मंगलवार 25 फ़रवरी 2025 की दैनिक मुरली

25-02-2025 praatahmurli om shanti "baapdaada"' madhuban

“meethe bachche - sabko yeh khushkhabri sunaao ki bhaarat ab phir se svarga ban raha hai, heavenly god father aaye hue hain''

prashn:- jin bachchon ko svarga ka maalik banne ki khushi hai unki nishaani kya hogi?

uttar:- unke andar kisi bhi prakaar ka duhkh nahin aa sakta। unhein nasha rahega ki ham to bahut bade aadmi hain, humein behad ka baap aisa (lakshmi-naaraayan) banaate hain। unki chalan bahut royal hogi। woh doosron ko khushkhabri sunaane ke sivaae rah nahin sakte।

om shanti। baap samjhaate hain aur bachche jaante hain ki bhaarat khaas aur duniya aam ko yeh sandesh pahunchaana hai। tum sab sandeshi ho, bahut khushi ka sandesh sabko dena hai ki bhaarat ab phir se svarga ban raha hai athva svarga ki sthaapna ho rahi hai। bhaarat mein baap jinko heavenly god father kehte hain, vahi sthaapna karne aaye hain। tum bachchon ko direction hai ki yeh khushkhabri sabko achhi reeti sunaao। harek ko apne dharma ki taat rehti hai। tumko bhi taat hai, tum khushkhabri sunaate ho, bhaarat ke sooryavanshi devi-devta dharma ki sthaapna ho rahi hai arthaat bhaarat phir se svarga ban raha hai। yeh khushi andar mein rahni chaahiye - ham abhi svarga ke maalik ban rahe hain। jinko yeh khushi andar mein hai unko duhkh to koi bhi kisma ka ho nahin sakta। yeh to bachche jaante hain nai duniya sthaapan hone mein takleeph bhi hoti hai। ablaaon par kitne atyaachaar hote hain। bachchon ko yeh sadaiv smriti mein rehna chaahiye - ham bhaarat ko behad ki khushkhabri sunaate hain। jaise baba ne parche chhapvaaye hain - bahnon-bhaaiyon aakar yeh khushkhabri suno। saara din khyaalaat chalte hain kaise sabko yeh sandesh sunaayen। behad ka baap behad ka varsa dene aaye hain। in lakshmi-naaraayan ke chitra ko dekhkar to saara din harshit rehna chaahiye। tum to bahut bade aadmi ho isliye tumhaari koi bhi jangali chalan nahin honi chaahiye। tum jaante ho ham bandar se bhi badtar the। abhi baba hamko aisa (devi-devta) banaate hain। to kitni khushi honi chaahiye। parantu wonder hai bachchon ko woh khushi rehti nahin hai। na us umang se sabko khushkhabri sunaate hain। baap ne tumko messenger banaaya hai। sabke kaan par yeh message dete raho। bhaaratvaasiyon ko yeh pata hi nahin hai ki hamaara aadi sanaatan devi-devta dharma kab racha gaya? phir kahaan gaya? abhi to sirf chitra hain। aur sabhi dharma hain sirf aadi sanaatan devi-devta dharma hai nahin। bhaarat mein hi chitra hain। brahma dvaara sthaapna karte hain। to tum sabko yeh khushkhabri sunaao to tumko bhi andar mein khushi rahegi। pradarshani mein tum yeh khushkhabri sunaate ho na। behad ke baap se aakar svarga ka varsa lo। yeh lakshmi-naaraayan svarga ke maalik hain na। phir woh kahaan gaye? yeh koi bhi samajhte nahin isliye kaha jaata hai - soorat manushya ki, seerat bandar misal hai। abhi tumhaari shakla manushya ki hai, seerat devtaaon jaisi ban rahi hai। tum jaante ho ham phir se sarvagun sampanna bante hain। phir auron ko bhi yeh purooshaartha karaana hai। pradarshani ki service to bahut achhi hai। jinko grihastha vyavhaar ka bandhan nahin, vaanaprasthi hain athva vidhvaayen hain, kumaariyaan hain unko to service ka bahut chance hai। service mein lag jaana chaahiye। is samay shaadi karna barbaadi karna hai, shaadi na karna aabaadi hai। baap kehte hain yeh mrityulok patit duniya vinaash ho rahi hai। tumko paavan duniya mein chalna hai to is service mein lag jaana chaahiye। pradarshani pichhaadi pradarshani karni chaahiye। serviceable bachche jo hain, unhein service ka shauk achha hai। baba se koi-koi poochhte hain ham service chhoden? baba dekhte hain - laayak hain to chhutti dete hain, bhal service karo। aisi khushkhabri sabko sunaani hai। baap kehte hain apna raajya-bhaagya aakar lo। tumne 5 hazaar varsha pahle raajya-bhaagya liya tha, ab phir se lo। sirf meri mat par chalo।

dekhna chaahiye - hamaare mein kaun-se avgun hain? tum in badges par to bahut service kar sakte ho, yeh first class cheez hai। bhal paai-paise ki cheez hai parantu inse kitna oonch pad pa sakte hain। manushya padhne liye kitaabon aadi par kitna kharcha karte hain। yahaan kitaab aadi ki to baat nahin। sirf sabke kaanon mein sandesh dena hai, yeh hai baap ka sachcha mantra। baaki to sab jhoothe mantra dete rehte hain। jhoothi cheez ki value thode hi hoti hai। value heeron ki hoti hai, na ki pattharon ki। yeh jo gaayan hai ek-ek versions laakhon ki milkiyat hai, woh is gyaan ke liye kaha jaata hai। baap kehte hain shaastra to dher ke dher hain। tum aadhaakalpa padhte aaye ho, usse to kuchh mila nahin। abhi tumko gyaan ratna dete hain। woh hain shaastron ki authority। baap to gyaan ka saagar hai। inka ek-ek versions laakhon-karodon roopayon ka hai। tum vishwa ke maalik bante ho। padmapti jaakar bante ho। is gyaan ki hi mahima hai। woh shaastra aadi padhte to kangaal ban pade ho। to ab in gyaan ratnon ka daan bhi karna hai। baap bahut sahaj yuktiyaan samjhaate hain। bolo, apne dharma ko bhool tum baahar bhatakte rehte ho। tum bhaaratvaasiyon ka aadi sanaatan devi-devta dharma tha, woh dharma kahaan gaya? 84 laakh yoniyaan kahne se kuchh bhi baat buddhi mein baithti nahin। abhi baap samjhaate hain tum aadi sanaatan devi-devta dharma ke the phir 84 janma liye hain। yeh lakshmi-naaraayan aadi sanaatan devi-devta dharma vaale hain na। abhi dharma bhrashta, karma bhrashta ban gaye hain। aur sab dharma hain, yeh aadi sanaatan dharma hai nahin। jab yeh dharma tha to aur dharma nahin the। kitna sahaj hai। yeh baap, yeh daada। prajaapita brahma hai to zaroor bi.ke. dher ke dher honge na। baap aakar raavan ki jel se, shok vaatika se chhudaate hain। shok vaatika ka arth bhi koi samajhte nahin hain। baap kehte hain yeh shok ki, duhkh ki duniya hai। woh hai sukh ki duniya। tum apni shanti ki duniya aur sukh ki duniya ko yaad karte raho। incorporeal world kehte hain na। angreji akshar bahut achhe hain। angreji to chalti hi aati hai। abhi to anek bhaashaayen ho gai hain। manushya kuchh bhi samajhte nahin - ab kehte hain nirgun baal sanstha… nirgun arthaat koi gun nahin। aise hi sanstha bana di hai। nirgun ka bhi arth nahin samajhte। bigar arth naam rakh dete hain। athaah sansthaayen hain। bhaarat mein ek hi aadi sanaatan devi-devta dharma ki sanstha thi, aur koi dharma nahin tha। parantu manushyon ne 5000 varsha ke badle kalpa ki aayu laakhon varsha likh di hai। to tumhein sabko is agyaan andhakaar se nikaalna hai। service karni hai। bhal yeh drama to bana-banaaya hai parantu shivbaaba ke yagya se khaayenge, piyenge aur service kuchh bhi nahin karenge to dharmaraaj jo right hand hai, woh zaroor saza denge isliye saavdhaani di jaati hai। service karna to bahut sahaj hai। prem se koi ko bhi samjhaate raho। baap ke paas koi-koi ka samaachaar aata hai ki ham mandir mein gaye, ganga ghaat par gaye। savere uthkar mandir mein jaate hain, religious minded ko samjhaana sahaj hoga। sabse achha hai lakshmi-naaraayan ke mandir mein service karna। achha, phir unhon ko aisa banaane vaala shivbaaba hai, vahaan jaakar samjhaao। jangal ko aag lag jaayegi, yeh sab khatma ho jaayenge phir tumhaara bhi part poora hota hai। tum jaakar raajaai kul mein janma lete ho। raajaai kaise milni hai, so aage chal pata padega। drama mein pahle se thode hi suna denge। tum jaan lenge ham kya pad paayenge। jaasti daan-punya karne vaale raajaai mein aate hain na। raajaaon ke paas dhan bahut rehta hai। ab tum avinaashi gyaan ratnon ka daan karte ho।

bhaaratvaasiyon ke liye hi yeh gyaan hai। bolo, aadi sanaatan devi-devta dharma ki sthaapna ho rahi hai, patit se paavan banaane vaala baap aaya hai। baap kehte hain mujhe yaad karo, kitna sahaj hai। parantu itni tamopradhaan buddhi hain jo kuchh bhi dhaarna hoti nahin। vikaaron ki praveshta hai। jaanvar bhi kisma-kisma ke hote hain, koi mein krodh bahut hota hai, har ek jaanvar ka svabhaav alag hota hai। kisma-kisma ke svabhaav hote hain duhkh dene ke। sabse pahle duhkh dene ka vikaar hai kaam kataari chalaana। raavan raajya mein hai hi in vikaaron ka raajya। baap to roz samjhaate rehte hain, kitni achhi-achhi bachchiyaan hain, bichaari kaid mein hain, jinko baandheli kehte hain। vaastav mein unmein agar gyaan ki paraakaashtha ho jaae to phir koi bhi unko pakad na sake। parantu moh ki rag bahut hai। sannyaasiyon ko bhi gharbaar yaad padta hai, bada mushkil se woh rag tootti hai। abhi tumko to mitra-sambandhiyon aadi sabko bhoolna hi hai kyonki yeh puraani duniya hi khatma hone vaali hai। is shareer ko bhi bhool jaana hai। apne ko aatma samajh baba ko yaad karna hai। pavitra banna hai। 84 janmon ka part to bajaana hi hai। beech mein to koi vaapas ja na sake। abhi naatak poora hota hai। tum bachchon ko khushi bahut honi chaahiye। abhi hamko jaana hai apne ghar। part poora hua, utkantha honi chaahiye - baba ko bahut yaad karen। yaad se vikarma vinaash honge। ghar jaae phir sukhdhaam mein aayenge। kai samajhte hain jaldi is duniya se chhooten। parantu jaayenge kahaan? pahle to oonch pad paane liye mehnat karni chaahiye na। pahle apni nabja dekhni hai - ham kahaan tak laayak bane hain? svarga mein jaae kya karenge? pahle to laayak banna pade na। baap ke sapoot bachche banna pade। yeh lakshmi-naaraayan sapoot laayak hain na। bachchon ko dekhkar bhagwan bhi kehte hain yeh bade achhe hain, laayak hain service karne ke। koi ke liye to kahenge yeh laayak nahin hai। muphta apna pad hi bhrashta kar lete hain। baap to sach kehte hain na। pukaarte bhi hain patit-paavan aao, aakar sukhdhaam ka maalik banaao। sukh ghanere maangate hain na। to baap kehte hain kuchh to service karne laayak bano। jo mere bhakta hain, unko yeh khushkhabri sunaao ki abhi shivbaaba varsa de rahe hain। woh kehte hain mujhe yaad karo aur pavitra bano to pavitra duniya ke maalik ban jaayenge। is puraani duniya ko aag lag rahi hai। saamne em object dekhne se badi khushi rehti hai - hamko yeh banna hai। saara din buddhi mein yahi yaad rahe to kabhi bhi koi shaitaani kaam na ho। ham yeh ban rahe hain phir aisa ulta kaam kaise kar sakte hain? parantu kiski takdeer mein nahin hai to aisi-aisi yuktiyaan bhi rachte nahin, apni kamaai nahin karte। kamaai kitni achhi hai। ghar baithe sabhi ko apni kamaai karni hai aur phir auron ko karaani hai। ghar baithe yeh svadarshan chakra phiraao, auron ko bhi svadarshan chakradhaari banaana hai। jitna bahuton ko banaayenge utna tumhaara martaba ooncha hoga। in lakshmi-naaraayan jaise ban sakte, em object hi yeh hai। haath bhi sab sooryavanshi banne mein hi uthaate hain। yeh chitra bhi pradarshani mein bahut kaam aa sakte hain। in par samjhaana hai। hamko oonch te oonch baap jo sunaate hain, vahi ham sunte hain। bhakti maarga ki baaten sunna ham pasanda nahin karte। yeh chitra to bahut achhi cheez hai। in par tum service bahut kar sakte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni nabja dekhni hai ki ham kahaan tak laayak bane hain? laayak ban service ka saboot dena hai। gyaan ki paraakaashtha se bandhanmukta banna hai।

2) ek baap ki mat par chal avgunon ko andar se nikaalna hai। duhkhadaai svabhaav ko chhod sukhdaai banna hai। gyaan ratnon ka daan karna hai।

vardaan:- pareekshaaon aur samasyaaon mein murjhaane ke bajaae manoranjan ka anubhav karne vaale sada vijayi bhav

is purooshaarthi jeevan mein drama anusaar samasyaayen va paristhitiyaan to aani hi hain। janma lete hi aage badhne ka lakshya rakhna arthaat pareekshaaon aur samasyaaon ka aahvaan karna। jab raasta tay karna hai to raaste ke nazaare na hon, yeh ho kaise sakta। lekin un najaaron ko paar karne ke bajaae yadi correction karne lag jaate ho to baap ki yaad ka connection loose ho jaata hai aur manoranjan ke bajaae man ko murjha dete ho isliye vaah najaara vaah ke geet gaate aage badho arthaat sada vijayi bhav ke vardaani bano।

slogan:- maryaada ke andar chalna maana maryaada purooshottam banna।

avyakt ishaare:- ekaantapriy bano ekta aur ekaagrata ko apnaao

ekaantavaasi arthaat anubhvi moorta। vartamaan samay ke pramaan abhi vaanaprastha avastha ke sameep ho। vaanaprasthi gudiyon ka khel nahin karte hain। vaanaprasthi ekaanta aur sumiran mein rehte hain। to aap sab behad ke vaanaprasthi sada ek ke ant mein arthaat nirantar ekaanta mein sada smriti swaroop raho। yeh hai behad ke vaanaprasthi ki sthiti।