शुक्रवार 13 दिसंबर 2024 की दैनिक मुरली

13-12-2024 praatahmurli om shanti "baapdaada"' madhuban

“meethe bachche - apne lakshya aur lakshya-daata baap ko yaad karo to daiveegun aa jaayenge, kisi ko duhkh dena, glaani karna, yeh sab aasuri lakshan hain''

prashn:- baap ka tum bachchon se bahut ooncha pyaar hai, uski nishaani kya hai?

uttar:- baap ki jo meethi-meethi shikshaayen milti hain, yeh shikshaayen dena hi unke oonche pyaar ki nishaani hai। baap ki pahli shiksha hai - meethe bachche, shreemat ke bigar koi ulta-sulta kaam nahin karna, 2. tum student ho tumhein apne haath mein kabhi bhi law nahin uthaana hai। tum apne mukh se sadaiv ratna nikaalo, patthar nahin।

om shanti। baap baith bachchon ko samjhaate hain। ab inko (lakshmi-naaraayan) to achhi reeti dekhte ho। yeh hai em object arthaat tum is gharaane ke the। kitna raat-din ka pharka hai isliye ghadi-ghadi inko dekhna hai। hamko aisa banna hai। inhon ki mahima to achhi reeti jaante ho। yeh pocket mein rakhne se hi khushi rahegi। andar mein duvidha jo rehti hai, woh nahin rahni chaahiye, isko deh-abhimaan kaha jaata hai। dehi-abhimaani ho in lakshmi-naaraayan ko dekhenge to samjhenge ham aise ban rahe hain, to zaroor inko dekhna pade। baap samjhaate hain tumko aisa banna hai। madhyaaji bhav, inko dekho, yaad karo। drishtaanta bataate hain na - usne socha main bhains hoon to woh apne ko bhains hi samajhne laga। tum jaante ho yeh hamaara em object hai। yeh banne ka hai। kaise banenge? baap ki yaad se। har ek apne se poochhe - barobar ham inko dekh baap ko yaad kar rahe hain? yeh to samajhte ho ki baba hamko devta banaate hain। jitna ho sake yaad karna chaahiye। yeh to baap kehte hain ki nirantar yaad rah nahin sakti। parantu purooshaartha karna hai। bhal grihastha vyavhaar ka kaarya karte hue inko (lakshmi-naaraayan ko) yaad karenge to baap zaroor yaad aayega। baap ko yaad karenge to yeh zaroor yaad padega। hamko aisa banna hai। yahi saara din dhun lagi rahe। to phir ek-do ki glaani kabhi nahin karenge। yeh aisa hai, phalaana aisa hai… jo in baaton mein lag jaate hain woh oonch pad pa nahin sakenge। aise hi rah jaate hain। kitna sahaj karke samjhaaya jaata hai। inko yaad karo, baap ko yaad karo to tum yeh ban hi jaayenge। yahaan to tum saamne baithe ho, sabhi ke ghar mein yeh lakshmi-naaraayan ka chitra zaroor hona chaahiye। kitna accurate chitra hai। inko yaad karenge to baba yaad aayega। saara din aur baaton ke badle yahi sunaate raho। phalaana aisa hai, yeh hai..... kiski ninda karna - isko duvidha kaha jaata hai। tumhein apni daivi buddhi banaana hai। kisko duhkh dena, glaani karna, chanchalta karna - yeh svabhaav nahin hona chaahiye। ismen to aadhaakalpa rahe ho। abhi tum bachchon ko kitni meethi shiksha milti hai, inse oonch pyaar doosra koi hota nahin। koi bhi ulta-sulta kaam shreemat bigar nahin karna chaahiye। baap dhyaan ke liye bhi direction dete hain sirf bhog lagaakar aao। baba yeh to kehte nahin ki vaikuntha mein jaao, raas-vilaas aadi karo। doosri jagah gaye to samjho maaya ki praveshta hui। maaya ka number one kartavya hai patit banaana। bekaayde chalan se nuksaan bahut hota hai। ho sakta hai phir kadi sajaayen bhi khaani pade, agar apne ko sambhaalenge nahin to। baap ke saath-saath dharmaraaj bhi hai। unke paas behad ka hisaab-kitaab rehta hai। raavan ki jel mein kitna varsha sajaayen khaai hain। is duniya mein kitna apaar duhkh hai। abhi baap kehte hain aur sab baaten bhool ek baap ko yaad karo aur sabhi duvidha andar se nikaal do। vikaar mein kaun le jaate hain? maaya ke bhoot। tumhaara em object hai hi yeh। raajayog hai na। baap ko yaad karne se yeh varsa milega। to is dhandhe mein lag jaana chaahiye। kichda saara andar se nikaal dena chaahiye। maaya ki paraakaashtha bhi bahut kadi hai। parantu unko udaate rehna hai। jitna ho sake yaad ki yaatra mein rehna hai। abhi to nirantar yaad ho na sake। aakhreen nirantar tak bhi aayenge tab hi oonch pad paayenge। agar andar duvidha, kharaab khyaalaat honge to oonch pad mil nahin sakta। maaya ke vash hokar hi haar khaate hain।

baap samjhaate hain - bachche, gande kaam se haar mat khaao। ninda aadi karte to tumhaari bahut buri gati ho gai hai। abhi sadgati hoti hai to bure karma mat karo। baba dekhte hain maaya ne gale tak graas (hap) kar liya hai। pata bhi nahin padta hai। khud samajhte hain ham bahut achha chal rahe hain, parantu nahin। baap samjhaate hain - mansa, vaacha, karmana mukh se ratna hi nikalne chaahiye। gandi baaten karna patthar hain। abhi tum patthar se paaras bante ho to mukh se kabhi patthar nahin nikalne chaahiye। baba ko to samjhaana padta hai। baap ka hak hai bachchon ko samjhaana। aise to nahin, bhaai bhaai ko saavdhaani denge। teacher ka kaam hai shiksha dena। woh kuchh bhi kah sakte hain। student ko haath mein law nahin uthaana hai। tum student ho na। baap samjha sakte hain, baaki bachchon ko to baap ka direction hai ek baap ko yaad karo। tumhaari takdeer abhi khuli hai। shreemat par na chalne se tumhaari takdeer bigad padegi phir bahut pachhtaana padega। baap ki shreemat par na chalne se ek to sajaayen khaani pade, doosra pad bhi bhrashta। janma-janmaantar, kalpa-kalpaantar ki baaji hai। baap aakar padhaate hain to buddhi mein rehna chaahiye - baba hamaara teacher hai, jinse yeh nai knowledge milti hai ki apne ko aatma samjho। aatmaayen aur paramatma ka mela kaha jaata hai na। 5 hazaar varsha baad milenge, ismen jitna varsa lena chaaho le sakte ho। nahin to bahut-bahut pachhtaayenge, royenge। sab saakshaatkaar ho jaayega। school mein bachche transfer hote hain to pichhaadi mein baithne vaalon ko sabhi dekhte hain। yahaan bhi transfer hote hain। tum jaante ho yahaan shareer chhodkar phir jaae satayug mein prince ke college mein bhaasha seekhenge। vahaan ki bhaasha to sabhi ko padhni padti hai, mother language। bahuton mein poora gyaan nahin hai phir padhte bhi nahin hain regular। ek-do baar miss kiya to aadat pad jaati hai miss karne ki। sang hai maaya ke mureedon ka। shivbaaba ke mureed thode hain। baaki sab hain maaya ke mureed। tum shivbaaba ke mureed bante ho to maaya sahan nahin kar sakti hai, isliye sambhaal bahut karni chaahiye। chhi-chhi gande manushyon se badi sambhaal rakhni hai। hans aur bagule hain na। baba ne raat ko bhi shiksha di hai, saara din koi na koi ki ninda karna, parchintan karna, inko koi daiveegun nahin kaha jaata hai। devtaayen aisa kaam nahin karte hain। baap kehte hain baap aur varse ko yaad karo phir bhi ninda karte rehte hain। ninda to janma-janmaantar karte aaye ho। duvidha andar rehti hi hai। yeh bhi andar maaraamaari hai। muphta apna khoon karte hain। bahuton ko ghaata daalte hain। phalaana aisa hai, ismen tumhaara kya jaata hai। sabka sahaayak ek baap hai। abhi to shreemat par chalna hai। manushya mat to bada ganda bana deti hai। ek-do ki glaani karte rehte hain। glaani karna yeh hai maaya ka bhoot। yeh hai hi patit duniya। tum samajhte ho ki ham abhi patit se paavan ban rahe hain। to yeh badi kharaabiyaan hain। samjhaaya jaata hai aaj se apna kaan pakadna chaahiye - kabhi aisa karma nahin karenge। kuchh bhi agar dekhte ho to baba ko report karni chaahiye। tumhaara kya jaata hai! tum ek-do ki glaani kyon karte ho! baap sunta to sab-kuchh hai na। baap ne kaanon aur aankhon ka loan liya hai na। baap bhi dekhte hain to yeh daada bhi dekhte hain। chalan, vaataavran to koi-koi ka bilkul hi bekaayde chalta hai। jinka baap nahin hota hai, unko chhora kaha jaata hai। woh apne baap ko bhi nahin jaante, yaad bhi nahin karte hain। sudharne badle aur hi bigadte hain, isliye apna hi pad ganvaate hain। shreemat par nahin chalte to chhore hain। maa-baap ki shreemat par nahin chalte hain। tvamev maataashcha pita... bandhu aadi bhi bante hain।

parantu great-great grand father hi nahin to mother phir kahaan se hogi, itni bhi buddhi nahin। maaya buddhi ekdam pher deti hai। behad ke baap ki aagya nahin maante hain to danda pad jaata hai। jara bhi sadgati nahin hoti hai। baap dekhte hain to kahenge na - inki kya buri gati hogi। yeh to taangar, ak ke phool hain। jisko koi bhi pasanda nahin karta hai। to sudharna chaahiye na। nahin to pad bhrashta ho jaayenge। janma-janmaantar ke liye ghaata pad jaayega। parantu deh-abhimaaniyon ki buddhi mein baithta hi nahin। aatma-abhimaani hi baap se lav kar sakte hain। balihaar jaana koi maasi ka ghar nahin hai। bade-bade aadmi balihaar to ja na saken। woh balihaar jaane ka arth bhi nahin samajhte hain। hriday videerna hota hai। bahut bandhanmukta bhi hain। bachcha aadi kuchh bhi nahin hai। kehte hain baba aap hi hamaare sab kuchh ho। aise mukh se kehte hain parantu sach nahin। baap se bhi jhooth bol dete hain। balihaar gaye to apna mamatva nikaal dena chaahiye। abhi to pichhaadi hai to shreemat par chalna pade। milkiyat aadi se bhi mamatva nikal jaae। bahut hain aise bandhanmukta। shivbaaba ko apna banaaya hai, adopt karte hain na। yeh hamaara baap teacher satguru hai। ham unko apna banaate hain, unki poori milkiyat lene। jo bachche ban gaye hain woh gharaane mein zaroor aate hain। parantu phir usmein pad kitne hain। kitne daas-daasiyaan hain। ek-do par hukm chalaate hain। daasiyon mein bhi nambarvaar bante hain। royal gharaane mein baahar ke daas-daasiyaan to nahin aayenge na। jo baap ke bane hain, unko banna hai। aise-aise bachche hain jinmen paai ka bhi akla nahin hai।

baba aise to kehte nahin ki mama ko yaad karo va mere rath ko yaad karo। baap kehte hain maamekam yaad karo। deh ke sab bandhan chhod apne ko aatma samjho। baap samjhaate hain ki preet rakhni hai to ek se rakho tab beda paar hoga। baap ke direction par chalo। mohjeet raaja ki katha bhi hai na! pahle number mein hain bachche, bachcha to milkiyat ka maalik banega। stri to half partner hai, bachcha to full maalik ban jaata hai। to buddhi us taraph jaati hai, baba ko full maalik banaayenge to yeh sab kuchh tumko de denge। len-den ki baat hi nahin। yeh to samajh ki baat hai। bhal tum sunte ho phir doosre din sab bhool jaata hai। buddhi mein rahega to doosron ko bhi samjha sakenge। baap ko yaad karne se tum svarga ke maalik banenge। yeh to bahut sahaj hai, mukh chalaate raho। em object bataate raho। vishaalbuddhi to jhat samjhenge। ant mein yeh chitra aadi hi kaam aayenge। ismen saara gyaan bhara hua hai। lakshmi-naaraayan aur raadhe-krishna ka aapas mein kya sambandh hai? yeh koi nahin jaante। lakshmi-naaraayan to zaroor pahle prince honge। beggar tu prince hain na! beggar tu king nahin kaha jaata। prince ke baad hi king bante hain। yeh to bahut hi sahaj hai parantu maaya koi ko pakad leti hai, kiski ninda karna, glaani karna - yeh to bahuton ki aadat hai। aur to koi kaam hai hi nahin। baap ko kabhi yaad nahin karenge। ek-do ki glaani ka dhandha hi karte hain। yeh hai maaya ka paath। baap ka paath to bilkul hi seedha hai। pichhaadi mein yeh sannyaasi aadi jaagenge, kahenge ki gyaan hai to in bi.ke. mein hai। kumaar-kumaariyaan to pavitra hote hain। prajaapita brahma ke bachche hain। hamaare mein koi kharaab khyaal bhi nahin aana chaahiye। bahuton ko abhi bhi kharaab khyaalaat aate hain, phir iski saza bhi bahut kadi hai। baap samjhaate to bahut hain। agar kuchh chaal tumhaari phir kharaab dekhi to yahaan rah nahin sakenge। thodi saja bhi deni hoti hai, tum laayak nahin ho। baap ko thagte ho। tum baap ko yaad kar nahin sakenge। avastha saari gir jaati hai। avastha girna hi saja hai। shreemat par na chalne se apna pad bhrashta kar dete hain। baap ke direction par na chalne se aur hi bhoot ki praveshta hoti hai। baba ko to kabhi-kabhi khyaal aata hai, kahin bahut badi kadi sajaayen abhi hi shuru na ho jaaen। sajaayen bhi bahut gupta hoti hain na। kahin kadi peeda na aaye। bahut girte hain, saja khaate hain। baap to sab ishaare mein samjhaate rehte hain। apni takdeer ko lakeer bahut lagaate hain isliye baap khabardaar karte rehte hain, abhi gaphlat karne ka samay nahin hai, apne ko sudhaaro। ant ghadi aane mein koi deri nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi bekaayde, shreemat ke virooddha chalan nahin chalni hai। svayan ko svayan hi sudhaarna hai। chhi-chhi gande manushyon se apni sambhaal karni hai।

2) bandhanmukta hain to poora-poora balihaar jaana hai। apna mamatva nikaal dena hai। kabhi bhi kisi ki ninda va parchintan nahin karna hai। gande kharaab khyaalaaton se svayan ko mukta rakhna hai।

vardaan:- samartha sthiti ka switch on kar vyartha ke andhakaar ko samaapta karne vaale avyakt pharishta bhav

jaise sthool light ka switch on karne se andhakaar samaapta ho jaata hai। aise samartha sthiti hai switch। is switch ko on karo to vyartha ka andhakaar samaapta ho jaayega। ek-ek vyartha sankalp ko samaapta karne ki mehnat se chhoot jaayenge। jab sthiti samartha hogi to mahaadaani-vardaani ban jaayenge kyonki daata ka arth hi hai samartha। samartha hi de sakta hai aur jahaan samartha hai vahaan vyartha khatma ho jaata hai। to yahi avyakt pharishton ka shreshtha kaarya hai।

slogan:- satyata ke aadhaar se sarva aatmaon ke dil ki duaayen praapta karne vaale hi bhaagyavaan aatma hai।