मंगलवार 22 अक्टूबर 2024 की दैनिक मुरली

22-10-2024 praatahmurli om shanti "baapdaada"' madhuban

“meethe bachche - baap tumhein jo knowledge padhaate hain, ismen riddhi siddhi ki baat nahin, padhaai mein koi chhu mantra se kaam nahin chalta hai''

prashn:- devtaaon ko aklamand kahenge, manushyon ko nahin - kyon?

uttar:- kyonki devtaayen hain sarvagun sampanna aur manushyon mein koi bhi gun nahin hain। devtaayen aklamand hain tab to manushya unki pooja karte hain। unki battery charge hai isliye unhein worth pound kaha jaata hai। jab battery discharge hoti hai, worth penny ban jaate hain tab kahenge beakla।

om shanti। baap ne bachchon ko samjhaaya hai ki yeh paathshaala hai। yeh padhaai hai। is padhaai se yeh pad praapta hota hai, inko school va university samajhna chaahiye। yahaan door-door se padhne ke liye aate hain। kya padhne aate hain? yeh em object buddhi mein hai। ham padhaai padhne ke liye aate hain, padhaane vaale ko teacher kaha jaata hai। bhagvaanuvaach hai bhi geeta। doosri koi baat nahin hai। geeta padhaane vaale ka pustak hai, parantu pustak aadi koi padhaate nahin hain। geeta koi haath mein nahin hai। yeh to bhagvaanuvaach hai। manushya ko bhagwan nahin kaha jaata। bhagwan oonch te oonch hai ek। mool vatan, sookshm vatan, sthool vatan - yeh hai saari universe। khel koi sookshm vatan va mool vatan mein nahin chalta hai, naatak yahaan hi chalta hai। 84 ka chakra bhi yahaan hai। inko hi kaha jaata hai 84 ke chakra ka naatak। yeh bana-banaaya khel hai। yeh badi samajhne ki baaten hain kyonki oonch te oonch bhagwan unki tumko mat milti hai। doosri to koi vastu hai nahin। ek ko hi kaha jaata hai sarva shaktimaan, world almighty authority। authority ka bhi arth khud samjhaate hain। yeh manushya nahin samajhte kyonki woh sab hain tamopradhaan, isko kaha hi jaata hai kaliyug। aise nahin ki koi ke liye kaliyug hai, koi ke liye satayug hai, koi ke liye treta hai। nahin, jabki abhi hai hi narka to koi bhi manushya aise nahin kah sakta ki hamaare liye svarga hai kyonki hamaare paas dhan daulat bahut hai। yeh ho nahin sakta। yeh to bana-banaaya khel hai। satayug past ho gaya, is samay to ho bhi nahin sakta। yeh sab samajhne ki baaten hain। baap baith sab baaten samjhaate hain। satayug mein inka raajya tha। bhaaratvaasi us samay satayugi kahlaate the। abhi zaroor kaliyugi kahlaayenge। satayugi the to usko svarga kaha jaata tha। aise nahin ki narka ko bhi svarga kahenge। manushyon ki to apni-apni mat hai। dhan ka sukh hai to apne ko svarga mein samajhte hain। mere paas to bahut sampatti hai isliye main svarga mein hoon। parantu vivek kehta hai ki nahin। yeh to hai hi narka। bhal kiske paas 10-20 laakh hon parantu yeh hai hi rogi duniya। satayug ko kahenge nirogi duniya। duniya yahi hai। satayug mein inko yogi duniya kahenge, kaliyug ko bhogi duniya kaha jaata hai। vahaan hain yogi kyonki vikaar ka bhog-vilaas nahin hota hai। to yeh school hai ismen shakti ki baat nahin। teacher shakti dikhlaate hain kya? em object rehta hai, ham phalaana banenge। tum is padhaai se manushya se devta bante ho। aise nahin ki koi jaadu, chhu mantra va ridvi-siddhi ki baat hai। yeh to school hai। school mein riddhi siddhi ki baat hoti hai kya? padhkar koi doctor, koi barrister banta hai। yeh lakshmi-naaraayan bhi manushya the, parantu pavitra the isliye unhon ko devi-devta kaha jaata hai। pavitra zaroor banna hai। yeh hai hi patit puraani duniya।

manushya to samajhte hain puraani duniya hone mein laakhon varsha pade hain। kaliyug ke baad hi satayug aayega। abhi tum ho sangam par। is sangam ka kisko bhi pata nahin hai। satayug ko laakhon varsha de dete hain। yeh baaten baap aakar samjhaate hain। unko kaha jaata hai supreme soul। aatmaon ke baap ko baba kahenge। doosra koi naam hota nahin। baba ka naam hai shiv। shiv ke mandir mein bhi jaate hain। paramatma shiv ko niraakaar hi kaha jaata hai। unka manushya shareer nahin hai। tum aatmaayen yahaan part bajaane aati ho tab tumko manushya shareer milta hai। woh hai shiv, tum ho saaligraam। shiv aur saaligraamon ki pooja bhi hoti hai kyonki chaitanya mein hokar gaye hain। kuchh karke gaye hain tab unka naamaachaar gaaya jaata hai athva pooje jaate hain। aage janma ka to kisko pata nahin hai। is janma mein to gaayan karte hain, devi-devtaaon ko poojte hain। is janma mein to bahut leaders bhi ban gaye hain। jo achhe-achhe saadhu-santa aadi hokar gaye hain, unki stamp bhi banaate hain naamaachaar ke liye। yahaan phir sabse bada naam kiska gaaya jaae? sabse bade te bada kaun hai? oonch te oonch to ek bhagwan hi hai। woh hai niraakaar aur unki mahima bilkul alag hai। devtaaon ki mahima alag hai, manushyon ki alag hai। manushya ko devta nahin kah sakte। devtaaon mein sarvagun the, lakshmi-naaraayan hokar gaye hain na। ve pavitra the, vishwa ke maalik the, unki pooja bhi karte hain kyonki pavitra poojya hain, apvitra ko poojya nahin kahenge, apvitra sadaiv pavitra ko poojte hain। kanya pavitra hai to pooji jaati hai, patit banti hai to sabko paanv padna padta hai। is samay sab hain patit, satayug mein sab paavan the। woh hai hi pavitra duniya, kaliyug hai patit duniya tab hi patit-paavan baap ko bulaate hain। jab pavitra hain tab nahin bulaate hain। baap khud kehte hain mujhe sukh mein koi bhi yaad nahin karte hain। bhaarat ki hi baat hai। baap aate hi bhaarat mein hain। bhaarat hi is samay patit bana hai, bhaarat hi paavan tha। paavan devtaaon ko dekhna ho to jaakar mandir mein dekho। devtaayen sab hain paavan, unmein jo mukhya-mukhya head hain, unhon ko mandiron mein dikhaate hain। in lakshmi-naaraayan ke raajya mein sab paavan the, yatha raaja-raani tatha praja, is samay sab patit hain। sab pukaarte rehte hain - he patit-paavan aao। sannyaasi kabhi shreekrishna ko bhagwan va brahm nahin maanenge। woh samajhte hain bhagwan to niraakaar hai, unka chitra bhi niraakaar tareeke se pooja jaata hai। unka accurate naam shiv hai। tum aatma jab yahaan aakar shareer dhaaran karti ho to tumhaara naam rakha jaata hai। aatma avinaashi hai, shareer vinaashi hai। aatma ek shareer chhod doosra jaakar leti hai। 84 janma to chaahiye na। 84 laakh nahin hote। to baap samjhaate hain yahi duniya satayug mein nai thi, righteous thi। yahi duniya phir unrighteous ban jaati hai। woh hai sachkhanda, sab sach bolne vaale hote hain। bhaarat ko sachkhanda kaha jaata hai। jhoothkhanda hi phir sachkhanda banta hai। sachcha baap hi aakar sachkhanda banaate hain। unko sachcha paatshaah, truth kaha jaata hai, yeh hai hi jhooth khanda। manushya jo kehte hain woh hai jhooth। sensible buddhi hain devtaayen, unhon ko manushya poojte hain। aklamand aur beakla kaha jaata hai। aklamand kaun banaate hain phir beakla kaun banaate hain? yeh bhi baap bataate hain। aklamand sarvagun sampanna banaane vaala hai baap। woh khud aakar apna parichay dete hain। jaise tum aatma ho phir yahaan shareer mein pravesh kar part bajaate ho। main bhi ek hi baar inmen pravesh karta hoon। tum jaante ho woh hai hi ek। unko hi sarvashaktimaan kaha jaata hai। doosra koi manushya nahin jisko ham sarvashaktimaan kahen। lakshmi-naaraayan ko bhi nahin kah sakte kyonki unhon ko bhi shakti dene vaala koi hai। patit manushya mein shakti ho na sake। aatma mein jo shakti rehti hai woh phir aahiste-aahiste degrade hoti jaati hai arthaat aatma mein jo satopradhaan shakti thi woh tamopradhaan shakti ho jaati hai। jaise motor ka tel khalaas hone se motor khadi ho jaati hai। yeh battery ghadi-ghadi discharge nahin hoti hai, inko poora time mila hua hai। kaliyug ant mein battery thandi ho jaati hai। pahle jo satopradhaan vishwa ke maalik the, abhi tamopradhaan hain to taakat kam ho gai hai। shakti nahin rahi hai। worth not penny ban jaate hain। bhaarat mein devi-devta dharma tha to worth pound the। religion is might kaha jaata hai। devta dharma mein taakat hai। vishwa ke maalik hain। kya taakat thi? koi ladne aadi ki taakat nahin thi। taakat milti hai sarvashaktimaan baap se। taakat kya cheez hai?

baap samjhaate hain - meethe-meethe bachchon, tumhaari aatma satopradhaan thi, ab tamopradhaan hai। vishwa ke maalik badle vishwa ke gulaam ban gaye ho। baap samjhaate hain - yeh 5 vikaar roopi raavan tumhaari saari taakat chheen lete hain isliye bhaaratvaasi kangaal ban pade hain। aise mat samjho science vaalon mein bahut taakat hai, woh taakat nahin hai। yeh roohaani taakat hai। jo sarvashaktimaan baap se yog lagaane se milti hai। science aur silence ki is samay jaise ladaai hai। tum silence mein jaate ho, uska tumko bal mil raha hai। silence ka bal lekar tum silence duniya mein chale jaayenge। baap ko yaad kar apne ko shareer se detach kar dete ho। bhakti maarga mein bhagwan ke paas jaane ke liye tumne bahut maatha maara hai। parantu sarvavyaapi kahne ke kaaran raasta milta hi nahin। tamopradhaan ban gaye hain। to yeh padhaai hai, padhaai ko shakti nahin kahenge। baap kehte hain pahle to pavitra bano aur phir srishti ka chakra kaise phirta hai unki knowledge samjho। knowledgeful to baap hi hai, ismen shakti ki baat nahin। bachchon ko yeh pata nahin hai ki srishti chakra kaise phirta hai, tum actors paartadhaari ho na। yeh behad ka drama hai। aage manushyon ka naatak chalta tha, usmein adli badli ho sakti hai। abhi to phir bioscope bane hain। baap ko bhi bioscope ka misaal de samjhaana sahaj hota hai। woh chhota bioscope, yeh hai bada। naatak mein actors aadi ko change kar sakte hain। yeh to anaadi drama hai। ek baar jo shoot hua hai woh phir badal nahin sakta। yeh saari duniya behad ka bioscope hai। shakti ki koi baat hi nahin। amba ko shakti kehte hain parantu phir bhi naam to hai। unko amba kyon kehte hain? kya karke gai hai? abhi tum samajhte ho ki oonch te oonch hai amba aur lakshmi। amba hi phir lakshmi banti hai। yeh bhi tum bachche hi samajhte ho। tum knowledgeful bhi bante ho aur tumko pavitrata bhi sikhlaate hain। woh pavitrata aadhaakalpa chalti hai। phir baap hi aakar pavitrata ka raasta bataate hain। unko bulaate hi is samay ke liye hain ki aakar raasta bataao aur phir guide bhi bano। woh hai param aatma, supreme ki padhaai se aatma supreme banti hai। supreme pavitra ko kaha jaata hai। abhi to patit ho, baap to ever paavan hai। pharka hai na। woh ever paavan hi jab aakar sabko varsa de aur sikhlaaye। ismen khud aakar batlaate hain ki main tumhaara baap hoon। mujhe rath to zaroor chaahiye, nahin to aatma bole kaise। rath bhi mashhoor hai। gaate hain bhaagyashaali rath। to bhaagyashaali rath hai manushya ka, ghode-gaadi ki baat nahin hai। manushya ka hi rath chaahiye, jo manushyon ko baith samjhaaye। unhonne phir ghode gaadi baith dikha di hai। bhaagyashaali rath manushya ko kaha jaata hai। yahaan to koi-koi jaanvar ki bhi bahut achhi seva hoti hai, jo manushya ki bhi nahin hoti। kutte ko kitna pyaar karte hain। ghode ko, gaay ko bhi pyaar karte hain। kutton ki exhibition lagti hai। yeh sab vahaan hote nahin। lakshmi-naaraayan kutte paalte honge kya?

abhi tum bachche jaante ho ki is samay ke manushya sab tamopradhaan buddhi hain, unhein satopradhaan banaana hai। vahaan to ghode aadi aise nahin hote jo manushya koi unki seva karen। to baap samjhaate hain - tumhaari haalat dekho kya ho gai hai। raavan ne yeh haalat kar di hai, yeh tumhaara dushman hai। parantu tumko pata nahin hai ki is dushman ka janma kab hota hai। shiv ke janma ka bhi pata nahin hai to raavan ke janma ka bhi pata nahin hai। baap batlaate hain treta ke ant aur dvaapar ke aadi mein raavan aate hain। unko 10 sheesh kyon diye hain? har varsha kyon jalaate hain? yeh bhi koi jaante nahin। abhi tum manushya se devta banne ke liye padhte ho, jo padhte nahin woh devta ban na saken। woh phir aayenge tab jab raavanraajya shuru hoga। abhi tum jaante ho ham devta dharma ke the ab phir sapling lag raha hai। baap kehte hai main har 5 hazaar varsha baad tumko aakar aisa padhaata hoon। is samay saare srishti ka jhaad puraana hai। naya jab tha to ek hi devta dharma tha phir dheere-dheere neeche utarte hain। baap tumhein 84 janmon ka hisaab bataate hain kyonki baap knowledgeful hai na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki ruhaani bachchon ko namaste।

dhaarna ke liye mukhya saar:-

1) silence ka bal jama karna hai। silence bal se silence duniya mein jaana hai। baap ki yaad se taakat lekar gulaami se chhootna hai, maalik banna hai।

2) supreme ki padhaai padhkar aatma ko supreme banaana hai। pavitrata ke hi raaste par chal pavitra bankar doosron ko banaana hai। guide banna hai।

vardaan:- alpha ko jaanne aur pavitrata ke svadharma ko apnaane vaale vishesh aatma bhav

baapdaada ko khushi hoti hai ki mera ek-ek bachcha vishesh aatma hai - chaahe bujurga hai, anpadh hai, chhota bachcha hai, yuva hai ya pravriti vaala hai lekin vishwa ke aage vishesh hai। duniya mein chaahe koi kitne bhi bade neta ho, abhineta ho, vaigyaanik hon lekin alpha ko nahin jaana to kya jaana! aap nishchaybuddhi ho phalak se kehte ho ki tum dhoodhte raho, hamne to pa liya। pravritti mein rehte pavitrata ke svadharma ko apna liya to pavitra aatma vishesh aatma ban gaye।

slogan:- jo sada khushhaal rehte hain vahi svayan ko aur sarva ko priy lagte hain।