बुधवार 22 जनवरी 2025 की दैनिक मुरली

22-01-2025 praatahmurli om shanti "baapdaada"' madhuban

“meethe bachche - yeh anaadi bana-banaaya drama hai, yeh bahut achha bana hua hai, iske past, present aur future ko tum bachche achhi tarah jaante ho''

prashn:- kis kashish ke aadhaar par sabhi aatmaayen tumhaare paas kheenchati hui aayengi?

uttar:- pavitrata aur yog ki kashish ke aadhaar par। isi se hi tumhaari vriddhi hoti jaayegi। aage chalkar baap ko phat se jaan jaayenge। dekhenge itne dher sab varsa le rahe hain to bahut aayenge। jitni deri hogi utni tumhaare mein kashish hoti jaayegi।

om shanti। roohaani bachchon ko yeh to maaloom hai ki ham aatmaayen paramdham se aati hain - buddhi mein hai na। jab sabhi aatmaayen aakarke poori hoti hain, baaki thode rehte hain tab baap aate hain। abhi tum bachchon ko koi ko bhi samjhaana bahut sahaj hai। doordesh ka rahne vaala sabse pichhaadi mein aate hain। baaki thode rehte hain। abhi tak bhi vriddhi hoti rehti hai na। yeh bhi jaante ho - baap ko koi bhi jaante nahin hain to phir rachna ke aadi-madhya-ant ko kaise jaanenge। yeh behad ka drama hai na। to drama ke actors ko maaloom hona chaahiye। jaise had ke actors ko bhi maaloom hota hai - phalaane-phalaane ko yeh part mila hua hai। jo cheez past ho jaati hai unka hi phir chhota drama banaate hain। future ka to bana na saken। past jo hua hai use lekar aur kuchh kahaaniyaan bhi banaakar drama taiyaar karte hain, vahi sabko dikhaate hain। future ko to jaante hi nahin। abhi tum samajhte ho baap aaya hai, sthaapna ho rahi hai, ham varsa pa rahe hain। jo jo aate rehte hain, unko ham raasta bataate hain - devi-devta pad paane। yeh devtaayen itna oonch kaise bane? yeh bhi kisko pata nahin hai। vaastav mein aadi sanaatan to devi-devta dharma hi hai। apne dharma ko bhool jaate hain to kah dete hain - hamaare liye to sab dharma ek hi hain।

ab tum bachche jaante ho baba hamko padha rahe hain। baap ke direction se hi chitra aadi banaaye jaate hain। baba divya drishti se chitra banvaate the। koi to phir apni buddhi se bhi banaate hain। bachchon ko yeh bhi samjhaaya hai, yeh zaroor likho part-dhaari actors to hain parantu creator, director aadi ko koi nahin jaante। baap ab naye dharma ki sthaapna kar rahe hain। puraane se nai duniya banni hai। yeh bhi buddhi mein rehna chaahiye। puraani duniya mein hi baap aakar ke tumko brahman banaate hain। brahman hi phir devta banenge। yukti dekho kaisi achhi hai। bhal yeh hai anaadi bana-banaaya drama, parantu bana bahut achha hai। baap kehte hain tumko guhya-guhya baaten nitya sunaata rehta hoon। jab vinaash shuru hoga to tum bachchon ko past ki saari history maaloom hogi। phir satayug mein jaayenge to past ki history kuchh bhi yaad nahin rahegi। practical act karte rehte ho। past ka kisko sunaayenge? yeh lakshmi-naaraayan past ko bilkul jaante nahin। tumhaari buddhi mein to past, present, future sab hai - kaise vinaash hoga, kaise raajaai hogi, kaise mahal banaayenge? banenge to zaroor na। svarga ki scene-scenery hi alag hain। jaise-jaise part bajaate rahenge maaloom padta jaayega। isko kaha jaata hai - khoone naahek khel। naahek nuksaan hota rehta hai na। earthquake hoti hai, kitna nuksaan hota hai। bombs phenkate hain, yeh naahek hai na। koi kuchh karta thode hi hai। vishaal buddhi jo hain woh samajhte hain - vinaash barobar hua tha। zaroor maaraamaari hui thi। aisa khel bhi banaate hain। yeh to samajh bhi sakte hain। koi samay kiski buddhi mein touch hota hai। tum to practical mein ho। tum us raajdhaani ke maalik bhi bante ho। tum jaante ho abhi us nai duniya mein chalna zaroor hai। brahman jo bante hain, brahma dvaara ya brahmaakumaar-kumaariyon dvaara knowledge lete hain to vahaan aa jaate hain। rehte to apne ghar-grihastha mein hain na। bahuton ko to jaan bhi na sako। centres par kitne aate hain। itne sab yaad thode hi rah sakte hain। kitne brahman hain, vriddhi hote-hote anginat ho jaayenge। accurate hisaab nikaal nahin sakenge। raaja ko maaloom thode hi padta hai - accurate hamaari praja kitni hai। bhal aadamshumaari aadi nikaalte hain phir bhi farka pad jaata hai। ab tum bhi student, yeh bhi student hain। sab bhaaiyon (aatmaon) ko yaad karna hai - ek baap ko। chhote bachchon ko bhi sikhlaaya jaata hai - baba-baba kaho। yeh bhi tum jaante ho aage chalkar baap ko phat se jaan jaayenge। dekhenge itne dher sab varsa le rahe hain to bahut aayenge। jitna deri hogi utna tumhaare mein kashish hoti jaayegi। pavitra banne se kashish hoti hai, jitna yog mein rahenge utna kashish hogi, auron ko bhi kheechenge। baap bhi kheenchate hain na। bahut vriddhi ko paate rahenge। uske liye yuktiyaan bhi rachi ja rahi hain। geeta ka bhagwan kaun? shreekrishna ko yaad karna to bahut sahaj hai। woh to saakaar roop hai na। niraakaar baap kehte hain maamekam yaad karo - is baat par hi saara madaar hai isliye baba ne kaha tha is baat par sabse likhaate raho। badi-badi list banaayenge to manushyon ko pata padega।

tum brahman jab pakke nishchaybuddhi honge, jhaad vriddhi ko paata rahega। maaya ke toofaan bhi pichhaadi tak chalenge। vijay pa li phir na purooshaartha rahega, na maaya rahegi। yaad mein hi bahut karke haarte hain। jitna tum yog mein majboot rahenge, utna haarenge nahin। yeh raajdhaani sthaapan ho rahi hai। bachchon ko nishchay hai hamaari raajaai hogi phir ham heere-javaahar kahaan se laayenge! khaaniyaan sab kahaan se aayengi! yeh sab the to sahi na। ismen moonjhane ki to baat hi nahin। jo hona hai so practical mein dekhenge। svarga banna to zaroor hai। jo achhi reeti padhte hain, unhon ko nishchay rahega ham jaakar bhavishya mein prince banoonga। heere-javaahron ke mahal honge। yeh nishchay bhi serviceable bachchon ko hi hoga jo kam pad paane vaale honge, unko to kabhi aise-aise khyaal aayenge bhi nahin ki ham mahal aadi kaise banaayenge। jo bahut service karenge vahi mahlon mein jaayenge na। daas-daasiyaan to taiyaar milenge। serviceable bachchon ko hi aise-aise khyaal aayenge। bachche bhi samajhte hain kaun-kaun achhi service karne vaale hain। ham to padhe hue ke aage bhari dhoyenge। jaise yeh baba hai, baba ko khyaalaat rehti hai na। boodha aur baalak samaan ho gaya isliye inki activity bhi bachpan misal hoti hai। baba ki to ek hi act hai - bachchon ko padhaana, sikhlaana। vijay maala ka daana banna hai to purushaartha bhi bahut chaahiye। bahut meetha banna hai। shreemat par chalna pade tab hi oonch banenge। yeh to samajh ki baat hai na। baap kehte hain ham jo sunaate hain us par judge karo। aage chal aur bhi tumko saakshaatkaar hota rahega। najdeek aate rahenge to yaad aati rahegi। 5 hazaar varsha hue hain apni raajdhaani se laute hain। 84 janmon ka chakra lagaakar aaye hain। jaise Vasco da Gama ke liye kehte hain - world ka chakra lagaaya। tumne is world mein 84 ka chakra lagaaya hai। vo Vasco da Gama ek gaya na। yeh bhi ek hai, jo tumko 84 janmon ka raaz samjhaate hain। dynasty chalti hai। to apne andar dekhna hai - hamaare mein koi deh-abhimaan to nahin hai? funk to nahin ho jaate hain? kahaan bigadte to nahin hain?

tum yogbal mein honge, shivbaaba ko yaad karte rahenge to tumko koi bhi chamaat aadi maar nahin sakenge। yogbal hi dhaal hai। koi kuchh kar bhi nahin sakenge। agar koi chot khaate hain to zaroor deh-abhimaan hai। dehi-abhimaani ko chot koi maar na sake। bhool apni hi hoti hai। vivek aisa kehta hai - dehi-abhimaani ko koi kuchh bhi kar nahin sakenge isliye koshish karni hai dehi-abhimaani banne ki। sabko paigaam bhi dena hai। bhagvaanuvaach, manmanaabhav। kaun-sa bhagwan? yeh bhi tum bachchon ko samjhaana hai। bas is ek hi baat mein tumhaari vijay honi hai। saari duniya mein manushyon ki buddhi mein shreekrishna bhagvaanuvaach hai। jab tum samjhaate ho to kehte hain - baat to barobar hai। parantu jab tumhaare muaaphik samjhen tab kahen baba jo sikhlaate hain woh theek hai। shreekrishna thode hi kahenge - main aisa hoon, mere ko koi jaan nahin sakte। shreekrishna ko to sab jaan leven। aise bhi nahin hai ki shreekrishna ke tan se bhagwan kehte hain। nahin। shreekrishna to hota hi hai satayug mein। vahaan kaise bhagwan aayenge? bhagwan to aate hi hain purushottam sangamayug par। to tum bachche bahuton se likhaate jaao। tumhaari aisi badi chaupdi chhapi hui honi chaahiye, usmein sabki likhat ho। jab dekhenge yeh to itne sabne aise likha hai to khud bhi likhenge। phir tumhaare paas bahuton ki likhat ho jaayegi - geeta ka bhagwan kaun? oopar mein bhi likha hua ho ki oonch te oonch baap hi hai, shreekrishna to oonch te oonch hai nahin। woh kah na sake ki maamekam yaad karo। brahma se bhi oonch te oonch bhagwan hai na। mukhya baat hi yeh hai jismen sabka devaala nikal jaayega।

baba koi aise nahin kehte ki yahaan baithna hai। nahin, satguru ko apna banaae phir apne ghar mein jaakar raho। shuru mein to tumhaari bhatthi thi। shaastron mein bhi bhatthi ki baat hai parantu bhatthi kisko kaha jaata hai, yeh koi nahin jaante hain। bhatthi hoti hai eeton ki। unmein koi pakki, koi khanjar nikalti hain। yahaan bhi dekho sona hai nahin, baaki bhittar-thikkar hai। puraani cheez ka maan bahut hai। shivbaaba ka, devtaaon ka bhi maan hai na। satayug mein to maan ki baat hi nahin। vahaan thode hi puraani cheejen baith dhoondhate hain। vahaan pet bhara hua rehta hai। dhoondhane ki darkaar nahin rehti। tumko khodna karna nahin padta, dvaapar ke baad khodna shuru karenge। makaan banaate hain, kuchh nikal aata hai to samajhte hain neeche kuchh hai। satayug mein tumko koi parvaah nahin। vahaan to sona hi sona hota hai। eeten hi sone ki hoti hain। kalpa pahle jo hua hai, jo noondh hai vahi saakshaatkaar hota hai। aatmaon ko bulaaya jaata hai, woh bhi drama mein noondh hai। ismen moonjhane ki darkaar nahin। second by second part bajta hai, phir gum ho jaata hai। yeh padhaai hai। bhakti maarga mein to anek chitra hain। tumhaare yeh chitra sab arth sahit hain। arth bigar koi chitra nahin। jab tak tum kisko samjhaao nahin tab tak koi samajh na sake। samjhaane vaala samajhdaar knowledgeful ek baap hi hai। abhi tumko milti hai eeshvareey mat। eeshvareey gharaane ke athva kul ke tum ho। eeshvar aakar gharaana hi sthaapan karte hain। abhi tumko raajaai kuchh nahin hai। raajdhaani thi, ab nahin hai। devi-devtaaon ka dharma bhi zaroor hai। sooryavanshi-chandravanshi raajaai hai na। geeta se brahman kul bhi banta hai, sooryavanshi-chandravanshi kul bhi banta hai। baaki aur koi ho na saken। tum bachche srishti ke aadi-madhya-ant ko jaan gaye ho। aage to samajhte the - badi pralay hoti hai। peechhe dikhaate hain - saagar mein peepal ke patte par shreekrishna aate hain। pahla number to shreekrishna hi aate hain na। baaki saagar ki baat nahin hai, abhi tum bachchon ko samajh badi achhi aai hai। khushi bhi unko hogi jo roohaani padhaai achhi reeti padhte honge। jo achhi reeti padhte hain vahi paas with honour hote hain। agar koi se dil lagi hui hogi to padhaai ke samay bhi woh yaad aata rahega। buddhi vahaan chali jaayegi isliye padhaai hamesha brahmacharya mein hoti hai। yahaan tum bachchon ko samjhaaya jaata hai ek baap ke sivaae aur kahaan bhi buddhi nahin jaani chaahiye। parantu jaante hain bahuton ko puraani duniya yaad aa jaati hai। phir yahaan baithe bhi sunte hi nahin। bhakti maarga mein bhi aise hote hain। satsang mein baithe bhi buddhi kahaan-kahaan bhaagti rahegi। yeh to bahut bada jabardasta imtahaan hai। koi to jaise baithe hue bhi sunte nahin hain। kai bachchon ko to khushi hoti hai। saamne khushi mein jhoolte rahenge। buddhi baap ke saath hogi to phir ant mati so gati ho jaayegi। iske liye bahut achha purushaartha karna hai। yahaan to tumko bahut dhan milta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vijay maala ka daana banne ke liye bahut achha purushaartha karna hai, bahut meetha banna hai, shreemat par chalna hai।

2) yog hi safety ke liye dhaal hai isliye yogbal jama karna hai। dehi-abhimaani banne ki poori koshish karni hai।

vardaan:- “vishesh'' shabd ki smriti dvaara sampoornata ki manzil ko praapta karne vaale sva parivartak bhav

sada yahi smriti mein rahe ki ham vishesh aatma hain, vishesh kaarya ke nimitta hain aur visheshta dikhaane vaale hain। yeh vishesh shabd vishesh yaad rakho - bolna bhi vishesh, dekhna bhi vishesh, karna bhi vishesh, sochna bhi vishesh…har baat mein yeh vishesh shabd laane se sahaj sva parivartak so vishwa parivartak ban jaayenge aur jo sampoornata ko praapta karne ka lakshya hai, us manzil ko bhi sahaj hi praapta kar lenge।

slogan:- vighnon se ghabraane ke bajaae paper samajhkar unhein paar karo।

apni shaktishaali mansa dvaara sakaash dene ki seva karo

abhi mansa ki quality ko badhaao to quality vaali aatmaayen sameep aayengi। ismen double seva hai - sva ki bhi aur doosron ki bhi। sva ke liye alag mehnat nahin karni padegi। praalabdha praapta hai, aisi sthiti anubhav hogi। is samay ki shreshtha praalabdha hai “sada svayan sarva praaptiyon se sampanna rehna aur sabko sampanna banaana''।