शुक्रवार 22 नवंबर 2024 की दैनिक मुरली

22-11-2024 praatahmurli om shanti "baapdaada"' madhuban

“meethe bachche - baap ki shreemat par chalna hi baap ka regard rakhna hai, manmat par chalne vaale disregard karte hain''

prashn:- grihastha vyavhaar mein rahne vaalon ko kis ek baat ke liye baba mana nahin karte lekin ek direction dete hain - woh kaun sa?

uttar:- baba kehte - bachche, tum bhal sabhi ke connection mein aao, koi bhi naukri aadi karo, samparka mein aana padta hai, rangeen kapde pahanne padte hain to pahno, baba ki mana nahin hai। baap to sirf direction dete hain - bachche, deh sahit deh ke sab sambandhon se mamatva nikaal mujhe yaad karo।

om shanti। shivbaaba baith bachchon ko samjhaate hain arthaat aapasmaan banaane ka purooshaartha karaate hain। jaise main gyaan ka saagar hoon vaise bachche bhi banen। yeh to meethe bachche jaante hain sab ek samaan nahin banenge। purooshaartha to harek ko apna-apna karna hota hai। school mein student to bahut padhte hain parantu sab ek samaan paas with honours nahin hote hain। phir bhi teacher purooshaartha karaate hain। tum bachche bhi purooshaartha karte ho। baap poochhte hain tum kya banenge? sab kahenge ham aaye hi hain nar se naaraayan, naari se lakshmi banne। yeh to theek hai parantu apni activities bhi dekho na। baap bhi oonch te oonch hai। teacher bhi hai, guru bhi hai। is baap ko koi jaante nahin। tum bachche jaante ho shivbaaba hamaara baba bhi hai, teacher bhi hai, satguru bhi hai। parantu woh jaisa hai vaisa unko jaanna bhi mushkil hai। baap ko jaanenge to teechrapna bhool jaayega, phir guroopna bhool jaayega। regard bhi baap ka bachchon ko rakhna hota hai। regard kisko kaha jaata hai? baap jo padhaate hain woh achhi reeti padhte hain goya regard rakhte hain। baap to bahut meetha hai। andar mein bahut khushi ka paara chadha rehna chaahiye। kaapaari khushi rahni chaahiye। harek apne se poochhe - hamko aisi khushi hai? ek samaan sab to rah nahin sakte। padhaai mein bhi vast different hai। un school mein bhi kitna farka rehta hai। woh to common teacher padhaate hain, yeh to hai uncommon। aisa teacher koi hota hi nahin। kisko yeh pata hi nahin hai ki niraakaar father teacher bhi bante hain। bhal shreekrishna ka naam diya hai parantu unko pata hi nahin ki woh father kaise ho sakta। shreekrishna to devta hai na। yoon to krishna naam bhi bahuton ka hai। parantu krishna kahne se hi shreekrishna saamne aa jaayega। woh to dehdhaari hai na। tum jaante ho yeh shareer unka nahin hai। khud kehte hain - mainne loan liya hai। yeh pahle bhi manushya tha, ab bhi manushya hai। yeh bhagwan nahin hai। woh to ek hi niraakaar hai। ab tum bachchon ko kitne raaz samjhaate hain। parantu phir bhi final hi baap samajhna, teacher samajhna yeh abhi ho nahin sakta, ghadi-ghadi bhool jaayenge। dehdhaari taraph buddhi chali jaati hai। final baap, baap, teacher, satguru hai - yeh nishchay, buddhi mein abhi nahin hai। abhi to bhool jaate hain। students kabhi teacher ko bhoolenge kya! hostel mein jo rehte hain woh to kabhi nahin bhoolenge। jo student hostel mein rehte hain unhein to pakka hoga na। yahaan to woh bhi pakka nishchay nahin hai। nambarvaar purooshaartha anusaar hostel mein baithe hain to zaroor students hain parantu yeh pakka nishchay nahin hai, jaante hain sab apne-apne purooshaartha anusaar pad le rahe hain। us padhaai mein to phir bhi koi barrister bante hain, engineer bante hain, doctor bante hain। yahaan to tum vishwa ke maalik ban rahe ho। to aise student ki buddhi kaisi honi chaahiye। chalan, vaartaalaap kaisa achha hona chaahiye।

baap samjhaate hain - bachche, tumko kabhi rona nahin hai। tum vishwa ke maalik bante ho, yaahusen nahin machaani chaahiye। yaahusen machaana - yeh hai highest rona। baap to kehte hain jin roya tin khoya… vishwa ki oonch te oonch baadshaahi ganva baithte hain। kehte to hain ham nar se naaraayan banne aaye hain parantu chalan kahaan! nambarvaar purooshaartha anusaar sab purooshaartha kar rahe hain। koi to achhi reeti paas ho scholarship le lete hain, koi naapaas ho jaate hain। nambarvaar to hote hi hain। tumhaare mein bhi koi to padhte hain, koi padhte bhi nahin hain। jaise gaanv vaalon ko padhna achha nahin lagta hai। ghaas kaatne liye bolo to khushi se jaayenge। usmein svatantra life samajhte hain। padhna bandhan samajhte hain, aise bhi bahut hote hain। saahookaaron mein jameendaar log bhi kam nahin hote hain। apne ko independent bada khushi mein samajhte hain। naukri naam to nahin hai na। aapheesri aadi mein to manushya naukri karte hain na। abhi tum bachchon ko baap padhaate hain vishwa ka maalik banaane। naukri ke liye nahin padhaate। tum to is padhaai se vishwa ka maalik banne vaale ho na। badi oonchi padhaai thahri। tum to vishwa ke maalik bilkul independent ban jaate ho। baat kitni simple hai। ek hi padhaai hai jisse tum itne oonch mahaaraaja-mahaaraani bante ho so bhi pavitra। tum to kehte ho koi bhi dharma vaala ho, aakar padhe। samjhenge yeh padhaai to bahut oonchi hai। vishwa ke maalik bante ho, yeh to baap padhaate hain। tumhaari ab buddhi kitni vishaal bani hai। had ki buddhi se behad ki buddhi mein aaye ho nambarvaar purooshaartha anusaar। kitni khushi rehti hai - ham sab auron ko vishwa ka maalik banaave। vaastav mein naukri to bhal vahaan bhi hoti hai, daas-daasiyaan, naukar aadi to chaahiye na। padhe ke aage anapdhe bhari dhoyenge isliye baap kehte hain achhi reeti padho to tum yeh ban sakte ho। kehte bhi hain ham yeh banenge। parantu padhenge nahin to kya banenge। nahin padhte hain to phir baap ko itna regard se yaad nahin karte hain। baap kehte hain jitna tum yaad karenge to tumhaare vikarma vinaash honge। bachche kehte hain baba jaise aap chalaao, baap bhi mat in dvaara hi denge na। parantu inki mat bhi lete nahin, phir bhi puraani sadi hui manushya mat par hi chalte hain। dekhte bhi hain shivbaaba is rath dvaara mat dete hain phir bhi apni mat par chalte hain। jisko paai-paise ki kaudi jaisi mat kahen, us par chalte hain। raavan ki mat par chalte-chalte is samay kaudi misal ban gaye hain। ab raam shivbaaba mat dete hain। nishchay mein hi vijay hai, ismen kabhi nuksaan nahin hoga। nuksaan ko bhi baap phaayde mein badal denge। parantu nishchaybuddhi vaalon ko। sanshay-buddhi vaale andar ghutka khaate rahenge। nishchaybuddhi vaalon ko kabhi ghutka, kabhi ghaata pad nahin sakta। baba khud guarantee karte hain - shreemat par chalne se kabhi akalyaan ho nahin sakta। manushya mat ko dehdhaari ki mat kaha jaata hai। yahaan to hai hi manushya mat। gaaya bhi jaata hai - manushya mat, eeshvareey mat aur daivi mat। ab tumhein eeshvareey mat mili hai, jisse tum manushya se devta bante ho। phir vahaan to svarga mein tum sukh hi paate ho। koi duhkh ki baat nahin। woh bhi sthaai sukh ho jaata hai। is samay tumko feeling mein laana hota hai, bhavishya ki feeling aati hai।

abhi yeh hai purooshottam sangamayug, jabki shreemat milti hai। baap kehte hain main kalpa-kalpa, kalpa ke sangamayug par aata hoon, usko tum jaante ho। unki mat par tum chalte ho। baap kehte hain - bachche, grihastha vyavhaar mein bhal raho, kaun kehta hai tum kapde aadi badli karo। bhal kuchh bhi pahno। bahuton se connection mein aana padta hai। rangeen kapdon ke liye koi mana nahin karte hain। koi bhi kapda pahno, inse koi tailuk nahin। baap kehte hain deh sahit deh ke sab sambandh chhodo। baaki pahno sab kuchh। sirf apne ko aatma samajh baap ko yaad karo, yeh pakka nishchay karo। yeh bhi jaante ho aatma hi patit aur paavan banti hai, mahaatma ko bhi mahaan aatma kahenge, mahaan paramatma nahin kahenge। kehna bhi shobhta nahin। kitni achhi points hain samajhne ki। satguru sarva ko sadgati dene vaala to ek hi baap hai। vahaan kabhi akaale mrityu hoti nahin। abhi tum bachche samajhte ho baba hamko phir se aisa devta banaate hain। aage yeh buddhi mein nahin tha। kalpa ki aayu kitni hai, yeh bhi nahin jaante the। abhi to saari smriti aai hai। yeh bhi bachche samajhte hain aatma ko hi paap aatma, punya aatma kaha jaata hai। paap paramatma kabhi nahin kaha jaata। phir koi kahe paramatma sarvavyaapi hai to bhi kitni besamjhi hai। yeh baap hi baith samjhaate hain। abhi tum jaante ho 5 hazaar varsha ke baad paap aatmaon ko punya aatma baap hi aakar banaate hain। ek ko nahin, sab bachchon ko banaate hain। baap kehte hain tum bachchon ko banaane vaala main hi behad ka baap hoon। zaroor bachchon ko behad ka sukh doonga। satayug mein hoti hi hain pavitra aatmaayen। raavan par jeet paane se hi tum punya aatma ban jaate ho। tum feel karte ho, maaya kitne vighna daalti hai। ekdam naak mein dam kar deti hai। tum samajhte ho maaya se yuddha kaise chalti hai। unhonne phir kaurvon aur paandavon ki yuddha, lashkar aadi kya-kya baith dikhaaye hain। is yuddha ka kisko bhi pata nahin। yeh hai gupta। inko tum hi jaante ho। maaya se ham aatmaon ko yuddha karni hai। baap kehte hain sabse bada tumhaara dushman hai hi kaam। yogbal se tum is par vijay paate ho। yogbal ka arth bhi koi nahin samajhte hain। jo satopradhaan the vahi tamopradhaan bane hain। baap khud kehte hain bahut janmon ke ant mein main inmen pravesh karta hoon। vahi tamopradhaan bana hai, tatatvam। baba ek ko thode hi kahenge। nambarvaar sabko kehte hain। nambarvaar kaun-kaun hain, yahaan tumko pata pada hai। aage chal tumko bahut pata padega। maala ka tumko saakshaatkaar karaayenge। school mein jab transfer hote hain to sab maaloom pad jaata hai na। result saari nikal aati hai।

baba ne bachchi se poochha - tumhaare imtahaan ke paper kahaan se aate hain? boli London se। ab tumhaare papers kahaan se niklenge? oopar se। tumhaara paper oopar se aayega। sab saakshaatkaar karenge। kaisi wonderful padhaai hai। kaun padhaate hain, kisko pata nahin hai। shreekrishna bhagvaanuvaach kah dete hain। padhaai mein sab nambarvaar hain। to khushi bhi nambarvaar hogi। yeh jo gaayan hai ateendriy sukh gop-gopiyon se poochho - yeh pichhaadi ki baat hai। baap ne samjhaaya hai, bhal baba jaante hain - yeh bachche kabhi girne vaale nahin hain parantu phir bhi pata nahin kya hota hai। padhaai hi nahin padhte hain, takdeer mein nahin hai। thoda hi unko kaha jaae ki jaakar apna ghar basaao us duniya mein, to jhat chale jaayenge। kahaan se nikal kahaan chale jaate hain। unki chalan, bolna, karna hi aisa hota hai। samajhte hain hamko agar itna mile to ham jaakar alag rahen। chalan se samjha jaata hai। iska matlab nishchay nahin, laachaari baithe hain। bahut hain jo gyaan ka “ga'' bhi nahin jaante। kabhi baithte bhi nahin। maaya padhne nahin deti। aise sab centres par hain। kabhi padhne aate nahin। wonder hai na। kitni oonchi knowledge hai। bhagwan padhaate hain। baba kahe yeh kaam na karo, maanenge nahin। zaroor ulta kaam karke dikhaayenge। raajdhaani sthaapan ho rahi hai, usmein to har prakaar ke chaahiye na। oopar se lekar neeche tak sab bante hain। martabe mein farka to rehta hai na। yahaan bhi nambarvaar martabe hain। sirf farka kya hai? vahaan aayu badi aur sukh rehta hai। yahaan aayu chhoti aur duhkh hai। bachchon ki buddhi mein yeh wonderful baaten hain। kaisa yeh drama bana hua hai। phir kalpa-kalpa ham vahi part bajaayenge। kalpa-kalpa bajaate rehte hain। itni chhoti-si aatma mein kitna part bhara hua hai। vahi features, vahi activity..... yeh srishti ka chakra phirta hi rehta hai। bani banaai ban rahi...... yeh chakra phir bhi repeat hoga। satopradhaan, sato, rajo, tamo mein aayenge। ismen moonjhane ki baat nahin। achha, apne ko aatma samajhte ho? aatma ka baap shivbaaba hai yeh to samajhte ho na। jo satopradhaan bante hain vahi phir tamopradhaan bante hain phir baap ko yaad karo to satopradhaan ban jaayenge। yeh to achha hai na। bas yahaan tak hi thahra dena chaahiye। bolo, behad ka baap yeh svarga ka varsa dete hain। vahi patit-paavan hai। baap knowledge dete hain, ismen shaastron aadi ki to baat hi nahin। shaastra shuru mein kahaan se aayenge। yeh to jab bahut ho jaate hain tab baad mein baith shaastra banaate hain। satayug mein shaastra hote nahin। parampara to koi cheez hoti nahin। naam roop to badal jaayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi yaahusain nahin machaana hai। buddhi mein rahe ham vishwa ka maalik banne vaale hain, hamaari chalan, vaartaalaap bahut achha hona chaahiye। kabhi bhi rona nahin hai।

2) nishchaybuddhi ban ek baap ki mat par chalte rehna hai, kabhi moonjhana va ghutka nahin khaana hai। nishchay mein hi vijay hai, isliye apni paai-paise ki mat nahin chalaani hai।

vardaan:- kisi bhi paristhiti mein fullstop lagaakar svayan ko parivartan karne vaale sarva ki duaaon ke paatra bhav

kisi bhi paristhiti mein fullstop tab laga sakte hain jab bindu swaroop baap aur bindu swaroop aatma donon ki smriti ho। controlling power ho। jo bachche kisi bhi paristhiti mein svayan ko parivartan kar fullstop lagaane mein svayan ko pahle offer karte hain, woh duaaon ke paatra ban jaate hain। unhein svayan ko svayan bhi duaayen arthaat khushi milti hai, baap dvaara aur brahman parivaar dvaara bhi duaayen milti hain।

slogan:- slogan:- jo sankalp karte ho use beech-beech mein dridhta ka thappa lagaao to vijayi ban jaayenge।