बुधवार 13 नवंबर 2024 की दैनिक मुरली

13-11-2024 praatahmurli om shanti "baapdaada"' madhuban

“meethe bachche - sabhi ko pahle-pahle alpha ka paath pakka karaao, aap aatma bhaai-bhaai hain''

prashn:- kis ek baat mein shreemat, manushya mat ke bilkul hi vipreet hai?

uttar:- manushya mat kehti hai ham moksha mein chale jaayenge। shreemat kehti hain yeh drama anaadi avinaashi hai। moksha kisi ko mil nahin sakta। bhal koi kahe yeh part bajaana hamko pasanda nahin। parantu ismen kuchh bhi kar nahin sakte। part bajaane aana hi hai। shreemat hi tumhein shreshtha banaati hai। manushya mat to anek prakaar ki hai।

om shanti। abhi yeh to bachche jaante hain ki ham baba ke saamne baithe hain। baap bhi jaante hain bachche hamaare saamne baithe hain। yeh bhi tum bachche jaante ho baap humein shiksha dete hain jo phir auron ko deni hai। pahle-pahle to baap ka hi parichay dena hai kyonki sabhi baap ko aur baap ki shiksha ko bhoole hue hain। abhi jo baap padhaate hain yeh padhaai phir 5 hazaar varsha baad milegi। yeh gyaan aur koi ko hai nahin। mukhya hua baap ka parichay phir yeh sab samjhaana hai। ham sab bhaai-bhaai hain। saari duniya ki jo sabhi aatmaayen hain, sab aapas mein bhaai-bhaai hain। sabhi apna mila hua part is shareer dvaara bajaate hain। abhi to baap aaye hain nai duniya mein le jaane ke liye, jisko svarga kaha jaata hai। parantu abhi ham sab bhaai patit hain, ek bhi paavan nahin। sabhi patiton ko paavan banaane vaala ek hi baap hai। yeh hai hi patit vikaari raavan ki duniya। raavan ka arth hi hai - 5 vikaar stri mein, 5 vikaar puroosh mein। baap bahut simple reeti samjhaate hain। tum bhi aise samjha sakte ho। to pahle-pahle yeh samjhaao ki ham aatmaon ka woh baap hai, sabhi brothers hain। poochho yeh theek hai? likho ham sab bhaai-bhaai hain। hamaara baap bhi ek hai। ham sab souls ka woh hai supreme soul। unko father kaha jaata hai। yeh pakka buddhi mein bithaao to sarvavyaapi aadi ki kichda patti nikal jaae। alpha pahle padhaana hai। bolo, yeh pahle achhi reeti baith likho - aage sarvavyaapi kehta tha, ab samajhta hoon sarvavyaapi nahin hai। ham sab bhaai-bhaai hain। sab aatmaayen kehti hain god father, parampita paramatma, allaah। pahle to yeh nishchay bithaana hai ki ham aatma hain, paramatma nahin hain। na hamaare mein paramatma vyaapak hai। sabhi mein aatma vyaapak hai। aatma shareer ke aadhaar se part bajaati hai। yeh pakka karaao। achha phir woh baap srishti chakra ke aadi, madhya, ant ka gyaan sunaate hain। baap hi teacher ke roop mein baith samjhaate hain। laakhon varsha ki to baat nahin। yeh chakra anaadi bana-banaaya hai। equal kaise hai - isko jaanna pade। satayug-treta past hua, note karo। unko kaha jaata hai svarga aur semi svarga। vahaan devi-devtaaon ka raajya chalta hai। satayug mein hai 16 kala, treta mein hai 14 kala। satayug ka prabhaav bahut bhaari hai। naam hi hai svarga, heaven। nai duniya satayug ko kaha jaata hai। uski hi mahima karni hai। nai duniya mein hai hi ek aadi sanaatan devi-devta dharma। chitra bhi tumhaare paas hain nishchay karaane ke liye। yeh srishti ka chakra phirta rehta hai। is kalpa ki aayu hi 5 hazaar varsha hai। ab sooryavanshi-chandravanshi to buddhi mein baitha। vishnupuri hi badal raam-seeta puri banti hai। unki bhi dynasty chalti hai na। do yug past hue phir aata hai dvaaprayug। raavan ka raajya। devtaayen vaam maarga mein chale jaate hain to vikaar ka system ban jaata hai। satayug-treta mein sabhi nirvikaari rehte hain। ek aadi sanaatan devi-devta dharma rehta hai। chitra bhi dikhaana hai, orally bhi samjhaana hai। baap hamko teacher hokar aise padhaate hain। baap apna parichay khud hi aakar dete hain। khud kehte hain main aata hoon patiton ko paavan banaane ke liye to mujhe shareer zaroor chaahiye। nahin to baat kaise karoon। main chaitanya hoon, sat hoon aur amar hoon। sato, rajo, tamo mein aatma aati hai। aatma hi patit, aatma hi paavan banti hai। aatma mein hi sab sanskaar hain। past ke karma va vikarma ka sanskaar aatma le aati hai। satayug mein to vikarma hota nahin, karma karte hain, part bajaate hain। parantu woh karma akarma ban jaata hai। geeta mein bhi akshar hain। abhi tum practical mein samajh rahe ho। jaante ho baba aaya hua hai puraani duniya ko badal nai duniya banaane, jahaan karma akarma ho jaate hain। unko hi satayug kaha jaata hai aur yahaan phir yeh karma vikarma hi hote hain jisko kaliyug kaha jaata hai। tum abhi ho sangam par। baba donon hi taraph ki baat sunaate hain। ek-ek baat achhi reeti samjhen - baap teacher ne kya samjhaaya? achha, baaki hai guru ka kartavya, unko bulaaya hi hai ki aakar ham patiton ko paavan banaao। aatma paavan banti hai phir shareer bhi paavan banta hai। jaise sona, vaise jevar bhi banta hai। 24 carat ka sona lenge aur khaad nahin daalenge to jevar bhi aisa satopradhaan banega। alloy daalne se phir tamopradhaan ban padta hai kyonki khaad padti hai na। pahle bhaarat 24 carat pakke sone ki chidiya tha arthaat satopradhaan nai duniya thi phir ab tamopradhaan hai। pahle pure sona hai। nai duniya pavitra, puraani duniya apvitra। khaad padti jaati hai। yeh baap hi samjhaate hain aur koi manushya guru log nahin jaante। bulaate hain aakar paavan banaao। satguru ka kaam hai vaanaprastha avastha mein manushyon ko grihastha se kinaara karaana। to yeh saari knowledge drama plan anusaar baap hi aakar dete hain। woh hai manushya srishti ka beejroop। vahi saare vriksha ki knowledge samjhaate hain। shivbaaba ka naam sadaiv shiv hi hai। baaki aatmaayen sab aati hain part bajaane, to bhinna-bhinna naam dharaati hain। baap ko bulaate hain parantu unhein jaante nahin - woh kaise bhaagyashaali rath mein aate hain tumko paavan duniya mein le jaane। to baap samjhaate hain main unke tan mein aata hoon, jo bahut janmon ke ant mein hai, poora 84 janma lete hain। raajaaon ka raaja banaane ke liye is bhaagyashaali rath mein pravesh karna hota hai। pahle number mein hai shreekrishna। woh hai nai duniya ka maalik। phir vahi neeche utarte hain। sooryavanshi, chandravanshi, phir vaishya, shoodra vanshi phir brahma vanshi bante hain। golden se silver… phir tum iron se golden ban rahe ho। baap kehte hain mujh ek apne baap ko yaad karo। jismen mainne pravesh kiya hai, inki aatma mein to zara bhi yeh knowledge nahin thi। inmen main pravesh karta hoon, isliye inko bhaagyashaali rath kaha jaata hai। khud kehte hain main inke bahut janmon ke ant mein aata hoon। geeta mein akshar accurate hain। geeta ko hi sarva shaastramai shiromni kaha jaata hai।

is sangamayug par hi baap aakar brahman kul aur devi-devta kul ki sthaapna karte hain। auron ka to sabko maaloom hai hi, inka koi ko pata nahin hai। bahut janmon ke ant mein arthaat sangamayug par hi baap aate hain। baap kehte hain main beejroop hoon। shreekrishna to hai hi satayug ka rahvaasi। unko doosri jagah to koi dekh na sake। punarjanma mein to naam, roop, desh, kaal sab badal jaata hai। pahle chhota bachcha sundar hota hai phir bada hota hai phir woh shareer chhod doosra chhota leta hai। yeh bana-banaaya khel hai। drama ke andar fix hai। doosre shareer mein to unko shreekrishna nahin kahenge। us doosre shareer par naam aadi phir doosra padega। samay, features, tithi, taareekh aadi sab badal jaata hai। world ki history-geography hoobhu repeat kaha jaata hai। to yeh drama repeat hota rehta hai। sato, rajo, tamo mein aana hi hai। srishti ka naam, yug ka naam sab badalte jaate hain। abhi yeh hai sangamayug। main aata hi hoon sangam par। yeh hamko andar mein pakka karna hai। baap hamaara baap, teacher, guru hai jo phir satopradhaan banne ki yukti bahut achhi bataate hain। geeta mein bhi hai deh sahit deh ke sab dharma chhod apne ko aatma samjho। vaapis apne ghar zaroor jaana hai। bhakti maarga mein kitni mehnat karte hain bhagwan paas jaane ke liye। woh hai muktidhaam। karma se mukta ham incorporeal duniya mein jaakar baithte hain। paartadhaari ghar gaya to part se mukta hua। sab chaahte hain ham mukti paaven। parantu mukti to kisko mil na sake। yeh drama anaadi avinaashi hai। koi kahe yeh part bajaana hamko pasanda nahin, parantu ismen koi kuchh kar na sake। yeh anaadi drama bana hua hai। ek bhi mukti ko nahin pa sakte। woh sab hain anek prakaar ki manushya mat। yeh hai shreemat, shreshtha banaane liye। manushya ko shreshtha nahin kahenge। devtaaon ko shreshtha kaha jaata hai। unhon ke aage sab naman karte hain। to woh shreshtha thahre na। parantu yeh bhi kisko pata nahin hai। abhi tum samajhte ho ki 84 janma to lena hi hai। shreekrishna devta hai, vaikuntha ka prince। woh yahaan kaise aayega। na usne geeta sunaai। sirf devta tha isliye sabhi log unko poojte hain। devta hain paavan, khud patit thahre। kehte bhi hain mujh nirgun haare mein koi gun naahi....... aap hamko aisa banaao। shiv ke aage jaakar kahenge hamko mukti do। woh kabhi jeevanmukta, jeevanbandh mein aate hi nahin isliye unhein pukaarte hain mukti do। jeevanmukti bhi vahi dete hain।

abhi tum samajhte ho baba aur mama ke ham sab bachche hain, unse humein athaah dhan milta hai। manushya to besamjhi se maangani karte rehte hain। besmajh to zaroor duhkhi hi honge na। athaah duhkh bhogne padte hain। to yeh sab baaten bachchon ko buddhi mein rakhni hai। ek behad ke baap ko na jaanne kaaran kitna aapas mein ladte rehte hai। orphan ban pade hain। woh hote hain had ke orphans, yeh hain behad ke orphans। baap nai duniya sthaapan karte hain। abhi hai hi patit aatmaon ki patit duniya। paavan duniya satayug ko kaha jaata hai, puraani duniya kaliyug ko। to buddhi mein yeh sab baaten hain na। puraani duniya ka vinaash ho jaayega phir nai duniya mein transfer ho jaayenge। abhi ham temporary sangamayug par khade hain। puraani duniya se nai ban rahi hai। nai duniya ka bhi pata hai। tumhaari buddhi ab nai duniya mein jaani chaahiye। uthte-baithte yahi buddhi mein rahe ki ham padhaai padh rahe hain। baap hamko padhaate hain। student ko yeh yaad rehna chaahiye phir bhi woh yaad nambarvaar purooshaartha anusaar rehti hai। baap bhi nambarvaar purooshaartha anusaar yaad-pyaar dete hain। achha padhne vaale ko teacher zaroor pyaar jaasti karenge। kitna antar pad jaata hai। ab baap to samjhaate rehte hain। bachchon ko dhaarna karni hai। ek baap ke sivaae aur koi taraph buddhi na jaae। baap ko yaad nahin karenge to paap kaise katenge। maaya ghadi-ghadi tumhaara buddhiyog tod degi। maaya bahut dhokha deti hai। baba misaal dete hain bhakti maarga mein ham lakshmi ki bahut pooja karte the। chitra mein dekha lakshmi paanv daba rahi hai to use mukta kara diya। unki yaad mein baithte jab buddhi idhar-udhar jaati thi to apne ko thappad maarte the - buddhi aur taraph kyon jaati hai? aakhreen vinaash bhi dekha, sthaapna bhi dekhi। saakshaatkaar ki aash poori hui, samjha ab yeh nai duniya aati hai, ham yeh banenge। baaki yeh puraani duniya to vinaash ho jaayegi। pakka nishchay ho gaya। apni raajdhaani ka bhi saakshaatkaar hua to baaki is raavan ke raajya ko kya karenge, jabki svarga ki raajaai milti hai, yeh hui eeshvareey buddhi। eeshvar ne pravesh kar yeh buddhi chalaai। gyaan kalash to maataaon ko milta hai, to maataaon ko hi sab kuchh de diya, tum kaarobaar sambhaalo, sabko sikhlaao। sikhlaate-sikhlaate yahaan tak aa gaye। ek-do ko sunaate-sunaate dekho ab kitne ho gaye hain। aatma pavitra hoti jaati hai phir aatma ko shareer bhi pavitra chaahiye। samajhte bhi hain phir bhi maaya bhula deti hai।

tum kehte ho 7 roz padho to kehte hain kal aayenge। doosre din maaya khalaas kar deti hai। aate hi nahin। bhagwan padhaate hain to bhagwan se nahin aakar padhte hain! kehte bhi hain - haan, zaroor aayenge parantu maaya uda deti hai। regular hone nahin deti hai। jinhonne kalpa pahle purooshaartha kiya woh zaroor karenge aur koi hatti hai nahin। tum purooshaartha bahut karte ho। bade-bade museum banaate ho। jinhonne kalpa pahle samjha hai vahi samjhenge। vinaash hona hai। sthaapna bhi hoti jaati hai। aatma padhkar first class shareer legi। em object yeh hai na। yeh yaad kyon nahin padna chaahiye। abhi ham nai duniya mein jaate hain, apne purooshaartha anusaar। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi mein sada yaad rahe ki abhi ham thode samay ke liye sangamayug mein baithe hain, puraani duniya vinaash hogi to ham nai duniya mein transfer ho jaayenge isliye isse buddhiyog nikaal dena hai।

2) sabhi aatmaon ko baap ka parichay de karma, akarma, vikarma ki guhya gati sunaani hai, pahle alpha ka hi paath pakka karaana hai।

vardaan:- shreshtha praaptiyon ke pratyakshaphal dvaara sada khushhaal rahne vaale ever healthy bhav

sangamayug par abhi-abhi kiya aur abhi-abhi shreshtha praapti ki anubhti hui - yahi hai pratyakshaphal। sabse shreshtha phal hai sameepta ka anubhav hona। aajkal saakaar duniya mein kehte hain ki phal khaao to tandaroosta rahenge। healthy rahne ka saadhan phal bataate hain aur aap bachche har second pratyakshaphal khaate hi rehte ho isliye ever healthy ho hi। yadi aapse koi poochhe ki aapka kya haalchaal hai, to bolo ki pharishton ki chaal hai aur khushhaal hai।

slogan:- sarva ki duaaon ke khajaane se sampanna bano to purushaartha mein mehnat nahin karni padegi।