शनिवार 21 दिसंबर 2024 की दैनिक मुरली

21-12-2024 praatahmurli om shanti "baapdaada"' madhuban

“meethe bachche - sachchi kamaai karne ka purushaartha pahle svayan karo phir apne mitra-sambandhiyon ko bhi karaao charity begins at hom''

prashn:- sukh athva chain praapta karne ki vidhi kya hai?

uttar:- pavitrata। jahaan pavitrata hai vahaan sukh-chain hai। baap pavitra duniya satayug ki sthaapna karte hain। vahaan vikaar hote nahin। jo devtaaon ke pujaari hain woh kabhi aisa prashn nahin kar sakte ki vikaaron bigar duniya kaise chalegi? abhi tumhein chain ki duniya mein chalna hai isliye is patit duniya ko bhoolna hai। shantidham aur sukhdhaam ko yaad karna hai।

om shanti। om shanti ka arth to bachchon ko samjhaaya hua hai। shivbaaba bhi om shanti kah sakte hain to saaligraam bachche bhi kah sakte hain। aatma kehti hai om shanti। san oph silence father। shanti ke liye jangal aadi mein jaakar koi upaay nahin kiya jaata। aatma to hai hi silence। phir upaay kya karna hai? yeh baap baith samjhaate hain। us baap ko hi kehte hain ki vahaan le chal jahaan sukh chain paaven। chain athva sukh sabhi manushya chaahte hain। parantu sukh aur shanti ke pahle to chaahiye pavitrata। pavitra ko paavan, apvitra ko patit kaha jaata hai। patit duniya vaale pukaarte rehte hain ki aakar hamko paavan duniya mein le chalo। woh hai hi patit duniya se liberate kar paavan duniya mein le chalne vaala। satayug mein hai pavitrata, kaliyug mein hai apvitrata। woh viceless world, yeh vicious world। yeh to bachche jaante hain duniya vriddhi ko paati rehti hai। satayug viceless world hai to zaroor manushya thode honge। woh thode kaun honge? barobar satayug mein devi-devtaaon ka hi raajya hai, usko hi chain ki duniya athva sukhdhaam kaha jaata hai। yeh hai duhkhadhaam। duhkhadhaam ko badal sukhdhaam banaane vaala ek hi parampita paramatma hai। sukh ka varsa zaroor baap hi denge। ab woh baap kehte hain duhkhadhaam ko bhoolo, shantidham aur sukhdhaam ko yaad karo isko hi manmanaabhav kaha jaata hai। baap aakar bachchon ko sukhdhaam ka saakshaatkaar karaate hain। duhkhadhaam ka vinaash karaae shantidham mein le jaate hain। is chakra ko samajhna hai। 84 janma lene padte hain। jo pahle sukhdhaam mein aate hain, unhon ke hain 84 janma sirf itni baaten yaad karne se bhi bachche sukhdhaam ke maalik ban sakte hain।

baap kehte hain bachche, shantidham ko yaad karo aur phir varse ko arthaat sukhdhaam ko yaad karo। pahle-pahle tum shantidham mein jaate ho to apne ko shantidham, brahmaanda ka maalik samjho। chalte-phirte apne ko vahaan ke vaasi samjhenge to yeh duniya bhoolti jaayegi। satayug hai sukhdhaam parantu sabhi to satayug mein aa nahin sakte। yeh baaten samjhenge hi woh jo devtaaon ke pujaari hain। yeh hai sachchi kamaai, jo sachcha baap sikhlaate hain। baaki sabhi hain jhoothi kamaaeeyaan। avinaashi gyaan ratnon ki kamaai hi sachchi kamaai kahi jaati hai, baaki vinaashi dhan-daulat woh hai jhoothi kamaai। dvaapar se lekar woh jhoothi kamaai karte aaye hain। is avinaashi sachchi kamaai ki praalabdha satayug se shuru ho treta mein poori hoti hai arthaat aadhaakalpa bhogte ho। phir baad mein jhoothi kamaai shuru hoti hai, jisse alpakaal kshan bhangur sukh milta hai। yeh avinaashi gyaan ratna, gyaan saagar hi dete hain। sachchi kamaai sachcha baap karaate hain। bhaarat sachkhanda tha, bhaarat hi ab jhoothkhanda bana hai। aur khandon ko sachkhanda, jhooth khanda nahin kaha jaata hai। sach-khanda banaane vaala baadshaah truth woh hai। sachcha hai ek god father, baaki hain jhoothe father। satayug mein bhi sachche father milte hain kyonki vahaan jhooth paap hota nahin। yeh hai hi paap aatmaon ki duniya, woh hai punya aatmaon ki duniya। to ab is sachchi kamaai ke liye kitna purushaartha karna chaahiye। jinhonne kalpa pahle kamaai ki hai, vahi karenge। pahle khud sachchi kamaai kar phir piyar aur sasurghar ko yahi sachchi kamaai karaani hai। charity begins at hom।

sarvavyaapi ke gyaan vaale bhakti kar nahin sakte। jab sabhi bhagwan ke roop hain phir bhakti kiski karte hain? to isi duban se nikaalne mein mehnat karni padti hai। sannyaasi log charity begins at hom kya karenge? pahle to woh gharbaar ka samaachaar sunaate hi nahin hain। bolo, kyon nahin sunaate ho? maaloom to padna chaahiye na। batlaane mein kya hai, phalaane ghar ke the phir sannyaas dhaaran kiya! tumse poochhen to tum jhat batla sakte ho। sannyaasiyon ke followers to bahut hain। woh phir agar baith kahen ki bhagwan ek hai to sabhi unse poochhenge tumko kisne yeh gyaan sunaaya? kahen bi.ke. ne, to saara unka dhandha hi khalaas ho jaae। aise kaun apni ijzat ganvaayega? phir koi khaana bhi na de isliye sannyaasiyon ke liye to bahut mushkil hai। pahle to apne mitra-sambandhiyon aadi ko gyaan de sachchi kamaai karaani pade jisse ve 21 janma sukh paaven। baat hai bahut sahaj। parantu drama mein itne shaastra mandir aadi banne ki bhi noondh hai।

patit duniya mein rahne vaale kehte hain ab paavan duniya mein le chalo। satayug ko 5000 varsha hue। unhonne to kaliyug ki aayu hi laakhon varsha kah di hai to phir manushya kaise samjhen ki sukhdhaam kahaan hai? kab hoga? woh to kehte hain mahaapralay hoti hai tab phir satayug hota hai। pahle-pahle shreekrishna angootha choosta saagar mein peepal ke patte par aata hai। ab kahaan ki baat kahaan le gaye hain! ab baap kehte hain brahma dvaara main sabhi vedon-shaastron ka saar sunaata hoon isliye vishnu ki naabhi-kamal se brahma dikhaate hain aur phir haath mein shaastra de diye hain। ab brahma to zaroor yahaan hoga। sookshm vatan mein to shaastra nahin honge na। brahma yahaan hona chaahiye। vishnu lakshmi-naaraayan ke roop bhi to yahaan hote hain। brahma hi so vishnu banta hai phir vishnu so brahma banta hai। ab brahma se vishnu nik-lata va vishnu se brahma nikalta? yeh sab samajhne ki baaten hain। parantu in baaton ko samjhenge woh jo achhi reeti padhenge। baap kehte hain jab tak tumhaara shareer chhoote tab tak samajhte hi rahenge। tum bilkul hi 100 percent besmajh, kangaal ban pade ho। tum hi samajhdaar devi-devta the, ab phir se tum devi-devta ban rahe ho। manushya to bana na saken। tum so devta the phir 84 janma lete-lete ekdam kalaaheen ho gaye ho। tum sukhdhaam mein bahut chain mein the, ab bechain ho। tum 84 janmon ka hisaab bata sakte ho। islaami, bauddhi, sikkha, eesaai math-panth sab kitna janma lenge? yeh hisaab nikaalna to sahaj hai। svarga ke maalik to bhaarat-vaasi hi banenge। sapling lagti hai na। yeh hai samjhaani। khud samajh jaae to phir pahle-pahle apne maat-pita, behen-bhaaiyon ko gyaan dena pade। grihastha vyavhaar mein rehte kamal phool samaan rehna hai phir charity begins at hom। piyar ghar, sasurghar ko knowledge sunaani pade। dhandhe mein bhi pahle apne bhaaiyon ko hi bhaageedaar banaate hain। yahaan bhi aise hai। gaayan bhi hai kanya woh jo piyar aur sasur ghar ka uddhaar kare। apvitra uddhaar kar nahin sakte। tab kaun-si kanya? yeh brahma ki kanya, brahmaakumaari hai na। yahaan adhar kanya, kunvaari kanya ka mandir bhi bana hua hai na। yahaan tumhaare yaadgaar bane hue hain। ham phir se aaye hain bhaarat ko svarga banaane ke liye। yeh delvaada mandir bilkul accurate hai, oopar mein svarga dikhaaya hai। svarga hai to yahaan hi। raajayog ki tapasya bhi yahaan hi hoti hai। jinhon ka mandir hai unhon ko yeh jaanna to chaahiye na! ab andar jagatpita jagat amba, aadi dev, aadi devi baithe hain। achha, aadi dev kiska bachcha hai? shivbaaba ka। adhar kumaari, kunvaari kanya sab raajayog mein baithe hain। baap kehte hain manmanaabhav, to tum baikuntha ke maalik banoge। mukti, jeevanmuktidhaam ko yaad karo। tumhaara yeh sannyaas hai, jaini logon ka sannyaas kitna difficult hai। baal aadi nikaalne ki kitni kadi rasma hai। yahaan to hai hi sahaj raajayog। yeh hai bhi pravritti maarga ka। yeh drama mein noondh hai। koi jain muni ne baith apna naya dharma sthaapan kiya parantu usko aadi sanaatan devi-devta dharma to nahin kahenge na। woh to ab praayahlop hai। koi ne jain dharma chalaaya aur chal pada। yeh bhi drama mein hai। aadi dev ko pita aur jagat amba ko maata kahenge। yeh to sab jaante hain ki aadi dev brahma hai। Adam-beebi, Adam-Eve bhi kehte hain। Christian logon ko thode hi pata hai ki yeh Adam Eve ab tapasya kar rahe hain। manushya srishti ke sijre ke yeh head hain। yeh raaz bhi baap baith samjhaate hain। itne mandir shiv ke va lakshmi-naaraayan ke bane hain to unki biography jaanna chaahiye na! yeh bhi gyaan saagar baap hi baith samjhaate hain। parampita paramatma ko hi knowledgeful gyaan ka saagar, aananda ka saagar kaha jaata hai। yeh paramatma ki mahima koi saadhu-santa aadi nahin jaante। woh to kah dete paramatma sarvavyaapi hai phir mahima kiski karen? paramatma ko na jaanne ke kaaran hi phir apne ko shivoham kah dete hain। nahin to paramatma ki mahima kitni badi hai। woh to manushya srishti ka beejroop hai। musalmaan log bhi kehte hain hamko khuda ne paida kiya, to ham rachna thahre। rachna, rachna ko varsa nahin de sakte। creation ko creator se varsa milta hai, is baat ko koi bhi nahin samajhte hain। woh beejroop sat hai, chaitanya hai, srishti ke aadi-madhya-ant ka unko gyaan hai। sivaae beej ke aadi-madhya-ant ka gyaan koi manushyamaatra mein ho nahin sakta। beej chaitanya hai to zaroor knowledge unmein hi hogi। vahi aakar tumko saare srishti ke aadi-madhya-ant ka knowledge dete hain। yeh bhi board laga dena chaahiye ki is pa ko jaanne se tum satayug ke chakravarti raaja athva svarga ke raaja ban jaayenge। kitni sahaj baat hai। baap kehte hain jab tak jeena hai, mujhe yaad karna hai। main khud tumko yeh vasheekran mantra deta hoon। ab tumko yaad karna hai baap ko। yaad se hi vikarma vinaash honge। yeh svadarshan chakra phirta rahe to maaya ka sir kat jaayega। ham tumhaari aatma ko pavitra banaakar le jaayenge phir tum satopradhaan shareer lenge। vahaan vikaar hota nahin। kehte hain vikaar bigar srishti kaise chalegi? bolo, tum shaayad devtaaon ke pujaari nahin ho। lakshmi-naaraayan ki to mahima gaate hain sampoorn nirvikaari। jagdamba, jagatpita nirvikaari hain, raajayog ki tapasya kar patit se paavan, svarga ke maalik bane hain। tapasya karte hi hain punya aatma banne ke liye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya ko buddhi se bhulaane ke liye chalte-phirte apne ko shantidham ka vaasi samajhna hai। shantidham aur sukhdhaam ko yaad kar sachchi kamaai karni hai aur doosron ko bhi karaani hai।

2) raajayog ki tapasya kar svayan ko punya aatma banaana hai। maaya ka sir kaatne ke liye svadarshan chakra sada phirta rahe।

vardaan:- sampannata dvaara sada santushtata ka anubhav karne vaale sampattivaan bhav

svaraajya ki sampatti hai gyaan, gun aur shaktiyaan। jo in sarva sampattiyon se sampanna svaraajya adhikaari hain woh sada santushta hain। unke paas apraapti ka naam nishaan nahin। had ke ichchhaaon ki avidya - isko kaha jaata hai sampatti-vaan। woh sada daata honge, mangata nahin। ve akhanda sukh-shaantimay svaraajya ke adhikaari hote hain। kisi bhi prakaar ki paristhiti unke akhanda shanti ko khandit nahin kar sakti।

slogan:- gyaan netra se teenon kaalon aur teenon lokon ko jaanne vaale master knowledgeful hain।