गुरुवार 22 मई 2025 की दैनिक मुरली

22-05-2025 praatahmurli om shanti "baapdaada"' madhuban

“meethe bachche - tum in aankhon se jo kuchh dekhte ho yeh sab puraani duniya ki saamagri hai, yeh samaapta honi hai, isliye is duhkhadhaam ko buddhi se bhool jaao''

prashn:- manushyon ne baap par kaun-sa dosh lagaaya hai lekin woh dosh kisi ka bhi nahin hai?

uttar:- itna bada jo vinaash hota hai, manushya samajhte hain bhagwan hi karaata hai, duhkh bhi woh deta, sukh bhi woh deta। yeh bahut bada dosh laga diya hai। baap kehte - bachche, main sada sukh daata hoon, main kisi ko duhkh nahin de sakta। agar main vinaash karaaoon to saara paap mere par aa jaae। woh to sab drama anusaar hota hai, main nahin karaata hoon।

geet:- raat ke raahi…

om shanti। bachchon ko sikhlaane ke liye kai geet bade achhe hain। geet ka arth karne se vaani khul jaayegi। bachchon ki buddhi mein to hai ki ham sabhi din ki yaatra par hain, raat ki yaatra poori hoti hai। bhakti maarga hai hi raat ki yaatra। andhiyaare mein dhakka khaana hota hai। aadhaakalpa raat ki yaatra kar utarte aaye ho। abhi aaye ho din ki yaatra par। yeh yaatra ek hi baari karte ho। tum jaante ho yaad ki yaatra se ham tamopradhaan se satopradhaan ban phir satopradhaan satayug ke maalik bante hain। satopradhaan banne se satayug ke maalik, tamopradhaan banne se kaliyug ke maalik bante ho। unko kaha jaata hai svarga, inko kaha jaata hai narka। ab tum bachche baap ko yaad karte ho। baap se sukh hi milta hai। jo aur kuchh bol nahin sakte hain woh sirf yeh yaad rakhen - shantidham hai ham aatmaon ka ghar, sukhdhaam hai svarga ki baadshaahi aur abhi yeh hai duhkhadhaam, raavanraajya। ab baap kehte hain is duhkhadhaam ko bhool jaao। bhal yahaan rehte ho parantu buddhi mein yeh rahe ki in aankhon se jo kuchh dekhte hain woh sab raavanraajya hai। in shareeron ko dekhte hain, yeh bhi saari puraani duniya ki saamagri hai। yeh saari saamagri is yagya mein svaaha honi hai। woh patit brahman log yagya rachte hain to unmein jaun-til aadi saamagri svaaha karte hain। yahaan to vinaash hona hai। oonch te oonch hai baap, peechhe hai brahma aur vishnu। shankar ka itna koi part hai nahin। vinaash to hona hi hai। baap to vinaash unse karaate hain jis par koi paap na lage। agar kahen bhagwan vinaash karaata hai to us par dosh aa jaae isliye yeh sab drama mein noondh hai। yeh behad ka drama hai, jisko koi jaante nahin hain। rachta aur rachna ko koi nahin jaante। na jaanne kaaran nidhanke ban pade hain। koi dhani hai nahin। koi ghar mein baap nahin hota hai aur aapas mein ladte hain to kehte hain tumhaara koi dhani nahin hai kya! abhi to karodon manushya hain, inka koi dhaneedhoni nahin hai। nation-nation mein ladte rehte hain। ek hi ghar mein bachche baap ke saath, purush stri ke saath ladte rehte hain। duhkhadhaam mein hai hi ashaanti। aise nahin kahenge bhagwan baap koi duhkh rachte hain। manushya samajhte hain duhkh-sukh baap hi dete hain parantu baap kabhi duhkh de na sake। unko kaha hi jaata hai sukh-daata to phir duhkh kaise denge। baap to kehte hain ham tumko bahut sukhi banaate hain। ek to apne ko aatma samjho। aatma hai avinaashi, shareer hai vinaashi। ham aatmaon ke rahne ka sthaan paramdham hai, jisko shantidham bhi kaha jaata hai। yeh akshar theek hai। svarga ko paramdham nahin kahenge। param maana pare te pare। svarga to yahaan hi hota hai। mool vatan hai pare te pare, jahaan ham aatmaayen rehti hain। sukh-duhkh ka part tum yahaan bajaate ho। yeh jo kehte hain phalaana svarga padhaara। yeh hai bilkul wrong। svarga to yahaan hai nahin। abhi to hai kaliyug। is samay tum ho sangamayugi, baaki sab hain kaliyugi। ek hi ghar mein baap kaliyugi to bachcha sangamayugi। stri sangamayugi, purush kaliyugi.... kitna farka ho jaata hai। stri gyaan leti, purush gyaan nahin lete to ek-do ko saath nahin dete। ghar mein khit-khit ho jaati hai। stri phool ban jaati hai, woh kaante ka kaanta rah jaata। ek hi ghar mein bachcha jaanta hai ham sangamayugi purushottam pavitra devta ban rahe hain, lekin baap kehte shaadi barbaadi kar narkavaasi bano। ab roohaani baap kehte hain - bachche, pavitra bano। abhi ki pavitrata 21 janma chalegi। ye raavanraajya hi khalaas ho jaana hai। jisse dushmani hoti hai to unka effigy jalaate hain na। jaise raavan ko jalaate hain। to dushman se kitni ghrina honi chaahiye। parantu yeh kisko maaloom nahin ki raavan kaun hai? bahut hi kharcha karte hain। manushya ko jalaane ke liye itna kharcha nahin karte। svarga mein to aisi koi baat hoti nahin। vahaan to bijli mein rakha aur khatma। vahaan yeh khyaal nahin rehta ki unki mitti kaam mein aaye। vahaan ki to rasma-rivaaj aisi hai jo koi takleeph athva thakaavat ki baat nahin rehti। itna sukh rehta hai। to ab baap samjhaate hain - maamekam yaad karne ka purushaartha karo। yeh yaad karne ki hi yuddha hai। baap bachchon ko samjhaate rehte hain - meethe bachche, apne oopar attention ka pahra dete raho। maaya kahaan naak-kaan kaat na jaaye kyonki dushman hai na। tum baap ko yaad karte ho aur maaya toofaan mein uda deti hai isliye baba kehte hain har ek ko saare din ka chart likhna chaahiye ki kitna baap ko yaad kiya? kahaan man bhaaga? diary mein note karo, kitna samay baap ko yaad kiya? apni jaanch karni chaahiye to maaya bhi dekhegi yeh to achha bahaadur hai, apne par achha attention rakhte hain। poora pahra rakhna hai। abhi tum bachchon ko baap aakar parichay dete hain। kehte hain bhal gharbaar sambhaalo sirf baap ko yaad karo। yeh koi un sanyaasiyon muaaphik nahin hai। woh bheekh par chalte hain phir bhi karma to karna padta hai na। tum unko bhi kah sakte ho ki tum hathayogi ho, raajayog sikhlaane vaala ek hi bhagwan hai। abhi tum bachche sangam par ho। is sangamayug ko hi yaad karna pade। ham abhi sangamayug par sarvottam devta bante hain। ham uttam purush arthaat poojya devta the, ab kanishta ban pade hain। koi kaam ke nahin rahe hain। ab ham kya bante hain, manushya jis samay bairistari aadi padhte hain, us samay martaba nahin milta। imtahaan paas kiya, martabe ki topi mili। jaakar government ki service mein lagenge। abhi tum jaante ho hamko oonch te oonch bhagwan padhaate hain to zaroor oonch te oonch pad bhi denge। yeh em object hai। ab baap kehte hain maamekam yaad karo, main jo hoon, jaisa hoon, so samjha diya hai। aatmaon ka baap main bindi hoon, mere mein saara gyaan hai, tumko bhi pahle yeh gyaan thode hi tha ki aatma bindi hai। unmein saara 84 janmon ka part avinaashi noondha hua hai। Christ part bajaakar gaye hain, phir zaroor aayenge to sahi na। Christ ke abhi sab jaayenge। Christ ki aatma bhi abhi tamopradhaan hogi। jo bhi oonch te oonch dharma sthaapak hain, woh ab tamopradhaan hain। yeh bhi kehte hain main bahut janmon ke ant mein tamopradhaan bana, ab phir satopradhaan bante hain। tat tvam।

tum jaante ho - ham abhi brahman bane hain devta banne ke liye। viraat roop ke chitra ka arth koi nahin jaante। abhi tum bachche jaante ho aatma sweet hom mein rehti hai to pavitra hai। yahaan aane se patit bani hai। tab kehte hain - he patit-paavan aakar hamko pavitra banaao to ham apne ghar muktidhaam mein jaayen। yeh bhi point dhaaran karne ke liye hai। manushya nahin jaante mukti-jeevanmuktidhaam kisko kaha jaata hai। muktidhaam ko shantidham kaha jaata hai। jeevanmuktidhaam ko sukhdhaam kaha jaata hai। yahaan hai duhkh ka bandhan। jeevanmukti ko sukh ka sambandh kahenge। ab duhkh ka bandhan door ho jaayega। ham purushaartha karte hain oonch pad paane ke liye। to yeh nasha hona chaahiye। ham abhi shreemat par apna raajya-bhaagya sthaapan kar rahe hain। jagat amba number one mein jaati hai। ham bhi unko follow karenge। jo bachche abhi maat-pita ke dil par chadhte hain vahi bhavishya mein takhtansheen banenge। dil par woh chadhte jo din-raat service mein busy rehte hain। sabko paigaam dena hai ki baap ko yaad karo। paisa-kaudi kuchh bhi lene ka nahin hai। woh samajhte hain yeh raakhi baandhane aati hain, kuchh dena padega। bolo hamko aur kuchh chaahiye nahin sirf 5 vikaaron ka daan do। yeh daan lene liye ham aaye hain isliye pavitrata ki raakhi baandhate hain। baap ko yaad karo, pavitra bano to yeh (devta) banenge। baaki ham paisa kuchh bhi nahin le sakte hain। ham woh brahman nahin hain। sirf 5 vikaaron ka daan do to grahan chhooten। abhi koi kala nahin rahi hai। sab par grahan laga hua hai। tum brahman ho na। jahaan bhi jaao - bolo, de daan to chhoote grahan। pavitra bano। vikaar mein kabhi nahin jaana। baap ko yaad karenge to vikarma vinaash honge aur tum phool ban jaayenge। tum hi phool the phir kaante bane ho। 84 janma lete-lete girte hi aaye ho। ab vaapis jaana hai। baba ne direction diya hai in dvaara। woh hai oonch te oonch bhagwan। unko shareer nahin hai। achha, brahma-vishnu-shankar ko shareer hai? tum kahenge - haan, sookshm shareer hai। parantu woh manushyon ki srishti to nahin hai। khel saara yahaan hai। sookshm vatan mein naatak kaise chalega? vaise mool vatan mein bhi soorya-chaand hi nahin to naatak bhi kaahe ka hoga! yeh bahut bada maandava hai। punarjanma bhi yahaan hota hai। sookshm vatan mein nahin hota। abhi tumhaari buddhi mein saara behad ka khel hai। abhi pata pada hai - ham jo devi-devta the so phir kaise vaam maarga mein aate hain। vaam maarga vikaari maarga ko kaha jaata hai। aadhaakalpa ham pavitra the, hamaara hi haar aur jeet ka khel hai। bhaarat avinaashi khanda hai। yeh kabhi vinaash hota nahin hai। aadi sanaatan devi-devta dharma tha to aur koi dharma nahin tha। tumhaari in baaton ko maanenge woh jinhonne kalpa pahle maana hoga। 5 hazaar varsha se puraani cheez koi hoti nahin। satayug mein phir tum pahle jaakar apne mahal banaayenge। aise nahin ki soni-dvaarika koi samudra ke neeche hai woh nikal aayegi। dikhlaate hain saagar se devtaayen ratnon ki thaaliyaan bharkar dete the। vaastav mein gyaan saagar baap hai jo tum bachchon ko gyaan ratna ki thaaliyaan bharkar de rahe hain। dikhaate hain shankar ne paarvati ko katha sunaai। gyaan ratnon se jholi bhari। shankar ke liye kehte - bhaang-dhatoora peeta tha, phir unke aage jaakar kehte jholi bhar do, hamko dhan do। to dekho shankar ki bhi glaani kar di hai। sabse jaasti glaani karte hain hamaari। yeh bhi khel hai jo phir bhi hoga। is naatak ko koi jaante nahin। main aakar aadi se ant tak saara raaz samjhaata hoon। yeh bhi jaante ho oonche te oonch baap hai। vishnu so brahma, brahma so vishnu kaise bante hain - yeh koi samajh na sake।

abhi tum bachche purushaartha karte ho ki ham vishnu kul ka banen। vishnupuri ka maalik banne ke liye tum brahman bane ho। tumhaari dil mein hai - ham brahman apne liye sooryavanshi-chandravanshi raajdhaani sthaapan kar rahe hain shreemat par। ismen ladaai aadi ki koi baat nahin। devtaaon aur asuron ki ladaai kabhi hoti nahin। devtaayen hain satayug mein। vahaan ladaai kaise hogi। abhi tum brahman yogbal se vishwa ke maalik bante ho। baahubal vaale vinaash ko praapta ho jaayenge। tum silence bal se science par vijay paate ho। ab tumko aatma-abhimaani banna hai। ham aatma hain, hamko jaana hai apne ghar। aatmaayen teekhi hain। abhi aeroplane aisa nikaala hai jo ek ghante mein kahaan se kahaan chala jaata hai। ab aatma to unse bhi teekhi hai। chapti mein aatma kahaan ki kahaan jaakar janma leti hai। koi vilaayat mein bhi jaakar janma lete hain। aatma sabse teekha rocket hai। ismen machinery aadi ki koi baat nahin। shareer chhoda aur yeh bhaaga। ab tum bachchon ki buddhi mein hai hamko ghar jaana hai, patit aatma to ja na sake। tum paavan bankar hi jaayenge baaki to sab sajaayen khaakar jaayenge। sajaayen to bahut milti hain। vahaan to garbha mahal mein aaraam se rehte hain। bachchon ne saakshaatkaar kiya hai। krishna ka janma kaise hota hai, koi gand ki baat nahin। ekdam jaise roshni ho jaati hai। abhi tum baikuntha ke maalik bante ho to aisa purushaartha karna chaahiye। shuddh pavitra khaan-paan hona chaahiye। daal bhaat sabse achha hai। rishikesh mein sanyaasi ek khidki se lekar chale jaate, haan koi kaise, koi kaise hote hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne oopar attention ka poora-poora pahra dena hai। maaya se apni sambhaal karni hai। yaad ka sachcha-sachcha chart rakhna hai।

2) maat-pita ko follow kar diltakhtansheen banna hai। din-raat service par tatpar rehna hai। sabko paigaam dena hai ki baap ko yaad karo। 5 vikaaron ka daan do to grahan chhoote।

vardaan:- sense aur essence ke balance dvaara apnepan ko svaaha karne vaale vishwa parivartak bhav

sense arthaat gyaan ki points, samajh aur essence arthaat sarva shakti swaroop smriti aur samartha swaroop। in donon ka balance ho to apnaapan va puraanaapan svaaha ho jaayega। har second, har sankalp, har bol aur har karma vishwa parivartan ki seva prati svaaha hone se vishwa parivartak svatahban jaayenge। jo apni deh ki smriti sahit svaaha ho jaate hain unke shreshtha vibration dvaara vaayumandal ka parivartan sahaj hota hai।

slogan:- praaptiyon ko yaad karo to dukh va pareshaani ki baaten bhool jaayengi।

avyakt ishaare - roohaani royalty aur purity ki personality dhaaran karo

shreshtha karmon ka foundation hai “pavitrata''। lekin pavitrata sirf brahmacharya nahin। yeh bhi shreshtha hai lekin mansa sankalp mein bhi agar koi aatma ke prati vishesh lagaav va jhukaav ho gaya, kisi aatma ki visheshta par prabhaavit ho gaye ya uske prati negative sankalp chale, aise bol va shabd nikle jo maryaadaapoorvak nahin hain to usko bhi pavitrata nahin kahenge।