बुधवार 8 जनवरी 2025 की दैनिक मुरली

08-01-2025 praatahmurli om shanti "baapdaada"' madhuban

“meethe bachche - baap ki shreemat tumhein 21 peedhi ka sukh de deti hai, itni nyaari mat baap ke sivaae koi de nahin sakta, tum shreemat par chalte raho''

prashn:- apne aapko raajtilak dene ka sahaj purooshaartha kya hai?

uttar:- 1. apne aapko raaj-tilak dene ke liye baap ki jo shikshaayen milti hain un par achhi reeti chalo। ismen aasheervaad va kripa ki baat nahin। 2. follow father karo, doosre ko nahin dekhna hai, manmanaabhav, isse apne ko aapehi tilak milta hai। padhaai aur yaad ki yaatra se hi tum beggar tu prince bante ho।

geet:- om namo shivaae…

om shanti। jab baap aur daada om shanti kehte hain to do baar bhi kah sakte hain kyonki donon ek mein hain। ek hai avyakt, doosra hai vyakta, donon ikattha hain। do ka ikattha aavaaz bhi hota hai। alag-alag bhi ho sakta hai। yeh ek wonder hai। duniya mein yeh koi nahin jaante ki parampita paramatma inke shareer mein baith gyaan sunaate hain। yeh kahaan bhi likha hua nahin hai। baap ne kalpa pahle bhi kaha tha, abhi bhi kehte hain ki main is saadhaaran tan mein bahut janmon ke ant mein inmen pravesh karta hoon, inka aadhaar leta hoon। geeta mein kuchh na kuchh aise versions hain jo kuchh real bhi hain। yeh real akshar hain - main bahut janmon ke ant mein pravesh karta hoon, jabki yeh vaanaprastha avastha mein hai। inke liye yeh kehna theek hai। pahle-pahle satayug mein janma bhi inka hai। phir last mein vaanaprastha avastha mein hai, jismen hi baap pravesh karte hain। to inke liye hi kehte hain, yeh nahin jaante ki hamne kitne punarjanma liye। shaastron mein 84 laakh punarjanma likh diya hai। yeh sab hai bhakti maarga। inko kaha jaata hai - bhakti cult। gyaan kaanda alag hai, bhakti kaanda alag hai। bhakti karte-karte utarte hi aate hain। yeh gyaan to ek hi baar milta hai। baap ek hi baar sarva ki sadgati karne aate hain। baba aakar sabki ek hi baar praalabdha banaate hain - bhavishya ki। tum padhte hi ho bhavishya nai duniya ke liye। baap aate hi hain nai raajdhaani sthaapan karne isliye inko raajayog kaha jaata hai। inka bahut mahatva hai। chaahte hain bhaarat ka praacheen raajayog koi sikhlaave, parantu aajkal yeh sannyaasi log baahar jaakar kehte hain ki ham praacheen raajayog sikhlaane aaye hain। to woh bhi samajhte hain ham seekhen kyonki samajhte hain yog se hi paradise sthaapan hua tha। baap samjhaate hain - yogbal se tum paradise ke maalik bante ho। paradise sthaapan kiya hai baap ne। kaise sthaapan karte hain, woh nahin jaante। yeh raajayog roohaani baap hi sikhlaate hain। jismaani koi manushya sikhla na sake। aajkal adulteration, corruption to bahut hai na isliye baap ne kaha hai - main patiton ko paavan banaane vaala hoon। zaroor phir patit banaane vaala bhi koi hoga। abhi tum judge karo - barobar aise hai na? main hi aakar sabhi vedon-shaastron aadi ka saar sunaata hoon। gyaan se tumko 21 janmon ka sukh milta hai। bhakti maarga mein hai alpakaal kshanbhangur sukh, yeh hai 21 peedhi ka sukh, jo baap hi dete hain। baap tumko sadgati dene ke liye jo shreemat dete hain woh sabse nyaari hai। yeh baap sabki dil lene vaala hai। jaise woh jad delvaada mandir hai, yeh phir hai chaitanya dilvaala mandir। accurate tumhaari activity ke hi chitra bane hain। is samay tumhaari activity chal rahi hai। dilvaala baap mila hai - sarva ka sadgati karne vaala, sarva ka duhkh harkar sukh dene vaala। kitna oonch te oonch gaaya hua hai। oonch te oonch hai bhagwan shiv ki mahima। bhal chitron mein shankar aadi ke aage bhi shiv ka chitra dikhaaya hai। vaastav mein devtaaon ke aage shiv ka chitra rakhna to nishedh hai। woh to bhakti karte nahin। bhakti na devtaayen karte, na sannyaasi kar sakte hain। woh hain brahm gyaani, tatva gyaani। jaise yeh aakaash tatva hai, vaise woh brahm tatva hai। woh baap ko to yaad karte nahin, na unko yeh mahaamantra milta hai। yeh mahaamantra baap hi aakar sangamayug par dete hain। sarva ka sadgati daata baap ek hi baar aakar manmanaabhav ka mantra dete hain। baap kehte hain - bachche, deh sahit deh ke sab dharma tyaag, apne ko ashareeri aatma samajh mujh baap ko yaad karo। kitna sahaj samjhaate hain। raavan raajya ke kaaran tum sab deh-abhimaani bane ho। abhi baap tumko aatma-abhimaani banaate hain। apne ko aatma samajh mujh baap ko yaad karte raho to aatma mein jo khaad padi hai, woh nikal jaae। satopradhaan se sato mein aane se kalaayen kam hoti hain na। sone ki bhi carat hoti hain na। abhi to kaliyug ant mein sona dekhne mein bhi nahin aata, satayug mein to sone ke mahal hote hain। kitna raat-din ka pharka hai! uska naam hi hai - golden aged world। vahaan eet-patthar aadi ka kaam nahin hota। building banti hai to usmein bhi sone-chaandi ke sivaae aur kichad-patti nahin hoti। vahaan science se bahut sukh hain। yeh bhi drama bana hua hai। is samay science ghamandi hain, satayug mein ghamandi nahin kahenge। vahaan to science se tumko sukh milta hai। yahaan hai alpakaal ka sukh phir isse hi bada bhaari duhkh milta hai। bombs aadi yeh sab vinaash ke liye banaate hi rehte hain। bombs banaane ke liye doosron ko mana karte hain phir khud banaate rehte। samajhte bhi hain - in bombs se hamaari hi maut honi hai lekin phir bhi banaate rehte hain to buddhi maari hui hai na। yeh sab drama mein noondh hai। banaane ke sivaae rah nahin sakte। manushya samajhte hain ki in bombs se hamaara hi maut hoga parantu pata nahin ki kaun prerit kar raha hai, ham banaane bigar rah nahin sakte। zaroor banaane hi pade। vinaash ki bhi drama mein noondh hai। kitna bhi bhal koi pees prize de parantu pees sthaapan karne vaala ek baap hi hai। shanti ka saagar baap hi shanti, sukh, pavitrata ka varsa dete hain। satayug mein hai behad ki sampatti। vahaan to doodh ki nadiyaan bahti hain। vishnu ko ksheer saagar mein dikhaate hain। yeh bhent ki jaati hai। kahaan woh ksheer saagar, kahaan yeh vishay saagar। bhakti maarga mein phir talaav aadi bana-kar usmein patthar par vishnu ko sula dete hain। bhakti mein kitna kharcha karte hain। kitna vesta oph time, vesta oph mani karte hain। deviyon ki moortiyaan kitna kharcha kar banaate hain phir samudra mein daal dete hain to paise vesta hue na। yeh hai gudiyon ki pooja। koi ke bhi occupation ka kisko pata nahin hai। abhi tum kiske bhi mandir mein jaao to tum har ek ka occupation jaante ho। bachchon ko mana nahin hai - kahaan bhi jaane ki। aage to besmajh bankar jaate the, abhi sensible bankar jaate ho। tum kahenge ham inke 84 janmon ko jaante hain। bhaaratvaasiyon ko to shreekrishna ke janma ka bhi pata nahin hai। tumhaari buddhi mein yeh saari knowledge hai। knowledge source oph income hai। ved-shaastra aadi mein koi em object nahin hai। school mein hamesha em object hoti hain। is padhaai se tum kitne saahookaar bante ho।

gyaan se hoti hai sadgati। is knowledge se tum sampattivaan bante ho। tum koi bhi mandir mein jaayenge to jhat samjhenge - yeh kiska yaadgaar hai! jaise delvaada mandir hai - woh hai jad, yeh hai chaitanya। hoobhu jaise yahaan jhaad mein dikhaaya hai, vaisa mandir bana hua hai। neeche tapasya mein baithe hain, oopar chhat mein saara svarga hai। bahut kharche se banaaya hua hai। yahaan to kuchh bhi nahin hai। bhaarat 100 percent solvent, paavan tha, abhi bhaarat 100 percent insolvent patit hai kyonki yahaan sab vikaar se paida hote hain। vahaan gandagi ki baat nahin hoti। garood puraan mein rochak baaten isliye likhi hain ki manushya kuchh sudhren। parantu drama mein manushyon ka sudharna hai nahin। abhi eeshvareey sthaapna ho rahi hai। eeshvar hi svarga sthaapan karenge na। unko hi heavenly god father kaha jaata hai। baap ne samjhaaya hai woh lashkar jo ladte hain, woh sab kuchh karte hain raaja-raani ke liye। yahaan tum maaya par jeet paate ho apne liye। jitna karenge utna paayenge। tum har ek ko apna tan-man-dhan bhaarat ko svarga banaane mein kharcha karna padta hai। jitna karenge utna oonch pad paayenge। yahaan rahne ka to kuchh hai nahin। abhi ke liye hi gaayan hai - kinki dabi rahegi dhool mein… abhi baap aaya hua hai, tumko raajya-bhaagya dilaane। kehte hain ab tan-man-dhan sab ismen laga do। isne (brahma ne) sab kuchh nyochhaavar kar diya na। inko kaha jaata hai mahaadaani। vinaashi dhan ka daan karte hain to avinaashi dhan ka bhi daan karna hota hai, jitna jo daan kare। naameegraami daani hote hain to kehte hain phalaana bada philanthropist tha। naam to hota hai na। vo indirect eeshvar arth karte hain। raajaai nahin sthaapan hoti hai। abhi to raajaai sthaapan hoti hai isliye complete philanthropist banna hai। bhakti maarga mein gaate bhi hain ham vaari jaayenge....। ismen kharcha kuchh nahin hai। government ka kitna kharcha hota hai। yahaan tum jo kuchh karte ho apne liye, phir chaahe 8 ki maala mein aao, chaahe 108 mein, chaahe 16108 mein। paas with honour banna hai। aisa yog kamaao jo karmaateet avastha ko pa lo phir koi saja na khaao।

tum sab ho warriors। tumhaari ladaai hai raavan se, koi manushya se nahin hai। naapaas hone ke kaaran do kala kam ho gai। treta ko do kala kam svarga kahenge। purooshaartha to karna chaahiye na - baap ko poora follow karne ka। ismen man-buddhi se surrender hona hota hai। baba yeh sab kuchh aapka hai। baap kahenge yeh service mein lagaao। main jo tumko mat deta hoon, woh kaarya karo, university kholo, centres kholo। bahuton ka kalyaan ho jaayega। sirf yeh message dena hai baap ko yaad karo aur varsa lo। messenger, paigambar tum bachchon ko kaha jaata hai। sabko yeh message do ki baap brahma dvaara kehte hain ki mujhe yaad karo to tumhaare vikarma vinaash honge, jeevanmukti mil jaayegi। abhi hain jeevanbandh phir jeevanmukta honge। baap kehte hain main bhaarat mein hi aata hoon। yeh drama anaadi bana hua hai। kab bana, kab poora hoga? yeh prashn nahin uth sakta। yeh to drama anaadi chalta hi rehta hai। aatma kitni chhoti bindi hai। usmein yeh avinaashi part noondha hua hai। kitni guhya baaten hain। star misal chhoti bindi hai। maataayen bhi yahaan mastak par bindi deti hain। abhi tum bachche purooshaartha se apne aapko raajtilak de rahe ho। tum baap ki shiksha par achhi reeti chalenge to jaise ki tum apne ko raaj-tilak dete ho। aise nahin ki ismen aasheervaad va kripa hogi। tum hi apne ko raaj-tilak dete ho। asul mein yeh raaj-tilak hai। follow father karne ka purooshaartha karna hai, doosron ko nahin dekhna hai। yeh hai manmanaabhav, jisse apne ko aapehi tilak milta hai, baap nahin dete hain। yeh hai hi raajayog। tum beggar tu prince bante ho। to kitna achha purooshaartha karna chaahiye। phir inko bhi follow karna hai। yeh to samajh ki baat hai na। padhaai se kamaai hoti hai। jitna-jitna yog utni dhaarna hogi। yog mein hi mehnat hai isliye bhaarat ka raajayog gaaya hua hai। baaki ganga snaan karte-karte to aayu bhi chali jaaye to bhi paavan ban na saken। bhakti maarga mein eeshvar arth gareebon ko dete hain। yahaan phir khud eeshvar aakar gareebon ko hi vishwa ki baadshaahi dete hain। gareeb nivaaz hai na। bhaarat jo 100 percent solvent tha, woh is samay 100 percent insolvent hai। daan hamesha gareebon ko diya jaata hai। baap kitna oonch banaate hain। aise baap ko gaali dete hain। baap kehte hain - aise jab glaani karte hain tab mujhe aana padta hai। yeh bhi drama bana hua hai। yeh baap bhi hai, teacher bhi hai। sikkha log kehte hain - satguru akaal। baaki bhakti maarga ke guru to dher hain। akaal ko takhta sirf yeh milta hai। tum bachchon ka bhi takhta use karte hain। kehte hain main inmen pravesh kar sabka kalyaan karta hoon। is samay inka yeh part hai। yeh badi samajhne ki baaten hain। naya koi samajh na sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avinaashi gyaan dhan ka daan kar mahaadaani banna hai। jaise brahma baap ne apna sab kuchh ismen laga diya, aise follow father kar raajaai mein oonch pad lena hai।

2) sajaaon se bachne ke liye aisa yog kamaana hai jo karmaateet avastha ko pa len। paas with honour banne ka poora-poora purooshaartha karna hai। doosron ko nahin dekhna hai।

vardaan:- kade niyam aur dridh sankalp dvaara albelepan ko samaapta karne vaale brahma baap samaan athak bhav

brahma baap samaan athak banne ke liye albelepan ko samaapta karo, iske liye koi kada niyam banaao। dridh sankalp karo, attention roopi chaukeedaar sada alert rahen to albelaapan samaapta ho jaayega। pahle sva ke oopar mehnat karo phir seva mein, tab dharni parivartan hogi। abhi sirf “kar lenge, ho jaayega'' is aaraam ke sankalpon ke Dunlop ko chhodo। karna hi hai, yeh slogan mastak mein yaad rahe to parivartan ho jaayega।

slogan:- samartha bol ki nishaani hai - jis bol mein aatmik bhaav aur shubh bhaavna ho।

apni shaktishaali mansa dvaara sakaash dene ki seva karo

jitna-jitna samay sameep aata ja raha hai utna vyartha sankalp bhi badh rahe hain, lekin yeh chuktu hone ke liye baahar nikal rahe hain। unhon ka kaam hai aana aur aapka kaam hai udti kala dvaara, sakaash dvaara parivartan karna। ghabraao nahin। uske sek mein nahin aao।