गुरुवार 28 नवंबर 2024 की दैनिक मुरली

28-11-2024 praatahmurli om shanti "baapdaada"' madhuban

“meethe bachche - tumhein ek baap se hi sunna hai aur sun karke doosron ko sunaana hai''

prashn:- baap ne tum bachchon ko kaun-si samajh di hai, jo doosron ko sunaani hai?

uttar:- baba ne tumhein samajh di ki tum aatmaayen sab bhaai-bhaai ho। tumhein ek baap ki yaad mein rehna hai। yahi baat tum sabhi ko sunaao kyonki tumhein saare vishwa ke bhaaeeyon ka kalyaan karna hai। tum hi is seva ke nimitta ho।

om shanti। om shanti aksar karke kyon kaha jaata hai? yeh hai parichay dena - aatma ka parichay aatma hi deti hai। baat-cheet aatma hi karti hai shareer dvaara। aatma bigar to shareer kuchh kar nahin sakta। to yeh aatma apna parichay deti hai। ham aatma hain parampita paramatma ki santaan hain। woh to kah dete aham aatma so paramatma। tum bachchon ko yeh sab baaten samjhaai jaati hain। baap to bachche-bachche hi kahenge na। roohaani baap kehte hain - he roohaani bachchon, in organs dvaara tum samajhte ho। baap samjhaate hain pahle-pahle hai gyaan phir hai bhakti। aise nahin ki pahle bhakti, peechhe gyaan hai। pahle hai gyaan din, bhakti hai raat। phir peechhe din kab aaye? jab bhakti ka vairaagya ho। tumhaari buddhi mein yeh rehna chaahiye। gyaan aur vigyaan hai na। abhi tum gyaan ki padhaai padh rahe ho। phir satayug-treta mein tumko gyaan ki praalabdha milti hai। gyaan baba abhi dete hain jiski praalabdha phir satayug mein hogi। yeh samajhne ki baaten hain na। abhi baap tumko gyaan de rahe hain। tum jaante ho phir ham gyaan se pare vigyaan apne ghar shanti-dhaam mein jaayenge। usko na gyaan, na bhakti kahenge। usko kaha jaata hai vigyaan। gyaan se pare shantidham mein chale jaate hain। yeh sab gyaan buddhi mein rakhna hai। baap gyaan dete hain - kahaan ke liye? bhavishya nai duniya ke liye dete hain। nai duniya mein jaayenge to pahle apne ghar zaroor jaayenge। muktidhaam mein jaana hai। jahaan ki aatmaayen rahvaasi hain vahaan to zaroor jaayenge na। yeh nai-nai baaten tum hi sunte ho aur koi samajh nahin sakte। tum samajhte ho ham aatmaayen spiritual father ke spiritual bachche hain। roohaani bachchon ko zaroor roohaani baap chaahiye। roohaani baap aur roohaani bachche। roohaani bachchon ka ek hi roohaani baap hai। woh aakar knowledge dete hain। baap kaise aate hain - woh bhi samjhaaya hai। baap kehte hain mujhe bhi prakriti dhaaran karni padti hai। abhi tumko baap se sunna hi sunna hai। sivaae baap ke aur koi se sunna nahin hai। bachche sunkar phir aur bhaaeeyon ko sunaate hain। kuchh na kuchh sunaate zaroor hain। apne ko aatma samjho, baap ko yaad karo kyonki vahi patit-paavan hai। buddhi vahaan chali jaati hai। bachchon ko samjhaane se samajh jaate hain kyonki pahle besmajh the। bhakti maarga mein besamjhaai se raavan ke chambe mein aane se kya karte hain! kaise chhi-chhi ban jaate hain! sharaab peene se kya ban jaate hain? sharaab gandagi ko aur hi phailaati hai। abhi tum bachchon ki buddhi mein hai ki behad ke baap se hamko varsa lena hai। kalpa-kalpa lete aaye hain isliye daiveegun bhi zaroor dhaaran karne hain। shreekrishna ke daiveegunon ki kitni mahima hai। vaikuntha ka maalik kitna meetha hai। abhi shreekrishna ki dynasty nahin kahenge। dynasty vishnu athva lakshmi-naaraayan ki kahenge। abhi tum bachchon ko maaloom hai baap hi satayugi raajaai ki dynasty sthaapan karte hain। yeh chitra aadi bhal na bhi ho to bhi samjha sakte hain। mandir to bahut bante rehte hain, jinmen gyaan hai woh auron ka bhi kalyaan karne, aapasmaan banaane bhaagte rahenge। apne ko dekhna hai hamne kitnon ko gyaan sunaaya hai! koi-koi ko jhat gyaan ka teer lag jaata hai। bheeshma pitaamah aadi ne bhi kaha hai na - hamko kumaariyon ne gyaan baan maara। yeh sab pavitra kumaar-kumaariyaan hain arthaat bachche hain। tum sab bachche ho isliye kehte ho ham brahma ke bachche kumaar-kumaariyaan bhaai-behen hain। yeh pavitra naata hota hai। so bhi adopted children hain। baap ne adopt kiya hai। shivbaaba ne adopt kiya hai prajaapita brahma dvaara। vaastav mein adopt akshar bhi nahin kahenge। shivbaaba ke bachche to hain hi। sab mujhe bulaate hain shivbaaba, shivbaaba aao। parantu samajh kuchh nahin hai। sab aatmaayen shareer dhaaran kar part bajaati hain। to shivbaaba bhi zaroor shareer dvaara part bajaayenge na। shivbaaba part na bajaave phir to koi kaam ka na raha। value hi nahin hoti। unki value hi tab hoti hai jabki saari duniya ko sadgati mein pahunchaate hain tab unki mahima bhaktimaarga mein gaate hain। sadgati ho jaati hai phir peechhe to baap ko yaad karne ki darkaar hi nahin rehti। woh sirf god father kehte hain to phir teacher gum ho jaata। kahne maatra rah jaata ki parampita paramatma paavan banaane vaala hai। woh sadgati karne vaala bhi nahin kehte। bhal gaayan mein aata hai - sarva ka sadgati daata ek hai। parantu bigar arth kah dete hain। abhi tum jo kuchh kehte ho so arth sahit। samajhte ho bhakti ki raat alag hai, gyaan din alag hai। din ka bhi time hota hai। bhakti ka bhi time hota hai। yeh behad ki baat hai। tum bachchon ko knowledge mili hai behad ki। aadhaakalpa hai din, aadhaakalpa hai raat। baap kehte hain main bhi aata hoon raat ko din banaane।

tum jaante ho aadhaakalpa hai raavan ka raajya, usmein anek prakaar ke duhkh hain phir baap nai duniya sthaapan karte hain to usmein sukh hi sukh milta hai। kaha bhi jaata hai yeh sukh aur duhkh ka khel hai। sukh maana raam, duhkh maana raavan। raavan par jeet paate ho to phir raamraajya aata hai, phir aadhaakalpa baad raavan, raamraajya par jeet pahan raajya karte hain। tum abhi maaya par jeet paate ho। akshar by akshar tum arth sahit kehte ho। yeh tumhaari hai eeshvareey bhaasha। yeh koi samjhega thode hi। eeshvar kaise baat karte hain। tum jaante ho yeh god father ki bhaasha hai kyonki god father knowledgeful hai। gaaya bhi jaata hai woh gyaan ka saagar knowledgeful hai to zaroor kisko to knowledge denge na। abhi tum samajhte ho kaise baba knowledge dete hain। apni bhi pahchaan dete hain aur srishti chakra ka bhi knowledge dete hain। jo knowledge lene se ham chakravarti raaja bante hain। svadarshan chakra hai na। yaad karne se hamaare paap katte jaate hain। yeh hai tumhaara ahinsak chakra yaad ka। woh chakra hai hinsak, sir kaatne ka। woh agyaani manushya ek-do ka sir kaatte rehte hain। tum is svadarshan chakra ko jaanne se baadshaahi paate ho। kaam mahaashatru hai, jisse aadi, madhya, ant duhkh milta hai। woh hai duhkh ka chakra। tumko baap yeh chakra ka knowledge samjhaate hain। svadarshan chakradhaari bana dete hain। shaastron mein to kitni kathaayen bana di hain। tumko abhi woh sab bhoolna padta hai। sirf ek baap ko yaad karna hai kyonki baap se hi svarga ka varsa lenge। baap ko yaad karna hai aur varsa lena hai। kitna sahaj hai। behad ka baap nai duniya sthaapan karte hain to varsa lene ke liye hi yaad karte ho। yeh hai manamnaabhav, madhyaaji bhav। baap aur varse ko yaad karte, bachchon ko khushi ka paara chadha rehna chaahiye। ham behad ke baap ke bachche hain। baap svarga ki sthaapna karte hain, ham maalik the phir zaroor honge। phir tum hi narkavaasi hue ho। satopradhaan the, ab tamopradhaan bane ho। bhakti maarga mein bhi ham hi aaye hain। all-round chakra lagaaya hai। ham hi bhaaratvaasi soorya-vanshi the phir chandravanshi, vaishya vanshi… ban neeche gire hain। ham bhaaratvaasi devi-devta the phir ham hi gire hain। tumko abhi saara maaloom padta hai। vaam maarga mein jaate to kitna chhi-chhi ban jaate ho। mandir mein bhi aise chhi-chhi chitra banaaye hue hain। aage ghadiyaan bhi aise chitron vaali banaate the। ab tum samajhte ho ham kitne gul-gul the phir ham hi punarjanma lete-lete kitne chhi-chhi bante hain। yeh satayug ke maalik the to daivi gunon vaale manushya the। abhi aasuri gunon vaale bane hain aur koi farka nahin hai। poonchh vaale va soondh vaale manushya hote nahin hain। devtaaon ki sirf yeh nishaaniyaan hain। baaki to svarga praayah lop ho gaya hai sirf yeh chitra nishaani hain। chandravanshiyon ki bhi nishaani hai। abhi tum maaya par jeet paane ke liye yuddha karte ho। yuddha karte-karte fail ho jaate hain to unki nishaani teer kamaan hai। bhaaratvaasi vaastav mein hain hi devi-devta gharaane ke। nahin to kis gharaane ke gine jaaen। parantu bhaaratvaasiyon ko apne gharaane ka maaloom na hone kaaran hindu kah dete hain। nahin to vaastav mein tumhaara hai hi ek gharaana। bhaarat mein hain sab devta gharaane ke, jo behad ka baap sthaapan karte hain। shaastra bhi bhaarat ka ek hi hai। deity dynasty ki sthaapna hoti hai, phir unmein bhinna-bhinna branches ho jaati hain। baap sthaapan karte hain devi-devta dharma। mukhya hain 4 dharma। foundation devi-devta dharma ka hi hai। rahne vaale sab muktidhaam ke hain। phir tum apne devtaaon ki branches mein chale jaayenge। bhaarat ki boundary ek hi hai aur koi dharma ki nahin hai। yeh hain asul devta dharma ke। phir unse aur dharma nikle hain drama ke plan anusaar। bhaarat ka asul dharma hai hi deity, jo sthaapan karne vaala bhi hai baap। phir naye-naye patte nikalte hain। yeh saara eeshvareey jhaad hai। baap kehte hain main is jhaad ka beejroop hoon। yeh foundation hai phir unse tubes nikalti hain। mukhya baat hai hi ham sab aatmaayen bhaai-bhaai hain। sab aatmaon ka baap ek hi hai, sabhi unko yaad karte hain। ab baap kehte hain in aankhon se tum jo kuchh dekhte ho unko bhool jaana hai। yeh hai behad ka vairaagya, unka hai had ka। sirf gharbaar se vairaagya aa jaata hai। tumko to is saari puraani duniya se vairaagya hai। bhakti ke baad hai vairaagya puraani duniya ka। phir ham nai duniya mein jaayenge via shantidham। baap bhi kehte hain yeh puraani duniya bhasma honi hai। is puraani duniya se ab dil nahin lagaani hai। rehna to yahaan hi hai, jab tak laayak ban jaayen। hisaab-kitaab sab chuktu karna hai।

tum aadhaakalpa ke liye sukh jama karte ho। unka naam hi hai shantidham, sukhdhaam। pahle sukh hota hai, peechhe duhkh। baap ne samjhaaya hai, jo bhi nai-nai aatmaayen oopar se aati hain, jaise Christ ki aatma aai, unko pahle duhkh nahin hota hai। khel hai hi pahle sukh, peechhe duhkh। naye-naye jo aate hain woh hain satopradhaan। jaise tumhaara sukh ka andaaj jaasti hai, vaise sabka duhkh ka andaaj jaasti hai। yeh sab buddhi se kaam liya jaata hai। baap aatmaon ko baith samjha rahe hain। woh phir aur aatmaon ko samjhaate hain। baap kehte hain mainne yeh shareer dhaaran kiya hai। bahut janmon ke ant mein arthaat tamopradhaan shareer mein main pravesh karta hoon। phir unko hi first number mein jaana hai। first so last, last so first। yeh bhi samjhaana padta hai। first ke peechhe phir kaun? mama। unka part hona chaahiye। usne bahuton ko shiksha di hai। phir tum bachchon mein nambarvaar hain jo bahuton ko shiksha dete, padhaate hain। phir woh padhne vaale bhi aisi koshish karte hain jo tumse bhi oonch chale jaate hain। bahut centres par aise hain jo padhaane vaali teacher se oonch chale jaate hain। ek-ek ko dekha jaata hai। sabki chalan se maaloom to padta hai na। koi-koi ko to maaya aisa naak se pakad leti hai jo ekdam khalaas kar deti hai। vikaar mein gir padte hain। aage chalkar tum bahuton ka sunte rahenge। wonder khaayenge, yeh to hamko gyaan deti thi, phir yeh kaise chali gai। hamko kehti thi pavitra bano aur khud phir chhi-chhi ban gai। samjhenge to zaroor na। bahut chhi-chhi ban jaate hain। baba ne kaha hai bade-bade achhe mahaarthiyon ko bhi maaya jor se phathkaayegi। jaise tum maaya ko phathkaakar jeet pahante ho, maaya bhi aise karegi। baap ne kitne achhe-achhe first class, ramneek naam bhi rakhe। parantu aho maaya, aashcharyavat sunanti, kathanti, phir bhaaganti..... giranti ho gaye। maaya kitni jabardasta hai isliye bachchon ko bahut khabardaar rehna hai। yuddha ka maidaan hai na। maaya ke saath tumhaari kitni badi yuddha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yahaan hi sab hisaab-kitaab chuktu kar aadhaakalpa ke liye sukh jama karna hai। is puraani duniya se ab dil nahin lagaani hai। in aankhon se jo kuchh dikhaai deta hai, use bhool jaana hai।

2) maaya badi jabardasta hai, usse khabardaar rehna hai। padhaai mein gallop kar aage jaana hai। ek baap se hi sunna aur unse hi suna hua doosron ko sunaana hai।

vardaan:- behad ki drishti, vritti aur sthiti dvaara sarva ke priy banne vaale double light pharishta bhav

pharishte sabhi ko bahut pyaare lagte hain kyonki pharishta sarva ka hota hai, ek do ka nahin। behad ki drishti, vritti aur behad ki sthiti vaala pharishta sarva aatmaon ke prati parmaatma sandesh vaahak hai। pharishta arthaat double light, sarva ka rishta ek baap se jutaane vaala, deh aur deh ke sambandh se nyaara, svayan ko aur sarva ko apne chalan aur chehre dvaara baap samaan banaane vaala, sarva ke prati kalyaankaari। aise pharishte hi sabke pyaare hain।

slogan:- jab aapki soorat se baap ki seerat dikhaai degi tab samaapti hogi।