बुधवार 4 दिसंबर 2024 की दैनिक मुरली

04-12-2024 praatahmurli om shanti "baapdaada"' madhuban

“meethe bachche - saara madaar yaad par hai, yaad se hi tum meethe ban jaayenge, is yaad mein hi maaya ki yuddha chalti hai''

prashn:- is drama mein kaun sa raaz bahut vichaar karne yogya hai? jise tum bachche hi jaante ho?

uttar:- tum jaante ho ki drama mein ek part do baar baj na sake। saari duniya mein jo bhi part bajta hai woh ek do se naya। tum vichaar karte ho ki satayug se lekar ab tak kaise din badal jaate hain। saari activity badal jaati hai। aatma mein 5 hajaar varsha ki activity ka record bhara hua hai, jo kabhi badal nahin sakta। yeh chhoti si baat tum bachchon ke sivaae aur kisi ki buddhi mein nahin aa sakti।

om shanti। roohaani baap roohaani bachchon se poochhte hain - meethe-meethe bachche, tum apna bhavishya ka purooshottam mukh, purooshottam chola dekhte ho? yeh purooshottam sangamayug hai na। tum feel karte ho ki ham phir nai duniya satayug mein inki vanshaavli mein jaayenge, jisko sukhdhaam kaha jaata hai। vahaan ke liye hi tum abhi purooshottam ban rahe ho। baithe-baithe yeh vichaar aana chaahiye। student jab padhte hain to unki buddhi mein yeh zaroor rehta hai - kal ham yeh banenge। vaise tum bhi jab yahaan baithte ho to bhi jaante ho ki ham vishnu ki dynasty mein jaayenge। tumhaari buddhi ab alaukik hai। aur kisi manushya ki buddhi mein yeh baaten raman nahin karti hongi। yeh koi common satsang nahin hai। yahaan baithe ho, samajhte ho sat baba jisko shiv kehte hain ham unke sang mein baithe hain। shivbaaba hi rachayita hai, vahi is rachna ke aadi-madhya-ant ko jaante hain। vahi yeh knowledge dete hain। jaise kal ki baat sunaate hain। yahaan baithe ho, yeh to yaad hoga na - ham aaye hain rejuvenate hone arthaat yeh shareer badal daivi shareer lene। aatma kehti hai hamaara yeh tamopradhaan puraana shareer hai। isko badalkar aisa shareer lena hai। kitni sahaj em object hai। padhaane vaala teacher zaroor padhne vaale student se hoshiyaar hoga na। padhaate hain, achhe karma bhi sikhlaate hain। abhi tum samajhte ho hamko oonch te oonch bhagwan padhaate hain to zaroor devi-devta hi banaayenge। yeh padhaai hai hi nai duniya ke liye। aur kisko nai duniya ka zara bhi pata nahin hai। yeh lakshmi-naaraayan nai duniya ke maalik the। devi-devtaayen bhi to nambarvaar honge na। sab ek jaise to ho bhi na saken kyonki raajdhaani hai na। yeh khyaalaat tumhaare chalte rahne chaahiye। ham aatma abhi patit se paavan banne ke liye paavan baap ko yaad karte hain। aatma yaad karti hai apne sweet baap ko। baap khud kehte hain tum mujhe yaad karenge to paavan satopradhaan ban jaayenge। saara madaar yaad ki yaatra par hai। baap zaroor poochhenge - bachche, mujhe kitna samay yaad karte ho? yaad ki yaatra mein hi maaya ki yuddha chalti hai। tum yuddha bhi samajhte ho। yeh yaatra nahin parantu jaise ki ladaai hai, ismen hi bahut khabardaar rehna hai। knowledge mein maaya ke toofaan aadi ki baat nahin। bachche kehte bhi hain baba ham aapko yaad karte hain, parantu maaya ka ek hi toofaan neeche gira deta hai। number one toofaan hai deh-abhimaan ka। phir hai kaam, krodh, lobh, moh ka। bachche kehte hain baba ham bahut koshish karte hain yaad mein rahne ki, koi vighna na aaye parantu phir bhi toofaan aa jaate hain। aaj krodh ka, kabhi lobh ka toofaan aaya। baba aaj hamaari avastha bahut achhi rahi, koi bhi toofaan saara din nahin aaya। badi khushi rahi। baap ko bade pyaar se yaad kiya। sneh ke aansu bhi aate rahe। baap ki yaad se hi bahut meethe ban jaayenge।

yeh bhi samajhte hain ham maaya se haar khaate-khaate kahaan tak aakar pahunche hain। yeh koi samajhte thode hi hain। manushya to laakhon varsha kah dete hain ya parampara kah dete। tum kahenge ham phir se abhi manushya se devta ban rahe hain। yeh knowledge baap hi aakar dete hain। vichitra baap hi vichitra knowledge dete hain। vichitra niraakaar ko kaha jaata hai। niraakaar kaise yeh knowledge dete hain। baap khud samjhaate hain main kaise is tan mein aata hoon। phir bhi manushya moonjhate hain। kya ek isi tan mein aayega! parantu drama mein yahi tan nimitta banta hai। zara bhi change ho nahin sakti। yeh baaten tum hi samajhkar aur doosron ko samjhaate ho। aatma hi padhti hai। aatma hi seekhti-sikhlaati hai। aatma most valuable hai। aatma avinaashi hai, sirf shareer khatma hota hai। ham aatmaayen apne parampita paramatma se rachta aur rachna ke aadi-madhya-ant ke 84 janmon ki knowledge le rahe hain। knowledge kaun lete hain? ham aatma। tum aatma ne hi knowledgeful baap se mool vatan, sookshm vatan ko jaana hai। manushyon ko pata hi nahin hai ki humein apne ko aatma samajhna hai। manushya to apne ko shareer samajh ulte latak pade hain। gaayan hai aatma sat, chit, aananda swaroop hai। paramatma ki sabse jaasti mahima hai। ek baap ki kitni mahima hai। vahi duhkh harta, sukh karta hai। machchhar aadi ki to itni mahima nahin karenge ki woh duhkh harta, sukh karta, gyaan ka saagar hai। nahin, yeh hai baap ki mahima। tum bachche bhi master duhkh harta sukh karta ho। tum bachchon ko bhi yeh knowledge nahin thi, jaise baby buddhi the। bachche mein knowledge nahin hoti aur koi avgun bhi nahin hota hai, isliye use mahaatma kaha jaata hai kyonki pavitra hai। jitna chhota bachcha utna number one phool। bilkul hi jaise karmaateet avastha hai। karma-akarma-vikarma ko kuchh bhi nahin jaante hain, isliye woh phool hai। sabko kashish karte hain। jaise ek baap sabhi ko kashish karte hain। baap aaye hi hain sabhi ko kashish kar khushboodaar phool banaane। kai to kaante ke kaante hi rah jaate hain। 5 vikaaron ke vasheebhoot hone vaale ko kaanta kaha jaata hai। number one kaanta hai deh-abhimaan ka, jisse aur kaanton ka janma hota hai। kaanton ka jangal bahut duhkh deta hai। kisma-kisma ke kaante jangal mein hote hain na isliye isko duhkhadhaam kaha jaata hai। nai duniya mein kaante nahin hote isliye usko sukhdhaam kaha jaata hai। shivbaaba phoolon ka bageecha lagaate hain, raavan kaanton ka jangal lagaata hai isliye raavan ko kaanton ki jhaadiyon se jalaate hain aur baap par phool chadhaate hain। in baaton ko baap jaanen aur bachche jaanen aur na jaane koi।

tum bachche jaante ho - drama mein ek part do baar baj na sake। buddhi mein hai saari duniya mein jo part bajta hai woh ek-do se naya। tum vichaar karo satayug se lekar ab tak kaise din badal jaata hai। saari activity hi badal jaati hai। 5 hajaar varsha ki activity ka record aatma mein bhara hua hai। woh kabhi badal nahin sakta। har aatma mein apna-apna part bhara hua hai। yeh chhoti-si baat bhi koi ki buddhi mein aa na sake। is drama ke past, present aur future ko tum jaante ho। yeh school hai na। pavitra ban baap ko yaad karne ki padhaai baap padhaate hain। yeh baaten kabhi sochi thi ki baap aakar aise patit se paavan banaane ki padhaai padhaayenge! is padhaai se hi ham vishwa ke maalik banenge! bhakti maarga ke pustak hi alag hain, usko kabhi padhaai nahin kaha jaata hai। gyaan ke bina sadgati ho bhi kaise? baap bina gyaan kahaan se aaye jisse sadgati ho। sadgati mein jab tum honge tab bhakti karenge? nahin, vahaan hai hi apaar sukh, phir bhakti kislie karen? yeh gyaan abhi hi tumhein milta hai। saara gyaan aatma mein rehta hai। aatma ka koi dharma nahin hota। aatma jab shareer dhaaran karti hai phir kehte hain phalaana is-is dharma ka hai। aatma ka dharma kya hai? ek to aatma bindi misal hai aur shant swaroop hai, shantidham mein rehti hai।

abhi baap samjhaate hain sabhi bachchon ka baap par hak hai। bahut bachche hain jo aur-aur dharmon mein convert ho gaye hain। woh phir nikalkar apne asli dharma mein aa jaayenge। jo devi-devta dharma chhod doosre dharma mein gaye hain woh sabhi patte laut apni jagah par aa jaayenge। tumhein pahle-pahle to baap ka parichay dena hai। in baaton mein hi sab moonjhe hue hain। tum bachche samajhte ho abhi humein kaun padhaate hain? behad ka baap। shreekrishna to dehdhaari hai, inko (brahma baba ko) bhi daada kahenge। tum sab bhaai-bhaai ho na। phir hai martabe ke oopar। bhaai ka shareer kaisa hai, behen ka shareer kaisa hai। aatma to ek chhota sitaara hai। itni saari knowledge ek chhote-se sitaare mein hai। sitaara shareer ke bigar baat bhi nahin kar sakta। sitaare ko part bajaane ke liye itne dher organs mile hue hain। tum sitaaron ki duniya hi alag hai। aatma yahaan aakar phir shareer dhaaran karti hai। shareer chhota-bada hota hai। aatma hi apne baap ko yaad karti hai। woh bhi jab tak shareer mein hai। ghar mein aatma baap ko yaad karegi? nahin। vahaan kuchh bhi maaloom nahin padta - ham kahaan hain! aatma aur paramatma donon jab shareer mein hain tab aatmaon aur paramatma ka mela kaha jaata hai। gaayan bhi hai aatma aur paramatma alag rahe bahukaal… kitna samay alag rahe? yaad aata hai - kitna samay alag rahe? second-second paas hote 5 hazaar varsha beet gaye। phir one number se shuru karna hai, accurate hisaab hai। abhi tumse koi poochhe isne kab janma liya tha? to tum accurate bata sakte ho। shreekrishna hi pahle number mein janma leta hai। shiv ka to kuchh bhi minute second nahin nikaal sakte। shreekrishna ke liye tithi-taareekh, minute, second nikaal sakte ho। manushyon ki ghadi mein farka pad sakta hai। shivbaaba ke avatran mein to bilkul farka nahin pad sakta। pata hi nahin padta kab aaya? aise bhi nahin, saakshaatkaar hua tab aaya। nahin, andaaj laga sakte hain। minute-second ka hisaab nahin bata sakte। unka avatran bhi alaukik hai, woh aate hi hain behad ki raat ke samay। baaki aur bhi jo avatran aadi hote hain, unka pata padta hai। aatma shareer mein pravesh karti hai। chhota chola pahanti hai phir dheere-dheere bada hota hai। shareer ke saath aatma baahar aati hai। in sabhi baaton ko vichaar saagar manthan kar phir auron ko samjhaana hota hai। kitne dher manushya hain, ek na mile doosre se। kitna bada maandava hai। jaise bada haal hai, jismen behad ka naatak chalta hai।

tum bachche yahaan aate ho nar se naaraayan banne ke liye। baap jo nai srishti rachte hain usmein oonch pad lene ke liye। baaki yeh jo puraani duniya hai woh to vinaash honi hai। baba dvaara nai duniya ki sthaapna ho rahi hai। baba ko phir paalna bhi karni hai। zaroor jab yeh shareer chhode tab phir satayug mein naya shareer lekar paalna kare। uske pahle is puraani duniya ka vinaash bhi hona hai। bhambhor ko aag lagegi। peechhe yeh bhaarat hi rahega baaki to khalaas ho jaayenge। bhaarat mein bhi thode bachenge। tum ab mehnat kar rahe ho ki vinaash ke baad phir sajaayen na khaayen। agar vikarma vinaash nahin honge to sajaayen bhi khaayenge aur pad bhi nahin milega। tumse jab koi poochhte hain tum kiske paas jaate ho? to bolo, shivbaaba ke paas, jo brahma ke tan mein aaya hua hai। yeh brahma koi shiv nahin hai। jitna baap ko jaanenge to baap ke saath pyaar bhi rahega। baba kehte hain bachche tum aur koi ko pyaar nahin karo aur sang pyaar tod ek sang jodo। jaise aashik maashook hote hain na। yeh bhi aise hain। 108 sachche aashik bante hain, usmein bhi 8 sachche-sachche bante hain। 8 ki bhi maala hoti hai na। 9 ratna gaaye hue hain। 8 daanen, 9 vaan baba। mukhya hain 8 devtaayen, phir 16108 shahjaade shahjaadiyon ka kutumba banta hai treta ant tak। baba to hatheli par bahishta dikhlaate hain। tum bachchon ko nasha hai ki ham to srishti ke maalik bante hain। baba se aisa sauda karna hai। kehte hain koi virla vyaapaari yeh sauda kare। aise koi vyaapaari thode hi hain। to bachche aise umang mein raho ham jaate hain baba ke paas। oopar vaala baba। duniya ko maaloom nahin hai, vo kahenge ki woh to ant mein aata hai। ab vahi kaliyug ka ant hai। vahi geeta, mahaabhaarat ka samay hai, vahi yaadav jo moosal nikaal rahe hain। vahi kaurvon ka raajya aur vahi tum paandav khade ho।

tum bachche abhi ghar baithe apni kamaai kar rahe ho। bhagwan ghar baithe aaya hua hai isliye baba kehte hain ki apni kamaai kar lo। yahi heere jaisa janma amolak gaaya hua hai। ab isko kaudi badle khona nahin hai। ab tum is saari duniya ko raamraajya banaate ho। tumko shiv se shakti mil rahi hai। baaki aajkal kaeeyon ki akaale mrityu bhi ho jaati hai। baba buddhi ka taala kholta hai aur maaya buddhi ka taala banda kar deti hai। ab tum maataaon ko hi gyaan ka kalash mila hua hai। ablaaon ko bal dene vaala woh hai। yahi gyaan amrit hai। shaastron ke gyaan ko koi amrit nahin kaha jaata hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap ki kashish mein rahkar khushboodaar phool banna hai। apne sweet baap ko yaad kar deh-abhimaan ke kaante ko jala dena hai।

2) is heere tulya janma mein avinaashi kamaai jama karni hai, kaudiyon ke badle ise ganvaana nahin hai। ek baap se sachcha pyaar karna hai, ek ke sang mein rehna hai।

vardaan:- brahman jeevan mein sada khushi ki khuraak khaane aur khushi baantane vaale khushanseeb bhav

is duniya mein aap braahmanon jaisa khushanseeb koi ho nahin sakta kyonki is jeevan mein hi aap sabko baapdaada ka diltakhta milta hai। sada khushi ki khuraak khaate ho aur khushi baantate ho। is samay bephikra baadshaah ho। aisi bephikra jeevan saare kalpa mein aur kisi bhi yug mein nahin hai। satayug mein bephikra honge lekin vahaan gyaan nahin hoga, abhi aapko gyaan hai isliye dil se nikalta hai mere jaisa khushanseeb koi nahin।

slogan:- sangamayug ke svaraajya adhikaari hi bhavishya ke vishwa raajya adhikaari bante hain।