शनिवार 23 नवंबर 2024 की दैनिक मुरली

23-11-2024 praatahmurli om shanti "baapdaada"' madhuban

“meethe bachche - dehi-abhimaani bankar service karo to har kadam mein saphalta milti rahegi''

prashn:- kis smriti mein raho to deh-abhimaan nahin aayega?

uttar:- sada smriti rahe ki ham godly servant hain। servant ko kabhi bhi deh-abhimaan nahin aa sakta। jitna-jitna yog mein rahenge utna deh-abhimaan tootta jaayega।

prashn:- deh-abhimaaniyon ko drama anusaar kaun-sa danda mil jaata hai?

uttar:- unki buddhi mein yeh gyaan baithta hi nahin hai। saahookaar logon mein dhan ke kaaran deh-abhimaan rehta hai isliye woh is gyaan ko samajh nahin sakte, yeh bhi danda mil jaata hai। gareeb sahaj samajh lete hain।

om shanti। roohaani baap brahma dvaara raay de rahe hain। yaad karo to yeh banenge। satopradhaan ban apne paradise raajya mein pravesh karenge। yeh sirf tumko nahin kehte hain parantu yeh aavaaz to saare bhaarat balki vilaayat mein bhi jaayega sabke paas। bahuton ko saakshaatkaar bhi hoga। kiska saakshaatkaar hona chaahiye? woh bhi buddhi se kaam lena chaahiye। baap brahma dvaara hi saakshaatkaar kara-kar kehte hain - prince banna hai to jaao brahma va braahmanon ke paas। yooropvaasi bhi inko samajhne chaahte hain। bhaarat paradise tha to kiska raajya tha? yeh poora koi jaante nahin hain। bhaarat hi heaven svarga tha। abhi tum sabko samjha rahe ho। yeh sahaj raajayog hai, jisse bhaarat svarga athva heaven banta hai। vilaayat vaalon ki phir bhi buddhi kuchh achhi hai। woh jhat samjhenge। to ab serviceable bachchon ko kya karna chaahiye? unhon ko hi direction dene padte hain। bachchon ko praacheen raajayog sikhaana hai। tumhaare paas museum pradarshani aadi mein bahut aate hain। opinion likhte hain ki yeh bahut achha kaarya kar rahe hain। parantu khud samajhte nahin hain। thoda kuchh touch hota hai to aate hain phir bhi gareeb apna achha bhaagya banaayenge aur samajhne ka purooshaartha karenge। saahookaaron ko to purooshaartha karna nahin hai। deh-abhimaan bahut hai na। to drama anusaar jaise baba ne danda de diya hai। phir bhi un dvaara aavaaz karaana padta hai। vilaayat vaale to yeh knowledge chaahte hain। sunkar bahut khush ho jaaen। government ke officers pichhaadi kitni mehnat karte hain, parantu unhein phursat hi nahin hai। unhon ko bhal ghar baithe saakshaatkaar bhi ho jaae to bhi buddhi mein nahin aayega। to bachchon ko baba raay dete hain, opinion achhi-achhi ikatthi karke unka ek achha kitaab banaaven। raay de sakte hain - dekho, kitna sabko yeh achha lagta hai। vilaayat vaale va bhaaratvaasi bhi sahaj raajayog jaanne chaahte hain। svarga ke devi-devtaaon ki raajaai jo sahaj raajayog se bhaarat ko praapta hoti hai to kyon na yeh museum government house mein andar laga den। jahaan conference aadi hoti rehti hain। yeh khyaalaat bachchon ke chalne chaahiye। abhi time lagega। itni jaldi narma buddhi nahin hogi। godrej ka taala buddhi ko laga hua hai। abhi aavaaz nikle to revolution ho jaae। haan, hona zaroor hai। bolo, government house mein bhi museum ho to bahut foreigners bhi aakar dekhen। vijay to bachchon ki zaroor honi hai। to khyaalaat chalne chaahiye। dehi-abhimaani ko hi aise-aise khyaal aayenge ki kya karna chaahiye। jo bichaaron ko maaloom pade aur baap se varsa leven। ham likhte bhi hain bigar koi kharcha… to achhe-achhe jo bachche aate hain, raay dete hain। deputy prime minister opening karne aate hain phir prime minister, president bhi aayenge kyonki unhon ko bhi jaakar bataayenge yeh to wonderful knowledge hai। sachchi shanti to aise sthaapan honi hai। janchata hai। samjhaani bhi hai janchane ki। aaj nahin janchegi to kal janchegi। baba kehte rehte hain bade-bade aadmiyon ke paas jaao। aage chal vo bhi samjhenge। manushyon ki buddhi tamopradhaan hai isliye ulte kaam karte rehte hain। din-pratidin aur hi tamopradhaan bante jaate hain।

tum samjhaane ki koshish karte ho ki yeh vikaari dhandha banda karo, apni unnati karo। baap aaye hain pavitra devta banaane। aakhir woh din bhi aayega jo government house mein museum hoga। bolo, kharcha to ham apna karte hain। government to kabhi paisa nahin degi। tum bachche kahenge ham apne kharche se harek government house mein yeh museum laga sakte hain। ek bade government house mein ho jaae to phir sabmen ho jaae। samjhaane vaala bhi zaroor chaahiye। unko kahenge time mukrar karo, jo koi aakar raasta bataave। bigar kaudi kharcha jeevan banaane ka raasta bataayenge। yeh aage hone ka hai। parantu baap bachchon dvaara hi bataate hain। achhe-achhe bachche jo apne ko mahaaveer samajhte hain unko hi maaya pakadti hai। badi oonchi manzil hai। badi khabardaari rakhni hai। boxing kam nahin hai। bade te badi boxing hai। raavan ko jeetne ka yuddha ka maidaan hai। thoda bhi deh ka abhimaan na aaye ‘main aisi service karta hoon, yeh karta hoon....'। ham to godly servant hain। hamko paigaam dena hi hai, ismen gupta mehnat bahut hai। tum gyaan aur yogbal se apne ko samjhaate ho। ismen gupta rah vichaar saagar manthan karen tab nasha chadhe। aise pyaar se samjhaayenge, behad ke baap ka varsa har kalpa bhaaratvaasiyon ko milta hai। 5 hazaar varsha pahle in lakshmi-naaraayan ka raajya tha। abhi to kaha jaata hai veshyaalay। satayug hai shivaalay। woh hai shivbaaba ki sthaapna, yeh hai raavan ki sthaapna। raat-din ka pharka hai। bachche feel karte hain barobar ham kya ban gaye the। baba aap samaan banaate hain। mool baat hai dehi-abhimaani banna hai। dehi-abhimaani ban vichaar karna hota hai ki aaj hamko phalaane prime minister ko jaakar samjhaana hai। unko drishti den to saakshaatkaar ho sakta hai। tum drishti de sakte ho। agar dehi-abhimaani hokar raho to tumhaari battery bharti jaayegi। dehi-abhimaani hokar baithen, apne ko aatma samajh baap se yog lagaayen tab battery bhar sakti hai। gareeb jhat apni battery bhar sakte hain kyonki baap ko bahut yaad karte hain। gyaan bhal achha hai yog kam hai to battery bhar na saken kyonki deh ka ahankaar bahut rehta hai। yog kuchh bhi hai nahin, isliye gyaan baan mein jauhar nahin bharta। talvaar mein bhi jauhar hota hai। vahi talvaar 10 roopaya, vahi talvaar 50 roopaya। guru govindasinh ki talvaar ka gaayan hai, ismen hinsa ki baat nahin। devtaayen hain double ahinsak। aaj bhaarat aisa, kal bhaarat aisa banega। to bachchon ko kitni khushi honi chaahiye। kal ham raavanraajya mein the to naak mein dam tha। aaj ham parampita paramatma ke saath rahe hue hain।

ab tum eeshvareey parivaar ke ho। satayug mein tum honge daivi parivaar ke। ab svayan bhagwan hamko padha rahe hain, hamko kitna pyaar milta hai bhagwan ka। aadhaakalpa raavan ka pyaar milne se bandar ban pade hain। ab behad baap ka pyaar milne se tum devta ban jaate ho। 5 hazaar varsha ki baat hai। unhonne laakhon varsha laga diye hain। yeh bhi tumhaare jaisa pujaari tha। sabse last number jhaad mein khada hai। satayug mein tumko kitna athaah dhan tha। phir jo mandir banaaye unmein bhi itna athaah dhan tha, jisko aakar loota। mandir to aur bhi honge। praja ke bhi mandir honge। praja to aur hi saahookaar hoti hai। praja se raaze log karja uthaate hain। yeh bahut gandi duniya hai। sabse ganda mulka hai kalkatta। inko change karne ki tum bachchon ko mehnat karni hai। jo karega so paayega। deh-abhimaan aaya aur gira। manamnaabhav ka arth nahin samajhte। sirf shlok kantha kar lete hain। gyaan to unmein ho na sake - sivaae tum braahmanon ke। koi math-panth vaala devta ban na sake। prajaapita brahmaakumaar-kumaariyaan brahman banne bigar devta kaise ban sakenge। jo kalpa pahle bane hain vahi banenge। time lagta hai। jhaad bada ho gaya to phir vriddhi ko paata jaayega। cheenti maarga se vihang maarga hoga। baap samjhaate hain - meethe bachchon, baap ko yaad karo, svadarshan chakra phiraao। tumhaari buddhi mein saara 84 ka chakra hai। tum brahman hi phir devta aur kshatriy gharaane ke bante ho। sooryavanshi-chandravanshi ka bhi arth koi nahin samajhte hain। mehnat karke samjhaaya jaata hai। phir bhi nahin samajhte hain to samjha jaata hai abhi samay nahin hai। phir bhi aate hain। samajhte hain brahmaakumaariyon ka baahar mein naam aisa hai। andar aakar dekhte hain to kehte hain, yeh bahut achha kaam kar rahe hain। yeh to manushya maatra ke character sudhaarte hain। devtaaon ka character dekho kaisa hai। sampoorn nirvikaari...... baap kehte hain kaam mahaashatru hain। in 5bhooton ke kaaran hi tumhaara character bigda hua hai। jis samay samjhaate hain us samay achha bante hain। baahar jaane se sab kuchh bhool jaata hai। tab kehte hain sau-sau kare shrringaar.......। yeh baba gaali nahin dete, samjhaate hain। daivi chalan rakho, krodh mein aakar bhaunkate kyon ho! svarga mein krodh hota nahin। baap kuchh bhi saamne samjhaate the, kabhi bhi gussa nahin aata tha। baba sab refine karke samjhaate hain। drama kaayde anusaar chalta rehta hai। drama mein koi bhool nahin hai। anaadi avinaashi bana hua hai। jo act achhi chalti hai phir 5 hazaar varsha ke baad hogi। kai kehte hain yeh pahaadi tooti phir kaise banegi। naatak dekho, mahal toote phir naatak repeat hoga to vahi bane hue mahal dekhenge। yeh hoobhu repeat hota rehta hai। samajhne ki bhi brain chaahiye। koi ki buddhi mein baithna bada mushkil hota hai। world ki history-geography hai na। raamraajya mein in devi-devtaaon ka raajya tha, unhon ki pooja hoti thi। baap ne samjhaaya hai tum hi poojya aur tum hi pujaari bante ho। ham so ka arth bhi bachchon ko samjhaaya hai। ham so devta, ham so kshatriy..... baajoli hai na। inko achhi tarah samajhna hai aur samjhaane ki koshish karni hai। baba aise nahin kehte dhandha chhodo। nahin। sirf satopradhaan banna hai, history-geography ka raaz samajhkar samjhaao। mool baat hai manamnaabhav। apne ko aatma samajh baap ko yaad karo to satopradhaan banenge। yaad ki yaatra hai number one। baap kehte hain main sab bachchon ko saath le jaaoonga। satayug mein kitne thode manushya hain। kaliyug mein itne dher manushya hain। kaun sabko vaapas le jaayega। itne saare jangal ki saphaai kisne ki? baagvaan, khivaiya baap ko hi kehte hain। vahi duhkh se chhudaakar us paar le jaate hain। padhaai kitni meethi lagti hai kyonki knowledge is source oph income। tumko kaaroon ka khajaana milta hai। bhakti mein kuchh nahin milta। yahaan paanv padne ki baat nahin। woh to guru ke aage so jaate hain, isse baap chhudaate hain। aise baap ko yaad karna chaahiye। woh hamaara baap hai, yeh samajh liya hai na। baba se varsa zaroor milta hai। woh khushi rehti hai। likhte hain ham saahookaar ke paas gaye to lajja aati thi, ham gareeb hain। baba kehte hain gareeb ho aur hi achha। saahookaar hote to yahaan aate hi nahin। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada isi khushi va nashe mein rehna hai ki abhi ham eeshvareey parivaar ke hain, svayan bhagwan humein padha rahe hain, unka pyaar humein mil raha hai, jis pyaar se ham devta banenge।

2) is bane-banaaye drama ko accurate samajhna hai, ismen koi bhool ho nahin sakti। jo act hui phir repeat hogi। is baat ko achhe dimaag se samajhkar chalo to kabhi gussa nahin aayega।

vardaan:- toofaan ko tohpha (gift) samajh sahaj cross karne vaale sampoorn aur sampanna bhav

jab sabhi ka lakshya sampoorn aur sampanna banne ka hai to chhoti-chhoti baaton mein ghabraao nahin। moorti ban rahe ho to kuchh hammer to lagenge hi। jo jitna aage hota hai usko toofaan bhi sabse jyaada cross karne hote hain lekin vo toofaan unhon ko toofaan nahin lagta, tohpha lagta hai। yeh toofaan bhi anubhvi banne ki gift ban jaate hain isliye vighnon ko welcome karo aur anubhvi bante aage badhte chalo।

slogan:- albelepan ko samaapta karna hai to svachintan mein rehte hue sva ki checking karo।