गुरुवार 5 दिसंबर 2024 की दैनिक मुरली

05-12-2024 praatahmurli om shanti "baapdaada"' madhuban

“meethe bachche - tumhein jo bhi gyaan milta hai, us par vichaar saagar manthan karo, gyaan manthan se hi amrit niklega''

prashn:- 21 janmon ke liye maalaamaal banne ka saadhan kya hai?

uttar:- gyaan ratna। jitna tum is purooshottam sangamayug par gyaan ratna dhaaran karte ho utna maalaamaal bante ho। abhi ke gyaan ratna vahaan heere javaahraat ban jaate hain। jab aatma gyaan ratna dhaaran kare, mukh se gyaan ratna nikaale, ratna hi sune aur sunaaye tab unke harshit chehre se baap ka naam baala ho। aasuri gun niklen tab maalaamaal banen।

om shanti। baap bachchon ko gyaan aur bhakti par samjhaate hain। yeh to bachche samajhte hain ki satayug mein bhakti nahin hoti। gyaan bhi satayug mein nahin milta। shreekrishna na bhakti karte hain, na gyaan ki murli bajaate hain। murli maana gyaan dena। gaayan hai na murli mein jaadu। to zaroor koi jaadu hoga na। sirf murli bajaana yeh common baat hai। phakeer log bhi murli bajaate hain। ismen to gyaan ka jaadu hai। agyaan ko jaadu nahin kahenge। manushya samajhte hain shreekrishna murli bajaata tha, unki bahut mahima karte hain। baap kehte hain shreekrishna to devta tha। manushya se devta, devta se manushya, yeh hota hi rehta hai। daivi srishti bhi hoti hai to manushya srishti bhi hoti hai। is gyaan se manushya se devta bante hain। jab satayug hai to yeh gyaan ka varsa hai। satayug mein bhakti hoti nahin। devta jab manushya bante hain tab bhakti shuru hoti hai। manushya ko vikaari, devtaaon ko nirvikaari kaha jaata hai। devtaaon ki srishti ko pavitra duniya kaha jaata hai। abhi tum manushya se devta ban rahe ho। devtaaon mein phir yeh gyaan hoga nahin। devtaayen sadgati mein hain, gyaan chaahiye durgati vaalon ko। is gyaan se hi daivi gun aate hain। gyaan ki dhaarna vaalon ki chalan devtaai hoti hai। kam dhaarna vaalon ki chalan mix hoti hai। aasuri chalan to nahin kahenge। dhaarna nahin to hamaare bachche kaise kahlaayenge। bachche baap ko nahin jaante to baap bhi bachchon ko kaise jaanenge। kitni kachchi-kachchi gaaliyaan baap ko dete hain। bhagwan ko gaali dena kitna kharaab hai। phir jab woh brahman bante to gaali dena banda ho jaata hai। to is gyaan ka vichaar saagar manthan karna chaahiye। student vichaar saagar manthan kar gyaan ko unnati mein laate hain। tumko yeh gyaan milta hai, us par apna vichaar saagar manthan karne se amrit niklega। vichaar saagar manthan nahin hoga to kya manthan hoga? aasuri vichaar manthan, jisse kichda hi nikalta hai। abhi tum eeshvareey student ho। jaante ho manushya se devta banne ki padhaai baap padha rahe hain। devta to nahin padhaayenge। devtaaon ko kabhi gyaan ka saagar nahin kaha jaata hai। baap hi gyaan ka saagar hai। to apne se poochhna chaahiye hamaare mein sabhi daivi gun hain? agar aasuri gun hain to use nikaal dena chaahiye tab hi devta banenge।

abhi tum ho purooshottam sangamayug par। purooshottam ban rahe ho to vaataavran bhi bahut achha hona chaahiye। chhi-chhi baaten mukh se nahin nikalni chaahiye। nahin to kaha jaayega kam darje ka hai। vaataavran se jhat pata pad jaata hai। mukh se vachan hi duhkh dene vaale nikalte hain। tum bachchon ko baap ka naam baala karna hai। sadaiv mukhda harshit rehna chaahiye। mukh se sadaiv ratna hi niklen। yeh lakshmi-naaraayan kitne harshitmukh hain, inki aatma ne gyaan ratna dhaaran kiye the। mukh se yeh ratna nikaale the। ratna hi sunte sunaate the। kitni khushi rahni chaahiye। abhi tum jo gyaan ratna lete ho woh phir sachche heere-javaahraat ban jaate hain। 9 ratnon ki maala koi heere-javaahraat ki nahin, in chaitanya ratnon ki maala hai। manushya log phir woh ratna samajh angoothiyaan aadi pahante hain। gyaan ratnon ki maala is purooshottam sangamayug par hi banti hai। yeh ratna hi 21 janmon ke liye maalaamaal bana dete hain, jisko koi loot na sake। yahaan pahno to jhat koi loot leve। to apne ko bahut-bahut samajhdaar banaana hai। aasuri gunon ko nikaalna hai। aasuri gun vaale ki shakla hi aisi ho jaati hai। krodh mein to laal taamba misal ho jaate hain। kaam vikaar vaale to ekdam kaale munh vaale ban jaate hain। shreekrishna ko bhi kaala dikhaate hain na। vikaaron ke kaaran hi gore se saanvara ban gaya। tum bachchon ko har ek baat ka vichaar saagar manthan karna chaahiye। yeh padhaai hai bahut dhan paane ki। tum bachchon ka suna hua hai, queen Victoria ka vajeer pahle bahut gareeb tha। deeva jalaakar padhta tha। parantu woh padhaai koi ratna thode hi hain। knowledge padhkar poora position pa lete hain। to padhaai kaam aai, na ki paisa। padhaai hi dhan hai। woh hai had ka, yeh hai behad ka dhan। abhi tum samajhte ho baap hamko padhaakar vishwa ka maalik bana dete hain। vahaan to dhan kamaane ke liye padhaai nahin padhenge। vahaan to abhi ke purooshaartha se akeechaar (athaah) dhan milta hai। dhan avinaashi ban jaata hai। devtaaon ke paas bahut dhan tha phir jab vaam maarga, raavan raajya mein aate hain to bhi kitna dhan tha। kitne mandir banvaaye। phir baad mein musalmaanon ne loota। kitne dhanvaan the। aajkal ki padhaai se itna dhanvaan nahin ban sakte hain। to is padhaai se dekho manushya kya ban jaate hain! gareeb se saahookaar। abhi bhaarat dekho kitna gareeb hai! naam ke saahookaar bhi jo hain, unko to phursat hi nahin। apne dhan, position ka kitna ahankaar rehta hai। ismen ahankaar aadi mit jaana chaahiye। ham aatma hain, aatma ke paas dhan-daulat, heere-javaahraat aadi kuchh bhi nahin hain।

baap kehte hain meethe bachche, deh sahit deh ke sabhi sambandh chhodo। aatma shareer chhodti hai to phir saahookaari aadi sab khatma ho jaati hai। phir jab nayesir se padhe, dhan kamaaye tab dhanvaan banen ya to daan-punya achha kiya hoga to saahookaar ke ghar mein janma lenge। kehte hain yeh past karmon ka phal hai। knowledge ka daan diya hai va college dharmashaala aadi banaai hai, to uska phal milta hai parantu alpakaal ke liye। yeh daan-punya aadi bhi yahaan kiya jaata hai। satayug mein nahin kiya jaata hai। satayug mein achhe hi karma hote hain, kyonki abhi ka varsa mila hua hai। vahaan koi bhi karma vikarma nahin banega kyonki raavan hi nahin। vikaar mein jaane se vikaari karma ban jaate hain। vikaar se vikarma bante hain। svarga mein vikarma koi hota nahin। saara madaar karmon par hai। yeh maaya raavan avguni banaata hai। baap aakar sarvagun sampanna banaate hain। raam vanshi aur raavan vanshi ki yuddha chalti hai। tum raam ke bachche ho, kitne achhe-achhe bachche maaya se haar kha lete hain। baba naam nahin batlaate hain, phir bhi ummeed rakhte hain। adham te adham ka uddhaar karna hota hai। baap ko saare vishwa ka uddhaar karna hai। raavan ke raajya mein sabhi adham gati ko paaye hue hain। baap to bachne aur bachaane ki yuktiyaan roz-roz samjhaate rehte hain phir bhi girte hain to adham te adham ban jaate hain। woh phir itna chadh nahin sakte hain। woh adhmapna andar khaata rahega। jaise kehte ho antakaal jo… unki buddhi mein woh adhmapna hi yaad aata rahega।

to baap baith bachchon ko samjhaate hain - kalpa-kalpa tum hi sunte ho, srishti ka chakra kaise phirta hai, jaanvar to nahin jaanenge na। tum hi sunte ho aur samajhte ho। manushya to manushya hi hain, in lakshmi-naaraayan ko bhi naak-kaan aadi sabhi hain phir bhi manushya hain na। parantu daiveegun hain isliye unhein devta kaha jaata hai। yeh aisa devta kaise bante hain phir kaise girte hain, is chakra ka tumhein hi pata hai। jo vichaar saagar manthan karte rahenge, unko hi dhaarna hogi। jo vichaar saagar manthan nahin karte unhein buddhu kahenge। murli chalaane vaale ka vichaar saagar manthan chalta rahega - is topic par yeh-yeh samjhaana hai। ummeend rakhi jaati hai, abhi nahin samjhenge parantu aage chalkar zaroor samjhenge। ummeend rakhna maana service ka shauk hai, thakna nahin hai। bhal koi chadhkar phir adham bana hai, agar aata hai to sneh se bithaayenge na va kahenge chale jaao! haalchaal poochhna pade - itne din kahaan rahe, kyon nahin aaye? kahenge na maaya se haar kha liya। samajhte bhi hain gyaan bada achha hai। smriti to rehti hai na। bhakti mein to haar jeet paane ki baat hi nahin। yeh knowledge hai, ise dhaaran karna hai। tum jab tak brahman na bane tab tak devta ban na sako। Christian, bauddhi, paarsi aadi mein brahman thode hi hote hain। brahman ke bachche brahman hote hain। yeh baaten abhi tum samajhte ho। tum jaante ho alpha ko yaad karna hai। alpha ko yaad karne se be baadshaahi milti hai। jab koi mile to bolo alpha allaah ko yaad karo। alpha ko hi oonch kaha jaata hai। anguli se alpha taraph ishaara karte hain। seedha hi seedha alpha hai। alpha ko ek bhi kaha jaata hai। ek hi bhagwan hai, baaki sabhi hain bachche। baap ko alpha kaha jaata hai। baap gyaan bhi dete hain, apna bachcha bhi banaate hain। to tum bachchon ko kitni khushi mein rehna chaahiye। baba hamaari kitni seva karte hain, vishwa ka maalik banaate hain। phir khud us pavitra duniya mein aate bhi nahin। paavan duniya mein koi unko bulaate hi nahin। patit duniya mein hi bulaate hain। paavan duniya mein aakar kya karenge। unka naam hi hai patit-paavan। to puraani duniya ko paavan duniya banaana unki duty hai। baap ka naam hi hai shiv। bachchon ko saaligraam kaha jaata hai। donon ki pooja hoti hai। parantu pooja karne vaalon ko kuchh bhi pata nahin hai, bas ek rasma-rivaaz bana di hai pooja ki। deviyon ke bhi first class heere-motiyon ke mahal aadi banaate hain, pooja karte hain। woh to mitti ka ling banaaya aur toda। banaane mein mehnat nahin lagti hai। deviyon ko banaane mein mehnat lagti hai, unki (shivbaaba ki) pooja mein mehnat nahin lagti। muphta mein milta hai। patthar paani mein ghis-ghis kar gol ban jaata hai। poora andaakaar bana dete hain। kehte bhi hain ande misal aatma hai, jo brahm tatva mein rehti hai, isliye unko brahmaanda kehte hain। tum brahmaanda ke aur vishwa ke bhi maalik bante ho।

to pahle-pahle samjhaani deni hai ek baap ki। shiv ko baba kah sabhi yaad karte hain। doosra brahma ko bhi baba kehte hain। praja-pita hai to saari praja ka pita hua na। great-great grand father। yeh saara gyaan abhi tum bachchon mein hai। prajaapita brahma to kehte bahut hain parantu yathaartha reeti jaante koi nahin। brahma kiska bachcha hai? tum kahenge parampita paramatma ka। shivbaaba ne inko adopt kiya hai to yeh shareerdhaari hua na। eeshvar ki sabhi aulaad hain। phir jab shareer milta hai to prajaapita brahma ki adoption kehte hain। woh adoption nahin। kya aatmaon ko parampita paramatma ne adopt kiya hai? nahin, tumko adopt kiya hai। abhi tum ho brahmaakumaar-kumaariyaan। shivbaaba adopt nahin karte hain। sabhi aatmaayen anaadi avinaashi hain। sabhi aatmaon ko apna-apna shareer, apna-apna part mila hua hai, jo bajaana hi hai। yeh part hi anaadi avinaashi parampara se chala aata hai। unka aadi ant nahin kaha jaata hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste

dhaarna ke liye mukhya saar:-

1) apni saahookaari, position aadi ka ahankaar mita dena hai। avinaashi gyaan dhan se svayan ko maalaamaal banaana hai। service mein kabhi bhi thakna nahin hai।

2) vaataavran ko achha rakhne ke liye mukh se sadaiv ratna nikaalne hain। duhkh dene vaale bol na niklen yeh dhyaan rakhna hai। harshitmukh rehna hai।

vardaan:- kaise bhi vaayumandal mein man-buddhi ko second mein ekaagra karne vaale sarvashakti sampanna bhav

baapdaada ne sabhi bachchon ko sarvashaktiyaan varse mein di hain। yaad ki shakti ka arth hai - man-buddhi ko jahaan lagaana chaaho vahaan lag jaae। kaise bhi vaayumandal ke beech apne man-buddhi ko second mein ekaagra kar lo। paristhiti halchal ki ho, vaayumandal tamoguni ho, maaya apna banaane ka prayatna kar rahi ho phir bhi second mein ekaagra ho jaao - aisi controlling power ho tab kahenge sarvashakti sampanna।

slogan:- vishwa kalyaan ki jimmevaari aur pavitrata ki light ka taaj pahanne vaale hi double taajdhaari bante hain।