मंगलवार 3 जून 2025 की दैनिक मुरली

03-06-2025 praatahmurli om shanti "baapdaada"' madhuban

“meethe bachche - ab tum naye sambandh mein ja rahe ho, isliye yahaan ke karmabandhani sambandhon ko bhool, karmaateet banne ka purushaartha karo''

prashn:- baap kin bachchon ki vaah-vaah karte hain? sabse adhik pyaar kinhon ko dete hain?

uttar:- baba gareeb bachchon ki vaah-vaah karte hain, vaah gareebi vaah! aaraam se do roti khaana hai, habach (laalach) nahin। gareeb bachche baap ko pyaar se yaad karte hain। baba anapdhe bachchon ko dekh khush hote hain kyonki unhein padha hua bhoolne ki mehnat nahin karni padti hai।

om shanti। ab baap ko bachchon ke prati roz-roz bolne ki darkaar nahin rehti ki apne ko aatma samjho। aatma-abhimaani bhav athva dehi-abhimaani bhav… akshar hai to vahi na। baap kehte hain apne ko aatma samjho। aatma mein hi 84 janmon ka part bhara hua hai। ek shareer liya, part bajaaya phir shareer khalaas ho jaata hai। aatma to avinaashi hai। tum bachchon ko yeh gyaan abhi hi milta hai aur koi ko in baaton ka pata nahin hai। ab baap kehte hain - koshish kar jitna ho sake baap ko yaad karo। dhandhedhori mein lag jaane se to itni yaad nahin thaharti। grihastha vyavhaar mein rahkar kamal phool samaan pavitra banna hai। phir jitna ho sake mujhe yaad karo। aise nahin ki hamko neshtha mein baithna hai। neshtha akshar bhi wrong hai। vaastav mein hai hi yaad। kahaan bhi baithe ho, baap ko yaad karo। maaya ke toofaan to bahut aayenge। koi ko kya yaad aayega, koi ko kya। toofaan aayenge zaroor phir us samay unko mitaana padta hai ki na aayen। yahaan baithe-baithe bhi maaya bahut tang karti rahegi। yahi to yuddha hai। jitne halke honge utne bandhan kam honge। pahle to aatma nirbandhan hai, jab janma leti to maa-baap mein buddhi jaati hai phir stri ko adopt karte hain, jo cheez saamne nahin thi woh saamne aa jaati, phir bachche paida honge to unki yaad badhegi। ab tum sabko yeh bhool jaana hai, ek baap ko hi yaad karna hai, isliye hi baap ki mahima hai। tumhaara maat-pita aadi sab kuchh vahi hai, unko hi yaad karo। woh tumko bhavishya ke liye sab kuchh naya dete hain। naye sambandh mein le aate hain। sambandh to vahaan bhi hoga na। aise to nahin ki koi pralay ho jaati hai। tum ek shareer chhod phir doosra lete ho। jo bahut achhe-achhe hain woh zaroor oonch kul mein janma lenge। tum padhte hi ho bhavishya 21 janma ke liye। padhaai poori hui aur praalabdha shuru hogi। school mein padhkar transfer hote hain na। tum bhi transfer hone vaale ho - shantidham phir sukh-dhaam mein। is chhi-chhi duniya se chhoot jaayenge। iska naam hi hai narka। satayug ko kaha jaata hai svarga। yahaan manushya kitne ghor andhiyaare mein hain। dhanvaan jo hain woh samajhte hain hamaare liye yahaan hi svarga hai। svarga hota hi hai nai duniya mein। yeh puraani duniya to vinaash ho jaani hai। jo karmaateet avastha vaale honge woh koi dharmaraaj puri mein sazaayen thode hi bhogenge। svarga mein to saza hogi hi nahin। vahaan garbha bhi mahal rehta hai। koi duhkh ki baat nahin। yahaan to garbha jel hai jo sazaayen khaate rehte hain। tum kitna baar svargavaasi bante ho - yeh yaad karo to bhi saara chakra yaad rahe। ek hi baat laakhon roopaye ki hai। yeh bhool jaane se, deh-abhimaan mein aane se maaya nuksaan karti hai। yahi mehnat hai। mehnat bigar oonch pad nahin pa sakte। baba ko kehte hain - baba ham anapdhe hain, kuchh nahin jaante। baba to khush hote hain kyonki yahaan to padha hua sab bhoolna hai। yeh to thode time ke liye shareer nirvaah aadi ke liye padhna hai। jaante ho na - yeh sab khalaas hone ka hai। jitna ho sake baap ko yaad karna hai aur roti tukda khushi se khaana hai। vaah gareebi is samay ki। aaraam se roti tukad khaana hai। habach (laalach) nahin। aajkal anaaj milta kahaan hai। cheeni aadi bhi dheere-dheere karke milegi hi nahin। aise nahin, tum eeshvareey service karte ho to tumko government de degi। woh to kuchh bhi jaante nahin। haan, bachchon ko kaha jaata hai - government ko samjhaao ki ham sab mil-kar maa-baap ke paas jaate hain, unhon ko bachchon ke liye toli bhejni hoti hai। yahaan to saaph kah dete ki hai hi nahin। laachaari thodi de dete hain। jaise phakeer logon ko koi saahookaar hoga to mutthi bharkar de dega। gareeb hoga to thoda bahut de dega। cheeni aadi aa sakti hai parantu bachchon ka yog kam ho jaata hai। yaad na rahne kaaran, deh-abhimaan mein aane ke kaaran koi kaam ho nahin sakta। yeh kaam padhaai se itna nahin hoga jitna yog se hoga। woh bahut kam hai। maaya yaad ko uda deti hai। roostam ko aur hi achhi reeti pakadti hai। achhe-achhe first class bachchon par bhi grahchaari baithti hai। grahchaari baithne ka mukhya kaaran yog ki kami hai। grahchaari ke kaaran hi naam-roop mein phans marte hain। yeh badi manzil hai। agar sachchi manzil paani hai, to yaad mein rehna pade।

baap kehte hain - dhyaan se bhi gyaan achha। gyaan se yaad achhi। dhyaan mein jaasti jaane se maaya ke bhooton ki praveshta ho jaati hai। aise bahut hain jo phaaltu dhyaan mein jaate hain। kya-kya bolte hain, un par vishvaas nahin karna। gyaan to baba ki murli mein milta rehta hai। baap khabardaar karte rehte hain। dhyaan koi kaam ka nahin hai। bahut maaya ki praveshta ho jaati hai। ahankaar aa jaata hai। gyaan to sabko milta rehta hai। gyaan dene vaala shivbaaba hai। mama ko bhi yahaan se gyaan milta tha na। unko bhi kahenge manamnaabhav। baap ko yaad karo, daiveegun dhaaran karo। apne ko dekhna hai ham daivi gun dhaaran karte hain? yahaan hi daiveegun dhaaran karne hain। koi ko dekho abhi first class avastha hai, khushi se kaam karte, ghante ke baad krodh ka bhoot aaya, khatma। phir smriti aati hai, yeh to hamne bhool ki। phir sudhar jaate hain। ghadi-ghadi ke ghadiyaal - baba paas bahut hain, abhi dekho bade meethe, baba kahenge aise bachchon par to kurbaan jaaoon। ghante baad phir koi na koi baat mein bigad padte। krodh aaya, saari ki kamaai khatma ho gai। abhi-abhi kamaai, abhi-abhi ghaata ho jaata। saara madaar yaad par hi hai। gyaan to bada sahaj hai। chhota bachcha bhi samjha le। parantu main jo hoon, jaisa hoon, yathaartha reeti jaanen। apne ko aatma samjhen, is reeti chhote bachche thode hi yaad kar sakenge। manushyon ko marne samay kaha jaata hai bhagwan ko yaad karo। parantu yaad kar na sake kyonki yathaartha koi bhi jaante nahin hain। koi bhi vaapis ja nahin sakte। na vikarma vinaash hote hain। parampara se rishi-muni aadi sab kehte aaye ki rachta aur rachna ko ham nahin jaante। woh to phir bhi satoguni the। aaj ke tamopradhaan buddhi phir kaise jaan sakte। baap kehte hain yeh lakshmi-naaraayan bhi nahin jaante। raaja-raani hi nahin jaante to phir praja kaise jaanengi। koi bhi nahin jaante। abhi sirf tum bachche hi jaante ho। tumhaare mein bhi koi hain jo yathaartha reeti jaante hain, kehte hain baba ghadi-ghadi bhool jaate hain। baap kehte hain - kahaan bhi jaao sirf baap ko yaad karo। badi bhaari kamaai hai। tum 21 janmon ke liye nirogi bante ho। aise baap ko antarmukh ho yaad karna chaahiye na। parantu maaya bhulaakar toofaan mein la deti hai, ismen antarmukh ho vichaar saagar manthan karna hai। vichaar saagar manthan karne ki baat bhi abhi ki hai। yeh hai purushottam banne ka sangamayug। yeh bhi wonder hai, tum bachchon ne dekha hai - ek hi ghar mein tum kehte ho ham sangamayugi hain aur half partner va bachcha aadi kaliyugi hai। kitna farka hai। badi maheen baat baap samjhaate hain। ghar mein rehte hue bhi buddhi mein hai ki ham phool banne ke liye purushaartha kar rahe hain। yeh hai anubhav ki baaten। practical mein mehnat karni hai। yaad ki hi mehnat hai। ek hi ghar mein ek hans to doosra bagula। phir koi bade first class hote hain। kabhi vikaar ka khyaal bhi nahin aata hai। saath mein rehte bhi pavitra rehte hain, himmat dikhaate hain to unhein kitna oonch pad milega। aise bhi bachche hain na। kai to dekho vikaar ke liye kitna maarte jhagda karte hain, avastha woh honi chaahiye jo sankalp mein bhi kabhi apvitra banne ka khyaal na aaye। baap har prakaar se raay dete rehte hain। tum jaante ho shri shri ki mat se ham shri lakshmi, shri naaraayan bante hain। shri maana hi shreshtha। satayug mein hai number one shreshtha। treta mein do degree kam ho jaati hain। yeh gyaan tum bachchon ko abhi milta hai।

is eeshvareey sabha ka kaayda hai - jinhen gyaan ratnon ka kadar hai, kabhi ubaasi aadi nahin lete hain unhein aage-aage baithna chaahiye। koi-koi bachche baap ke saamne baithe bhi jhutka khaate, ubaasi dete rehte। unko phir pichhaadi mein jaakar baithna chaahiye। yeh eeshvareey sabha hai bachchon ki। parantu kai braahmaniyaan aise-aise ko bhi le aati hain, yoon to baap se dhan milta hai, ek-ek versions laakhon roopaye ka hai। tum jaante ho gyaan milta hi hai sangam par। tum kehte ho baba ham phir se aaye hain behad ka varsa lene। meethe-meethe bachchon ko baba baar-baar samjhaate hain yeh chhi-chhi duniya hai, tumhaara hai behad ka vairaagya। baap kehte hain is duniya mein tum jo kuchh dekhte ho woh kal hoga nahin। mandiron aadi ka naam nishaan heen nahi rahega। vahaan svarga mein unhon ko puraani cheez dekhne ki darkaar nahin। yahaan to puraani cheez ka kitna moolya hai। vaastav mein koi cheez ka moolya nahin hai sivaae ek baap ke। baap kehte hain main na aaoon to tum raajaai kaise lo। jinko maaloom hai vahi aakar baap se varsa lete hain, isliye koton mein koi kaha jaata hai। koi bhi baat mein sanshay nahin aana chaahiye। bhog aadi ki bhi rasma-rivaaj hai। inse gyaan aur yaad ka koi connection nahin hai। aur koi baat se tumhaara tailuk nahin। sirf do baaten hain alpha aur be, baadshaahi। alpha bhagwan ko kaha jaata hai। anguli se bhi aise ishaara karte hain na। aatma ishaara karti hai na। baap kehte hain bhakti maarga mein tum mujhe yaad karte ho। tum sab mere aashik ho। yeh bhi jaante ho baba kalpa-kalpa aakar sab manushya maatra ko duhkh se chhudaae shanti aur sukh dete hain, tab baba ne kaha tha ki sirf yeh board likh do ki vishwa mein shanti behad ka baap kaise sthaapan kar rahe hain so aakar samjho। ek second mein vishwa ka maalik 21 janma liye banna hai to aakar samjho। ghar mein board laga do, teen pair prithvi par tum bade se badi hospital, university khol sakte ho। yaad se 21 janma liye nirogi aur padhaai se svarga ki baadshaahi mil jaati hai। praja bhi kahegi ki ham svarga ke maalik hain। aaj manushyon ko lajja aati hai kyonki narkavaasi hain। khud kehte hain hamaara baap svargavaasi hua, to narkavaasi ho na। jab marenge to svarga mein jaayenge। kitni sahaj baat hai। achha kaam karne vaale ke liye khaas kehte hain yeh bahut mahaadaani tha। yeh svarga gaya। parantu jaata koi bhi nahin hai। naatak jab poora hota hai to sabhi stage par aakar khade hote hain। yeh ladaai bhi tab lagegi jab sabhi actors yahaan aa jaayenge phir lautenge। shiv ki baraat kehte hain na। shivbaaba ke saath sabhi aatmaayen jaayengi। mool baat abhi 84 janma poore hue। ab is jutti ko chhodna hai। jaise sarpa puraani khaal chhod nai lete hain। tum nai khaal satayug mein lenge। shreekrishna kitna khoobsoorat hai, kitni usmein kashish hai। first class shareer hai। aise ham lenge। kehte hain na - ham to naaraayan banenge। yeh to sadi hui chhi-chhi khal hai। yeh ham chhodkar jaayenge nai duniya mein। yeh yaad karte khushi kyon nahin hoti, jab kehte ho ham nar se naaraayan bante hain! is satya naaraayan ki katha ko achhi reeti samjho। jo kehte ho woh karke dikhaao। kahni, karni ek chaahiye। dhandha aadi bhi bhal karo। baap kehte hain haathon se kaam karo, dil baap ki yaad mein rahe। jitni-jitni dhaarna karenge utna tumhaare paas knowledge ki value hoti jaayegi, knowledge ki dhaarna se tum kitna dhanvaan bante ho। yeh hai roohaani knowledge। tum aatma ho, aatma hi shareer se bolti hai। aatma hi gyaan deti hai। aatma hi dhaaran karti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya ki puraani cheezon ko dekhte hue bhi nahin dekhna hai। nar se naaraayan banne ke liye kahni, karni ek samaan banaani hai।

2) avinaashi gyaan ratnon ka kadar rakhna hai, yeh bahut badi kamaai hai, ismen ubaasi ya jhutka nahin aana chaahiye। naam-roop ki grahchaari se bachne ke liye yaad mein rahne ka purushaartha karna hai।

vardaan:- baap ki chhatrachhaaya ke neeche naazuk paristhitiyon mein bhi kamal pushpa samaan nyaare aur pyaare bhav

sangamayug par jab baap sevaadhaari ban karke aate hain to chhatrachhaaya ke roop mein bachchon ki sada seva karte hain। yaad karte hi second mein saath ka anubhav hota hai। yeh yaad ki chhatrachhaaya kaisi bhi naazuk paristhitiyon mein kamal pushpa ke samaan nyaara aur pyaara bana deti hai। mehnat nahin lagti। baap ko saamne laane se, sva sthiti mein sthit hone se kaisi bhi paristhiti parivartan ho jaati hai।

slogan:- baaton ka parda beech mein aane na do to baap ke saath ka anubhav hota rahega।

avyakt ishaare - aatmik sthiti mein rahne ka abhyaas karo, antarmukhi bano

kisi bhi vighna se mukta hone ki yukti hai - second mein svayan ka swaroop arthaat aatmik jyoti swaroop smriti mein aa jaae aur karma mein nimitta bhaav ka swaroop - is double light swaroop mein sthit ho jaao to second mein high jump de denge। koi bhi vighna aage badhne mein rookaavat nahin daal sakega।