मंगलवार 12 नवंबर 2024 की दैनिक मुरली

12-11-2024 praatahmurli om shanti "baapdaada"' madhuban

“meethe bachche - baap aaye hain tum bachchon ka shrringaar karne, sabse achha shrringaar hai pavitrata ka''

prashn:- poore 84 janma lene vaalon ki mukhya nishaani kya hogi?

uttar:- 1. woh baap ke saath-saath teacher aur satguru teenon ko yaad karenge। aise nahin, baap yaad aaye to teacher bhool jaae। jab teenon ko yaad karen tab hi krishnapuri mein ja saken arthaat aadi se part baja saken। 2. unhein kabhi bhi maaya ke toofaan hara nahin sakte hain।

om shanti। baap pahle bachchon ko kehte hain yeh bhool to nahin jaate ho - ham baap ke aage, teacher ke aage aur satguru ke aage baithe hue hain। baba nahin samajhte ki sab koi is yaad mein baithe hain। phir bhi baap ka farja hai samjhaana। yeh hai arth sahit yaad karna। hamaara baba behad ka baap bhi hai, teacher bhi hai aur barobar hamaara satguru bhi hai jo bachchon ko saath mein le jaayega। baap aaye hi hain bachchon ka shrringaar karne। pavitrata se shrringaar karte aate hain। dhan bhi athaah dete hain। dhan dete hi hain nai duniya ke liye, jahaan tumko jaana hai। yeh bachchon ko yaad karna hai। bachche gaphlat karte hain jo bhool jaate hain। woh jo poori khushi honi chaahiye woh kam ho jaati hai। aisa baap to kabhi milta hi nahin। tum jaante ho ham baba ke bachche zaroor hain। woh hamko padhaate hain isliye teacher bhi zaroor hai। hamaari padhaai hai hi nai duniya amarpuri ke liye। abhi ham sangamayug par baithe hain। yeh yaad to zaroor bachchon ko honi chaahiye। pakka-pakka yaad karna hai। yeh bhi jaante ho is samay kansapuri aasuri duniya mein hain। samjho koi ko saakshaatkaar hota hai parantu saakshaatkaar se koi krishnapuri, unki dynasty mein nahin ja sakenge। ja tab sakenge jab baap, teacher, guru teenon ko hi yaad karte rahenge। yeh aatmaon se baat ki jaati hai। aatma hi kehti hai haan baba। baba aap to sach kehte ho। aap baap bhi ho, padhaane vaale teacher bhi ho। supreme aatma padhaati hai। laukik padhaai bhi aatma hi shareer ke saath padhaati hai। parantu woh aatma bhi patit to shareer bhi patit hai। duniya ke manushyon ko yeh pata nahin hai ki ham narkavaasi hain।

abhi tum samajhte ho ham to ab chale apne vatan। yeh tumhaara vatan nahin hai। yeh hai raavan ka paraaya vatan। tumhaare vatan mein to athaah sukh hain। yahaan ke log aise nahin samajhte - ham paraaye raajya mein hain। aage musalmaanon ke raajya mein baithe the phir Christian ke raajya mein baithe। abhi tum jaante ho ham apne raajya mein jaate hain। aage raavan raajya ko ham apna raajya samajh baithe the। yeh bhool gaye hain ham pahle raamraajya mein the। phir 84 janmon ke chakra mein aane se raavan raajya mein, duhkh mein aakar pade hain। paraaye raajya mein to duhkh hi hota hai। yeh saara gyaan andar mein aana chaahiye। baap to zaroor yaad aayega। parantu teenon ko yaad karna hai। yeh knowledge bhi manushya hi le sakte hain। jaanvar to nahin padhenge। yeh bhi tum bachche samajhte ho vahaan koi bairistari aadi ki padhaai hoti nahin। baap yahaan hi tumko maalaamaal kar rahe hain to sab to raajaayen nahin bante hain। vyaapaar bhi chalta hoga parantu vahaan tumko athaah dhan rehta hai। ghaata aadi hone ka kaayda hi nahin। loot maar aadi vahaan hoti nahin। naam hi hai svarga। abhi tum bachchon ko smriti aai hai ham svarga mein the phir punarjanma lete-lete neeche utarte hain। baap kahaani bhi unhon ko hi bataate hain। 84 janma nahin liye honge to maaya hara degi। yeh bhi baap samjhaate rehte hain। maaya ka kitna bada toofaan hai। bahuton ko maaya haraane ki koshish karti hai, aage chal tum bahut dekhenge, sunenge। baap ke paas sabke chitra hote to tumko wonder dikhaate - yeh phalaana itna din aaya, baap ka bana phir maaya kha gai। mar gaya, maaya ke saath ja mila। yahaan is samay koi shareer chhodte hain to isi duniya mein aakar janma lete hain। tum shareer chhodenge to baba ke saath behad ghar mein jaayenge। vahaan baba, mama, bachche sab hain na। parivaar aisa hi hota hai। mool vatan mein baap aur bhaai-bhaai hain, aur koi sambandh nahin। yahaan baap aur bhaai-behen hain phir vriddhi ko paate hain। chaacha, maama aadi bahut sambandh ho jaate hain। is sangam par tum prajaapita brahma ke bante ho to bhaai-behen ho। shivbaaba ko yaad karte ho to bhaai-bhaai ho। yeh sab baaten achhi reeti yaad karni hain। bahut bachche bhool jaate hain। baap to samjhaate rehte hain। baap ka farja hai bachchon ko sir par uthaana, tab to namaste-namaste karte rehte hain। arth bhi samjhaate hain। bhakti karne vaale saadhu-santa aadi koi tumko jeevanmukti ka raasta nahin bataate, woh mukti ke liye hi purooshaartha karte rehte hain। woh hain hi nivritti maarga vaale। woh raajayog kaise sikhlaayenge। raajayog hai hi pravritti maarga ka। prajaapita brahma ko 4 bhujaayen dete hain to pravritti maarga hua na। yahaan baap ne inko adopt kiya to naam rakha hai brahma aur sarasvati। drama mein noondh dekho kaisi hai। vaanaprastha avastha mein hi manushya guru karte hain, 60 varsha ke baad। ismen bhi 60 varsha ke baad baap ne pravesh kiya to baap, teacher, guru ban gaye। abhi to kaayde bhi bigad gaye hain। chhote bachche ko bhi guru kara dete hain। yeh to hai hi niraakaar। tumhaari aatma ka yeh baap bhi bante, teacher, satguru bhi bante hain। niraakaari duniya ko kaha jaata hai aatmaon ki duniya। aise to nahin kahenge duniya hi nahin hai। shantidham kaha jaata hai। vahaan aatmaayen rehti hain। agar kahen paramatma ka naam, roop, desh, kaal nahin to bachche phir kahaan se aayenge।

tum bachche ab samajhte ho yeh world ki history-geography kaise repeat hoti hai। history chaitanya ki hoti hai, geography to jad vastu ki hai। tumhaari aatma jaanti hai ham kahaan tak raajya karte hain। history gaai jaati hai jisko kahaani kaha jaata hai। geography desh ki hoti hai। chaitanya ne raajya kiya, jad to raajya nahin karenge। kitne samay se phalaane ka raajya tha, Christian ne bhaarat par kab se kab tak raajya kiya। to is world ki history-geography ko koi jaante hi nahin। kehte hain satayug ko to laakhon varsha hua। usmein kaun raajya karke gaye, kitna samay raajya kiya - yeh koi nahin jaanta। isko kaha jaata hai history। aatma chaitanya, shareer jad hai। saara khel hi jad aur chaitanya ka hai। manushya jeevan hi uttam gaaya jaata hai। aadamshumaari bhi manushyon ki gini jaati hai। jaanavron ki to koi ginti kar bhi na sake। saara khel tumhaare par hai। history-geography bhi tum sunte ho। baap ismen aakar tumko sab baaten samjhaate hain, isko kaha jaata hai behad ki history-geography। yeh knowledge na hone kaaran tum kitne besmajh ban pade ho। manushya hokar duniya ki history-geography ko na jaanen to woh manushya hi kya kaam ka। abhi baap dvaara tum world ki history-geography sun rahe ho। yeh padhaai kitni achhi hai, kaun padhaate hain? baap। baap hi oonch te oonch pad dilaane vaala hai। in lakshmi-naaraayan ka aur jo unhon ke saath svarga mein rehte hain unhon ka oonch te oonch pad hai na। vahaan bairistari aadi to karte nahin। vahaan to sirf seekhna hai। hunar na seekhen to makaan aadi kaise banen। ek-do ko hunar sikhlaate hain। nahin to itne makaan aadi kaun banaayenge। aapehi to nahin ban jaayenge। yeh sab raaz abhi tum bachchon ki buddhi mein bhi nambarvaar purooshaartha anusaar rehte hain। tum jaante ho yeh chakra phirta rehta hai, itna samay ham raajya karte the phir raavan ke raajya mein aate hain। duniya ko in baaton ka pata nahin hain ki ham raavan raajya mein hain। kehte hain hamko baba raavan ke raajya se liberate karo। bhaaratvaasiyon ne Christian raajya se apne ko liberate kiya। ab phir kehte hain god father hamko liberate karo। smriti aati hai na koi bhi yeh nahin jaante ki aise kyon kehte hain। abhi tumne samjha hai saare srishti par hi raavan raajya hai, sab kehte hain raamraajya chaahiye to liberate kaun karega? samajhte hain god father liberate kar guide ban le jaayenge। bhaaratvaasiyon ko itna akla nahin hai। yeh to bilkul tamopradhaan hain। woh na itna duhkh uthaate hain, na itna sukh hi paate hain। bhaaratvaasi sabse sukhi bante hain to duhkhi bhi bane hain। hisaab hai na। abhi kitna duhkh hai! jo religious minded hain woh yaad karte hain - O god father, liberator। tumhaari bhi dil mein hai baba aakar hamaare duhkh haro aur sukhdhaam le chalo। woh kehte hain shantidham le chalo। tum kahenge shantidham aur sukhdhaam le chalo। ab baap aaya hua hai to bahut khushi honi chaahiye। bhakti maarga mein kanras kitna hai। unmein real baat kuchh bhi hai nahin। ekdam aate mein namak hai। chandika devi ka bhi mela lagta hai। ab chandiyon ka phir mela kyon lagta hai? chandi kisko kaha jaata hai? baba ne bataaya hai chandaal ka janma bhi yahaan ke hi lete hain। yahaan rahkar, kha peekar kuchh dekar phir kehte hain - hamne jo diya woh hamko do। ham nahin maante। sanshay pad jaata hai to woh kya jaakar banenge। aisi chandika ka bhi mela lagta hai। phir bhi satayugi to bante hain na। kuchh samay bhi madadgaar bane to svarga mein aa gaye। woh bhakta log to jaante nahin, gyaan to koi ke paas hai nahin। woh chitron vaali geeta hai, kitna paisa kamaate hain। aajkal chitron par to sab aashik hote hain। usko art samajhte hain। manushyon ko kya pata devtaaon ke chitra kaise hote hain। tum asul mein kitne first class the। phir kya ban gaye ho। vahaan koi andha, kaana aadi hota nahin। devtaaon ki natural shobha hoti hai। vahaan natural beauty hoti hai। to baap bhi sab samjhaakar phir kehte hain - bachche, baap ko yaad karo। baap, baap bhi hai, teacher, satguru bhi hai। teenon roop mein yaad karo to teenon varse milenge। pichhaadi vaale teenon roop mein yaad kar nahin sakenge। phir mukti mein chale jaayenge।

baba ne samjhaaya hai sookshm vatan aadi mein jo kuchh dekhte ho yeh to sab hain saakshaatkaar ki baaten। baaki history-geography saari yahaan ki hai। inki aayu ka kisko pata nahin hai। abhi tum bachchon ko baap ne samjhaaya hai tum phir koi ko bhi samjha sakte ho। pahle-pahle to baap ka parichay dena hai। woh behad ka baap hai supreme। laukik baap ko paramatma va supreme aatma kabhi nahin kaha jaata। supreme to ek hi hai jisko bhagwan kaha jaata hai। woh knowledgeful hai to tumko knowledge sikhlaate hain। yeh eeshvareey knowledge hai source oph income। knowledge bhi uttam, madhyam, kanishta hoti hai na। baap hai oonch te oonch to padhaai bhi oonch te oonch hai। martaba bhi oonch hai। history, geography to jhat jaan jaate hain। baaki yaad ki yaatra mein yuddha chalti hai। ismen tum haarte ho to knowledge mein bhi tum haarte ho। haarkar bhaaganti ho jaate hain to knowledge mein bhi bhaaganti ho jaate hain। phir jaise the vaise ban jaate hain aur hi unse bhi badtar। baap ke aage chalan se deh-abhimaan jhat prasiddha ho jaata hai। braahmanon ki maala bhi hai parantu kaiyon ko pata nahin hai ki ham kaise nambarvaar yahaan baithen। deh-abhimaan hai na। nishchay vaale ko zaroor apaar khushi hogi। kisko nishchay hai ham yeh shareer chhodkar prince banoonga? (sabne haath uthaaya) bachchon ko itni khushi rehti hai। tum sabmen to poore daiveegun hone chaahiye, jabki nishchay hai। nishchaybuddhi maana vijayi maala mein pirovanti maana shahzaada bananti। ek din zaroor aayega jo foreigners sabse jaasti aabu mein aayenge aur sab teertha yaatra aadi chhod denge। woh chaahte hain bhaarat ka raajayog seekhen। kaun hai jisne paradise sthaapan kiya। purooshaartha kiya jaata hai, kalpa pahle yeh hua hoga to zaroor museum ban jaayega। samjhaana hai aisi pradarshani hamesha ke liye lagaane chaahte hain। 4-5 varsha ke liye lease par bhi makaan lekar laga sakte hain। ham bhaarat ki hi seva karte hain, sukhdhaam banaane ke liye। ismen bahuton ka kalyaan hoga। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apaar khushi mein rahne ke liye sada smriti rahe ki svayan baap hamaara shrringaar kar rahe hain, woh humein athaah dhan dete hain। ham nai duniya amarpuri ke liye padh rahe hain।

2) vijaymaala mein pirone ke liye nishchaybuddhi ban daiveegun dhaaran karne hain। jo diya use vaapas lene ka sankalp kabhi na aaye। sanshaybuddhi ban apna pad nahin ganvaana hai।

vardaan:- krodhi aatma ko raham ke sheetal jal dvaara gun daan dene vaale vardaani aatma bhav

aapke saamne koi krodh agni mein jalta hua aaye, aapko gaali de, ninda kare…to aisi aatma ko bhi apni shubh bhaavna, shubh kaamna dvaara, vritti dvaara, sthiti dvaara gun daan ya sahansheelta ki shakti ka vardaan do। krodhi aatma parvash hai, aisi parvash aatma ko raham ke sheetal jal dvaara shant kar do, yeh aap vardaani aatma ka kartavya hai। chaitanya mein jab aap mein aise sanskaar bhare hain tab to jad chitron dvaara bhakton ko vardaan milte hain।

slogan:- yaad dvaara sarva shaktiyon ka khajaana anubhav karne vaale hi shakti sampanna bante hain।