मंगलवार 15 अप्रैल 2025 की दैनिक मुरली

15-04-2025 praatahmurli om shanti "baapdaada"' madhuban

“meethe bachche - baap tum roohon se roohrihaan karte hain, tum aaye ho baap ke paas 21 janmon ke liye apni life insure karne, tumhaari life aisi insure hoti hai jo tum amar ban jaate ho''

prashn:- manushya bhi apni life insure karaate aur tum bachche bhi, donon mein antar kya hai?

uttar:- manushya apni life insure karaate ki mar jaayen to parivaar vaalon ko paisa mile। tum bachche insure karte ho ki 21 janma ham maren hi nahin। amar ban jaayen। satayug mein koi insure company hoti nahin। abhi tum apni life insure kar dete ho phir kabhi marenge nahin, yeh khushi rahni chaahiye।

geet:- yeh kaun aaj aaya savere…

om shanti। roohaani baap baith roohaani bachchon se roohrihaan karte hain, tum bachche jaante ho baap hamko abhi 21 janma to kya 40-50 janmon liye insure kar rahe hain। vo log insure karte hain ki mar jaaen to unke parivaar ko paisa mile। tum insure karte ho 21 janmon ke liye maren hi nahin। amar banaate hain na। tum amar the, mool vatan bhi amarlok hai। vahaan marne jeene ki baat nahin rehti। vo hai aatmaon ka nivaas sthaan। ab yeh roohrihaan baap apne bachchon se karte hain aur koi se nahin karte। jo rooh apne ko jaanti hai unse hi baat karte hain। baaki aur koi baap ki bhaasha ko samjhenge nahin। pradarshani mein itne aate hain, tumhaari bhaasha ko samajhte hain kya। koi mushkil thoda samajhte hain। tumko bhi samjhaate-samjhaate kitne varsha hue hain to bhi kitne thode samajhte hain। hai bhi second mein samajhne ki baat। ham aatmaayen jo paavan thi vahi patit bani hain phir hamko paavan banna hai। uske liye sweet father ko yaad karna hai। unse sweet aur koi cheez hoti nahin। is yaad karne mein hi maaya ke vighna padte hain। yeh bhi jaante ho baba hamko amar banaane aaye hain। purooshaartha kar amar ban, amarpuri ka maalik banna hai। amar to sab banenge। satayug ko kaha hi jaata hai amarlok। yeh hai mrityulok। yeh amraktha hai, aise nahin ki sirf shankar ne paarvati ko amraktha sunaai। woh to sab hain bhakti maarga ki baaten। tum bachche sirf mujh ek se hi suno। maamekam yaad karo। gyaan main hi de sakta hoon। drama plen anusaar saari duniya tamopradhaan bani hai। amarpuri mein raajya karna - usko hi amar pad kaha jaata hai। vahaan insure company aadi hoti nahin। abhi tumhaari life insure kar rahe hain। tum kabhi marenge nahin। yeh buddhi mein khushi rahni chaahiye। ham amarpuri ke maalik bante hain, to amarpuri ko yaad karna pade। via mool vatan hi jaana hota hai। yeh bhi manamnaabhav ho jaata। mool vatan hai manamnaabhav, amarpuri hai madhyaaji bhav। har ek baat mein do akshar hi aate hain। tumko kitne prakaar se arth samjhaate hain। to buddhi mein baithe। sabse jaasti mehnat hai hi ismen apne ko aatma nishchay karna hai। ham aatma ne yeh janma liya hai। 84 janma mein bhinna-bhinna naam, roop, desh, kaal phirte aaye hain। satayug mein itne janma, treta mein itne… yeh bhi bahut bachche bhool jaate hain। mukhya baat hai apne ko aatma samajh sweet baap ko yaad karna। uthte-baithte yeh buddhi mein rahne se khushi rahegi। phir se baba aaya hua hai, jisko ham aadhaakalpa yaad karte the ki aao aakar paavan banaao। paavan rehte hain mool vatan mein aur amarpuri satayug mein। bhakti mein manushya purooshaartha karte hain mukti mein va krishnapuri mein jaane ke liye। mukti kaho athva nirvaandhaam kaho, vaanaprastha akshar correct hai। vaanaprasthi to shahar mein hi rehte hain। sannyaasi log to gharbaar chhod jangal mein jaate hain। aajkal ke vaanaprasthiyon mein koi dam nahin hai। sannyaasi to brahm ko bhagwan kah dete। brahm lok nahin kehte। abhi tum bachche jaante ho punarjanma to kiska bhi band nahin hota। apna-apna part sab bajaate hain। aavaagman se kabhi chhootna nahin hai। is samay karodon manushya hain aur bhi aate rahenge, punarjanma lete rahenge। phir first floor khaali hoga। mool vatan hai first floor, sookshm vatan hai second floor। yeh hai third floor athva inko ground floor kaho। doosra koi floor hai nahin। woh samajhte hain stars mein bhi duniya hai। aise hai nahin। first floor mein aatmaayen rehti hain। baaki manushyon ke liye to yeh duniya hai।

tum behad ke vairaagi bachche ho, tumhein is puraani duniya mein rehte hue bhi in aankhon se sab kuchh dekhte hue nahin dekhna hai। yeh hai mukhya purooshaartha; kyonki yeh sab khatma ho jaayega। aise nahin ki sansaar bana hi nahin hai। bana hua hai parantu unse vairaagya ho jaata arthaat saari puraani duniya se vairaagya। bhakti, gyaan aur vairaagya। bhakti ke baad hai gyaan, phir bhakti ka vairaagya ho jaata। buddhi se samajhte ho ki yeh puraani duniya hai। yeh hamaara antim janma hai, abhi sabko vaapis jaana hai। chhote bachchon ko bhi shivbaaba ki yaad dilaani hai। ulte-sulte khaan-paan aadi ki koi aadat nahin daalni chaahiye। chhotepan se jaisi aadat daalo vaisi aadat pad jaati hai। aajkal sang ka dosh bada ganda hai। sang taare kusang bore...... yeh vishay saagar veshyaalay hai। sat to ek hi parampita paramatma hai। god is one kaha jaata hai। woh aakar satya baat samjhaate hain। baap kehte hain he roohaani bachchon, main tumhaara baap tumse roohrihaan kar raha hoon। mujhe tum bulaate ho na। vahi gyaan ka saagar, patit-paavan hai। nai srishti ka rachayita hai। puraani srishti ka vinaash karaate hain। yeh trimoorti to prasiddha hai। oonch te oonch hai shiv। achha, phir sookshm vatan mein hain brahma-vishnu-shankar। unhon ka saakshaatkaar bhi hota hai kyonki pavitra hain na। unhon ko chaitanya mein in aankhon se dekh nahin sakte। bahut naudha bhakti se dekh sakte hain। samjho koi hanoomaan ka bhakta hoga to unka saakshaatkaar hoga। shiv ke bhakta ko to jhooth bataaya gaya hai ki paramatma akhanda jyoti swaroop hai। baap kehte hain main to itni chhoti-si bindi hoon, woh kehte akhanda jyoti swaroop arjun ko dikhaaya। usne kaha bas main sahan nahin kar sakta hoon। unko deedaar hua to yeh geeta mein likha hua hai। manushya samajhte hain akhanda jyoti ka saakshaatkaar hua। ab baap kehte hain yeh sab bhakti maarga ki baaten dilkhush karne ki hain। main to kehta hi nahin hoon ki main akhanda jyoti-swaroop hoon। jaise bindi misal tumhaari aatma hai vaise main hoon। jaise tum drama ke bandhan mein ho vaise main bhi drama ke bandhan mein baandha hua hoon। sab aatmaon ko apna-apna part mila hua hai। punarjanma to sabko lena hi hai। nambarvaar sabko aana hi hai। pahle number vaala phir neeche jaata hai। kitni baaten baap samjhaate hain। yeh samjhaaya hai ki srishti roopi chakra phirta rehta hai। jaise din ke baad raat aati hai vaise kaliyug ke baad satayug, phir treta....... phir sangamayug aata hai। sangamayug par hi baap change karte hain। jo satopradhaan the ab vahi tamopradhaan bane hain। vahi phir satopradhaan banenge। bulaate bhi hain he patit-paavan aao। to ab baap kehte hain manamnaabhav। main aatma hoon, mujhe baap ko yaad karna hai। yeh yathaartha reeti koi mushkil samajhte hain। ham aatmaon ka baap kitna meetha hai। aatma hi meethi hai na। shareer to khatma ho jaata hai phir unki aatma ko bulaate hain। pyaar to aatma se hi hota hai na। sanskaar aatma mein rehte hain। aatma hi padhti sunti hai, deh to khatma ho jaati hai। main aatma amar hoon। phir tum mere liye rote kyon ho? yeh to deh-abhimaan hai na। tumhaara deh mein pyaar hai, hona chaahiye aatma mein pyaar। avinaashi cheez mein pyaar hona chaahiye। vinaashi cheez mein pyaar hone se hi ladte-jhagadte hain। satayug mein hain dehi-abhimaani, isliye khushi se ek shareer chhod doosra lete hain। rona peetna kuchh bhi nahin hota।

tum bachchon ko apni aatma-abhimaani avastha banaane ke liye bahut practice karni hai - main aatma hoon, apne bhaai (aatma) ko baap ka sandesh sunaata hoon, hamaara bhaai in organs dvaara sunta hai, aisi avastha jamaao। baap ko yaad karte raho to vikarma vinaash hote rahenge। khud ko bhi aatma samjho, unko bhi aatma samjho tab pakki aadat ho jaaye, yeh hai gupta mehnat। antarmukh ho is avastha ko pakka karna hai। jitna samay nikaal sako utna ismen lagaao। 8 ghanta to dhandha aadi bhal karo। neend bhi karo। baaki ismen lagaao। 8 ghanta tak pahunchna hai, tab tumko bahut khushi rahegi। patit-paavan baap kehte hain mujhe yaad karo to tumhaare vikarma vinaash hon। gyaan tumko abhi hi sangam par milta hai। mahima saari is sangamayug ki hai, jabki baap baith tumko gyaan samjhaate hain, ismen sthool koi baat nahin। yeh jo tum likhte ho woh sab khatma ho jaayega। note bhi isliye karte hain to points note hone se yaad rahegi। koi ki buddhi teekhi hoti hai to buddhi mein yaad rehti hai। nambarvaar to hain na। mukhya baat, baap ko yaad karna hai aur srishti chakra ko yaad karna hai। koi vikarma nahin karna hai। grihastha vyavhaar mein bhi rehna hai। pavitra zaroor banna hai। kai gande khyaalaat vaale bachche samajhte hain - hamko yeh phalaani bahut achhi lagti hai, inse ham gandharvi vivaah kar len। parantu yeh gandharvi vivaah to tab karaate hain jabki mitra-sambandhi aadi bahut tang karte hain, to unko bachaane liye। aise thode hi sab kahenge ham gandharvi vivaah karenge। woh kabhi rah nahin sakenge। pahle din hi jaakar gutter mein padenge। naam roop mein dil lag jaati hai। yeh to badi kharaab baat hai। gandharvi vivaah karna koi maasi ka ghar nahin hai। ek-do se dil lagi to kah dete gandharvi vivaah karen, ismen sambandhiyon ko bada khabardaar rehna chaahiye। samajhna chaahiye yeh bachche kaam ke nahin। jisse dil lagi hai usse hata dena chaahiye। nahin to baaten karte rahenge। is sabha mein badi khabardaari rakhni hoti hai। aage chal bade kaaydesir sabha lagegi। aise-aise khyaalaat vaale ko aane nahin denge।

jo bachche roohaani service par tatpar rehte hain, jo yog mein rahkar service karte hain, vahi satayugi raajdhaani sthaapan karne mein madadgaar bante hain। serviceable bachchon ko baap ka direction hai - aaraam haraam hai। jo bahut service karte hain woh zaroor raaja-raani banenge। jo-jo mehnat karte hain, aap samaan banaate hain, unmein taakat bhi rehti hai। sthaapna to drama anusaar honi hi hai। achhi reeti sab points dhaaran kar phir service mein lag jaana chaahiye। aaraam bhi haraam hai। service hi service, tab oonch pad paayenge। baadal aaye aur refresh hokar gaye service par। service to tumhaari bahut niklegi। kisma-kisma ke chitra niklenge, jo manushya jhat samajh jaaen। yeh chitra aadi bhi improve hote jaayenge, ismen bhi jo hamaare brahman kul ke honge woh achhi reeti samjhenge। samjhaane vaale bhi achhe hain to kuchh samjhenge। jo achhi reeti dhaarna karte hain, baap ko yaad karte hain - unke chehre se hi maaloom pad jaata hai। baba ham to aapse poora varsa lenge to unke andar khushi ke dhol bajte rahenge, service ka bahut shauk hoga। refresh hue aur yeh bhaage। service ke liye har ek centre se bahut taiyaar hone chaahiye। tumhaari service to bahut phailti jaayegi। tumhaare saath milte jaayenge। aakhreen ek din sannyaasi bhi aayenge। abhi to unhon ki raajaai hai। unhon ke pairon par padte hain, poojte hain। baap kehte hain yeh bhoot pooja hai। mere to pair hain nahin, isliye poojne bhi nahin denge। mainne to yeh tan loan liya hai isliye inko bhaagyashaali rath kaha jaata hai।

is samay tum bachche bahut saubhaagyashaali ho kyonki tum yahaan eeshvareey santaan ho। gaayan bhi hai aatmaayen paramatma alag rahe bahu-kaal...... to jo bahutkaal se alag rahe hain vahi aate hain, unko hi aakar padhaata hoon। shreekrishna ka yeh antim janma hain isliye naam bhi is ek ka shyaam-sundar pada hai। shiv ka to kisi ko pata nahin hai ki kya cheez hai। yeh baat baap hi aakar samjhaate hain। main hoon param aatma, paramdham mein rahne vaala hoon। tum bhi vahaan ke rahne vaale ho। main supreme patit-paavan hoon। tum abhi eeshvareey buddhi vaale bane ho। eeshvar ki buddhi mein jo gyaan hai woh tumko suna rahe hain। satayug mein bhakti ki baat nahin hoti। yeh gyaan tumko abhi mil raha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) antarmukhi hokar apni avastha ko jamaana hai, abhyaas karna hai - main aatma hoon, apne bhaai (aatma) ko baap ka sandesh deta hoon...... aisa aatma-abhimaani banne ki gupta mehnat karni hai।

2) roohaani service ka shauk rakhna hai। aap samaan banaane ki mehnat karni hai। sang ka dosh bada ganda hai, usse apne ko sambhaalna hai। ulte khaan-paan ki aadat nahin daalni hai।

vardaan:- vishwa kalyaan ke kaarya mein sada busy rahne vaale vishwa ke aadhaarmoorta bhav

vishwa kalyaankaari bachche svapna mein bhi free nahin rah sakte। jo din raat seva mein busy rehte hain unhein svapna mein bhi kai nai-nai baaten, seva ke plan va tareeke dikhaai dete hain। ve seva mein busy hone ke kaaran apne purooshaartha ke vyartha se aur auron ke bhi vyartha se bache rehte hain। unke saamne behad vishwa ki aatmaayen sada emerge rehti hain। unhein jara bhi albelaapan aa nahin sakta। aise sevaadhaari bachchon ko aadhaarmoorta banne ka vardaan praapta ho jaata hai।

slogan:- sangamayug ka ek-ek second varsho ke samaan hai isliye albelepan mein samay nahin ganvaao।

avyakt ishaare - “combined roop ki smriti se sada vijayi bano''

jiske saath svayan sarvashaktimaan baap combined hai, sarva shaktiyaan svatah unke saath hongi। jahaan sarva shaktiyaan hain vahaan saphalta na ho, yeh asambhav hai। koi achha saathi laukik mein bhi mil jaata hai to usko chhod nahin sakte। ye to avinaashi saathi hai। kabhi dhokha dene vaala saathi nahin hai। sada hi saath nibhaane vaala saathi hai, to sada saath-saath raho।