thode hi hoga jo bachchon ko kisko tang karta hua pasanda karega va na padhta pasanda karega। tum bachche jaante ho vahaan aise koi bachche hote nahin। naam hi hai devi-devta। kitna pavitra naam hai। apni jaanch karni hai - hamaare mein daiveegun hain? sahansheel bhi banna hota hai। buddhiyog ki baat hai। yeh ladaai to bahut meethi hai। baap ko yaad karne mein koi ladaai ki baat nahin hai। baaki haan, ismen maaya vighna daalti hai। unse sambhaal karni hoti hai। maaya par vijay to tumko hi paani hai। tum jaante ho kalpa-kalpa ham jo kuchh karte aaye hain, bilkul accurate vahi purooshaartha chalta hai jo kalpa-kalpa chalta aaya hai। tum jaante ho abhi ham padmaapdam bhaagyashaali bante hain phir satayug mein athaah sukhi rehte hain।

kalpa-kalpa baap aise hi samjhaate hain। yeh koi nai baat nahin, yeh bahut puraani baat hai। baap to chaahte hain bachche poora gul-gul banen। laukik baap ki bhi dil hogi na - hamaare bachche gul-gul banen। paarlaukik baap to aate hi hain kaanton ko phool banaane। to aisa banna chaahiye na। mansa-vaacha-karmana jabaan par bhi bahut khabardaari chaahiye। har ek karmendriy par badi khabardaari chaahiye। maaya bahut dhokha dene vaali hai। unse poori sambhaal rakhni hai, badi manzil hai। aadhaakalpa se criminal drishti bani hai। unko ek janma mein civil banaana hai। jaise in lakshmi-naaraayan ki hai। yeh sarvagun sampanna hain na। vahaan criminal drishti hoti nahin। raavan hi nahin। yeh koi nai baat nahin। tumne anek baar yeh pad paaya hai। duniya ko to bilkul pata nahin hai ki yeh kya padhte hain। baap tumhaari sab aashaayen poorn karne aate hain। ashubh aashaayen raavan ki hoti hain। tumhaari hain shubh aashaayen। criminal koi bhi aash nahin honi chaahiye। bachchon ko sukh ki lahron mein lahraana hai। tumhaare athaah sukhon ka varnan nahin kar sakte, duhkhon ka varnan hota hai, sukh ka varnan thode hi hota hai। tum sab bachchon ki ek hi aasha hai ki ham paavan banen। kaise paavan banenge? so to tum jaante ho ki paavan banaane vaala ek baap hi hai, uski yaad se hi paavan banenge। first number nai duniya mein paavan yeh devi-devta hi hain। paavan banne mein dekho taakat kitni hai। tum paavan ban paavan duniya ka raajya paate ho isliye kaha jaata hai is devta dharma mein taakat bahut hai। yeh taakat kahaan se milti hai? sarvashaktimaan baap se। ghar mein tum mukhya do-chaar chitra rakh bahut service kar sakte ho। woh samay aayega, curfew aadi aise lag jaayega, jo tum kahaan aa ja bhi nahin sakenge।

tum ho brahman sachchi geeta sunaane vaale। knowledge to badi sahaj hai, jinke ghar vaale sab aate hain, shanti lagi padi hain, unhon ke liye to bahut sahaj hai। do-chaar mukhya chitra ghar mein rakhe ho। yeh trimoorti, gola, jhaad aur seedhi ka chitra bhi kaaphi hai। unke saath geeta ka bhagwan shreekrishna nahin, woh bhi chitra achha hai। kitna sahaj hai, inmen koi paisa kharcha nahin hota। chitra to rakhe hain। chitron ko dekhne se hi gyaan smriti mein aata rahega। kothri bani padi ho, usmein bhal tum so bhi jaao। agar shreemat par chalte raho to tum bahuton ka kalyaan kar sakte ho। kalyaan karte bhi honge phir bhi baap remind karaate hain - aise-aise tum kar sakte ho। thaakurji ki moorti rakhte hain na। ismen to phir hai samjhaane ki baaten। janma-janmaantar tum bhakti maarga mein mandiron mein bhatakte rehte ho parantu yeh pata nahin hai ki yeh hain kaun? mandiron mein deviyon ki pooja karte hain, unko hi phir paani mein jaakar dubote hain। kitna agyaan hai। poojya ki, pooja kar phir unko uthaakar samudra mein daal dete hain। ganesh ko, maa ko, sarasvati ko bhi dubote hain। baap baith bachchon ko kalpa-kalpa yeh baaten samjhaate hain। realise karaate hain - tum yeh kya kar rahe ho! bachchon ko to naphrat aani chaahiye jabki baap itna samjhaate rehte hain - meethe-meethe bachchon, tum yeh kya karte ho! inko kehte hi hain vishay vaitarni nadi। aise nahin, vahaan koi ksheer ka saagar hai parantu har cheez vahaan dher hoti hai। koi cheez par paise nahin lagte। paise to vahaan hote hi nahin hain। sone ke hi sikke dekhne mein aate hain jabki makaanon mein hi sona lagta hai, sone ki inten lagti hain। to siddha hota hai vahaan sone-chaandi ka moolya hi nahin। yahaan to dekho kitna moolya hai। tum jaante ho ek-ek baat mein wonder hai। manushya to manushya hi hain, yeh devta bhi manushya hain parantu inka naam devta hai। inhon ke aage manushya apni gandagi jaahir karte hain - ham paapi neench hain, hamaare mein koi gun nahin hain। tum bachchon ki buddhi mein em object hai, ham yeh manushya se devta bante hain। devtaaon mein daiveegun hain। yeh to samajhte hain mandiron mein jaate hain parantu yeh nahin samajhte ki yeh bhi manushya hi hain। ham bhi manushya hain parantu yeh daiveegun vaale hain, ham aasuri gunon vaale hain। abhi tumhaari buddhi mein aata hai ham kitne na-laayak the। inhon ke aage jaakar gaate the aap sarvagun sampanna… abhi baap samjhaate hain yeh to past hokar gaye hain। inmen daiveegun the, athaah sukh the। vahi phir athaah duhkhi bane hain। is samay sabhi mein 5 vikaaron ki praveshta hai। abhi tum vichaar karte ho, kaise ham oopar se girte-girte ekdam pat aakar pade hain। bhaaratvaasi kitne saahookaar the। abhi to dekho karja uthaate rehte hain। to yeh sab baaten baap hi baith samjhaate hain aur koi bata na sake। rishi-muni bhi neti-neti kehte the arthaat ham nahin jaante। abhi tum samajhte ho woh to sach kehte the। na baap ko, na rachna ke aadi-madhya-ant ko jaante the। abhi bhi koi nahin jaante hain, sivaae tum bachchon ke। bade-bade sannyaasi, mahaatmaayen koi nahin jaante। vaastav mein mahaan aatma to yeh lakshmi-naaraayan hain na। ever pure hain। yeh bhi nahin jaante the to aur koi kaise jaan sakte, kitni simple baaten baap samjhaate hain parantu kai bachche bhool jaate hain। kai achhi reeti gun dhaaran karte hain to meethe lagte hain। jitna bachchon mein meetha gun dekhte hain to dil khush hoti hai। koi to naam badnaam kar dete hain। yahaan to phir baap teacher satguru hai - teenon ki ninda karaate hain। sat baap, sat teacher aur satguru ki ninda karaane se phir triple danda pad jaata hai। parantu kai bachchon mein kuchh bhi samajh nahin hai। baap samjhaate hain aise bhi honge zaroor। maaya bhi koi kam nahin hai। aadhaakalpa paap aatma banaati hai। baap phir aadhaakalpa ke liye punya aatma banaate hain। woh bhi nambarvaar bante hain। banaane vaale bhi do hain - raam aur raavan। raam ko paramatma kehte hain। raam-raam kah phir pichhaadi mein shiv ko namaskaar karte hain। vahi paramatma hai। paramatma ke naam ginte hain। tumko to ginti ki darkaar nahin। yeh lakshmi-naaraayan pavitra the na। inhon ki duniya thi, jo past ho gayi hai। usko svarga nai duniya kaha jaata hai। phir jaise puraana makaan hota hai to tootne laayak ban jaata hai। yeh duniya bhi aise hai। abhi hai kaliyug ki pichhaadi। kitni sahaj baate hain samajhne ki। dhaaran karni aur karaani hai। baap to sabko samjhaane ke liye nahin jaayenge। tum bachche on godly service ho। baap jo service sikhlaate hain, vahi service karni hai। tumhaari hai godly service only। tumhaara naam oonch karne liye baba ne kalash tum maataaon ko diya hai। aise nahin ki purooshon ko nahin milta hai। milta to sabko hai। abhi tum bachche jaante ho ham kitne sukhi svargavaasi the, vahaan koi duhkhi nahin the। abhi hai sangamayug phir ham us nai duniya ke maalik ban rahe hain। abhi hai kaliyug puraani patit duniya। bilkul hi jaise bhains buddhi manushya hain। abhi to in sab baaton ko bhoolna padta hai। deh sahit deh ke sab sambandhon ko chhod apne ko aatma samajhna hai। shareer mein aatma nahin hai to shareer kuchh bhi kar na sake। us shareer par kitna moh rakhte hain, shareer jal gaya, aatma ne jaakar doosra shareer liya to bhi 12 maas jaise haay husen machaate rehte hain। abhi tumhaari aatma shareer chhodegi to zaroor oonch ghar mein janma legi nambarvaar। thode gyaan vaala saadhaaran kul mein janma lega, oonch gyaan vaala oonch kul mein janma lega। vahaan sukh bhi bahut hota hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo sunaate hain use suna-ansuna nahin karna hai। gunvaan ban sabko sukh dena hai। purooshaartha kar sabke duhkh door karne hain।

2) vikaaron ke vash hokar koi bhi vikarma nahin karna hai। sahansheel banna hai। koi bhi criminal (ashuddha-vikaari) aash nahin rakhni hai।

vardaan:- shanti ki shakti dvaara asambhav ko sambhav karne vaale sahajyogi bhav

shanti ki shakti sarvashreshtha shakti hai। shanti ki shakti se hi aur sab shaktiyaan nikli hain। science ki shakti ka bhi jo prabhaav hai woh science bhi silence se nikli hai। to shanti ki shakti se jo chaaho woh kar sakte ho। asambhav ko bhi sambhav kar sakte ho। jise duniya vaale asambhav kehte hain woh aapke liye sambhav hai aur sambhav hone ke kaaran sahaj hai। shanti ki shakti ko dhaaran kar sahajyogi bano।

slogan:- vaani dvaara sabko sukh aur shanti do to gaayan yogya banenge।