मंगलवार 21 जनवरी 2025 की दैनिक मुरली

21-01-2025 praatahmurli om shanti "baapdaada"' madhuban

“meethe bachche - savere-savere uth baap se meethi roohrihaan karo, baap ne jo shikshaayen di hain unhein ugaarte raho''

prashn:- saara din khushi-khushi mein beete, uske liye kaun-si yukti rachni chaahiye?

uttar:- roz amritvele uthkar gyaan ki baaton mein raman karo। apne aapse baaten karo। saare drama ke aadi-madhya-ant ka simran karo, baap ko yaad karo to saara din khushi mein beetega। student apni padhaai ki rehearsal karte hain। tum bachche bhi apni rehearsal karo।

geet:- aaj andhere mein hai insaan… …

om shanti। meethe-meethe sikeeldhe bachchon ne geet suna। tum bhagwan ke bachche ho na। tum jaante ho bhagwan hamko raah dikha rahe hain। woh pukaarte rehte hain ki ham andhere mein hain kyonki bhakti maarga hai hi andhiyaara maarga। bhakta kehte hain ham tumse milne ke liye bhatak rahe hain। kab teerthon par, kab kahaan daan-punya karte, mantra japte hain। anek prakaar ke mantra dete hain phir bhi koi samajhte thode hi hain ki ham andhere mein hain। sojhra kya cheez hai - kuchh bhi samajhte nahin, kyonki andhiyaare mein hain। abhi tum to andhiyaare mein nahin ho। tum vriksha mein pahle-pahle aate ho। nai duniya mein jaakar raajya karte ho, phir seedhi utarte ho। iske beech mein islaami, bauddhi, Christian aate hain। ab baap phir sapling laga rahe hain। savere uthkar aise-aise gyaan ki baaton mein raman karna chaahiye। kitna yeh wonderful naatak hai, is drama ke film reel ki duration hai 5000 varsha। satayug ki aayu itni, treta ki aayu itni...... baba mein bhi yeh saara gyaan hai na। duniya mein aur koi nahin jaante। to bachchon ko savere uthkar ek to baap ko yaad karna hai aur gyaan ka simran karna hai khushi mein। abhi ham saare drama ke aadi-madhya-ant ko jaan chuke hain। baap kehte hain kalpa ki aayu hi 5 hazaar varsha hai। manushya kah dete laakhon varsha। kitna wonderful naatak hai। baap baith jo shiksha dete hain usko phir ugaarna chaahiye, rehearsal karna chaahiye। student padhaai ki rehearsal karte hain na।

tum meethe-meethe bachche saare drama ko jaan gaye ho। baba ne kitna sahaj reeti bataaya hai ki yeh anaadi, avinaashi drama hai। ismen jeette hain aur phir haarte hain। ab chakra poora hua, hamko ab ghar jaana hai। baap ka pharmaan mila hai mujh baap ko yaad karo। yeh drama ki knowledge ek hi baap dete hain। naatak kabhi laakhon varsha ka thode hi hota hai। koi ko yaad bhi na rahe। 5 hazaar varsha ka chakra hai jo saara tumhaari buddhi mein hai। kitna achha haar aur jeet ka khel hai। savere uthkar aise-aise khyaal chalne chaahiye। hamko baba raavan par jeet pahnaate hain। aisi-aisi baaten savere-savere uth apne saath karni chaahiye to aadat pad jaayegi। is behad ke naatak ko koi nahin jaante hain। actor hokar aadi-madhya-ant ko nahin jaante hain। abhi ham baba dvaara laayak ban rahe hain।

baba apne bachchon ko aap samaan banaate hain। aap samaan bhi kya, baap to bachchon ko apne kandhe par chadhaate hain। baba ka kitna pyaar hai bachchon se। kitna achhi reeti samjhaate hain meethe-meethe bachchon, main tumko vishwa ka maalik banaata hoon। main nahin banta hoon, tum bachchon ko banaata hoon। tum bachchon ko gul-gul banaakar phir teacher ban padhaata hoon। phir sadgati ke liye gyaan dekar tumko shantidham-sukhdhaam ka maalik banaata hoon। main to nirvaandhaam mein baith jaata hoon। laukik baap bhi mehnat kar, dhan kamaakar sab kuchh bachchon ko dekar khud vaanaprastha mein jaakar bhajan aadi karte hain। parantu yahaan to baap kehte hain agar vaanaprastha avastha hai to bachchon ko samjhaakar tumhein is service mein lag jaana hai। phir grihastha vyavhaar mein phansana nahin hai। tum apna aur doosron ka kalyaan karte raho। abhi tum sabki vaanaprastha avastha hai। baap kehte hain main aaya hoon tumko vaani se pare le jaane liye। apvitra aatmaayen to ja na saken। yeh baap sammukh samjha rahe hain। maja bhi sammukh mein hai। vahaan to phir bachche baith sunaate hain। yahaan baap sammukh hai tab to madhuban ki mahima hai na। to baap kehte hain savere uthne ki aadat daalo। bhakti bhi manushya savere uthkar karte hain parantu usse varsa to milta nahin, varsa milta hai rachta baap se। kabhi rachna se varsa mil na sake isliye kehte hain ham rachta aur rachna ke aadi-madhya-ant ko nahin jaante hain। agar woh jaante hote to woh parampara chala aata। bachchon ko yeh bhi samjhaana hai ki ham kitne shreshtha dharma vaale the phir kaise dharma bhrashta, karma bhrashta bane hain। maaya godrej ka taala buddhi ko laga deti hai isliye bhagwan ko kehte hain aap buddhivaanon ki buddhi ho, inki buddhi ka taala kholo। ab to baap sammukh samjha rahe hain। main gyaan ka saagar hoon, tumko in dvaara samjhaata hoon। kaun-sa gyaan? yeh srishti chakra ke aadi, madhya, ant ka gyaan jo koi bhi manushya de na sake।

baap kehte hain, satsang aadi mein jaane se phir bhi school mein padhna achha hai। padhaai source oph income hai। satsangon mein to milta kuchh nahin। daan-punya karo, yeh karo, bhenta rakho, kharcha hi kharcha hai। paisa bhi rakho, maatha bhi teko, tippad hi ghis jaati। abhi tum bachchon ko jo gyaan mil raha hai, usko simran karne ki aadat daalo aur doosron ko bhi samjhaana hai। baap kehte hain ab tumhaari aatma par brihaspati ki dasha hai। vrikshapti bhagwan tumko padha rahe hain, tumko kitni khushi honi chaahiye। bhagwan padhaakar hamko bhagwan bhagavti banaate hain, oho! aise baap ko jitna yaad karenge to vikarma vinaash honge। aise-aise vichaar saagar manthan karne ki aadat daalni chaahiye। daada hamko is baap dvaara varsa de rahe hain। khud kehte hain main is rath ka aadhaar leta hoon। tumko gyaan mil raha hai na। gyaan gangaayen gyaan sunaakar pavitra banaati hain ki ganga ka paani? ab baap kehte hain - bachche, tum bhaarat ki sachchi-sachchi seva karte ho। woh social workers to had ki seva karte hain। yeh hai roohaani sachchi seva। bhagvaanuvaach baap samjhaate hain, bhagwan punarjanma rahit hai। shreekrishna to poore 84 janma lete hain। unka geeta mein naam laga diya hai। naaraayan ka kyon nahin lagaate hain? yeh bhi kisko pata nahin ki shreekrishna hi shreenaaraayan bante hain। shreekrishna prince tha phir raadhe se svayanvar hua। ab tum bachchon ko gyaan mila hai। samajhte ho shivbaaba hamko padhaate hain। woh baba bhi hai, teacher, satguru bhi hai। sadgati dete hain। oonch te oonch bhagwan shiv hi hai। woh kehte hain meri ninda karne vaale oonch thaur pa nahin sakte। bachche agar nahin padhte hain to master ki ijzat jaati hai। baap kehte hain tum meri ijzat nahin ganvaana। padhte raho। em object to saamne khadi hai। woh phir guru log apne liye kah dete hain, jis kaaran manushya dar jaate hain। samajhte hain koi shraap na mil jaae। guru se mila hua mantra hi sunaate rehte hain। sannyaasiyon se poochha jaata hai tumne gharbaar kaise chhoda? kehte hain yeh vyakta baaten mat poochho। are, kyon nahin bataate ho? hamko kya pata tum kaun ho? shrewd buddhi vaale aisi baat karte hain। agyaan kaal mein koi-koi ko nasha rehta hai। svaami raam teertha ka ananya shishya svaami naaraayan tha। unki kitaab aadi baba ki padhi hui hai। baba ko yeh sab padhne ka shauk rehta tha। chhotepan mein vairaagya aata tha। phir ek baar bioscope dekha, bas vritti kharaab hui। saadhoopna badal gaya। to ab baap samjhaate hain woh sab guru aadi hain bhakti maarga ke। sarva ka sadgati daata to ek hi hai, jisko sab yaad karte hain। gaate bhi hain mera to ek girdhar gopaal doosra na koi। girdhar shreekrishna ko kehte hain। vaastav mein gaali yeh brahma khaate hain। shreekrishna ki aatma jab ant mein gaanv ka chhora tamopradhaan hai tab gaali khaai hai। asul mein to yahi shreekrishna ki aatma hai na। gaanv mein pala hua hai। raaste chalte brahman phans gaya arthaat baba ne pravesh kiya, kitni gaali khaai। America tak aavaaz chala gaya। wonderful drama hai। abhi tum jaante ho to khushi hoti hai। ab baap samjhaate hain yeh chakra kaise phirta hai? ham kaise brahman the phir devta, kshatriy.......bane। yeh 84 ka chakra hai। yeh saara smriti mein rakhna hai। rachta aur rachna ke aadi-madhya-ant ko jaanna hai, jo koi nahin jaante hain। tum bachche samajhte ho ham vishwa ka maalik bante hain, ismen koi takleeph to nahin। aise thode hi kehte aasan aadi lagaao। hathayog aise sikhlaate hain baat mat poochho। koi-koi ki brain hi kharaab ho jaati hai। baap kitni sahaj kamaai karaate hain। yeh hai 21 janmon ke liye sachchi kamaai। tumhaari hatheli par bahishta hai। baap bachchon ke liye svarga ki saugaat laate hain। aise aur koi manushya kah na sake। baap hi kehte hain, inki aatma bhi sunti hai। to bachchon ko savere uth aise-aise vichaar karne chaahiye। bhakta log bhi savere gupta maala pherte hain। usko gaoomukh kehte hain। usmein andar haath daal maala pherte hain। raam-raam.......jaise ki baaja bajta hai। vaastav mein gupta to yeh hai, baap ko yaad karna। ajpaajaap isko kaha jaata hai। khushi rehti hai, kitna wonderful drama hai। yeh behad ka naatak hai jo sivaae tumhaare aur koi ki buddhi mein nahin hai। tumhaare mein bhi nambarvaar purushaartha anusaar hain। hai bahut easy। hamko to ab bhagwan padhaate hain। bas unko hi yaad karna hai। varsa bhi unse milta hai। is baba ne to dhak se sab kuchh chhod diya kyonki beech mein baba ki praveshta thi na। sab kuchh in maataaon ke arpan kar diya। baap ne kaha itni badi sthaapna karni hai, sab is seva mein laga do। ek paisa bhi kisko dena nahin hai। nashtomoha itna chaahiye। badi manzil hai। meera ne loklaaz vikaari kul ki maryaada chhodi to kitna unka naam hai। yeh bachchiyaan bhi kehti hain ham shaadi nahin karengi। lakhapti ho, koi bhi ho, ham to behad ke baap se varsa lengi। to aisa nasha chadhna chaahiye। bachchon ko behad ka baap baith shrringaarte hain। ismen paise aadi ki darkaar bhi nahin hai। shaadi ke din vanvaah mein bithaate hain, puraane phate hue kapde aadi pahnaate hain। phir shaadi ke baad naye kapde, jevar aadi pahnaate hain। yeh baap kehte hain main tumko gyaan ratnon se shrringaarta hoon, phir tum yeh lakshmi-naaraayan banenge। aise aur koi kah na sake।

baap hi aakar pavitra pravritti maarga ki sthaapna karte hain isliye vishnu ko bhi 4 bhuja dikhaate hain। shankar ke saath paarvati, brahma ke saath sarasvati dikhaai hai। ab brahma ki koi stri to hai nahin। yeh to baap ka ban gaya। kaisi wonderful baaten hain। maat-pita to yeh hai na। yeh prajaapita bhi hai, phir in dvaara baap rachte hain to maa bhi thahri। sarasvati brahma ki beti gaai jaati hai। yeh sab baaten baap baith samjhaate hain। jaise baba savere uthkar vichaar saagar manthan karte hain, bachchon ko bhi follow karna hai। tum bachche jaante ho ki yeh haar-jeet ka wonderful khel bana hua hai, ise dekhkar khushi hoti hai, ghrina nahin aati। ham yeh samajhte hain, ham saare drama ke aadi-madhya-ant ko jaan gaye hain isliye ghrina ki to baat hi nahin। tum bachchon ko mehnat bhi karni hai। grihastha vyavhaar mein rehna hai, paavan banne ka beeda uthaana hai। ham yugal ikatthe rah pavitra duniya ka maalik banenge। phir koi-koi to fail bhi ho padte hain। baba ke haath mein koi shaastra aadi nahin hain। yeh to shivbaaba kehte hain main brahma dvaara tumko sabhi vedon-shaastron ka saar sunaata hoon, shreekrishna nahin। kitna farka hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai par poora dhyaan dena hai। aisa koi karma na ho jisse baap, teacher aur satguru ki ninda ho। ijzat ganvaane vaala koi karma nahin karna hai।

2) vichaar saagar manthan karne ki aadat daalni hai। baap se jo gyaan mila hai uska simran kar apaar khushi mein rehna hai। kisi se bhi ghrina nahin karni hai।

vardaan:- sampoornata ki roshni dvaara agyaan ka parda hataane vaale search light bhav

abhi pratyakshata ka samay sameep aa raha hai isliye antarmukhi ban guhya anubhvon ke ratnon se svayan ko bharpoor banaao, aise search light bano jo aapke sampoornata ki roshni se agyaan ka parda hat jaae kyonki aap dharti ke sitaare is vishwa ko halchal se bachaae sukhi sansaar, svarnim sansaar banaane vaale ho। aap purooshottam aatmaayen vishwa ko sukh-shanti ki saans dene ke nimitta ho।

slogan:- maaya aur prakriti ki aakarshan se door raho to sada harshit rahenge।

apni shaktishaali mansa dvaara sakaash dene ki seva karo

jab mansa mein sada shubh bhaavna va shubh duaayen dene ka natural abhyaas ho jaayega to mansa aapki busy ho jaayegi। man mein jo halchal hoti hai, usse svatah hi kinaare ho jaayenge। apne purushaartha mein jo kabhi dilshikasta hote ho woh nahin honge। jaadoomantra ho jaayega।